البارت الثالث عشر
بسم الله الرحمن الرحيم والسلام والصلاه على نبينا محمد اللهم صلي وسلم عليه اللهم اني استغفرك واتوب اليك
_________________________________
أسر؛ استهدو بالله ياجماعه بابا مينفعش تطرد ماما احنا رايحين نكتب كتابي انهارده ينفع نروح من غير ماما الناس هتسال عليها عشان خاطري يابابا
سميره بدموع
سيبه ياسر هو عاوز يمرمطني على كبر
فهد؛ خلاص بقى ياست الكل حصل خير عديها يابابا عشان خاطر أسر
سميره؛ كله من مراتك السبب
فهد بزهول
مراتي ازاي مراتي كانت معايا فوق
سميره:ماهو البشمهندس فارس اتخانق معانا بسببها البت دي اكيد سحرالكم جرالكم ايه محدش بيستحمل عليها كلمه حتى فارس
بصت للمار بكل غل
هتفرقي بيني وبين ولادي دخلتك سودا علينا
فهد :ماما اي إلى بتقوليه دا لاحظي انك بتهيني مراتي ودا مش هسمح بيه ابدا
سميره؛ ايه هتضربي زي ماضربت سهى يالااضربني
محسن بعصبيه
انا قولت دي مش هتسكت غير لما تتضرب شكلك نسيتي ضرب زمان
فارس :مرات عمي إلى بتعملي دا غلط وصدقيني هتندمي
سميره؛ أخرس يافارس ماتتدخلش في إلى ملكش فيه
فارس بغضب وصوت عالي بجنون أشبه بالبكاء
مش هيحصل إلى في دماغكم دا استحاله يحصل والي سميحه معرفتش تعمله زمان جايه دلوقتي تعمله مع فهد بس عن طريق بنتك بس دا على جثتي يحصل فاهمين حتى لو اطريت اني ارتكب جنايه استحاله اخلي بيت فهد يخرب علي ايدكم على جثتي
زهول وصدمه من الجميع اثر رد فعل فارس حتى سميحه وبناتها خافو من منظره
فارس سابهم وخرج وفهد ولمار خرجو وراه
محسن :سميره امشي من قدامي لاولع فيكي امشو من قدامي
فهد :استنى يافارس فارس مسكه من ايده
فارس والدموع في عينه
سبني يافهد سبني دلوقتي لو سمحت
فهد؛ استحاله اسيبك وانت في الحاله دي يالا اركب يالا يالمار هوصلك لمامتك
وصلو لمكان عالبحر
فهد؛ ممكن اعرف مالك واي إلى حصل انت في حاجه مخبيها وانا مش عاوز اضغط عليك بس دفاعك عن مراتي وبيتي بالشكل دا اكيد في حاجه واجعك احكيلي احنا مش اخوات يافارس
وكان فهد داس على زرار انفجر فارس بالدموع
فهد خده في حضنه مالك يافارس اول مره اشوفك كدا علطول بتهزر وبتضحك فيك ايه
فارس :هحكيلك
فلاش باك
دخلت غرفته على طراطيف اصابعها وحضنته من ظهره استغرب من فعلتها اتعدل وزقها بعيد عنه بعنف انتي اتجننتي ازاي تدخلي اوضتي كدا اطلعي برا
سميحه:عاطف انا بحبك والله بحبك ومستعده اتجوزك في السر بس تبقى معايا
عاطف: زقها بعنف ابعدي عني يازباله
سميحه:زباله عشان بحبك
عاطف :إلى زيك مايتحبش انا بحب مراتي وابني واستحاله اخون مراتي فاهمه
سميحه :بردو مش هسيبك ياعاطف هاخدك منها
هحرمك منها ياعاطف
صفعه قويه نزلت على خدها وقعتها عالارض
عاطف :الستات إلى زيك خرابه بيوت بتروح تترمي تحت رجلين اي راجل متجوز ويريل عليها اما انا لعبتك دي مش هتخيل عليا الرمادي قلم المره الجايه هيبقى بموتك ياسميحه
سابها وماشي مسكت في رجله وأكملت بدموع
انا بحبك والله بحبك من اول ماجيت عندنا تخطبو اختي وانا بحبك حس بيا بقى
عاطف زقها برجله
وانا مبحبش غير مراتي بعشقها فاحسلك ابعدي عني لأنك لو مبعدتيش هدمرك ياسميحه
سميحه ببكاء والله لهخليك ليا ياعاطف غصب عنك انا وانت والزمن طويل
