قصة فرحة عمري كامله بقلم كوكي سامح

قصة فرحة عمري كامله بقلم كوكي سامح

    #فرحه_عمرى(كامله)
    قافل تليفونه من امبارح وانا هتجنن طيب ازاى ده النهارده خطوبتنا ولازم اروح الكوافير دلوقتى لقيت نفسى بروح لحد عمارته والغريب ان البواب مكانش واقف كالعاده روحت

    طالعه السلالم جرى لحد ما وصلت شقته رنيت الجرس ومحدش رد بقيت اخبط وارزع عالباب وبرضه مفيش حد رد مسكت تليفونى واتصلت بيه اكتر من مره وبرضه الفون مغلق وروحت اتصلت على مامته ورددت عليه وبلهفه سألتها فين تامر يا ماما من امبارح وتليفونه مغلق يارب يكون خير

    رددت عليه بكل برود وقالت كل شئ قسمه ونصيب رديت عليها وقولت انا عاوزه اكلمه ممكن رددت وقالت هو بره البلد دلوقتى سافر لأبوه وقرر يشتغل بره ومش هيرجع غير بعد 4 سنين قولتلها هو ده لعب عيال انتوا كده هتفضخونى حرام عليكوا قالت وانا ذنبى ايه وبعدين يا مها هو خاطب بنت

    اختى وسابها علشانك وانا عاوزاها ولو مخدهاش هغضب عليه ليوم الدين وقفلت فى وشها وانهارت  وروحت البيت وقولت لماما خلاص مفيش فرح ماما وبابا اتكسر خاطرهم وماما القلب تعبها وقالت اتفضحنا ومسكت تليفونها واتصلت بحماتى بس كنسلت عليها والدنيا بقت سوده فى عينى وانا تايهه ومصدومه لغيت حجز الكوافير والقاعه وكنت متحسره ودخلت اوضتى وكنت منهاره وتعبانه نفسيا وافتكرت اليوم

    اللى قالى هاتى الشبكه علشان يوم الخطوبه لازم تكون معايا فى وقتها خدها منى وحتى الدبله ده خد كل حاجه مفيش غير شويه هدايا ومسكت الفون وفضلت اتفرج على صورى معاه هما مش كتير بس ذكرى انا فعلا حبيته بجد هو كان زى القمر ومتعلم معاه بكالوريوس هندسه ومستقبله كويس إنما أنا دبلوم صنايع بس كنت مثقفه جداً يمكن اكتر منه والتفكير شغل دماغى هو سابنى علشان انا اققل منه فى التعليم بس

    انا واثقه ان مش ده السبب خالص بل بلعكس عمره ما قال كده وعدى شهور على موضوعى مع تامر واتقفل تماما لحد ما جه اليوم وكنت بشترى شويه حاجات وشوفت بنت عمه الاء ووقفت اتكلمت معايا وقالت انهم كلهم زعلوا على قرار تامر بس أكدت انها رغبت امه مش هو ووقتها روحت البيت وانا مضايقه ودخلت اوضتى ولقيت صاحبتى إسراء جايه تزورنى وهى الوحيده إللى كانت بتهون عليه ومسكت الفون وقالت

    افتحى الفيس وفتحت الفيس وقالت شايفه الاكونت ده بتاع بابا تامر وسألتنى انتى شوفتيه قبل كده رديت وقولت لأ هو مسافر وعمرى ما شوفته رددت وقالت شوفتى العز اللى عايش فيه وكنت عاوزه اققولك ع حاجه تامر خطب بنت خالته وكمان كتب قبل ما يمشى وانا عرفت صدفه وسابتنى ومشيت وانا فضلت اعيط وعرفت انى مغفله كبيره واضحك عليه بس قررت اخد حقى منهم روحت عملت اكونت جديد

