#الحلقة_الثامنه
جلس جاسم علي الاريكة وهو يضع عمرو علي
رجليه "بص بقي يا بطل بصراحة كده
انا جاي اطلب ايد مامتك يا عمرو
انا عايز اتجوز مامتك عشان عايز افضل معاك علي طول وتبقي ابني
ريم :بغضب "انت اتجننت يا جاسم
جاسم:لا متتجننتش يا ريم "انا جاي عايز اتجوزك عمرو:وبابا يا ماما هتتجوزي واحد غير بابا
ريم:روح علي اوضتك يا عمرو دلوقتي
عمرو:لا مش هروح انا عايز اعرف
صرخت ريم في وجهه "قولت روح علي اوضتك يلا
ركد عمرو الي غرفته وهو يبكي
غضب جاسم منها ومن صراخها في هذا الطفل
جاسم:ممكن اعرف ايه مشكلتك يا هانم
ريم:سبق وبعتلك رساله فهمتك اني مش هينفع
قبض جاسم علي يداها بقوة"هو ايه الي مش هينفع "انتي ايه حكايتك بظبظ يا ريم
ريم:وهي تتألم من قبضته "سيب ايدي والا والله هصوت والم عليك الناس
ابتعد جاسم وهو ينظر لها بصدمة"انا ياريم انا عايزة تعملي معايا كده طيب ليه
ريم:ببكاء عشان ابني ابني يا جاسم انا لو قربت منك رافت هياخد ابني تاني وهيحرمني منه
انا لما صدقت يبقي في حضني
جاسم :ومين قالك اني هخليه يخدو تاني يا ريم
اسمعيني كويس يا ريم "انا ربنا حرمني من الخلفة "حرمني من السعادة والراحة "انا عايز افتح صفحة جديدة معاكي ومع عمرو عايز تكونو عيلتي
هو ابني الي اتحرمت منه وانتي مراتي وحببتي
ريم: وهو انت فاكر اني مش نفسي في كده
يا جاسم ارجوك سبني خليني اربي ابني
اقترب جاسم وهو يحضن وجهها بين كفيه
وانا بوعدك ان ابنك هيبقي في حضنك انا هخلي رافت يتنازل عن الحضانة ليكي بس اوعديني نتجوز يا ريم
ريم:انت بتحلم يا جاسم بتحلم "رافت مستحيل هيوافق علي حاجة زي كده
جاسم:لا هيوافق مش هيبقي ليه خيار تاني صدقيني انا هخليه يتنازل بس اسمعي كلامي
خلينا نتجوز ويتلم شملنا بقي
ريم :طيب وعمرو مستحيل يتقبل الموضوع
جاسم:سيبي عمرو عليا انا يا حببتي انا هخليه يوافق انا هتقرب منه اكتر عشان يتعلق بيه
انا هعوضه عن كل حاجة "انا هبقي ابوه التاني
ريم:ماشي يا جاسم انا موافقة بس بشرط
هتلي ورقة فيها تنازل عن الحضانة
جاسم: هجبهالك بس لو حاولتي ترجعي في كلامك تاني يا ريم هتزعلي مني
ريم:مش هرجع يا جاسم "انا نفسي ابقي في حضنك ومعاك
ابتسم جاسم بفرحة ثم ضمها اليه بحب
ريم:جاسم عمرو جوة ارجوك ابعد
حمل جاسم علي نفسه وهو يبعدها عنه
ماشي يا ريم انا همشي دلوقتي "بكرة عايزك تروحي النادي ده تفسحي عمرو هناك "انا هكون هناك لازم اتقرب منه الاول صدقيني كل حاجة هتبقي تمام
ريم:حاضر يا جاسم انا همشي وراك ولما نشوف اخرتها
جاسم:اخرتها هتبقي مراتي وحلالي ان شاء الله ريم :يارب يا جاسم يارب
.....................
