رواية حبيت جوز صاحبتي الجزء الثاني

رواية حبيت جوز صاحبتي الجزء الثاني

    قمت الصبح ع التليفون بيرن..
    لاقيت امل بتتصل بيه رديت عليها وقولتلها عاش من سمع صوتك؟! ردت وقالت صباح الخير الأول

    قولت صباح الفل ي اموله ردت بس كان صوتها فرحان!! ؟
    وقالت؟ دنيا عاوزاكى النهارده ضرورى عندى محاضرات بس عندى ميعاد ومش هقدر اروح احضرى انتى وبالليل نتكلم وانقل كل حاجه منك فون ههه ههههه
    دنيا.. اموله مشوار ايه ده؟؟
    قالت مفجأه.......

    وفعلا انا روحت الجامعه ومعرفش امل فين ومفجأه ايه ؟؟
    وعدى وقت حوالى ٤ ساعات ومعرفش حاجه عن امل خالص
    وبتصل بيها مش بترد قلقت جدا وبعت رساله لو كده تكلمنى وعرفتها انى روحت البيت...
    لاقيتها بتكلمنى فون وبتقولى انا جالى عريس وكانت فرحانه اوى بس هنستنى شويه يكون عدى وقت ع وفاه جدتى
    قولتلها اموله مين ده وعرفتيه فييين؟؟!

    قالت بعدين بعدين لينا قاعده مع بعض؟
    عدى شهر وامل متغيره جدا قلعت الأسود ورجعت احسن من الاول هو فعلا العريس خد وقتها بس انا كنت فرحانه 😍
    وبتمنى ليها كل خير.....
    مبقاش فى بينا تليفونات زى الأول غير هاى باى وعامله ايه وخلاص.! بس حبايب وأصحاب

    لاقيتها بتقولى يلا اجهزى احنا اتفقنا خلاص ع ميعاد الخطوبه وكانت فرحانه اوى وانا فرحت لفرحتها
    نزلنا اشترينا فساتين وسألتها مين العريس قالت مفجأه قولتلها انا اعرفه قالت لا لا لا
    قولتلها امل مش ملاحظه حاجه انتى بقيتى بعيد عنى انتى حتى ما اخدتيش رأى فى خطوبتك ولا عرفتينى ع العريس المنتظر ههههه اتحرجت وقالت مكانش فى وقت صدقينى كنا لسه بنتعرف ع بعض متزعليش منى ي دنيا بوستها وباركت ليها ومن كل قلبى فرحانه بيها اوى انها فرحانه وسعيده

    نسيت اققولكم احنا كنا اخر سنه فالجامعه
    وفعلا كنا فى وقت امتحانات وعدت ع خير واتخرجنا واتفقنا نعمل بيزنس صغير ع قدنا نعمل مكتب محاسبه بعد خطوبتها هنفتح المكتب؟!...
    لاقيت جرس الباب بيرن فتحت لاقيت امل استغربت خير  فى ايه قالت إن شاء الله بكره خطوبتى هنعملها ع الضيق عاوزاكى تكونى اول الحاضرين فرحت وحضنا بعض بس انا كنت حاسه انها بعيده عنى بقلبها كان قلبى مقبوض مش عارفه ليه؟؟!..

    قمت من النوم فرحانه وبقول النهارده خطوبه اموله ربنا يبارك لها ويتمم لها ع خير...
    دقت الساعه 6 مساءا قمت لابست وعملت ميك اب ونزلت وخدت هديه علشان صاحبتى وعشره عمرى متكونش لوحدها رغم أنها اتغيرت اوى اوى
    روحت ع بيتها لأنها عامله الخطوبه ع الضيق ودخلت ببص عليها وبشوف العريس لاقيت..

    عمر العريس طيب ليه وفين وحصل ازاى الموضوع فى أنه انا معرفهاش وبعد ما امل اتغيرت محبتش اسأل دخلت وسلمت عليها وسلمت عليه بصلى جامد بصه غريبه مش قادره انساها بس هو عنيه حلوه اوى فيها حاجه مثيره
    راح قالى احنا اتعرفنا ع بعض قبل كده رديت وقولت طبعا مبروك ي عريس رد وقال عقبالك ضحكت وقولت يارب
    أمل وعمر كانوا مبسوطين بس نظرات عمر غريبه عينه مش نازله من عليه وانا قولت عادى ده خطيب صاحبتى لا أمل دى اختى 💖

    والخطوبه عدت ع الخير بس انا مش قادره انسى نظرات عمر وازاى كلم امل بصراحه زهقت من كتر التفكير
    لاقيت التليفون بيرن بقووول مين قالى انا عمر ي دنيا

              الجزء الثالث من هنا

    إرسال تعليق