النصيب
الجزء الثالث
بقلم/غادة سعيد
الدكتور قال كلام صدمني معرفتش افرح ولا ازعل ولا اعمل ايه
_ يعني ايه يا دكتور اننا ممكن نخلف بس متنصحناش
_ العلم اتقدم دلوقتي بس للاسف المدام من كتر ما اخدت ادويه حصلها التصاقات ولازم تعمل عمليه بس المشكله الحقيقبه في سنها
_في خطوره علي صحتها
_ مش دي النقطه لكن الحقيقه نسبه انكم تجيبوا ابن مشوه او معاق كبيره جداااا
نزلت من عند الدكتور وانا مش عارف اقول ايه لعلا.....
وفي الاخر اخدت قرار اني مش هفكر في موضوع الخلفه ده تاني.....
انا مش عاوز اعلق علا بامل واعرضها لعمليات وادويه وحقن وتعب وفي الاخر تتصدم....رحت الصيدليه جبت فيتامينات وروحت
_ الدكتور قالك ايه.... ما تخبيش عليا بالله عليك
_ الحمد لله ياعلا ما قلش حاجه جديده
التحاليل كويسه وكتبلك علي ادويه بس انا عندي رأي تاني
_ رأي ايه
_ نسيبها علي ربنا....طول ما انت معايا انا مش محتاج حاجه
انتي عندي بالدنيا كلها والله يا علا البصه في وشك كفايه
ولاول مره علا متردش عليا اترمت في حضني وعيطت وكانها فهمت ان خلاص ما فيش امل.....
عشنا انا وعلا بعد الموقف ده في هدوء وحب وكان كل واحد فينا بيعوض التاني
كتابات ل ghada saeed
ومكنش في حاجه بتسود عليا حياتي غير اخويا
ومشاكله الي مش بتخلص مع مراته ...
خصوصآ انه عنده مشاكل فالشغل اليومين دول ومراته مش بتبطل طلبات عاوزه علي طول معاه فلوس ...
بعد اسبوع لقيته جاي يخبط عليا ويقولي ....
_ انا سيبت الشغل ومراتي سابت البيت وخدت العيال ومشيت ومش عارف اعمل ايه ....
طبعا فتحتله بيتي دا مهما كان اخويا هياكل ويشرب منين فضل قاعد معانا مدة ومكنش حتي بيحاول يدور علي شغل...
وبصراحه علا مشتاكتش منه بس انا حاسس بيها مش قاعدة براحتها فالبيت ...
لحد ما قررت اني خلاص هتكلم معاه انه لازم يدور علي شغل بس مش عاوز ادايقه بالكلام ...
_ ايه ياعامر ناوي تعمل ايه عشان ترجع مراتك وعيالك
_ مراتي مش هترجع غير لما اجيبلها فلوس واكون بشتغل
_ طيب مش ناوي تشتغل
_ انا عارف اني تقلت عليك بس انا تعبت من الشغل عند الناس انا نفسي اشتغل لوحدي
بصراحه كلامه ضايقني جدا خصوصأ اني معايا فلوس وممكن اساعده
لحد ما قررت اني هتكلم مع علا في موضوع مهم ...
بليل قعدت اتكلم معاها
_ علا انا عاوزك في موضوع مهم
_ خير ياعادل
_ علا انا قررت.....
الجزء الرابع من هنا
بدل ماتدور وتبحث علي الروايات خليها علي تليفونك وحمل تطبيقنا
