احب أشكر الأول العشرة اللي بيفرحوني ويشجعوني
وبيدعموني اني اكمل الرواية بجد انا بحبكم ف الله اوووي
#رووووووعة الحلال
#البارت الثامن
مريم كانت رايحة الشركة وبعد ما دخلت تفاجئت بلمار قصادها وهي واقفة مع مدير الشركة وبتتكلم معاه
وطبعا لمار لبسها خليع وبتتكلم بدلع وميع (بت ناقصة ترباية وكده ويووووه متعدش يجيمي يامااكترهم اليومين دووولي😂😂😂)
مريم دخلت ع شغلها وسلمت ع صاحبتها لوجي وراحوا يفطروا مع بعض وبداوا يقربوا من بعض أكتر وحبوا بعض جدا وخلصوا فطار وكل واحدة شافت وراه ايه وراحت تكمله
عند المدير لمار واقفة معاه وبقوله أنها عايزة تشتغل معاه وكده وأنها خريجة صيدلة ودفعت ابنه محمود لكن هو قالها للاسف انا مش محتاج حد يشتغل الايام دي انا لسه مشغل دكتورة معانا من شهرين واوعدك لو احتجتك هشغلك معانا وابقي سيبي رقمك هنا
لمار!''' خرجت من عنده وكانت بطلع شرارة عشان شافت مريم شغالة هنا ازاي وقالت والله لاوريكي انتي بتطلعيلي منين
لانا لانتي ياكلبة انا مش عارفة هو الحظ بيلعبها صح معاكي ليه انتي احسن مني ف ايه دا كله لمار بتكلم نفسها وبتتوعدها😡😡ومشيت ف الاخر
ف بيت مريم وبالأخص عند سارة اللي فضلت تفكر كتير اوووي ف كلام خالد اللي هي لحد الآن متعرفش هو عايز منها ايه بس كل اللي حساه أنها انشدلته وضربات قلبها بتزيد وعيونها بتنور كده لمابتتخيله وتشوف ملامحه وبتتمني انه يكون فعلا صادق معاها وبيحبها وميضحكش عليها لأنها بتخاف قلبها ينكسر وهي محافظة عليه لحلالها وبس
(ايو والله يبنات احنا ضعاف اوووي وممكن ننكسر بسهولة
احيانا بنقابل زي خالد ومحمود كتير وبنعجب بيهم من اول مرة وبنتمني انهم يكونوا قدرنا ونصيبنا بس دا حاجة لا إرادية بس غلط لاننا بنوهم نفسنا ع الفاضي فاحنا نفض بصرنا وقلبنا منفتحووووش غير لحلالك وبس ووقتها هيكون هو كل حياتك وهتحس بطعم الحب وحلاوته وبجنانه وهبله ودا كله وربنا راضي عليكي 😍)
والدةمريم سلوي مالك يسارة سرحانه كده ليه وانا حاسة وشك كان بيضحك وعيونك بتلمع كده ف ايه يقلب امك
راحت سارة جارية ع امها كده وحضنتها وحطت رأسها ع رجل امها وحكتلها ومامتها بتلعب ف شعرها وهي نايمة ع رجليها حنان الام😍😍(والله الحركة دي من اماهتنا بتسوي الدنيا وما فيها بحبها اوووي 😂😂)
حكت سارة اللي حصلها ومامتها قالتلها متفكريش يسراسيرو وسيبها ع ربنا واهم حاجة تحافظي ع مشاعرك وقلبك دا للي يستحقه يضاكتورة ولسه الحياة قدامك بدري وياما هتشوفي يبنتي انا فخورة بتربيتي فيكم اوووي الحمد لله علام واخلاق وحافظت عليكم وانا عشمانة ف ربنا خير انه هيفرحني بيكم اوووي وهيعوضكم يحبيبتي انتوا التلاتة😍😍
