النصيب
الجزء الخامس والاخير
بقلم / غادة سعيد
لقيت مديري بيتصل بيا وبيقولي...
_ استاذ عادل احنا الشركه بتاعتنا للاسف قريب هتعلن إفلاسها واستغنينا عن معظم الموظفين وحضرتك منهم انا متأسف ليك وتقدر تيجي تاخد اوراقك في اي وقت....
قفلت المكالمه وحسيت ان الدنيا اسودت في وشي مبقتش عارف هعمل ايه هصرف انا ومراتي منين...
ليه يارب كده يعني انا عملت عمل خير مع اخويا وفالاخر يحصل معايا كده....
قررت اروح اقابل اخويا فالمصنع بتاعه....
اول ماشافني لقيت وشه اتغير قعدت وحكيتله علي الي حصل معايا....
لقيته فتح الدرج وطلعلي شوية فلوس كأني بشحت منه انا تخيلت انه هيخليني شريك معاه فالمصنع لانه من الاساس معمول بفلوسي وربنا كرمه وكبره وبقت الفلوس بتجري في ايده...
كتابات ل ghada saeed
بس للأسف هو معملش معايا كده ومفكرش انا هصرف منين انا ومراتي...
سيبته ومشيت ومردتش آخد الفلوس ونزلت دورت علي شغل باليوميه عالاقل يقضينا انا ومراتي اكل وشرب...
وعدا شهر وهو حتي مفكرش يتصل بيا ولا يعرف انا بصرف منين....
وفيوم لقيت ابنه جاي يبص عالشقق بتاعه البيت الي انا كاتبهلهم بكل بجاحه ماهنش عليه يخبط يسلم عليا...
ساعتها حسيت اني اتصرفت تصرف غلط...
كنت بشوف في عيون علا انها بتعاتبني انا ازاي عملت كده ووصلت بينا الحال لكده لكن مكنتش بترضي تتكلم عشان متجرحنيش...
حياتي فضلت كده شغال باليوميه لحد يوم وانا راجع من الشغل لقيت علا بتجري عليا وتقولي ....
_ عادل انا حامل ..
وعيونها كلها فرحه ...
انا كنت شكه اني غلطانه بس عملت تحليل من اسبوع وطلعت حامل وعشان معلقش نفسي ب حاجه رحت للدكتور النهاردة واكدلي اني حامل والحمل سليم...
_ انتي بتقولي ايه انتي بتتكلمي بجد بعد عشرين سنه هبقي اب الحمد لله يارب....
فضلت لمده اربع شهور ادعي لربنا ان الحمل يبقي كويس والطفل يبقي سليم....
رحنا للدكتور بعد اربع شهور اكدتلنا ان البيبي كويس وان علا حامل في ولد...
كتابات ل ghada saeed
بقيت طاير من الفرحه ...
بس انا ازاي ضيعت نفسي وابني لما يكبر مش هيلاقي حاجه يتسند عليها وهيلاقيني كتبت كل حاجه ب اسم ولاد عمه...
قررت اني هروح لاخويا عشان افرحه ان مراتي حامل وعشان يرجعلي حقي وحق ابني واكيد هو مش هيبص لحاجتي بعد ما الفلوس جريت في ايده وانا السبب بعد ربنا في كل الخير ده....
بس لما رحتله مكنتش اعرف انه جاحد كده صدمني صدمه عمري....
_ انا مضربتكش علي ايدك عشان تكتب لولادي البيت ولا استسمحتك عشان تعملي مشروع انت الي عملت كده من نفسك متجيش تطلب مني حاجه تاني وزي ماعملت الفلوس دي تقدر تعمل زيها لأبنك ومتبصش في رزق ولادي ....
اتصدمت من كلامه ومشيت روحت البيت وكان الحزن باين عليا
علا كانت بتواسيني وبتخليني احاول ماشيلش الهم...
عدت ال تسع شهور حمل علي خير الحمد لله وجبنا اجمل ولد فالدنيا كنا فرحانين بيه جدا واخويا حتي مهنش عليه يجي يشوفه....
بعد شهر جالي مكالمه تليفون صدمتني صدمة عمري...
واحد من الي شغالين مع اخويا كان جارنا زمان....
_ إلحق يا عادل اخوك ومراته وعياله كانوا رايحين العين السخنه يصيفوا والعربيه اتقلبت بيهم...
_ ايه انت بتقول ايه هما فين في انهي مستشفي....
خدت العنوان وطلعت اجري زي المجنون عمال اعيط فالشارع واول مدخلت المستشفي قعدت اسأل الناس الي هناك زي المجنون...
طلعلي الدكتور وقالي حضرتك قريب بتاع حادثه العين السخنه
_ ايوا يادكتور دا اخويا هو فين....
_ للأسف مقدرناش نعمله حاجه هما اصلا جايين هنا كانوا توفوا البقاء لله ....
هطلعلك تصريح الدفن....
مبقتش مصدق نفسي ولا الي سمعته اخويا الوحيد مات هو ومراته وعياله مبقاش ليا حد فالدنيا....
دخلت في نوبه اكتئاب شديد وعلا كانت بتهون عليا وابني كمان....
وفيوم لقين المحامي جاي وبيقولي..
_ حضرتك الوريث الوحيد ل استاذ عامر امضي هنا بإستلام كل آملاكه...
انا فعلا كنت عاوز ارجع فلوسي وفلوس ابني ...
لكن عمري ماكنت اتمني الاذي ل اخويا ولا هو ولا مراته وعياله...
علي أد مانا فرحان ان فلوسي وفلوس ابني رجعت واكتر
لكن زعلان اكتر ومحروق علي اخويا....
النهاية
بدل ماتدور وتبحث علي الروايات خليها علي تليفونك وحمل تطبيقنا