    وبعت لابوه طلب صداقه وقبل الطلب وكلمته ماسنجر وبعد اسبوع بالظبط كان واقع فيه وقررت انى اققهرهم واتجوز ابوه واكون ضره اللى خربت حياتى وفعلا ابتدينا نتكلم فيديو وشغلت وقته لحد ما جه اليوم اللى قالى انه نازل وركب الطياره وكلها ساعتين ويكون فالمطار وعاوز يشوفنى
    .. انا فرحت اوى ان خلاص هقدر اخد حقى وقومت فتحت الدولاب ولبست أجمل فستان عندى وعملت ميك اب ونزلت

    جرى وانا مبسوطه وفرحانه واتصلت أوبر ولقيت بعد 10 دقايق الاوبر فيها شاب وسيم وكان اللى يميزه ان دقنه طويله ولما ركبت قولتلوا المطار رد عليه وقالى وكان صوته حزين حاضر يا انسه بس..
    .. رديت وقولت بس ايه يا حضرت رد عليه وقالى انا همشى بيكى من طريق تانى علشان الطريق زحمه اوى رديت وقولت اللى تشوفوا المهم اوصل بسرعه انت متعرفش المشوار ده بالنسبه ليه ايه؟؟ بس مردش عليه

    تليفون مها بيرن وكانت إسراء صاحبتها رددت وقالت الو ايوه يا سوسو انا ركبت أوبر وطالعه عالمطار عارفه يا إسراء انتى كنتى بالنسبه ليه نجده لازم اتجوز ابوه علشان اخد حقى ومش هسيبه واخلى امه العقربه تشرب نارى وقفلت معاها وفجأه العربيه وقفت وسواق الاوبر بص عليه ورا وقالى ممكن سؤال رديت وقولت اتفضل رد وقالى اسمك ايه قولتلوا بإستغراب وابتديت اخاف وقولت وانت يهمك فى ايه رد وقالى اسمك ايه يا انسه رديت قولت أسمى مها رد عليه وقالى انا اسمى عادل

    عادل.. ممكن اعرف مين إسراء
    مها.. صاحبتى بس لو سمحت وانت بتتكلم ممكن نمشى
    عادل سواق الاوبر.. اه عاوزه تمشى علشان تلحقى تخربى بيت اللى كان خطيبك على قد سمعى يعنى رديت وقولت والله ده شئ يخصنى ولو سمحت اطلع بقولك
    عادل.. عموما هقولك كلمتين اولا انتى هتأذى نفسك قبل اى حد وعلى فكره صاحبتك دى مش كويسه هى اسمها ايه؟؟
    مها.. إسراء

    عادل.. تمام علشان متكلمهاش تانى هى مش كويسه من الأساس عموما اللى تحرضك على اذيه الناس وبتفتكر بكده ان حقك هيجى لأ والف لأ هى كده بضرك
    مها.. انت متعرفش حصلى ايه 😭
    عادل.. انتى بتعيطى امسحى دموعك يا انسه مها مفيش حاجه تستاهل عموما انا هطلع المطار وربنا معاكى
    .. وفعلا عادل دور العربيه وطلع على المطار وابتدت مها تحكى لعادل كل اللى حصلها ومنظرها قدام الناس وان من وقتها بتتعاير من أهلها ومفيش اى عريس أتقدم ليها وكانت منهاره بجد

    تليفون عادل رن ورد وهو ملهوف وقال حاضر انا جاى بسرعه
    مها.. خير يا عادل فى حاجه
    عادل.. انا اسف يا انسه مها بابا تعبان ومضطر انزلك هنا
    مها.. هنا فييين ؟ ده احنا دخلنا فى الصحرواى
    عادل.. بقولك بابا تعبان انتى ايه مش بتحسى رددت وقالت لا والله مش قصدى بس بلاش تنزلنى هنا انا هاجى معاك وبعدين توصلنى رد وقالها تمام وغير طريقه وراح لحد البيت واول ما دخل البيت مها طلعت معاه وشافت عيلته كلها حزينه وكان باباه تعبان اوى والدكتور كان عنده ولما الدكتور خرج قال انه لازم إسعاف فوراً

