قصة البيت الجديد كامله

البيت_الجديد_كاملة
من ساعه ما نقلت ف البيت الجديد وانا حاسس اني مش مرتاح..
حاسس ان ف حجات كتير بتحصل ومش عارف اي هي ولا ف اي..
خلوني احكيلكم حكايتي..
انا اسمي ابراهيم الشهاوي..
بشتغل مدرس لغه عربيه ودينيه

حكايتي عشان تحسها لازم تعمل زي ما انا كنت بعمل وانا بسجل كلامي ده ف شرايط..قوم اطفي النور واقعد لوحدك ف اوضتك ومتخليش جنبك اي صوت ولو حسيت بحركه غريبه من تحت سريرك او من عند اخر رجلك متقلقش..هما بيحبوا دايما يقعدوا ف الاماكن دي..حاول متسألش ف عقل بالك هما مين عشان محدش يأذيك ومتخفش..
اعرفكم ع حياتي اكتر انا متزوج بقالي سنتين ومراتي اسمها مي..
حكايتي بدأت لما منزلي الجديد تم الانتهاء من اعماله وبقي جاهز اني استلمه وانقل معيشتي فيه..
زي عاده الناس كلهاا ف قريتنا يتجوز الشاب ف بيت اهله ويبقي ليه شقه ف بيت العيله وبعدها يبدأ يشتغل عشان يعرف يشتري بيت ليه لوحده وده فعلا اللي انا عملته..

اشتريت قطعه ارض فاضيه وسط اراضي زراعيه مفيش غير ٣ او ٤ بيوت بس ف المنطقه..منطقه دايما هاديه وساكته ف ناس بتحب هدوئها وناس تانيه بتكره الارض دي من كتر ما بيحصل فيها حاجات مش كويسه بس خلاص انا اشتريت وبدأت ف أعمال البنايه وخلاص استلمت البيت..عباره عن دورين الدور الاول مجهز ودي الشقه اللي هعيش فيها اما الدور التاني يدوب لسه ع الطوب الاحمر..
بعد ما نقلت البيت ف الاول مكنش ف اي حاجه البيت هادي وحوالينا الدنياا هاديه جدا اللهم الا شويه خيالات خفيفه كدا بحسها ع سلم البيت بس ده الطبيعي شويه تهيؤاات ممكن تكون من التعب والارهاق..
عدي كتير لدرجه اني قربت أتعود ع التهيؤات دي واقول انها ارهاق واللي مأكدلي انها تهيؤات ان مراتي عايشه عادي مبتشتكيش من حاجه..

لحد ما فيوم وانا راجع م الشغل وجي م بعيد حسيت ان ف طفله صغيره بترمي نفسها م البلكونه بتاع الشقه اللي ع الطوب الاحمر..
جريت عشان اشوف مين دي والحقها قبل ما ترمي نفسها لكني ف اقل من ثانيه ملقتش حد وكأن مكنش ف حاجه حصلت..بس قلت بردو ف بالي ان دي اكيد تهيؤات ومفيش اي حاجه..
طلعت شقتي عشان الاقي مراتي قاعده ف الصاله خايفه ومنكمشه ف نفسها..
= "مالك ي مي ف اي؟! ، قاعده كدا لي.!"
- "انا خايفه اوي ي ابراهيم.."
= "طب بس اهدي واحكيلي اي اللي حصل.!"
بدأت مي تهدي وتحكيلي انها كانت نايمه ف الصاله حست بحد بيبص عليها قامت تشوف ف اي..لقت خيال شخص ضخم ع الحيطه طالع للشقه اللي فوق طلعت وراها وسمعت صوت صرخه قويه وهي بتجري تدور ف الشقه لقت بنت ف البلكونه قاعده فضلت تتكلم معاها لحد ما رمت نفسها م البلكونه واكتشفت ف الاخر ان ده كله حلم مع انها حاسه ان كل ده حقيقه..
اخدتها ف حضني وقولتلها

= "متخافيش ي حبيبتي مفيش حاجه..انا جنبك اهو.."
عدي كتير وقربنا ننسي الحلم ده وبدأت مي تجيب طيور تربيها ف الشقه اللي فوق دي..
بس م ساعه ما بدأت تجيب الطيور دي واحنا كل يوم نلاقي واحد منهم ميت..
بس المشكله مش ف كدا..المشكله ان كله بيموت بنفس الطريقه..
كل طير بيموت بنلاقيه مرمي ع الارض وعينه مفتحه وبتبص ع البلكونه..بس مي مكنتش ملاحظه ده اوي اد منا كنت ملاحظه..
ده غير الحركه اللي مش طبيعيه اللي بنحسها كل يوم ف الطيور خصوصا ف الوقت اللي قبل الفجر اللي المفروض الطيور بتكون نايمه فيه..بنحس بحركه اضطراب بينهم وكانهم بيجروا ورا بعض..او خايفين من حاجه..
مشغلناش بالنا بردو اوي اكيد دي طيور يعني..
لحد ما فيوم كنت قاعد ف الصاله كانت الساعه تقريبا ١٠ بليل وباب شقتي مفتوح..حسيت ان ف حد واقف بيتفرج علياا وهو واقف قدام الشقه..قولت مين ، مين؟!..

