Ads by Google X

رواية اختي في ورطة الجزء العاشر


ج. 10...#اختى_فى_ورطه
.. وفى قلب اسماء سواد لأختها آثار وقررت تخرجها بره الڤيلا وتكون ست البيت واول ما دخلت قالت فى سرها ياااه كل دى ڤيلا دى واسعه اوى.!! ايه العز ده كله🙄 بس لازم اكون ست البيت ده هههه بيت ايه بس ست الڤيلا وهبقى اسماء هانم

.. ادخلى يا حبيبتى البيت بيتك
ودخلت اسماء وفى قلبها الحقد والكرهه والغيره لأختها وقالت بكل خباثه وحقد وعينها كلها شر وبتمثل بدموع التماسيح وقالت حاضر يا آثار يارب اكون خفيفه عليكم رد عامر وقال انتى مرات اخويا ومش غريبه عننا وشهد دى بنت اخويا الله يرحمه وانتم امانه فى رقبتى رددت وقالت منحرمش منك قصدى تسلم يا عومرى 😂 قصدى يا عامر رد وقال انتى فى مقام اختى

اثار.. عامر حبيبى اطلع غير هدومك وانا هاخد اسماء واعرفها اوضتها فين هى وشهد حبيبتى
.. حاضر يا قلبى وياريت تخلى الطباخ يحضر الاكل  بسرعه احنا راجعين ميتين وجعانين من الدفن والعزا وقال بصوت واطى كمان علشان اسماء شكلها تعبان خالص رددت وقالت من عنيه يا حبيبى
اسماء.. انا عاوزه انام مش قادره خالص يا عامر رد وقال لأ لازم تاكلى الأول انتى تعبانه يا بنتى
.. ايوه يا اسماء كلامه صح كلها ربع ساعه والطباخ هيحضر احلى اكل

اسماء قالت فى سرها بكل حقد وكمان طباخ وانا اللى كنت عايشه فى قرف وفقر منى لله بجد فى اللى عملته فى نفسى
آثار.. تعالى معايا علشان تشوفى اوضتك وفعلا آثار خدت اختها وطلعت بيها الدور التانى وأسماء قالت لأثار ممكن اختار اوضه لنفسى انا شايفه ان فى اوض نوم كتير رددت وقالت اختارى بس شاورت على اوضه وقالت وعنيها كلها دموع وقالت بس بلاش الاوضه دى رددت وقالت ليه يا آثار هى مالها الاوضه
.. دى اوضه أطفال انا وعامر عملنا فيها كل حاجه وكان ايده قبل ايدى

.. اوضه ايه دى يا بنتى
.. اوضه ولادنا وكان نفسنا فى بنت اللى لسه مجتش اصلا 😢 عارفه يا اسماء هقولك على سر بس اوعى عامر يعرفه انا كشفت على نفسى وطلعت مش بخلف وعامر بيحب الاولاد بس هو راضى وبيقولى بكره ربنا يعوض علينا هو راضى بقضاء الله 😍
.. اه راضى ربنا معاكم بقى طيب ممكن شهد تنام فيها
.. لا بلاش ارجوكى يا اسماء
.. خلاص برحتك يا ستى فين الاوضه اللى هنام فيها
اثار.. اوعى تزعلى انا هخليكى تقعدى فى احسن اوضه رددت وقالت اومال فين اوضتك انتى وعامر رددت وقالت فوق فوق فى الدور التالت
اسماء.. اه فى الدور التالت والله ما خدت بالى ان فى دور تالت 😁 لوحدكم بقى 😂 روقان
.. روقان ايه يا بنتى انتى لسه زى ما انتى النهارده اول يوم لجوزك فى القبر 😢

.. ههههههههه اه نسيت امسك الفون واكتب بوست واقول النهارده اول يوم لجوزى فى القبر ادعوله 🤣 كلنا لها يا حبيبتى

.. هعمل فيكى ايه بس يلا ادخلى اوضتك انتى وشهد وفى جوه فى الدولاب هدوم كانت بتاعتى اللبسى برحتك لحد ما ننزل نشترى ليكى شويه هدوم وعندك جوه كام فستان اسود
.. نعم اسود ماشى ماشى
اثار.. عموما يلا لحد ما الأكل يكون جهز
اسماء.. حاضر

وفعلا اسماء دخلت الاوضه وخدت شهد معاها وقفلت الباب عليها وفتحت الدولاب وقالت ايه اللبس ده طول عمرها آثار ذوقها زفت فى اللبس ايه ده عموما انا هلبس ده وطلعت من الدولاب فستان ولبسته وسرحت شعرها وخلته سايب وهى شعرها طويله وجميله وجسمها ملفت وبعد ربع ساعه كان الاكل جاهز وأثار وعامر قاعدين مستنين اسماء تنزل هى نيمت شهد ونزلت وكانت زى الملكه واول ما اسماء شافتها اتخضت وقالت ايه لابسه فستان احمر وجوزك لسه مدفون ايه ده يا بنتى عيب كده فين الأصول

