( الحلقه الرابعه )
.....
سالى : ههههههههههههه والله العظيم مجنونه بنت مجانين فعلا
مى : انتى لسا شوفتى جنان ... االواد ده يانا ياهو ف الشركه . هطفشهولك ... مش عارفه ليه حاسه انى عاوزه ارخم عليه كده واكرهه ف عيشته
سالى : هههههههه ربنا يوفقك
.....
اميره : ايه ياسطا مالك من ساعة ما قعدت وانا شايفاك عينك على الترابيزه اللى ورايا دى . البنتين عاجبينك ؟ هههههههههه
احمد : عاجبينى ؟ مانتى عارفه انى ماليش ف جو الحب ده ... اللى بعوزها على طول بتجيلى
اميره : ههههههههههه يا جامد .. المهم هترد عليا امتى ف الموضوع بتاعى
احمد : ادينى يومين وهرد عليك
اميره : تمام اوى
.....
مى : سالى انا عاوزه اروح بقا عشان كده هتاخر وماما هتفتحلى موشح وهتبهدلنى
سالى : ايوه يلا .. كانت خروجه حلوه . هعدى عليك بكره الصبح ماشي نروح الشغل مع بعض
مى : مالوش داعى يابنتى انا عارفه هروح ازاى وهاجى ازاى ماتربطيش نفسك بيا
سالى : مالكيش دعوه بقي .. 7 بالظبط هتلاقينى تحت البيت عندك . ابوس ايدك مش عاوزين نتأخر
مى : لا مش هتأخر انا . المهم انتى ماتتأخريش
........
اميره : ايه يا أخينا عينك ع البنات . فيه ايه
احمد : هاا . مافيش يابنتى فيه ايه انتى ؟
اميره : انت مش عاجبنى على فكره
................
( تانى يوم الصبح بدرى قدام الشركه )
سالى : ايه ده ؟ ده الواد جاى
مى : واد مين ؟
سالى : صاحبنا ههههههههه جاى ورانا
مى : احيييه ! ماتبصيش بقي اعتبرى نفسك مش شايفه
سالى : تمام تمام
........
احمد : ( بيلمح البنات وهما ماشيين قدامه بيبتسم تلقائي )
حارس الشركه تامر : صباح الفل يا مستر احمد
احمد : هششش اخرس . وطى صوتك
تامر : خير يا ريس
احمد : ياعم وطى صوت امك هتفضحنى مش عاوزهم يعرفوا
تامر : مين يا ريس
احمد : تامر ! امشى يا تامر
تامر : امر ك يا ريس
............
احمد : الو ! داليا تعاليلى من فضلك
داليا : حاضر يا فندم
.....
داليا : تحت امرك يا فندم
احمد : هاتيلى الملف بتاع البنتين اللى اشتغلو ف الحسابات امبارح
داليا : ف ال HR تحت اجيبهم لحضرتك ؟
احمد : هو انا بكلم هندى ... ف ال HR او في غير ال HR هاتيهملى بعد اذنك اتصرفى
داليا : حاضر يا فندم متأسفه
احمد : اتفضلى
........
داليا : اوووووف ! الوووو
ساره : ( موظفه في ال HR ) الو !
داليا : ساره ابعتيلى ملفين البنتين اللى اشتغلو امبارح مع اى حد والنبى
ساره : حاضر .. انتى مالك كده ؟
داليا : دى شغلانه ما يعلم بيها الا ربنا . مابيلاقيش حد يتعصب عليه غيرى ف ام الشركه دى انا زهقت
ساره : ههههههههههههه معلش استحملى . هو رخم شويه بس طيب
داليا : متزفتين اهو .... ابعتيلى الملفين بسرعه بعد اذنك
.............
وليد : اللى هيكون مشرف على تدريبكو اليومين دول . هو الاستاذ عمرو
عمرو : ( 26 سنه . نحنوح وبتاع بنات ) اهلا . اهلا بالزمايل الجداد
مى : اهلا بيك يا مستر عمرو
سالى : اهلا بحضرتك يا مستر عمرو
عمرو : لا تقولو عمرو بس . احنا بقينا زمايل خلاص
مى : لا ماينفعش حضرتك كبير مقام وسن هنا
عمرو : كبير ايه ؟ سن ؟ انتى كم سنه
مى : 24
عمرو : انا 26 يعنى فين فرق السن ده ههههههههههه
وليد : بقولك ايه يا عمور ... 3 ايام بالظبط ويكونو فاهمين الشغل ماشي ازاى . انا معتمد عليك
عمرو : واقل من كده يا ريس عيونى
وليد : ركزوا بقا يا بنات . وطبعا معاكو مستر محمد ومستر عصام .. وفيه زميلتكو بس هى تحت وزمانها طالعه اسمها هند
مى : تمام يا مستر وليد . متشكرين جدا يا جماعه
عمرو : طب يلا بينا ولا ايه ...
سالى : يلا
..............
احمد : الو !
وليد : صباح الخير يا مستر احمد
احمد : ايه يا وليد عامل ايه
وليد : بخير يا ريس .
احمد : اخبار التقارير ايه .
وليد : هسلمهالك النهارده يا ريس ... انا مخلى هند وعصام شغالين عليها من امبارح
احمد : احححم . البنتين اللى اشتغلو عاملين ايه
وليد : لا كويسين واذكيا ماشاء الله .... مخلى عمرو مالوش شغلانه غيرهم النهارده وبكره وبعده .
احمد : ايه ؟ عمرو ؟
وليد : اه
احمد : لا بقولك ايه . كويس انك فكرتنى اصلا . عمرو خليه يروح يستلم شغله ف الفرع التانى بتاع المعادى من النهارده .... واهو ياسيدى جنب بيته بدل ماهو واجعلى دماغى بقاله اكتر من شهر انه عاوز ينقل
وليد : ابلغه دلوقتى ؟
احمد : اه ... خليه يسلم حاجته لعصام .. وواحده من البنات الجديده تمسك مكانه
وليد : طيب اقعد مين مع البنات
احمد : اقعد انت معاهم يا وليد ... هيعتبروك اخوك الكبير وهيفهموا بسرعه . الملفات بتاعتهم بتقول انهم شطار
وليد : تمام يا ريس
احمد : خلى عمرو يمشى دلوووووقتى . يسلم نفسه دلوقتى ويستلم النهارده الشغل هناك
وليد : خلاص تمام يا ريس
........
احمد : الو ! داليا معلش اتصليلى على البنتين بتوع الاعلانات خليهم ييجو
داليا : حاضر يا فندم
...........
داليا ( بتكلم نفسها ) : استغفر الله العظيم يارب هو قالى ايه . قالى هاتيلى البنتين بتوع ايه ؟ انا مكنتش مركزه ماهو طالما بنتين يبقي البنتين اللى لسا متعينين جديد .. اكيد هما يعنى منا لو كلمته اساله تانى هيسمعنى كلمتين ف جنابى وانا مش مستحمله . هما اكيد البنتين اللى لسا متعينين جديد ف الحسابات ... الو ! شهد ! ابعتيلى البنتين مستر احمد عاوزهم
شهد : مين ؟ مي وسالى ؟
داليا : اه هما !
الحلقة الخامسه من هنا