    .. رد عادل وقال حاضر ومسك تليفونه وفضل يتصل بالأسعاف وكانت مشغوله وفجأه قلب الاب وقف ومات وعادل وامه واخواته البنات بقوا يصوتوا وكل ده ومها واقفه ومستغربه وبتعيط زيهم وفجأه دخلت ست جميله وصغيره واول لما عادل شافها قالها يلا من هنا يا خرابه البيوت ابويا مات خلاص روحى بقى باللى فى بطنك شوفى مين ابوه والست دى فضلت واقفه متسمره مكانها ومها عرفت كده من كلام عادل انها مرات ابوه ومها وقفت جمبها وسألتها وقالت بصوت واطى هو حضرتك تقربى ليهم رددت وقالت انا مرات ابوهم رددت مها وقالت معقول ده انتى تقريبا من سنى واذا كان عادل شكله فى التلاتين يعنى ابوه اكيد راجل كبير

    رددت وقالت ايوه كبير واوى كمان انا ظلمت نفسى لما اتجوزتوا كنت بفتكر نفسى هعيش سعيده علشان كان لسه خارج عالمعاش ومعاه قرشين وعمل قرض من البنك ع بيته وخد ٣٠٠ الف جنيه بس لما عشت معاه صدقينى مكنتش مرتاحه ولما الفلوس اتصرفت لقيت نفسى خسرانه من كل الجوانب حياتى ادمرت مع راجل عجوز حتى العلاقه مكانش قد كده عمرى ما ارتحت معاه وغير مشاكل ولاده لحد ما حصلت كارثه من كتر احساسى انى معاه مش ست ولا حاسه بأنوثتى عرفت شاب كان جارنا فالمصيف وللأسف الشيطان

    صورلى ان هو ده اللى هرتاح معاه وفعلا كان بابا عادل ينام وانا كنت بروح للشاب الشقه بتعته اللى مأجرها وغلطت معاه كنت بحس انى بشبع رغبتى الجنسيه معاه وبعد ما المصيف خلص بقيت اقابله وكمان كان بيجى الشقه عندى والجيران كانوا بيشوفوا عندى وسيرتى بقت على كل لسان انا اتفضحت بمعنى الكلمه مفيش فضيحه تهز الست غير فى شرفها انا فعلا غلطانه واهلى بعدوا عنى وانا بعدت عنه وتوبت لربنا وبعد كده حملت من بابا عادل ولما عرف انى حامل فرح اوى بس بعد ايه! ومها رددت وقالت ليه حصل ايه؟

    .. هقولك فى يوم كنت قاعده وجوزى قاعد وصاحب البيت نزل هو كان مسافر بس لما رجع وبعد شهور من موضوعى عرف كل حاجه وطلب من جوزى نسيب الشقه علشان سمعه البيت اتوسخت وقالوا على كل حاجه طب وقع من ساعتها ومات كمان وسابنى لاولاده اللى مش عاوزين يعترفوا بأخوهم بس انا والله حامل منه رددت مها وقالت فعلا مفيش فضيحه تهز الست غير شرفها وانا كان مجنى عليه واتظلمت ومش هقول غير حسبى الله ونعم الوكيل فيك يا تامر انت ومامتك

    .. ومها راحت وقفت جمب عادل وقالت البقاء لله شد حيلك عموما انا همشى الوقت اتأخر رد وقالها والدموع فى عينه اوعى تعملى اللى فى دماغك هتتعبى يا انسه صدقينى انا خايف عليكى رددت وقالت انا فوض فيهم اللى ما يغفل ولا ينام وعادل بصلها اوى وخد تليفونها وهى مشيت وعرفت ان قضى اخف من قضى وحطت نفسها مكان مرات ابو عادل ونزلت من البيت وابتدت تحمد ربنا انه بعد عنها شيطانها وكانت هتقع فى مصايب وتليفونها رن وكان بابا تامر ورددت وقالت الرقم غلط وعملت بلوك وكمان عملت بلوك لإسراء