بااااك
فهد مصدوم في حقيقه خالته مش مستوعب
معقوله عملت كدا
فارس؛ ايوا يومها كنت معدي بالصدفه وشوفتها وهيا داخله صدقني يافهد دي عقربه هيا وبناتها صدقني متخليش اي حاجه تهد بيتك انت ولمار لمار انا بعتبرها زي اختي لاني يرتاح في الكلام معاها وعارف انك اخويا ومابتزعلش لما بكلمها وغصب عني سمعت حوارهم ومقدرتش استحمل كلام عليها فطلعت فيهم
فهد :عارف ياحبيب اخوك انك بتعتبرها اختك وانا واثق فيك كمل كلامك
فارس :لا دا أسر هينفخنا نكمل بعدين كلامنا يالا نروحله واجهز انا كمان عشان هخطب
فهد؛ نعم
فارس؛ اي دا هو انا مقلتلكش ياخويا هههههه
فهد؛ لا ياخويا ههههه
فارس؛ حقك عليا انا كلمت عمي في الموضوع وهيفاتح أهلها انهارده بس يارب توافق
فهد :ومين بقى إلى قدرت توقع فارس الأسيوطي
فارس بهيام
الغريبه
فهد؛ مين ياخويا
فارس:ياسمين قريبه ورد
فهد؛ طب يالا ياحبيبي مبروك مقدما
______________________________________
في بيت الجد سليم
تجهز نفسها بسعاده فرحانه أن اخيرا هتبقى مراته وملكه حبيبه أسر إلى دوخته
ورد عاااااا انا مبسوطه اوووي يابت ياسمين مش مصدقه اني هبقي مراته اخيرا
ياسمين :افرحي ياختي كتك خيبه فرحانه ليه مش فاهمه انا
ورد؛ بت انتي محبطه وربنا وبعدين مالك يعني انتي مش عاوزه تتخطبي وتحبي ولا ايه
ياسمين :لا طبعا مش عاوزه اتجوز انا بقيت بخاف ياورد من أي راجل انا مش عاوزه اتجوز خايفه يحصلي زي ديالا طول الوقت كنت بشوف دموعها وبشوف معامله اخويا ليها بترعب اي إلى يجبرني اتجوز واحد يتحكم فيا بالطريقه البشعه دي
ورد؛ حبيبتي بس مش كل الرجاله زي بعض ومش معنى انك شوفتي معامله جاسر اخوكي لمراته يبقى كل الرجاله وحشه بالعكس في رجاله كتير كويسه في راجل حنين وطيب بيحسسك انك أهم حاجه في حياته ومستحيل يزعلك مهما حصل وعنده استعداد يعمل اي حاجه عشانك ودا انا شوفته بعيني في فهد ولمار
ياسمين؛ مين فهد ولمار
ورد لمار دي مرات فهد اخو أسر بس حته سكره وحبهم لبعض جميل اووي
ياسمين؛ بطلي رغي وخلينا نجهز بدل ماتيته تقيم علينا الحد
ورد :بتهربي ماشي
ياسمين:مش بهرب بس دا قرارى وخته ومس هغيره
بس دا قرار غلط
بصو ناحيه الصوت ونطقو مع بعض ديالا
ديالا؛ اسفه اني اتدخلت بس انا سمعتكم وسمعت كلام ورد كلام ورد صح ياسمين
ياسمين: بس انا مش عاوزه اتجوز ولا ارتبط بحد انا كدا مرتاحه
ديالا؛ حبيبتي انتي لسه صغيره لسه هتقابلي إلى يحبك ويقدرك وتكونو متفاهمين مع بعض مش كل الرجاله جاسر غلط زي مافي الوحش في الكويس بس المهم نختار صح
ياسمين :أن شاء الله يالا نجهز
بعد ساعه
ياسمين بانبهار واووو ورد طالعه تجنني جميله اووي
ورد؛ بجد يابنات
ديالا :ماشاء الله عليكي طالعه جميله جدا ياورد
ورد؛ تسلم ايدك ياديالا
وانتي كمان طالعه حلوه اووي ياسمين
ياسمين :كلو بفضل ديالا القمر إلى ظبطتنا بجد تنفعي ميكيب ارتست
ديالا بضحك :مش اووي كدا انا هتغر كدا
هنيه دخلت عليهم وشافت جمال البنات زغرطت ماشاء الله عليكم اللهم صلي عالنبي اي الجمال دا ياولاد
ورد وياسمين :بجد ياتيته طالعين حلوين
هنيه :حلوين ايه دانتو جمال اووي
ورد :ديالا إلى ظبطتنا