اسماء بصت ل عامر وقالت الحى ابقى من الميت ومتزعلش منى يا عامر اخوك ده ميتزعلش عليه ومسكت عامر من قميصه وقالت بكل بجاحه فاكر يوم خطوبتنا هو اللى لعب فى دماغى وخلانى هربت معاه وكمان كان بيكرهك
.. انا هعذرك لأنك مجروحه وزعلانه على موت جوزك ابو بنتك!
.. طيب
= وقعدوا كلهم على السفره ونظرات اسماء كلها دلع لعامر وأثار مش فى دماغها اى حاجه
.. انا شبعت
.. لحقتى اكلتى انتى عندك انيميا وبترضعى يا اسماء
.. انا شبعت يا آثار خلاص
.. قولى الحمد لله
.. الحمد لله يا ستى هو انا قولت غير كده
عامر.. انا هطلع انام تصبحوا على خير
.. وانتى من اهله يا حبيبى

اسماء قالت فى سرها شكلك اتم ومش سهل بس كفايه عرفت ان آثار مبتخلفش وانا بقى بخلف وعندى بنت ولازم اوقعك وابقى حامل منك علشان تتجوزنى غصب عنك
اثار.. فى حاجه يا اسماء
اسماء.. لا لا مفيش انا هطلع انام تصبحى على خير
آثار.. وانتى من اهله 🤔
.. وطلعت اوضتها وقعدت مع بنتها وكان محروق دمها ان عامر حتى مبصلهاش ولا اعتبرها ست قدامه
.. تعالى يا حبيبتى شوفتى عمايل اسماء
.. والله يا عامر انا فعلا مستغربه بس اوعى تزعل منها دى برضه زى اختك
.. يااه احلى حاجه فيكى حنيتك دى بحمد ربنا انك وقعتى فى قرعتى

.. ههههههههههه ربنا يباركلى فيك ويخليك ليه
.. فون اسماء رن ورددت وقالت الو مين معايا
.. انا منى يا اسماء البقاء لله
.. منى مين
.. جارتك اللى قصادك
.. اه ازيك يا منى
.. الحمد لله فينك انا قولت هتاخدى العزا فى محمد هنا بس والله زعلت عليه
.. انا عند أهلى الله يرحمه بقى 😁 عاوزه اققولك حاجه
.. قولى ؟

.. انتى لسه بتشتغلى فى البار
.. ايوه اومال هاكل منين 😁
.. طيب ليه عندك طلب
.. عنيه اؤمرى
.. عاوزه ازازه خمرا غاليه من اللى بدوخ من اول كأس وكمان عاوزه برشام هلوسه
.. خمرا دى غاليه اوى؟ وبعدين لمين وكمان برشام هلوسه لمين ده وليه ؟!
.. هاتيهم بس وهقولك على كل حاجه
.. حاضر بس كيشى
.. عنيه هاتيهم وهديكى اللى انتى عاوزاه
.. اوك بكره هكلمك ولا اققولك تعالى البار وقابلينى برا
.. مش هقدر انتى عارفه هيكون فى عزا
.. عزا وعاوزه خمرا والله انتى مسخره 😂
.. ههههههههه يلا تصبحى على خير

وقفلت معاها السكه وابتدت تعمل لعبه على عامر
.. وفى صباح اليوم التالى قامت من النوم وحضرت بإيدها الفطار وعامر صحى بدرى زى عادته وكان بيجرى فى جنينه الڤيلا وأثار نايمه زى عادتها
.. صباح الخير يا عامر
.. صباح النور صاحيه بدرى قوى ليه كده
.. انا طول عمرى كده بس آثار اللى كانت دايما بتصحى متأخر ومسكت ايد عامر
.. عامر قال فى سره انا مش عارف هى مالها باين عليها كده تعبانه نفسيا بسبب موت محمد
.. مالك يا عامر
عامر مسك ايدها وقالها انتى فيكى حاجه وراحت قربت منه
الام.. صباح الخير فين آثار
اسماء.. ماما صباح النور
عامر.. طنط صباح الفل آثار نايمه

اسماء.. وحشتينى يا ماما
عامر.. يلا يا طنط الظاهر كده حماتك بتحبك اسماء حضرت فطار يلا ندخل نفطر وفعلا عامر دخل يفطر
الام مسكت اسماء من ايدها وقالت انتى يا بت ياللى ملكيش حاكم ولا كاسر ابعدى عن هنا وابعدى عن عامر مش ده اللى هربتى منه ولا نسيتى.
اسماء.. انا مش فاهمه بتتكلمى عن ايه ده اخويا واكتر من اخويا
           الجزء الحادي عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-