💐الحلقة الثالثة عشر من رواية👈(المظلومة)💐
ريحانه بصت فى التلفون فلقت عم عباس فبتسمت وردت بسرعه فعم عباس قال الو ياريحانه طمنينى يابنتى عملتى ايه اصل من وقت ما كلمتك وحكيتيلى كل حاجه وانا قاعد وبالى مشغول قوليلى يابنتى عملتى ايه ريحانه بكت وقالت معملتش حاجه كل حاجه انتهت
فعم عباس قال ايه اللى حصل فحكت له كل حاجه فقال ايه الجنين مات طيب زياد لما عرف متكلمش معاكى طمنينى يابنتى وانتى فين دلوقتى انا وصلت الاسكندريه وقربت اوصل البيت
فريحانه قالتله لا زياد مرضاش يسمع منى هو عرف من الدكتوره ورافض يكلمنى وانا دلوقتى فى المستشفى انا مش عارفه اعمل ايه انا بحبه اوى ياعمى ومش هقدر اعيش من غيره ارجوك رجعلى زياد تانى وكانت بتبكى
فعم عباس دموعه نزلت فمسحها وقالها متقلقيش يابنتى انا جايلك وان شاء الله هنلاقى حل وكل حاجه هتبقى تمام
زياد قاعد فى العربيه وسرحان بيفتكر ريحانه وهو بيرقص معاها فى عيد ميلادها وهى بتقوله بحبك زياد وكانت دموعه بتنزل
ريحانه قاعده وبتفتكر زياد وهو بيقولها انا بكرهك ريحانه انتى كذابه انتى واحده واطيه انا مش عاوز اشوف وشك تانى انا بكرهك فمسكت دمغها وقالت لا زياد انت بتحبنى وانا كمان بحبك انا وانت حبنا قوى انت لازم تسمعنى يازياد انت لازم تصدقنى وتعرف انى مظلومه
عم عباس وصل المستشفى ودخل اوضه ريحانه فشافها قاعده وسرحانه
فقعد جانبها وطبطب عليها وقال انا مصدقك يابنتى وعارف انك مظلومه فريحانه بصتله وكانت بتبكى ومسكت ايد عم عباس وقالتله ابوس ايدك ياعم عباس رجعلى زياد هو فين ودينى ليه انا بحبه والله انا ماكذبتش عليه ولا كنت عاوزه اخبى عليه بس انا مكنتش اعرف انى حامل وانا كنت رايحه بعد ما قفلت معاك عشان اقوله زى ما قولتلى بس شكل القدر مش عاوزنى اقوله فعم عباس قالها اهدى ياريحانه متعمليش فى نفسك كده انا مصدقك وبوعدك ان زياد فى يوم هيرجعلك لانه بيحبك المهم تسبيه على راحته وتديله وقت اصله هو مصدوم من اللى عرفه هو لما هيهدى هيجى ويسمعك فريحانه قالت بحزن لا هو قالى انه بيكرهنى وانه مش عاوز يشوف وشى تانى هو رفض انه يسمعنى هو فقد الثقه فيا خلاص ارجوك كلمه انت وقوله فعم عباس قال لا يابنتى مينفعش انا اللى احكيله لازم يسمع منك انتى لازم يقعد معاكى وتحكيله وهو لو فعلا بيحبك هيصدقك وهيساعدك
فريحانه قالت انا بتمنى فى يوم يسمعنى فعم عباس قال المهم تهدى وانا هروح اشوف زياد فين اكيد حالته صعبه ومحتاج حد جانبه فريحانه مسكت ايده عم عباس وقالتله ارجوك اول ما توصل طمنى عليه وخليك معاه هو اكيد مجروح دلوقتى فعم عباس قال فى عز مانتى مجروحه بتفكرى فى غيرك فبصتله وهى بتبكى وقالتله هتطمنى عليه ياعم عباس فعم عباس ابتسم وقال هطمنك عليه يابنتى المهم خالى بالك من نفسك وانا بليل هاجى واطمن عليكى
عم عباس راح البيت فلقى زياد قافل على نفسه الاوضه
فعم عباس خبط عليه وقاله زياد افتح يابنى انا ابوك افتح يازياد وفضفض معايا اكيد هترتاح افتح يبنى ومتوجعش قلب ابوك
زياد قاعد على الارض وساند على الباب ودموعه بتنزل وبيقول هو ليه الناس وحشه اوى كده ليه بيخونو الثقه وبعدين قام وفتح الباب واول ما شاف عم عباس حضنه وقاله بابا ريحانه كسرت قلبى ريحانه جرحتنى اوى
فعم عباس طبطب عليه وقاله تعالى يابنى اقعد فزياد بص لابوه وقاله مش دى اللى كنت بتدافع عنها دايما مش دى اللى فتحلها بيتك طلعت واحده قذره وخاينه كانت حامل والله اعلم كانت هربانه من ايه وساكته كل ده كانت بتضحك عليا واستغلت حبى كانت بتمثل عليا الحب يابابا فعم عباس قاله اسمعها يابنى واديها فرصه تدافع عن نفسها لان ده حقها وانت مينفعش تحرمها من حقها هى بتحبك وانت كمان بتحبها فزياد قال لا انا بطلت احبها انا حبيت ريحانه الطيبه البرئيه لكن انا محبتش ريحانه الكذابه والغشاشه وقال بصوت عالى انا بطلت احبها وسابه ومشى وكان عصبى جدا فعم عباس قال بصوت عالى بس دى ريحانه البريئه والطيبه متغيرتش يا زياد اسمعها يابنى لانك مش هترتاح فزياد بص لابوه وطلع وقفل الباب جامد وراه
ريحانه قاعده سرحانه طول الوقت وبتفتكر فى زياد
زياد فى اوضته سكران وبيقول كذابه انا بكرهك وبيبص لقلبه وهو سكران وبيقول انت ليه بتدق دلوقتى هى خلاص بح مشت خلاص مافيش ريحانه بطل تدق بقى لانك بتالمنى كتير هى كذابه انت ليه عاوزها وضحك وقال اهااا لانك بتحبها صح بس هى كانت عاوزه تغشنا وتكذب علينا هى واحده قذره بطل تحبها وبعدين قام وقف وهو دايخ وفتح زراعه وقال انا بكرهك ريحانه ومش هسامحك ابدا وبعدين رمى الزجاجه فتكسرت وبعدين وقع على الارض وايده انجرحت فمسك ايده وكانت كلها دم فقال انا مش بتالم من الجرح ده قد ما تالمت من جرحك ريحانه
انا عملتلك ايه عشان تعملى فيا كده انا حبيتك كتير انتى عطينى ايه مقابل الحب اها عطينى حجات كتير وهى الكذب والجرح كمان وكمان كسرتى قلبى ودموعه نزلت وبعدين فقد الوعى
ريحانه الصبح صحت وقالت لا انا مش هقدر افضل قاعده كده مش هقدر اسيب زياد مفكر انى وحشه فى نظره كده انا لازم اعمل الخطوه دى ومسكت ورقه وقلم وكتبت جواب وسابته على سرير المستشفى وبعدين طلعت من المستشفى من غير ما اى حد ياخد باله وقالت معنديش تغير الحل ده ........
الحلقة الرابعة عشر من هنا