بس محدش رد علياا قومت عشان اشوف ف اي حسيت زي ما يكون خيال بني ادم عملاق ع الجدار المواجهه لياا وده بيدل ان ف حد طالع بيجري ع السلم طالع للشقه اللي فوق..
فتحت كشاف موبايلي وطلعت عشان اشوف مين الشخص ده واول ما وصلت للسلم
لاقيت دم وكلام مش مفهوم قالتلي متحاولش تقرأ حاجه م اللي مكتوبه..عرفت ساعتها دي كلها طلاسم تحضير جن..ولقيتها بتقولي اتكلم..
حكيتلها كل حاجه حصلت..بدايه م حلم مراتي باللي انا شفته وقت حلمها مرورا بحلمي انا وكلام عم سالم..
لقيتها غمضت عنيها وبدأت تتكلم كلام مش مفهوم وحسيت ان النور الاحمر بدأ يعلي ويزيد وحراره الاوضه بدأت تزيد..مكدبش عليكم كنت خايف اوي..بس فضلت متماسك وقاعد مكاني لحد ما خلصت ولقيتها بتتكلم مع حد ورايا وبتقولها تعالي..
لقيت بنت صغيره ماشيه لابسه فستان ابيض شعرها اصفر وعنيها خضرا وبتضحك ضحكه بريئة عمري ما شوفت زيهاا..هي ..ايوه هي نفس البنت اللي بنشوفها ف البيت..

خدتها الست نواره وقعدتها جنبها وبدأت تقول عليها كلام غريب وقالتلها دلوقت اتكلمي..
بدأت البنت ملامحها تتغير تاني..عيونها بقت كلها لونها اسود والضحكه البريئه دي بدأت تتحول وبؤها بدأ ينزل دم وهي بتحكي..وبتقول بصوت جهوري خشن زي الفحيح..
انها كانت ماشيه ف يوم من ورا البيت بتاعي وكان لسه البيت محدش ساكنه..مكنش ف غير اتنين بس شغالين تحت ف الچراشات بتاع البيت..اول ما شافوني لقيتهم بيوشوشوا بعض وهما بيبصلوا..بدأت اخاف منهم..لقيت واحد فيهم بيندهلي وبيقولي خدي اقولك ي حبيبتي..
انتي اسمك اي؟! وقبل ما اتكلم لقيت التاني حط ايده ع بؤي وشالوني هما الاتنين وطلعوا بيا فوق ف اخر شقه مكنش ف قلوبهم اي رحمه لياا قلعوني هدومي وعملوا عملتهم وف الاخر رموني من البلكونه ودفنوني ف حمام الچراش تحت البلاط اللي كانوا بيعملوه..مسألتش نفسك لي الچراش محدش بيستمر فيه اكتر من اسبوع..
بعدها لقيت البنت اختفت ومعتش ليها اي أثر..

وبدأت الست نواره تتكلم وتقولي البنت دي روحها محبوسه ومش هتتحرر غير لما تندفن كويس واللي عمل كدا ياخد جزاءه..
قمت من مكاني وقولتلها شكرا ي ست نواره واديتها ٥٠٠ جنيه..
روحت البيت حكيت لمراتي اللي حصل واني هبدأ احفر تحت ف الچراش عشان اطلع جثه البنت دي..وبالفعل جبت عده الحفر واول ما دخلت الچراش حسيت بحركه غريبه جوا زي ما يكون حد اتحرك وراح ناحيه الحمام بس مكنتش خايف..دخلت الحمام حسيت بريحه مش كويسه زي ما يكون ريحه عفن بدأت احفر وكل ما احفر الريحه دي بتزيد لحد ما لقيت طرف فستان مش غريب علياا..فستان ابيض بدأت احفر حوالين الفستان لحد ما لقيت هيكل عظمي لبنت صغيره وع الفور اتصلت بالشرطه اللي بدورها جابت ناس من الطب الشرعي معاها..

"وبعد تقرير الطب الشرعي لهذه الحادثه ودفن البنت مؤخرا وبوجود شهود عيان تدل ان الخيالات تحدث من قبل ان يسكن الاستاذ ابراهيم الشهاوي هذا البيت..نأمر نحن جلال باشا ابراهيم مقدم اول قسم مركز الفيوم بالقبض علي كلً من وائل سعيد غنيم ، واسلام محمد البنهاوي اللذان كانا يعملا ف تركيب بلاط هذا البيت بتهمه الاعتداء ع المجني عليها والقائها من بلكونة الشقه الاخيره..كما امرنا باخلاء سبيل المُتهم ابراهيم الشهاوي وأُقفل المحضر ف ساعته وتاريخه"

بدل ماتدور وتبحث علي الروايات خليها علي تليفونك وحمل تطبيقنا

تعديل المقال