الحلقه الثانيه و الاخيره مكالمه مجهوله
أيه بصوت خايف ايوة ياسمر انا عرفت مين صاحب الرقم
_ مين يا أيه قولي بسرعه
_ أيه: الرقم ده ب أسم رجل الاعمال المشهور قاسم العادلي
_ قاسم العادلي🤨🤔🤔 طيب وهو يعرفني منين وجاب رقمي منين وبعدين يا أية الي كلمني دا راجل صوتو كبير فالسن مستحيل يكون هو قاسم العادلي دا شاب صغير وانا عارفه صوتو كويس بسمعو كتير فالتليفزيون انتي متأكده يا أية ان الرقم ده بأسمه
_ ايوة والله ياسمر متأكده
_ طيب يا أية انا عاوزه منك اخر خدمه ومش هطلب منك حاجه تانيه
_ اتفضلي يا سمر
_ انا عوزاكي تجيبيلي موقع المكان الي كلمني منو
_لأ يا سمر مش هقدر ارجوكي كفايه لحد كده ومتعمليش مشاكل وخرجي نفسك من الموضوع ده دي ناس كبيرة في البلد واحنا مش قدهم
_ ارجوكي يا أيه مش هطلب منك حاجه تاني والله
_ هحاول يا سمر حاضر
قفلت معاها وانا بكلم نفسي ايه علاقة قاسم العادلي بيا ومين ال كان بيكلمني ده الموضوع ميطمنش خالص
فجأه تليفوني رن رديت بسرعه دي أيه
_ ايوة ياسمر الي كلمك ده كلمك من مكان علي الطريق الصحراوي الكيلو ٨٩
_ ياترا هيكون مين ده يا أيه انا هتجنن
_ سمر طلعي نفسك من القصه دي خالص انتي مش أد الناس دي
_ حاضر يا أيه خلاص سلام
قفلت التليفون واعدت افكر مع نفسي يا ترا هيكون مين الي كلمني و ايه المكان ده وروحت عشان انام بس معرفتش انام صوت الراجل الي كان بيكلمني بيرن فوداني ياترا هو مين انا لازم اروح واعرف بنفسي بس هروح مع مين والدتي ست مريضه عمرها ما هتقدر تنزل من البيت ووالدي متوفي ومعنديش اخوات ولو حكيت لحد هيخاف يجي معايا
انا هروح لوحدي عشان ضميري يرتاح وخلاص ...
تاني يوم اول مالنهار طلع حضرت نفسي اروح وركبت الباص ونزلت عند الكيلو ٨٩ السواق استغرب
_ انتي نازله هنا يا انسه تعملي ايه
_ رايحه لقرايبي
_ قرايب ايه يا انسه دا مكان مهجور
_ يا عم خليك في حالك
_ براحتك يا آنسه اتفضلي انزلي انتي حرة
نزلت وانا مرعوبه المكان كلو صحرا فضلت ماشيه الكيلو ٨٩ من اولو وفي اخرو لقيت فيلا كبيرة هي الوحيده ال موجوده فالمكان ده
كنت خايفه ادخلها جدا بس فضولي قتلني قلت يمكن اوصل لحاجه
دخلتها لقيتها فيلا مهجوره طلعت فوق كل الشقق مفتوحه ومفيش اي حد فقدت الامل رحت نازله قلت اروح وخلاص لحسن الوقت يتأخر ومعرفش اروح وانا نازله لقيت اوضه تحت السلم مقفوله بقفل استغربت جدا اشمعنا الأوضه دي الوحيده ال مقفوله وباقي الشقق مفتوحه حاولت ازقها متفتحتش افتكرت اني كنت بشوفهم فالتليفزيون بيفتحو القفل ببنسة الشعر
جبت البنسه من شعري واعدت احاول وبالفعل القفل فتح
قلبي اتقبض لما القفل فتح وفتحت الباب دخلت لقيت الاوضه منورة ب لمبه صغيرة وريحتها قذرة جدا ومليانه حشرات ولقيت في اخر الاوضه راجل عجوز رجليه مقطوعه وايدو مربوطه ب جنزير حديد نايم اتخضيت وجسمي اتنفض
رحتلو صحيتو وقولتلو انت مين صحي مفزوع
_ انتي الي مين ...
حكيتلو عالي حصل كلو وانا جيت هنا ازاي وصاحبتي والرقم والمكان
مقدرش يمسك دموعو ولقيتو بيقول
الحمد لله ياااارب انا كنت خايف اموت هنا لوحدي
قولتلو انت مين الي عمل فيك كده...
_ انا يابنتي ابقي والد قاسم العادلي المشهور وهو الي عمل فيا كدا من ساعه ما عملت الحادثه ورجلي اتقطعت جابني هنا ورماني عشان خايف حد يعرف انو عندو أب معاق
_ طيب ازاي دا بيعمل اعمال خيريه كتير وكلنا بنحبه ونحترمه
_ بيعمل اعمال خيريه !!!!! وبدأت دموعه تنزل اكتر وقال دنا ياما اترجيتو قولتلو ارميني فالشارع او فدار مسنين بلاش تدفني بالحيا قالي عشان تفضحني ويعرفو انك ابويا
_ مقدرتش امسك دموعي وافتكرت ابويا الي مات وانا صغيرة وكان نفسي هو الي يربيني وازاي حد يعمل ده في ابوه
وانت ازاي اتصلت بيا وجبت رقمي منين
_ اليوم ده قاسم كان جاي يرميلي الاكل بتاعي زي كل اسبوع وهو ماشي اتكعبل والتليفون ده وقع من جيبو خدتو وخبيتو وقلت هكلم اي رقم يمكن حد يقدر يلحقني ومكنتش اعرف انك هتدوري عليا يابنتي انا بشكرك جدا طلعيني انا عايزه اموت برة مش عاوز اتدفن بالحيا هنا
_ حاضر بس قبل ما اطلعك ابنك دا لازم ياخد جزائه عالي عملو
_ الي تشوفيه يابنتي بس طلعيني
اتصلت بالشرطه وقلتلها عالمكان وبعد نص ساعه جم كلهم وكانو في حاله ذهول وقبضو علي قاسم العادلي
ولما شفتو كنت عاوزه اعرف هو عمل كده ليه شفتو لقيتو بكل جبروت بيقولي: انتي ايه ال جابك هنا ؟.؟
_ قولتلو انت ازاي هان عليك تعمل كده في ابوك كل ده عشان الفلوس والشهرة اديك اتفضحت وهتتحبس ...ضيعت ابوك وضيعت فلوسك
اكتفي بالسكوت ومعرفش يقولي ايه وخدوه عالقسم عشان يحققو معاه
وطلعو الراجل الغلبان من التربه الي ابنو كان دفنو فيها وهو حي وهو طالع لقيتو بيقولي ربنا يباركلك يابنتي انتي رجعتيني تاني للدنيا وبيضحك في وشي ❤❤
النهايه..مكالمه مجهوله تمت بحمد لله
بدل ماتدور وتبحث علي الروايات خليها علي تليفونك وحمل تطبيقنا
