-->

قصة صديقتي الجزء الرابع

قصة صديقتي الجزء الرابع

    ((#صديقتي))
    #الجزء_الرابع
    خوفت كتير بعد ما كلمني بواب العمارة حسيت ان في حاجه هتحصل قلبي كان بيدق بسرعة انا هخرج ازاي دلوقتى هقول لمحمد ايه انا لازم اخترع اي حجه بس ايه هي
    خرجت من اوضتي وانا خايفة ومش عارفة هقول ايه لمحمد طلعت برا ملقتش محمد برا نديت عليه مردش قولت  اكيد خرج الحمدالله دلوقتى اخرج واشوف ايه حكاية البواب ده
    اخدت تاكسي ووصلت عند عنوان سلمي وهناك لقيت البواب مستنيني نزلت قدام العمارة


    البواب : كويس انك جيتي عايز اوريكي حاجة مهمة
    داليا : الأول قولي انت مين وجبت رقمي منين وانت مش قولتلي ان احمد يوسف معندوش بنات
    البواب : بصراحة انا خوفت من حضرتك لانه من بعد موت الآنسة سلمي وفي ناس بتيجي تسأل عن باباها ومامتها وفي شرطة وصحافة بيجو يسألو فااطريت اقولك انه معندوش بنات بس بعد ماحضرتك مشيتي انا طلعت شقة الاستاذ أحمد هو سابلي نسخة من المفتاح وسافر هو وعيلته بس قالي متقولش لأي حد عن مكاني لان حياته في خطر
    داليا : انا مش فاهمة حاجة ممكن تفهمني كل حاجه براحة
    البواب : مش هينفع نتكلم هنا تعالي معايا


    طلعت مع البواب وانا مرعوبة وخايفة بس كان لازم اطلع اكتشف حقيقة سلمي وسمر
    البواب : دي شقة الاستاذ أحمد تعالي معايا
    دخلنا الشقة وكان باين فيها عفش قديم وخيم في السقف وعفار كتير قالي دي اوضة الست سلمي
    دخلت اوضة سلمي وكان متعلق فيها صورها وكل حاجتها فيها كأنها موجودة فتحت دولابها لقيت هدومها متعلقة ولقيت كتب الثانوية اللي كانت بتذاكر فيها فضلت ابكي كتير عليها وافتكرت لما العربية خبطتها وهي قدامي
    البواب : بعد حضرتك مامشيتي انا جيت هنا ولقيت دي
    داليا : دي صورتي انا وسلمي احنا كنا متصورينها سوا لما كنا رايحين نقدم في الثانوية


    بلف الصورة لقيت رقمي ورقم سلمي مكتوبين عليها
    افتكرت لما الفون بتاعي ضاع ومحمد جابلي فون جديد وخط جديد وساعتها سلمي قالتلي هاتي رقمك الجديد وكتبتلها رقمي وهي كتبت رقمها وعملنا عليهم قلب وضحكنا كتير
    البواب : لما شوفت صورتك انتي والست سلمي اتأكدت انك صحبتها ولازم تعرفي ايه اللي حصلها
    داليا بصدمة : ايه اللي حصلها قولي
    البواب : حضرتك عارفة ان الاستاذ احمد كان صحفي مهم في الدولة وعمره ما نشر الا الحقيقة وكان عنده الحق حق لو علي رقبته في يوم من الايام لقيت عربية كبيرة وفيها ناس لبسين بدل وواضح انهم مهمين جدا جم وطلعو شقة الاستاذ أحمد وانا بالصدفة طلعت اوصل طلبات للشقة اللي قصاد الاستاذ احمد سمعتهم بيزعقوا بصوت عالي وبيقولو له لو حضرتك مرجعتش عن اللي بتعمله دا بنتك هتدفع التمن غالي قالهم اللي انتو عايزين تعملوه اعملوه بس عمري ماهتنازل عن الحقيقة ولازم اكشف الفساد اللي معلمكم بيعمله قالوله احنا حزرناك وانت حر


    نزلو من عندو ومشيو وبعدها بيومين حصلت حادثة الآنسة سلمي
    داليا : قصدك تقول ان سلمي اتقتلت مش مجرد حادث
    البواب : الله اعلم انا قولت لحضرتك على اللي حصل بس دول ناس خطيرة وتعمل اي حاجه
    داليا : وبعدين كمل
    البواب : بعد كدا  الاستاذ احمد قدم استقالته ووقعد فترة في البيت ميخرجش من بعد موت سلمي بنته  وبعد فترة جه وهو باين عليه جري كتير وكان مش قادر ياخد نفسه جه وقالي انا مسافر برا البلد واي حد يسأل عن سلمي بنتي قوله مكانش عنده بنت ولو حد سألك عليا قوله عزل ارجوك ياعم مجدي انا حياتي انا وعيلتي في خطر
    وطلع فوق وحضر شنطه وولاده وعطاني مفتاح شقته ومشي


    داليا : انا مبقتش فاهمه حاجة مين الناس دول واذا كانت سلمي ميته مين بتكون سمر خطيبة اخويا
    البواب : سمر سمر انا متهيألي سمعت الاسم دا قبل كدا
    داليا : بجد قولي سمعته فين ومن مين
    البواب : والله منا فاكر
    داليا : ارجوك حاول تفتكر دي خطيبة اخويا واخويا كمان صحفي ومن كلامك اكيد حياته في خطر
    البواب : انتي لازم تحزري اخوكي الناس دي لا قانون ولا حد يقدر عليهم خليه يسيب الشغلانه دي
    داليا : قصدك تقول ان سمر دي تبع العصابة بس ازاي وهي تشبه سلمي كتير  لا مش ممكن انا لازم  امشي حالا
    جريت وانا مش قادرة اخد نفسي علي البيت


    مجهول : ايوا يافندم البنت لسة طالعة حالا من العمارة
    مجهول ٢: خلصوا علي البواب بسرعة
    مجهول : حاضر يافندم
    داليا : يارب تكون بخير يامحمد فضلت اجري لحد ما وصلت عند بيتنا وهناك وقفت بصدمة من اللي شوفته قدامي

    الجزء الخامس والاخير من هنا

    إرسال تعليق