والدة مريم سلوي؟!!' يلا يسارة عشان نجهز الغدا عشان اخواتكم زمانهم جايين مريم هترجع من الشغل واحمد رايح يقدم ورقه ف كليته وربنا يسترها عليه ويباركلي فيكم يارب
سارة؟!' حاضر يماما يحبيبتي يلااا بينا 💃🏃
ف كلية الطب كان شباب وبنات كتير رايحين يقدموا ورقهم وكانت رهف واحمد بيقدموا هما كمان بس مشافوش بعض غير وهما مروحيين
رهف كانت بتمشي بسرعة والفون بتاعها وقع من ايديها وكان لسه هينزل ع الارض لكن واحد من بعيد لمحه وطلع جري عليها ولحقه ومسكه قبل ما يقع ولسه بتبص ف وشه قالتله ايه دا هو انت قالها وبص ليها كمان قالها هو انتي
احمد ....الحمد لله اني شوفتك تاني وكمان معايا ف نفس الكلية انا فرحان اووووي😊😊
رهف ...شكرا يااحمد ربنا معانا ويوفقنا كلنا وهستاذنك سلام
احمد.... طب استني امشي معاكي اوصلك اصلا ممكن تقعي وانتي ماشية او تخبطي ف حاجة زي كل مرة 😂😂
رهف.... ضحكت كده وضحكتها جننت احمد بغمزتها الواحدة اللي طيرت قلب أحمد من الفرحة وقالتله لا متخافش هركز بعد كده وشكرا يا احمد 😍
احمد ..احلي احمد سمعتها 😍😍
ومشيوا ع بيتهم وكل واحد منهم روح
ف الشركة عند مريم خلصت شغلها وراحت تستأذن من مديرها عشان تمشي واذن ليهم ومشيوا هما الاتنين هي وصاحبتها لوجي
وصلوا البيت مريم واحمد واتغدوا كلهم مع بعض بعد ما صلوا العصر وكل واحد دخل عشان يريح شوية
ف بيت محمد الشافعي وكانوا متجمعين ع الغدا رهف ومحمود ومحمود فاجيء والده وفرحه قاله انا هشتغل معاك يبابا ف الشركة وهبتدي معاك من بكرة
الشافعي. .الله بجد فرحتني اوووي يمحمود يبني عشان تساعدني ف الشركة وحملها تقل عليا ومبقتش حمل تعب وبهدلة
محمود ..تسلمي ياوالدى انا معاك وف كل حاجةعايزني اعملها قولي عليها
وكملوا اكل وكل واحد دخل اوضته
والدة محمود كان متوفيه وابوهم هو اللي كان معاهم وجنبهم
رهف كانت قاعدة لوحدها سرحانه ف اوضتها ودخل عليها محمود هو ديما بيحب يكلمها وكان بيشرحلها اي حاجة تقف معاها كان والدها التاني برضو
محمود... مالك يارهوفتي سرحانة ف ايه احكي يلا حصل ايه معاكي النهاردة
رهف ...بص يمحمود من غير كذب ولا حاجة انا كان معايا احمد دفعتي ف الثانوي وكان ممتاز جدا ومحترم وكان بيساعد زمايلنا ويشرحلهم كل حاجة واقفة معاهم وكنت ببعت صاحبتي عشان تسأله ف اي حاجة كانت بتقف معايا عشان انت كنت مشغول ف الامتحانات بتاعتك وكده
والمهم النهاردة اتفاجئت انه هيكون معايا ف نفس الكلية
بس معرفش فرحت ليه انه هيكون معايا وحكتله ع الموقف اللي حصل
محمود...وهو فرحان ان اختك بتحكيله كل حاجة قالها انا واثق ف اختي حبيبتي أنها مبتعملش غلط وبتخاف ربنا
وممكن تكوني فرحتي لما شوفتيه عشان عارفة انه شاطر وكنتي متعودة انه معاكي ف الثانوي وكده 😊
قالتله جايز بس محترم اوووي
