انا سالم السعدى عريس جديد والحكاية دى قررت اقولهالكم بعد مالمشكلة اللى حصلت مع مراتى انتهت تماماً ، اتجوزنا جواز صالونات ، منعرفش بعض ، روحت عندهم مرتين او
تلاته ، سمية مراتى للحق تفوق الجمال بشوية او شويتين ، وده كان دافع رئيسى انى اتغاضى عن حاجات كتير شايفها فيها مش حلوة وانى احاول اصلح منها بعد جوازنا ، فى الايام القليلة قبل الجواز مباشرة بدأت سمية تحب فيا وتقولى كلام رومانسى واتغيرت 180 درجة عن الاول
وحسيت ان الكسوف اللى بنا راح وده شئ اسعدنى جدا ، كانت المصيبة الكبيرة فى ليلة الدخلة ، اول مااتقفل علينا باب حسيت لاول مرة ان الحياة بتضحكلى ، وبدأت ابادلها الرومانسية بالكلمات وبمجرد ماحطيت ايدى على شعرها وقربت منها صرخت فى وشى بطريقة عريبة وقعدت تبكى بكاء هيستيرى
= ايه ياسمية مالك؟
..مفيش ، سبنى دلوقتى
= لازم اعرف سبب كل ده ايه قوليلي؟
.. مش قادرة اتكلم دلوقتى
بعد ماضغطت عليها بالأسئلة المتتالية ردت وقالتلى:
.. انا مش هقدر ابتدى حياتى معاك على كذب ، انا غلطت مع واحد قبلك وانا مش بنت
بمجرد ماسمعت الجملة انا محستش بنفسى غير وانا فى البانيو باخد دش وبفكر اعمل معاها ايه وقررت انى ماخدش قرار بتسرع وروحت نمت فى الاوضة التانية وسبتها نامت لوحدها ولما صحينا على طول ، حضرتلى الفطار ووشها فى الارض وقالتلى:
= طلقنى
بعد ماوافقت وقبل ماانطق الكلمة ، فكرت فى طبيعة اهلها الصعبة وانهم بمجرد مايعرفوا السبب هيقتلوها فرديت عليها:
.. لا انا مش هطلقك دلوقتى ياسمية انا هسيبك تقعدى معايا فترة وبعد كده اطلقك باى حجة ، لكن هنقعد زى الاخوات لحد مايتم الطلاق
هز راسها على انها موافقة على كلامى وعدى شهر ورا شهر واتفقنا فى يوم اننا نتم ال6 شهور واطلقها ، ويشاء القادر فى اليوم المتمم للـ6 شهور ، ان تخبطنى عربية وانا فى الطريق للبيت وكانت نيتى انى اطلقها ، الخبطة مكنتش جامدة لدرجة انى اروح مستشفى ، لكن كانت مجرد كدمات مكنتش ساعتها قادر اقوم من مكانى ، بدأت سمية تهتم بيا جدا ، وتغيرلى على الجروح البسيطة اللى فى جسمى
وتأكلنى ، وتشربنى ، وفى نفس اليوم اللى اتخبطت فيه ، سخنت جدا وقعدت تعملى كمادات ، فتحت عينى للحظات لقيتها منهارة من العياط وعمالة تدعى ربنا انه يشفينى ويقومنى بالسلامة ، وفى اللحظة دى قررت ااجل موضوع الطلاق وانى اسمع حكايتها الاول وايه السبب اللى وصلنا للمرحلة دى قبل ماانفذ اللى اتفقنا عليه.....
الحلقة الثانيه من هنا
بدل ماتدور وتبحث علي الروايات خليها علي تليفونك وحمل تطبيقنا
