قصة روح طفل الجزء الثاني2
الصبح ندهتلها و وريتها الفيديو و سألتها عنه ، عيطت و قالتلي إنها مش هتقدر تتكلم و لو عاوز أعرف لازم أسأل أخوها
و قد كان ...
ندهتله و خدته المكتب ، قعدت معاه أنا و مامته ، كان بيضحك و بيهزر و لما شاف الفيديو كشر و تنح في وشي ، مبيتحركش و لا بيرمش ، بيبصلي بغضب بس و فجأة إتكلم و أنا متأكد إن عمري ما هنسي اللي قاله خالص !!!
بدأ كلامه و قال : " العرايس يا بابا ، العرايس ! "
سألته بحذر : " عرايس إيه ؟؟ "
رد بهدوء : " كل العرايس اللي كنت بكسر دماغها يا بابا .. كلها ! "
سكت فجأة و وشه إتغير ، شهق بحزن و عيط بجنون ، كانت أول مرة يعيط بالحزن ده ، ما أعتقدش إن عمري شفت إنسان حزين أوي كده !
بدأ يكمل كلامه من بين دموعه : " أنا كنت بعمل كده عشان تسألوني ، تهتموا بيا و تشوفوا مالي "
سكت و كمل عياطه ، عشان أشجعه بدأت أقوله إن أنا و ماما بنحبك و مهما حصل عمرنا ما هنزعل منك مهما حصل ، كان متردد و خايف لكن بدأ يحكي : " أنا بكسر راس العرايس عشان ده .... ده اللي حصل معايا "
سكت لحظة و كمل : " لاريسا عارفة ، حكيتلها بس هي مزعجة و بتسأل أسئلة كتير عن الموضوع ده ، كنت بضربها عشان تسكت ، مكنتش عاوزها تقولكم علي الموضوع ده "
عيط تاني ، بحزن ... بخوف ... بغضب
عيط لحد ما دموعه وجعت قلبي ، طمنته و قلتله إن عمرنا ما هنبطل نحبه ، عمرنا ما هنبطل نخاف عليه ، مهما حصل دا إبننا
بدأ يحكي من بين دموعه و بصوت واطي مقطع : " أنا بكسر دماغ العرايس عشان ده اللي حصل معايا ، أنا إتولدت في فبراير 1808 ، أنا روح قديمة في جسم طفل ، لما كان عندي 15 سنة واحد صاحب بابايا القديم قتلني ، قعد يخبط راسي في الأرض لحد ما مُت ، مش قادر أفتكر وشه و لا وش بابايا القديم ، مش قادر أفتكر وشوش و لا تفاصيل من حياتي القديمة ، أنا بس فاكر مُت إزاي و مين قتلني "
مراتي دمعت و حضنته أوي و قالتله : " متخافش يا حبيبي ، أنا و بابا بنحبك حتي لو كنت روح قديمة ، إنت دلوقت إبننا "
لكن كانت بتبصلي بهلع ، خوفها مالي عينيها ، الجنون بيرقص في عينيها ، الولد بصلي و هو في إيد مامته و قالي : " كنت متأكد إني إخترت صح ! "
سألته يقصد إيه بصلي و إبتسم و سابني و مشي.
إبني عنده دلوقت 7 سنين ، ساعات بيتكلم في الموضوع و ساعات بيتضايق
مش عارف إذا كان كلامه حقيقي و لا ده خيال طفل ، لكن كل اللي أعرفه إني بقيت بخاف منه !!
النهاية علق ب 10 ملصقات حتا يصلك اجمل القصص