رد عليها قال ربنا يحفظه لاهله ويبارك فيه واي حاجة تحصلك بعد كده تحكيلي عليها يحبيبتي كلها كام يوم
والدراسة تبدأ ولو ف حاجة مضايقاكي تيجيلي يقلبي😍
ف نفس الوقت كانت مريم دخلت تتكلم مع احمد اخوها وتساله عملت ايه وكده
احمد الحمد لله قدمت الورق وشرد كده واخته بتكلمه
مريم ..احمد مالك شردت ف ايه احكي احكي يعم انت بقيت احسك بتضحك لوحدك مالك يحبيبي انت بتحب 😂
هل انت بتحب 😂😂
احمد ..ضحك كده وقالها مش عارف بس بفرح لما بشوفها او اتكلم معاها وضحكتها جميلة اوووي🙈🙈🙈
مريم ...قولي مين دي
احمد. ...حكالها كل حاجة بس كان فرحان وهو بيحكي
مريم ..اممممممم يعم الحبيب اهم حاجة انك متعملش غلط ولا تاذي حد عشان محدش ياذينا
قاطعها احمد هششششش انتي عارفة اخوكي كويس وانه راجل وان شاء الله هشوف شغل وانا بدرس عشان اقدر أساعدكم وكمان يمكن اتجوز قبلكم😂😂😂
مريم. ..يلا ياض تتجوز قبلنا كمان دا انت واقع بقي😂😂
احمد ...بصراحة اها 🏃🏃🏃🏃
مريم ...خد تعالي هنا ياض انت كبرت علينا ولا ايه تكونشي عشان طولنا مرتين يبقي أكبر مننا 😂😂
فضلوا يضحكوا وكانت سارة دخلت عليهم وانسجمت معاهم وبداوا يجروا ورا بعض 😂😂
عند خالد الحزين 😂😂طلع الفون بتاعه واتصلت ع محمود صاحبه الاحزن منه وكلموا بعض عشان يضيعوا وقتهم ما هما واقعين هما كمان ومش عارفين يعملوا ايه ولا يوصلوا لمريم وسارة ازاي 😂😂
خالد.... عرفت ابوك انك هتنزل تشتغل معاه
محمود..اها وفرح جدااا
خالد. ..الحمد لله ومعرفتش مكان مريم فين ولا اشتغلت فين
محمود. ...بوجع كده لا😔😔(يعيني يبني😂😂)
وسال خالد وانت عملت ايه شوفتها قابلتها
خالد بنفس الوجع اها😔😔(يعيني عليكم يحبايبي😂😂😂)
محمود ... عملت ايه
خالد ....وحكي ع اللي حصله
محمود طب هنعمل ايه انا خلاص معدتش مستحمل
انا لازم اشوفها وأقولها تعرفني عنوانها واروح اتقدملها
خالد وانا نفسي اوووي اعمل كده
الدراسة قربت اهييي وهشوفها
محمود....هتشوفها ازاي انتي خلصت يبني
خالد. . ... اها صح نسيت اقولك مش انا اتعينت معيد ف نفس الكلية😊
محمود .....فرحتني ياض يضاكتور وانا مستني بكرة برضو اشوف هيقبلونا احنا كمان ولا ايه..
خالد ..هو ايه النون اللي ف احنا دي😂😂😂
محمود ...غبي اوووي اومال دكتور ازاي يلا😂😂انا ومريم ياذكي 😂
خالد. ..اها صح طب يلا عشان احلم يسراسيروا😂😂
محمود ..ااااااشي يلا يخويا😂😂😂
وعدي اليوم ومحمود قرر ينزل يشتغل مع والده ف الشركة
ونزل وراح ووالده فرح اووووي وهما ف الشركة
الشافعي. ..ايه يبني مش ناوووي تتجوز وافرح بيك
انا عندي ليك عروووسة انما ايييييه
محمود لا يبابا انا مش هتجوز اللي انت بتقول عليها انا حاطط عيني ع واحدة بس للأسف مبقتش اشوفها 😔
الشافعي طب ما تشوف اللي بقولك عليها الأول وبعدين قولي رايك
محمود ......
البارت التاسع من هنا