هنيه :تسلم ايدك ياحبيبتي ربنا يفرح قلبك يارب يالا ياحبيبتي روحي اجهزي انتي كمان هتلاقي لبسك ولبس الاولاد في اوضتك توفيق جابهم
ديالا : حاضر ياتيته
تحت في الجنينه الكل ماشي زي السيف بينظمو لكتب كتاب حفيده سليم السيوفي
تزين المكان بأحدث الديكورات بقت ولا افخمها قاعه
توفيق:مالك جبت إلى قولتلك عليه
مالك؛ ايوا ياعمي ولانا طلعتهم في اوضتها وجبت للأولاد كمان
توفيق:معلشي يابني تقلت عليك بس آدم مشغول معانا هنا في التجهيزات عشان كدا بعتك مع لانا
مالك؛ ولا يهمك ياعمي الحق اجهز انا بقى
توفيق :روح ياحبيبي
آدم :مالك
مالك؛ نعم مش هلبس انا انهارده ولا ايه دا فرح اختي ولسه ملبستش يامفتري
آدم ههههه خلاص ياعم اهدا كنت هسالك لانا فين
مالك؛ لانا طلعت عند ديالا توريلها الحاجه اخلع انا بقى
؛؛؛؛؛؛؛؛؛؛؛؛؛؛؛؛
دخلت ديالا الاوضه وبصت عالشنط فتحتهم وانبهرت بلبس الولاد
مليكه :الله ياماما دا جميل اوووي انا عاوزه البسه بسرعه
ديالا؛ ههه حاضر ياشقيه تعالى إياد فين
مليكه :إياد في البلكونه إلى برا
ديالا :طيب تعالي اخلصك الأول واروح اشوفه
جهزت بنتها وكانت في غايه الاناقه بفستانها الوردي الجميل وزينت شعرها بتوكه طوق وسيبت شعرها
ديالا؛ قمر ياولاد عسل حبيبه ماما
مليكه :انا هروح لجدو يشوفه
ديالا؛ ماشي براحه وانتي نازله
خرجت ديالا من الغرفه في نفس الوقت مالك كان بيعدي من قدام اوضتها باستعجال وهيا خارجه اتكعبلت في رجله وهتقع بس يد قويه لحقتها قبل ماتتخبط عالارض نظر لعيونها العسلي بهيام وفي نفسه يخربيت جمال عيونك إلى خطفت قلبي من اول مشفتك
ديالا قامت بسرعه انا اسفه
مالك بهيام؛ انا الي اسف كنت ماشي بسرعه بس انتي مجهزتيش ليه
ديالا؛ إياد لسه مجهزش هشوفه
مالك :هو فين
ديالا :مليكه قالتلي في البلكونه
مالك :طيب ادخلي اجهزي انتي وانا هجيبه والبسه معايا
ديالا؛ لا انامتتعبش نفسك انا هشوفه
مسمعتش رده سابته ومشيت
إياد قاعد هنا ليه ياحبيبي
إياد؛ ماما تفتكري هنعيش كويسين واحنا لوحدنا
ديالا :قصدك ايه يااياد انت عاوزاني ارجع لبابا
إياد :برفض قاطع لا مستحيل
ديالا؛ ماما انا بحبك ومش عاوز اشوف دموعك تاني ابدا مش عاوز حد يزعلك انا عاوزة مبسوطه علطول ياماما ومتخافيش انا هحميك وهبقي سندك
ديالا بدموع من كلام ابنها إلى حسسها أن تعبها فيه مرحش
حبيب ماما وانا بموت فيك ياعمري انت
مالك؛ والبطل بتاعنا خلي مامته تعيط ينفع كدا
إياد؛ ماما مش قولتلك مش عاوز اشوف دموعك
ديالا ضحكت من قلبها على ابنها
ومالك تاه في ضحكتها إلى خطفته
يالا ياياد عشان تجهز معايا
ديالا؛ لا انا هلبسه
إياد؛ لا ياماما انا مش صغير انا راجل دلوقتي وهروح اجهز مع عمر مالك
ديالا باسته من خدوده ماشي يااياد
خيم المساء عالجميع وجاء الموعد المنتظر معاد كتب كتاب أسر و ورد
جاء الحضور يهني ويبارك لسليم السيوفي
جت عيله محسن الأسيوطي
الجد سليم :يألف مرحب نورتونا اتفضلو
محسن؛ دا نورك ياحج سليم
الكل دخل الجنينه وكانت أشبه بقاعه خمس نجوم
فهد؛ اي القمر بتاعي دا تجنني يالمار
لمار؛ قد احمر وجناتها من الكسوف فهد اتلم
فهد :هو انتي لسه بتتكسفي مني لا داحنا نشوف الموضوع دا في البيت
لمار؛ بس بقى يافهد متكسفنيش
