#الميراث الملعون
#الحلقه الثالثه عشر
#بقلم دوداا حوده
سيد:الشنطه دي مش بتاعتي
علاء :يا راجل هو احنا مش جيبنها من عربيتك برضه
سيد:انت عايز اي الفلوس هديهالك بس سبني اخرج من هنا
علاء :اتكلم عدل يلا هو غصب عنك الفلوس هترجع لصحبتها ووصلات الامانه كمان بس انت هتتحبس لاني مش بتستر علي مجرم
سيد :اعمل اللي انت عايزه المخدرات دي بتاعتي ومش دافع فلوس
علاء :برحتك خدوا يابني علي الحبس وخد سيد فعلا علي الحبس
سيد :بقولك اي يا شاويش خد ال٣٠٠جنيه دول وعايز اعمل مكالمه تفلون
الشاويش :مافيش الكلام ده ادخل يلا علي الحبس ودخل جوا وكان في واحد يعتبر فتوه الحبس قاعد جنب سيد كان اسمه عباس
عباس :الحلو جاي في اي
سيد :مخدرات
عباس : تعاطي ولا تجاره
سيد :تجاره حظي الاسود اول مره والله
عباس : هههههههههههه ما يقع إلا الشاطر ياباشا
سيد :في حد هنا معاه تلفون
عباس :اه بس الدقيقه غاليه اوي
سيد :انا اللي عرفت اخبي٣٠٠جنيه خدهم ولو خرجت هروق
عباس :تخرج منين يا باشا دي تجاره
سيد :انت متعرفش انا ممكن اعمل اي علشان اخرج من هنا
عباس :واللي يساعدك تديلوا كام
سيد :مليون جنيه
عباس :٢مليون
سيد :كتير بس موافق
عباس :تمام انا هجبلك صبي من عندي يقول إن الشنطه دي بتاعته وهو اللي حطاه عندك ويلبس هو الليله
سيد :لا اصبر بقي عايز يقول إن الظابط علاء هو اللي قاله يعمل كده
عباس :مين انت بتخبط اوي لا طبعا
سيد :هديك اتنين ونص وتقول أن هو اللي قالو كده
عباس :سبني افكر طيب
سيد :مافيش وقت ها
عباس :ياعم مش سلق بيض انت متعرفش علاء ده نظيف اوي ومش سهل إن حد يقول عليه كده
سيد :انا هاكد علي كلامه لان فيه حوار بينا وهات بقي التلفون علشان اعمل مكالمه
عباس :خد اهو وخد الفون واتصل ب نبيل
سيد :الو ايوه يا نبيل عامل اي
نبيل :زفت الهانم رافعه عليا قضيه
سيد :معاك ورقه وقلم
نبيل :اه ليه في اي
سيد :خد العنوان ده الاول وخد العنوان ده عنوان الراجل اللي كانت مراتك بتروحله وانت مش موجود
نبيل :انت بتقول اي يا سيد وازاي ماتقولش الكلام ده من الاول
سيد :هو ده اللي همك روح واسمع منه ومن البواب أن مراتك كام بتروح هناك وتتاخر فوق وهو هيقولك أنها كانت تروح علشان الفلوس وارفع عليها هي قضيه وقول انها عايزه تطلق علشان تغطي علي غلطتها
نبيل :ارفع قضيه علي مين والراجل هيوافق يجي معايا ويتفضح انت مجنون
سيد :بلاش خد منه التسجيل وسمعه ليها وخدلك قرشين حلوين
عباس :كفايه انت اي شيطان يخربيت دماغك الكلام ده حقيقي
سيد :لا بس لازم تدمر العيله دي كلها
عباس :هما عملوا معاك اي لكل ده
سيد :بعدين كلم الواد واقوله علي المصلحه
عباس اتصل ب سمير
عباس :الو ايوه يا ياض يا سمير في مصلحه يلا هتكسب منها نص ارنب
سمير:بتقول كام عيني ليك يا كبير
عباس :بس فيها حبس
سمير :حبس حبس اللي انت عايزو وقالو يعمل اي وراح سمير ل رئيس المباحث
سمير :انا جاي يا سعاده الباشا علشان عندي اعتراف
رئيس المباحث:اتكلم في اي معنديش وقت
سمير :الظابط اللي اسمه علاء يا باشا فضل يكلمني ويقولي أنه هيلبسني قضيه لو محطتش شنطه المخدرات في شنطه واحد وانا عملت كده وخايف بصراحه اكيد الراجل ده هيتقبض عليه ظلم لاني عملت كده وانا جاي ابلغ عن نفسي
رئيس المباحث'انت متاكد من الكلام ده انت عارف لو بتكدب هيحصل فيك اي
سمير :عارف يا باشا وهاتو هنا قدامي واقول الكلام ده قدام عينه
رئيس المباحث طلب علاء وكان علاء عند هدي بيطمنها أن الموضوع قرب يتحل
مختار :هو انا مش ملاحظ أن الظابط ده بقي يجي هنا كتير
هدي :واقف جمبي وعايز يرجع ليا حقي
مختار :واحنا روحنا فين الظابط ده ميجيش هنا تاني مفهوم
وفاء :روق بالك بس واهدي موبيل شيماء كان عمال يرن
هدي :ماتردي عالزفت ده دماغنا وجعتنا
شيماء :حاضر ماشي وخدت الفون ودخلت جوا اي يا نبيل مش قولت متتصلش الا لما انا اكلمك انت عايز حد يشوف رقمك واروح في داهيه
الحلقة الرابعة عشر