في صباح
اخذت ريم ابنها عمرو الي النادي "قابلها جاسم
وهو يقترب من عمرو "اهلا اهلا يا بطل
نظر عمرو الي ولدته ثم تزمر بضيق
انا عايز اروح يا ماما
ريم:ليه بس يا عمورة يا حبيبي عمو جاسم عزمني علي الغدا
عمرو:يووووه انا مش بحب الراجل ده هو السبب ان بابا مش معانا
نفخ جاسم بضيق وتبادل النظرات بين عمرو وريم
انحني لعمرو الي مستواه "مين قالك كده يا عمرو "احنا مش كنا صحاب
عمرو:بابا قالي انك وحش وشرير وانك عايز تاخد ماما وتبعدها عني
جاسم:انا "لا طبعا يا عمرو انا بحبك وبعتبرك زي ابني وبعدين انا عمري ما هاخد منك مامتك
بص يا بطل احنا هنعمل اتفاق بنا " عشان ماما تفضل معاك علي طول " انا هتجوز مامتك
وبعدين هخدك تعيش معايا انت وهي
ولو في يوم انا اخت منك مامتك يبقي اعمل انت عاوزه "انت راجل مش كده يعني تقدر تحمي
ماما مني ومن اي حد ولا لا
عمرو:ايوة طبعا اقدر محدش يقدر ياخدها مني
حملة جاسم وهو بتسم له "ايوة كده يا بطل
بقولك تيجي نلعب انا وانت وماما كورة سلة
عمرو:بس انا مش بعرف العبها
جاسم:هعلمك يا عمرو انت وماما "جاهز
نظر عمرو الي والدته التي كانت تتابعهم
هتلعبي معانا يا مامتي
ريم:لو انت عايز يا حبيبي هعلب عشانك
عمرز:اه عايز العب يا ماما
جاسم:قشطة يا بطل يلا بينا بقي ركد به جاسم الي الملعب تبعته ريم وهيا تبتسم بسعادة علي ابنها وحبيبها الذي تعشقة
......................
خرج الثلاثة من النادي "اخذ جاسم يد عمرو وهو يذهب الي محل لعب الأطفال بجوار النادي
ريم:انت مودينا فين يا جاسم
جاسم : هنشتري لعب حلوه للبطل الي كسب
عمرو:لعب ليا انا بجد يا عمو
ريم:ملهوش لزوم يا جاسم عمرو عنده لعب كتير
نزل جاسم لمستوي عمرو :قولي نفسك في اي لعبه يا عمرو قولي يا حبيبي وملكش دعوة بماما خالص متتكسفش مني "محدش بيتكسف من صاحبه وانا وانت اصحاب ولا ايه
عمرو:ايوة يا عمو اصحاب "انا نفسي في بلاستيشن بابا مرضيش يجبهولي
عمرو عيب كدة قالتها ريم بصرامة
حمل جاسم عمرو ثم نظر لريم "متزعقيش فيه تاني يا ريم فاهمة عمرو من النهاردة ابني
وتركها ليدخل الي محل لعب الاطفال
....................
وقف جاسم سيارته امام منزله الكبير
ريم:ايه ده يا جاسم بيت مين ده
جاسم:ده يا ستي بيتي بيت العيلة "دور الاول بتاع ماما وبابا الله يرحمه والدور تاني بتاع عمي الله يخربيته ودور التالت بتاعي انا والزفته الي متجوزها "اما بقي الدور الرابع "بتاعي انا وانتي يا ريم "انا جهزتلك شقة علي اكمل وجه
هتعيشي فيها انتي وعمرو عشان تبقو تحت عيني واقدر اطمن عليكي
ريم:انت مجنون يا جاسم اقعد بصفتي ايه
جاسم:مراتي يا ريم دي مش صفة كفاية
ريم:بس لسه مبقتش مراتك احنا اتفقنا
جاسم:وانا عندي وعدي "بس مستحيل اسيبك عايشه في شقة مفروسة ولوحدك "هتعيشي فوق بصفتك خطبتي يا ستي مؤقتا
ريم:لا طبعا يا جاسم انا مقدرش اعيش في وسطهم كده "مش ليا عين انا اخدتك من مراتك
جاسم:بصرامة"قولت هتعيشي هنا يعني هتعيشي هنا "هو كلها كام يوم واجبلك الورقة
ريم:بس يا جاسم
