رواية في بيتنا عروسه الجزء السادس

رواية في بيتنا عروسه الجزء السادس

    رواية في بيتنا عروسة الحلقة السادسة 6 كاملة



    صباح في الحمام بتعيط من اللي حصلها والشيطان قالها تنتحر اصلها صغيرة ومش حمل كل اللي هي فيه ده راحت عند الشباك بصت عليه وقالت يارب سامحني انا هعمل كده عشان ارتاح وانت احن يارب من اي حد 😭 طب الشباك ده هيعديني ولا هيطلع ضيق 😢 انا هنط واللي يحصل يحصل لبست هدومها وجابت جردل توقف عليه وطلعت علي الجردل ورمت نص نفسها من الشباك وهوووب الشباك معداش النص التاني😂 واتحشرت نصها برة ونصها جوة والحمام علي منور اصلا مش شارع بس منور كبير وارضيته سراميك

    وعلام برة سامع هبد ورزع قال فيه ايه والبت دي اتاخرت كده ليه😳 اما اقوم اشوفها ....

    عند اهل صباح كانوا قاعدين بيتعشوا وبيكلموا ابوها قال عملتوا ايه عند صباح ياولاد هي كويسه ردت ام صباح وقالت والله ما عارفه ياحج ان كانت كويسه ولا لا انا ملحقتش اقعد معاها رد ابو صباح ازاي يعني هي تعبانه ولا حاجه ردت خالتها قالت لا ياحج تصور الناس الدون دول مرضيوش يخلونا نقعد معاها لوحدنا يادوب سلمنا عليها وزي متقول كده كرشونا .. ابو صباح قام وقف واتعصب وقال ايه طردوكم 😡قالت الام لا ياحج مش قصدها هما بس قالوا جاييين ناس تبارك ومش فاضيين .. رد ابو صباح وقال عالم معندهمش ذوق والله لولا العيبه كنت روحت جبت بنتي منهم ومرجعتهاش تاني ابدا هما فكرين ايه علشان معاهم فلوس يشتروا ويبيعوا في الناس منهم لله .. خلاص ياحج اهدا هي كويسه وانا بنفسي كنت وخداها في حضني لغايه ما حماتها غارت مننا هما اه ناس منخيرهم في السما بس خلاص النصيب رابطنا بيهم وبقوا دلوقتي اهل بنتك الجداد وربنا يصلح حالهم ..

    عند ام علام احسان بتقول لامها بس البت يااما مسكت البيت كلها كنس ومسح مخلياه فله ولا طبيخها الصراحه زي السكر والغسيل علي الحبل منور من النضافه دول علي كده نسوان اخواتي دول معفنين وطلعوا بيعكوا 😊 قالت ام علام اه الصراحه والشهاده لله شغلها في البيت زي الفل ومقصرتش خالص ده انا مستنياها تغلط علشان امسح بيها الارض بس للاسف ملقتش حاجه غلط بس بكرة هوريها اصبري عليا يا صباح ..


    عند سلايف صباح الاتنين قعدين مع بعض واجوزهم نايمين وهما مع بعض بيتكلموا

    وبعدين يا هدي هنسيب البت دي تسيطر علي حماتك وعمه احسان كده دي حماتك مبسوطه منها اوي لدرجه انها مزعقتش ولا مرة وقلتلها وعملي دي ومتعمليش دي زي ما بتقولي انا😢

    ردت سلفتها قالت ماهو يا بنتي علشان هي عملت كل حاجه صح حماتك معرفتش تمسكلها غلطه بس احنا مش هنسكت ونوقف نتفرج لازم تخليها تكرها بس مش ملحظه حاجه يا بت قالت هي ايه ياهدي . قالتلها دي المفروض عروسه ودي صبحيتها واهلها جم خمس دقائق ومشيوا هو فيه ايه يا تري

    قالتلها معرفش يااختي انا حتي سالت مجدي جوزي شخط فيا وقالي خليكي في حالك وان علام دبحلها القطه من اول يوم وهي بتسمع كلامه مش زيك انتي 😏

    قالت هدي شوفتي مش قولتلك البت دي هتفتح عنيهم علي حاجات كتير مش فينا 😟 قالتلها متخافيش احنا هنفكر في حل ونضمها لينا😂 والا هتبقي عدوتنا ..وهي حرة بقي


                           الجزء السابع من هنا

    إرسال تعليق