فهد:ماشي هبطل عندي ليكي مفجاءه يارب تعجبك
لمار بحماس :اي هيا قول يافهد
فهد:لو قلت مش هتبقى مفجاءه اصبري شويه وانتي هتعرفيها
لمار :ماشي
بعد شويه نزلت حوريه من الجنه خطفت قلبه بفستانها الاوف وايت وحزام دهبي من الخصر مع حجابها إلى زادها جمال على جمالها طالع بتاخد العقل من غير ميكب
مالك : طالعه جميله يارب صبرني واجعلها من نصيبي
آدم :بتقول حاجه يامالك
مالك؛ ها اه لا مافيش ولا روح شوف مراتك
آدم :اهدا يابني مالك
مالك :ماليش انا طالع اجيب ورد
آدم؛ ماشي
لمار لمحت ديالا في الفرح سابت ايد فهد وجريت عليها
لمار :ديالا حبيبه قلبي وحشتيني ياقمري
ديالا :وانتي كمان يالمار وحشاني عامله ايه ياحبيبتي
لمار :سيبك مني انا انتي اخبارك ايه
ديالا :الحمد لله
فهد قرب منهم
ينفع كدا من لقا أصحابه نسي احبابه ماشي يالمار
لمار بضحك؛ اسفه يافهد بس مقرتش امسك نفسي لما لقتها قدامي
فهد :ولا يهمك ياقمري ازيك ياديالا عامله ايه
ديالا؛ الحمد لله كويسه والله وحشتني قاعدتكم
لمار :بس كدا انتي تيجي تقضي معايا يوم من أوله اي رايك ونرغي سوا للصبح
ديالا :مش هينفع اليومين دول يالمار خليها وقت تاني وهجيلك
فهد :ليه لسه جاسر مش راضي انك تقابليها
ديالا؛ انا وجاسر أطلقنا يافهد
لمار؛ أطلقت ليه
ديالا؛ ليه دي حكايه طويله اووي هحكيلكم لاني محتاجه رايكم في إلى هعمله
فهد :اي وقت ياديالا احنا تحت امرك انتي اختي
ديالا :شكرا يافهد
لمار :بس طالعه جميله اووي ياديالا
ديالا :بضحك تسلميلي يالمار هروح اشوف الولاد عن اذنكم
غافله عن أعين بطق شرار من غيرته الشديده عليها
فارس؛ أسر مشوفتيش ياسمين
أسر؛ هو انا شوفت ورد لما اشوف ياسمين
فارس؛ عيل محبط
أسر هههههه اه
بعد شويه نزلت ورد في دراع اخوها مالك طالعه جميله بفستانها وحجابها وفي ظهرهم ظهرت الغريبه
ياسمين وكانت في قمه الجمال
فارس :اي الجمال والحلاوه دي دي ملاك
أسر :هيا فعلا ملاك
فارس بص لأسر وخبطه على كتفه
انا بقول على ياسمنتي على فكره انت مالك
أسر بصله وانا بقول على وردتي
بعد شويه اعلنهم المأذون زوج وزوجه قدام الكل
أسر للحظه نسي انه قدام الناس قام حضنها بعشق واقتنص منها قبلته الأولى أمام الجميع فاق على تصفير الشباب بعد عنها واتكلم وهيا في حضنه
أسر :انا اسف ياعمي بس وحشاني مسكه الايد مكنتش بترضي اني امسكها
سليم بفخر من حفيدته لأن دا الصح يابني والي دينا بيقوله واحنا معندناش الكلام ألفارغ دا
أسر ببلاهه يعني اخدها وامشي بقى
ضحك الجميع عليه
محسن :طيب بالمناسبه الحلوه دي استاذ توفيق انا يشرفني اني اطلب ايد بنتك ياسمين لابن اخويا وابني فارس
توفيق :دا شي يسعدني جدا يامحسن بس اشوف رأي ياسمين الأول وارد عليكم
محسن؛ ماشي هنستنا ردكم
توفيق :إلى فيه الخير يقدمه ربنا
ياسمين :يالهوووي بقى انا اتجوز الاهبل دا
ديالا بضحك
يابت اتلمي عيب دا شكله حلو اهو
ياسمين؛ والنبي اسكتي دا اهبل ومجنون ومتخلف كمان وبعدين انا استحاله اتجوز
ديالا؛ فكري مش هتخسري حاجه
فارس :عمي ممكن اقعد مع انسه ياسمين تشوفني واشوفها
توفيق :مافيش مانع لحظه
آدم هات ياسمين وخليها تقعد مع فارس
آدم :حاضر يابابا