    وروحت بيتها ودخلت اوضه نومها وفضلت تفكر فى اللى حصلها وكانت هتقع فى غلط كبير وبعد مرور اسبوعين عادل كلمها فون وابتدوا يتكلموا مع بعض ونشأ بينهم قصه حب شريفه محترمه وبعد ما عدى على وفاه ابوه وقت أتقدم وخطب مها وربنا عوضها باللى يستاهلها واتجوزت وبعد جوازها بسنه خلفت تؤام ولد وبنت زى القمر وفى يوم عادل نزل شغله وهى خدت ولادها ونزلت تشترى شويه حاجات

    من سوبر ماركت قابلت تامر ومامته ومراته اللى هى بنت خالته وكان على وشهم حزن كبير ومها أصرت تلوم بس فجأه مامت تامر قربت منها ومسكت الولاد وقالت دول ولادك يا مها مبروك يا حبيبتى بس مها بصت ليها بنفس متسامحه وقالت ايوه يا طنط رددت وقالت سامحى تامر هو غلط وانا كمان غلط 😁 كان زمان دول ولاده اصل بنت اختى مبتخلفش وهو كمان عنده عيب يمنعه من الخلفه لازم حقن مجهرى وهى للأسف معندهاش حتى ذره امل واحده وحتى مش عارف يطلقها ولا يتجوز عليها اختى هتقاطعنى وغير كاتب مؤخر كبير وكل حاجه بأسمها واحنا معناش نسد

     رددت مها وقالت ليه انتى بتتريقى عليه ما كفايه باباه والعز اللى هو فيه ما يقف مع ابنه رددت وقالت بنفس مكسوره وحزن ابوه اتوفى بسكته قلبيه وبقينا لوحدنا وحتى الفلوس اللى معاه كان متجوز بره من ورايا ومراته هناك خدت اللى وراه واللى قدامه 😭
    رددت مها وقالت معلش يا طنط ربنا كبير 😍
    رددت مامت تامر وقالت ممكن سؤال انا مستغربه منك لما تامر سابك وانا بهدلتك فى التليفون وكانت فضيحه يوم خطوبتك كل ده وانتى حتى محاولتيش تاخدى حقك رددت مها وقالت ومين قالك انى مخدتش حقى دى واقفتك قدامى دلوقتى والذل اللى انتوا فيه بيقول انى انا خدت حقى

    وزياده وعموما يا طنط انا الحمد لله بنت شريفه اتفضح ليه انا محافظه على شرفى اما بالنسبه للخطوبه انتم ظلمتونى وده مش عيب وحق المظلوم عند ربنا  وانا فوض امرى للى خلق السماء والأرض ☝️عن اذنك يا طنط ومها مشيت وهى سعيده وفرحانه وماسكه ولادها وبتقول ياه ضحكتكم دى بالدنيا عندى وبقوا فرحه عمرى وبصت للسماء وقالت يارب راضيه بقضائك.. ياه انا كنت هخلف ولادى دول بالعافيه حقن مجهرى وتعب وكمان على حسب العمليه لا تنجح لاتفشل سبحانك ربى وانا كنت معترضه على قضائك والحمد لله انك نورت بصيرتى للصح وعسى أن تكرهوا شيئا وهو خير لكم.

    فعلا محدش يعترض على أمر ربنا
    اللى ربنا يبعدك عنه♥️ ابعد عنه واوعى تجرى وراه أصله علام الغيوب وعارف عباده وعارف مدى صبرهم وتحملهم وياريت على طول تدعوا الدعوى دى ربنا ولا تحملنا ما لا طاقه لنا به 👍🏼واوعوا تنسوا وعسى أن تكرهوا شيئا وهو خير لكم 😍
    ربنا يسعدكم صباحكم كله سعاده

    إرسال تعليق