ع الرغم انه التفاعلات قليلة جدا وكان نفسي تشجعوني عشان اقدر اكملها بس خلاص قررت انه هكتب وخلاص حتي لو مفيش تفاعلات 😔😔
#البارت الخامس
#رووووعة الحلااال
بعد ما فاقت مريم ورجعت لوعيها تاني بتعيط كده وبتقول انا فين ايه اللي جابني هنا ايه اللي حصلي
الشخص اللي اخدها ولحقها رد عليها متخافيش يبنتي انتي كويسة وبخير وانا لحقتك قبل ما تقعي ف النيل
احكيلي مالك كده حاسك حزينة اووووي وف حاجة مزعلاكي احكيلي متخافيش انا زي والدك وهساعدك قولي
مريم حست بالارتياح الشديد للشخص اللي بيكلمها
وحست بصدق كلامه معاها وبدأت أنها تتكلم معاه وتحكي
وتقوله ع بيتهم وأنها من عيلة بسيطة ووالدها متوفي وأنها كلية صيدلة آخر سنة ليها وليها اخت طب اسنان أصغر منها بسنتين وهي كانت بتساعد والدتها ف الشغل عشان يقدروا
يصرفوا ع البيت والدراسة ف نفس الوقت
وبعد ما كنت يشتغل ف صيدلية لقيتهم استغنوا عني
وطردوني من غير سبب ومشيت عشان ادور ع شغل تاني
عشان مينفعش اروح البيت من غير ما الاقي شغل
ومحستش بنفسي غير آخر مرة كنت قاعدة ع النيل وفجأة حسيت بدوخة وبعدها معرفش ايه اللي حصل 😔😔
الشخص اللي ساعدها بيقولها متخافيش مشكلتك هتتحل يستي ومتزعليش نفسك ولا تضايقي شوفتي حكمة ربنا بقي
بعتني ليكي عشان اشوفك واعرفك عشان اعرف اساعدك
بصي شايفة شركة الأدوية دي اللي احنا واقفين تحتها
مريم وعيونها مليانة دموع :اها
الشخص قالها انا مديرها وكنت محتاج دكتورة صيدلانية معايا ف الشغل والحمد لله ربنا رزقني بيكي اهووو يستي😍😍
افرحي يلا وشوفتي فضل ربنا علينا ايه "ولو علمتم الغيب لاخترتم الواقع "
الشخص بس انتي مقولتليش اسمك ايه
ردت عليه قالتله اسمي مريم
قالها عاشت الاسامي يست مريم
يلا هتعرفي تروحي بيتكم لوحدك ولا اجي اوصلك
مريم :لا يعمو خلاص انا الحمد لله بقيت كويسة
طيب يلا الحقي روحي عشان ميقلقوش عليكي وان شاء الله
هتيجي الشغل من بكرة بعد ما تخلصي جامعتك
مريم :حاضر ربنا يبارك ف حضرتك يارب😍😍
اظن كلكم عايزين تعرفوا مين العموووو ده😂😂😂
يلا تعالوا اقولكم 🏃🏃😂
دا يكون محمد الشافعي والد محمود اللي عرفتكم عليه
الراجل دا بيحب يساعد الناس اووي وبيقف جنب اي حد محتاجه بس كان ديما يصعب عليه ابنه عشان مبيسمعش
كلامه وبيقوله عايز اعتمد ع نفسي كان حودة تنح اوووي 😂😂حد يلاقي أب حلوو كده وميسمعش كلامه جاتك وكسة يحووودة😂😂😂
نرجع نشوف محمود راح فين متكلمناش عنه 😍
راح لصاحبه خالد يحكيله اللي حصل وأنه زعلان اوووي
انه مقدرش يساعد مريم ولا يعملها حاجة
بس خالد صحصحه وفوقه كده وقاله ايه اللي انت بتعمله ف نفسك دا يعني واحد يكون والده صاحب شركة ادوية كبيرة ويروح يشتغل عند الناس
خالد": يبني فووق انت روح لوالدك وساعده واقف جنبه دا محلتوووش غيرك انت واختك رهف اللي لسه صوغيرة ف الثانوي
انت كده كده هتكون معتمد ع نفسك وشغال معاه يعني هو ميصرفش عليك مثلا لأنك هتكون شغال وبتتعب وبعدبن والدك كبر ومعدش حمل بهدلة كده ريحه يا محمود😊
عند محمود حس انه أقتنع بكلام خالد وكان بيفكر برضو يشغل مريم ف الشركة وبكده يقدر يساعدها بس ضحك كده ف نفسه وبيقول دي دماغها ناشفة وعنيدة وهتتعبني😂😂
محمود ساب خالد ومشي 🏃
وقاله تسلم يخالد ربنا يباركلي فيك يبو الصحاب 😍😂😂
مريم رجعت البيت وكلهم كانوا قلقانين عليها واول ماشافوها فرحواا اووي وجريوا حضنوها التلاتة والتفوا حواليها
والدة مريم سلوي: بقي كده يمريم تقلقينا عليكي يحبيبتي
مريم متخافيش يماما انا كويسة والله وبخير بفضل دعواتكم ليا وأنه ربنا ديما حاميني وجنبي 😍😍
كانت مريم جعانة وقالت لمامتها يلا عشان نتعشي وانا هحكيلكم كل حاجة
انتهوا من الاكل وحكت مريم كل حاجة وكانت فرحانة انه
ربنا عوضها بشغلانة كويسة وكل واحد دخل مكانه عشان يذاكر وسارة كانت جنب اختها وماسكة فيها وخدوا بعض ودخلوا اوضيتهم
واحمد اخو مريم دخل عشان يذاكر وهو بيذاكر سرح شوية
وشرد بفكره بعيد وعينه بتضحك تذكر موقف حصل معاه ف الدرس الكيميا النهاردة ...
البارت السادس من هنا