آدم :ياسمين تعالى عشان تقعدي مع عريسك
ياسمين؛ عريسي اي انا مش هتجوز ياادم
آدم :مينفعش كلامنا قدام الناس تعالى معايا عشان تقعدي معاه
ياسمين بعند؛ لا مش هقعد ولا عاوزه اتجوز
ديالا :ياسمين شيلي تجربتي من دماغك ياحبيبتي هقولها لك تاني مش كل الرجاله جاسر واكبر دليل على كدا آدم اخوكي بيحب مراته وبيحترمها
آدم؛ حبيبتي إلى ديالا مرت بيه صعب بس مش معنى كدا ان احنا نوقف حياتنا وتبقى الرجاله كلها زيه تبقى غلطانه لو دا تفكيرك
ديالا :روحي ياحبيبتي اقعدي معاه وصدقني محدش هيغصبك على حاجه انتي مش عاوزاها
ياسمين اقتنعت بكلامهم ماشي هقعد معاه بس تعالي معايا
ديالا؛ اجي فين ياهبله انتي هههه خدها يادم دي هتودينا في داهيه
راحت ياسمين وقعدت مع فارس
فارس؛ اي كل دا رغي مش عاوزه تيجي تقعدي معايا
ياسمين:لخص وقول عاوز ايه أنجز
فارس :الخص وانجز انتي متأكده انك بنت
ياسمين :لا ولد خفه
فارس :دانا خفه ووسيم واعجبك اووي
ياسمين :بص بقى عشان اجيلك من الاخر جواز مافيش لاني مش عاوزه اتجوز اي حد فاحسلك كدا ياحلو تسحب طلبك وتتكل على الله وتمشي
فارس :بس انا مش هسيبك هتجوزك يعني هتجوزك فاهمه مش هتبقى لغيري هتبقى ليا وبس مرات فارس الأسيوطي
ياسمين :بتحلم
فارس :هنشوف مين الي بيحلم بس تعرفي طالعه جميله جدا في الفستان
ياسمين بكسفوف وخدودها بقت حمرا جدا
فارس :خدودك بقت تفاح
ياسمين برقت بعينها انت قليل الادب
قامت سابته ومشيت
سميحه :انتي يازفته الطين ياسهي قومي يابت اتلحلحي وخلي فهد يرقص معاكي هتفضلي قاعده هبله كدا كتكو خيبه اسمعي يابت انتي وهيا انتو لازم تتجوزو من العيله دي بأي طريقه فاهمين انا معرفتش زمان اعملها بس دلوقتي انتو لازم تعملوها وتدخلو بيت محسن وانتو مراتت ولاده
شهد :ازاي ياماما فارس وهيخطب اهو وفهد متجوز
سميحه :انتي متخلفه سهى تتجوز فهد وانتي تغري فارس
شهد بعدم فهم اغريه ازاي ياماما
سميحه؛ هقولك
سهى :فهد تعالى ارقص معايا
فهد؛ امشي ياسهي من قدامي بدل ماقوم امسح بكرامتك الأرض وأفرج الناس عليكي امشي
سميره : في اي يافهد مغلطتش يعني لما عرضت انهيا ترقص معاك عادي دي بنت خالتك
فهد بتحدي لوالدته
لا مش عادي مراتي وبس إلى مسمحولها انها تقرب وتلمسني غير كدا لاء ومش عاوز كلام في الموضوع دا تاني لمار روحي اقعدي مع ديالا
ديالا :مالك يالمار
لمار بخنقه؛ مافيش
ديالا؛ لا في مالك
لمار لسه هترد بس فجاءه النور قطع
وظهر ضوء خفيف على شخص بس مش باين وشه
ومسك المايك
تسمح لي اخد من وقتكم دقيقتين بس الدقيقتين دول أهم لحظه في حياتي
لاني هعترف قدام الكل للانسانه الوحيده الي حبتها وعمري محبيت غيره
بحبك وعمري ماحبيت حد غيرك ولا هحب حد بعدك انتي الحب الأول والأخير في حياتي انتي الي غيرتيلي حياتي ودنيتي لما بقيتي موجوده فيها انتي روحي انتي النفس إلى بتنفسه انتي نبض قلبي ياقلبي
بشكرك قدام الناس دي كلها انك بحياتي ياعمري مهما اقول مش هيوصف مدى حبك في قلبي انتي نصي التاني إلى من غيره اضيع انتي امنيه اتمنتها لربي في صلاتي وربنا استجاب لدعوتي بيكي انتي نبض قلبي
البارت الرابع عشر من هنا
بدل ماتدور وتبحث علي الروايات خليها علي تليفونك وحمل تطبيقنا
