#في_بيتنا_عروسه
#الحزء_الرابع
عمه احسان يااما انا خايفه علي البت دي من ابنك ده طول الليل بيضرب فيها هتموت في ايده وتجبلنا نصيبه ردت امها قالت متخفيش اانا موعياه ميضربش في الحتت اللي تموت ولا في وشها علشان اهلها اما يجوا ميبنش عليها الضرب ..
انا عوزة افهم يااما ليه مسبتيهاش تمشي ونخلص منها وترجع لاهلها هما احرار فيها .. قالت الام ياعبيطه واضيع من ايدي خدامه تقعد بلقمتها واديكي شايفه مرتات اخواتك وحده حامل علي اخرها والتانيه حامل في اول شهورها والدكتور منعها من الحركه يعني مفيش ادامي حل غير صباح تشيل البيت هستفاد ايه لما افضحها وتطلق وتمشي وان كان علي اخوكي هجوزه تاني 😊 ويعيش حياته ده راجل يعني حقه وحده واتنين ... خلاص اللي تشوفيه يااما طب واهلها اللي هيجوا بكرة دول هنعمل معاهم ايه ؟
ردت الام هنعمل معاهم خناقه لاي سبب تاني واهو يتلهوا وميسالوش علي منديل شرف العروسه وكمان لما نتخانقوا معاهم هياخدوا علي خاطرهم ومش هيجوا ينوطولنا هنا كل يوم ..هما ناس غلابه اه بس كرامتهم فوق راسهم .. يلا بينا ننام اليوم ده كان مهبب علينا خليه يخلص بقي ...
عند صباح نامت في مكانها بعد ماسبها علام وخرج من الاوضه وفتحت عينيها واذان الفجر بياذن قامت صلت ودعت ربنا ينقذها من اللي هي فيه وبعد مخلصت صلاة خرجت بشويش تتسحب تبص علي علام تشوفه فين لقيته نايم علي كنبه انتريه قعدت تبصله شويه وتتامل ملامحه وهو نايم وتكلم نفسها وتقول بقي انت علام حبيبي 😢 ايه اللي غيرك كده انت مش كنت بتقولي مهما حصل عمري ماهسيبك😢 كلكم بتوع كلام مفيش راجل يتصدق ابدا
خرجت من الاوضه بشويش وهي ماشيه لفت نظارها صنيه عشا عليها اكل شكله يشهي😋😋 بطنها حلفت انها مهتتحرك الا لما تاكلها 😂 غصب عنها قعدت تاكل وافترست الا كل كانت جعانه اوي مكلتش لقمه بقولها يومين بسبب ترتيب الفرح والعفش .. وهي بتاكل وقعت منها المعلقه علي الصنيه غصب عنها عملت صوت بصت حوليها تشوف علام ليكون صحي من الصوت وملقتوش رجعت تاكل تاني ماهي عيلة برضه ومش فهمه اللي بيحصل 😊
طبعا علام قلق من صوت المعلقه بس مكنش لسه قام يشوف ولما قام وقف اتسمر في مكانه 😳 ايه ده دي بتاكل 😳 طب ازاي وجالها نفس منين وكمان مبتحسش ده انا ضاربها ضرب يهد حيلها مفيش فايده فيها ااه دي شكلها فرحانه ان خطتها نجحت ومش هتنفضح خلاص وانا اللي لبستها 😠 ..
صباح خلصت اكل قامت تودي الصنيه المطبخ وغسلت ايديها ودخلت تنام ... علام معرفش ينام اولا نوم الكنبه وحش علشان هو طويل والكنبه صغيرة وثانيا من التفكير وهيعمل ايه مع العروسه اللي طعنته في شرفه .. فضل رايح جاي يفكر وراح داخل عند صباح لقها نايمه في طرف السرير وباقي السرير فاضي وهو كان تعبان وعاوز ينام قام رايح نايم علي السرير وعينه راحت في النوم من كتر التعب ..
جه الصبح جرس باب البيت رن فتحت الباب سناء مرات محمد سلفت صباح الكبيرة اللي حامل في شهورها الاخيرة
فتحت لقت اهل العروسه جايين يطمنوا علي بنتهم وبيزرغطوا وفرحانين دخلتهم وراحت تنده علي حماتها وحماتها اول ماعرفت انهم جم استعدت للخطه وقالتلها سناء خدي بعضك واطلعي شقتك قالتلها طب مش لما اضايف الضيوف . شخطط فيها وقالتلها اسمعي الكلام يلا امشي سناء قالت حاضر وطلعت .. احسان قالت ها يااما مستعده قالتلها اه يلا بينا وخرجوا لاهل صباح لبسين الوش عليهم وبيعملوهم بطريقه جافه لا سلموا ولا ابتسموا حتي..
ام صباح قالت اومال فين العرايس ردات ام علام وقالت نايمين انتوا اللي قلالت الذوق فيه حد يصحي عروسه وعربس بدري كده 😏 ام صباح مستغربه وقالت لنفسها ايه ده هما مالهم كده وسكتت عند صباح وعلام احسان علي الباب بتخبط صباح فتحت عنيها بتعب وبتبص تلاقي علام نايم جمبها وايده حضنه وسطها 😊 كانت فرحانه ونسيت كل حاجه ونسيت الباب اللي بيخبط علام صحي لقي نفسه حاضنها وهي ساكته قام زقها بغباء وقالها ايه مصدقتي لقيتي راجل وحشوكي الرجالة ولا ايه صباح بصت في الارض وقامت جريت ع الحمام .علام قام فتح لقاه احسان قالها فيه ايه يااختي حاجه حصلت قالت له اهل الزفته مراتك برة قالها وانا اعملهم ايه يغوروا في داهيه احسان قالتله وطي صوتك وحكيتله علي الاتفاق اللي هتعمله هي وامها علام قالها اعملوا اللي عوزينه مبقاش يفرق معايا . طلعت صباح من الحمام لقت احسان واقفه صباح قالت لاحسان صباح الخير قالتلها صباحك زفت يااختي يلا خلصي اهلك عوزين يشوفوكي خلصينا منهم بسرعه ومشيهم بدل مامشيكي انتي علي تربتك قالتلها صباح وعينها مكسورة حاضر ياعمه وراحت لبست عبايه وسرحت شعرها اللي علام قطعه في ايده وصعبان عليها نفسها 😔وخرجت تسلم علي اهلها العمه احسان ضربتها في جمبها بكوعها وقالتلها افردي وشك ده قالت حاضر ودخلت وهي مبتسمه وبتمثل السعادة
حضنت امها حضن طويل اوي وكل ماامها عوزة تبعد تشدها في حضنها تاني زي متكون في الحضن ده بتشكيلها كل هموما اللي فوقها صوت ام علام وهي بتقول جري ايه ياحببتي هتنامي في حضن امك ولا ايه خلصينا علشان يمشوا في ناس جايين يباركوا غيرهم ومش فاضيين 😏
سابت صباح حضن امها وبصت في عنيها وقالتلها حقك عليا يااما قالتلها علي ايه يا بنتي انتي ملكيش ذنب احنا اطمنا عليكي وهنمشوا خلاص يلا بينا يا ولاد وخدت ولادها وخالتها وخرجوا مقهورين علي معمله اهل علام ليهم
صباح قعدت تبص علي مكان ما كانت امها قعده وتعيط بحرقه زي طفل امه سابته ومشيت 😭 خرج علام بص لقها قاعده كده وو...........
الجزء الخامس من هنا
بدل ماتدور وتبحث علي الروايات خليها علي تليفونك وحمل تطبيقنا