قاطعها جاسم بغضب"ريم خلاص بقي "انزلي
نزل جاسم قبلها ثم فتح لها بابها ثم اخذ منها عمرو الذي كان نائم علي صدرها "نزلت ريم وهيا تتابعة بخطوات بطيئة وخوف
ضم جاسم عمرو بين حضنه ثم مد يداه ليمسك يداها ليخفف توترها وخوفها الشديد
قابلتهم والدته التي كانت تنزل من عند عمه
نظرت بصدمة الي الفتاه والطفل الذي يحمله
مين دول يا جاسم ومين الولد الي انت شيله
جاسم:ده عمرو يا ماما ابن ريم "دي ريم الي حكتلك عنها
نظرت والدته الي ريم نظرات صاقبة ثم عادة النظر الي جاسم"طيب يا حبيبي نزل الواد من علي صدرك "كده هتتعب
جاسم:لا يا امي مفيش تعب بالعكس انا مبسوط كده ثم غمز لوالدته لكي ترحب بريم
تجاهلت والدته نظراتة وهيا تنزل من الدرج لكي تقترب منها
بلعت ريم ريقها بصعوبة ثم مدد يداها المرتعشة
ازاي حضرتك يا طنط
نظرت والدة جاسم لها بقرف ثم تجاهلت يداها المدودو وهيا تبتعد عنهم
منعت ريم دموعها من الهبوط ثم تحدثت بصرامة
جاسم لو سمحت مشيني من هنا
جاسم:لا قولت لا وبعدين انتي لسه كنتي بتقولي ان كلهم فكرين ان اختديني من الزفته
منال احنا هنتعب مع ماما شوية بس استحملي عشان خاطري انا وحياتي عندك
لانت ريم بعد الحاحه وزنه عليها "حاضر يا جاسم
فتح جاسم باب المصعد لها "اتفضلي يا حببتي
دخلت ريم الي باب المصعد وخلفها جاسم
صعد جاسم الي اخر طابق وهو عبارة عن شقة واحدة
فتح لها الباب ثم وقف وهو يبتسم "اتفضلي دخلت ريم المنزل وهي تراه بانبهار واعجاب
دخل جاسم الي غرفة صغيرة جميلة جهزها
لعمرو مخصوصا
انبهرت ريم بالغرفة الجميلة "الله يا جاسم
وضع جاسم عمرو برفق علي الفراش ثم وضع عليه الغطاء ثم قبلة من راسه
اقتربت ريم منه وهي تضع يداها علي ظهرو
كل ده لينا يا جاسم معقول الغرفة دي مجهزها عشان عمرو مخصوص
اقترب جاسم وهو يبتسم لها "ايوة يا ريم
عشانكم طبعا "انتي متعرفيش انتي وعمرو بنسبالي ايه "انتي حببتي وروحي اللي عادت ليا وهو ابني الي اتحرمت منه قبل مايجي
ريم:ربنا يخليك لينا يا جاسم
اقترب من وجه ريم ليطبع قبلة حميمة
ابتعدة ريم عنه فورا وهيا تحذره "انا قولت مش هتقرب مني الا بالحلال يا جاسم
جاسم:لا بجد حرام عليكي انتي عيزاني اصبر لحد ما منتجوز بعد كام يوم
ريم"امال عايز اعيد كل الحاجات الوسخة الي كنا بنعملها "جاسم انا عايزة ابدء صفحة نظفيه معاك ارجوك بجد حافظ علي كده
جاسم:طيب يبقي نتجوز بكره يا ريم
ريم:والله ورافت لو عرف هنعمل ايه
جاسم:يادي رافت يا بنتي متخافيش انا اقدر احميكي منه
ريم:قولت لا مفيش جواز قبل ورقة التنازل
نفخ جاسم بضيق"ماشي يا ريم لما اشوف اخرتها معاكي
اقترب منها ثم طبع قبلة سريعا علي خدها ثم ركد مثل الطفل اللي الخارج
ابتسمت ريم علي جنونه ثم اقتربت من ابنها
لكي تنام بجوارة "ربتت عليه بحنو وهي تحدثة
يارب يا عمرو جاسم يعوضك ويعوضني عن ابوك القاسي علينا "اخذته في حضنها ثم وضعت راسها عالوسادة لكي تنعم بنوم هادئ تحت السعادة المؤقته التي بدخلها ....يتبع
الجزء التاسع من هنا
