#عائلة_زوجي_المجنونة
الجزء الثالث
ما قبل الأخير
سالت هدى ايه الدم الي بالفستان ده ممكن تفسريلي
حماتي جات فجاءة و قلتلي بنتي بتمر بمرحلة حساسه ووجود الدم بفستانها شئ طبيعي خير بتسالي ليه؟ في حاجة؟
قلتلها الفستان ده بتاعي جبتهولي نور بت خالتي وهيا دلوقتي مفقودة
هدى قلتلي فستان ايه الي بتاعك متفوقي لنفسك يا بت بدل مفوقك
حماتي مسكت هدى وقلتلي يلا يا يارا امشي من هنا كفاية كدة
رحت اوضتي وانا خايفه اوي انا بجد متاكدة ان الفستاني ده بتاعي بس ليه حماتي بتكدب عليا
سمعت الباب بيخبط فتحتو دخلت حماتي وهدى وكانو متعصبين اوي
حماتي قلتلي اوضتك حلوة اوي بس مش مرتبه انتي مبتشتغليش خالص وده سبب توترك اليومين دول
قلتلها تقصدي ايه يعني انزل اشتغل مع الخدم؟
قلتلي لا طبعآ بس شوفي حاجة اشغلي بيها نفسك بدل التفكير في الناس
بعدها خرجو وسبوني محتارة اوي
اليوم التالي شميت ريحة وحشة بالاوضة ومكنتش قادرة انام بالاضافة لاصوات الانين الي بسمعها كل يوم بجد لو فضلت اكتر من كدة في البيت ده هتجنن يا رب اديني القوة حتى اتحمل
الصبح قلت لحماتي اوضتي فيها ريحة وحشه ومش قادرة انام فيها
خالد قلي ونعملك ايه يعني نروح ننضفهالك
قلتله لا مقصدش كدة انا فتشت كويس على مصدر الريحة بس ملقتش حاجة
لاحظت ان هدى بتبصلي وهيا بتضحك
خالد قلي لو مش مرتاحة في اوضتك ممكن تباتي في اوضة الخدم
قلتله انت بتقول ايه!!! ازي يعني ابات في اوضة الخدم؟
قلي مفيش اوضة زايدة بالبيت ومحدش بنام مع حد هنا دي القوانين ولازم الكل يلتزم بيها ولو مش عاجبك استحملي الريحة الوحشة بقا
مشيت اوضتي لقيت الريحة زادت اوي وابطريت ابات في اوضة الخدم
الخدامات مكنوش مصدقين اني ممكن انام وسطهم اتاثرو اوي للحال الي وصلتلو وساعدوني بقدر الامكان الي ادتني فرش والي ادتني مخدة وكنت نايمة عالارض
الصبح صحيت على الم فظيع خالص قمت اصرخ شفت هدى دايسة علي ايدي بصندل الكعب العالي
عملت نفسها انتبهت وقلتلي اووه يقطعني بجد اسفه يا يارا اصلي معرفتكيش افتكرت خدامة
قلتلها حتى لو افتكرتيني خدامة ده مش بديكي الحق تعملي كدة خافي ربنا
قلتلي احنا مش بنخاف من حد يا حلوة
قلتلها حسبي الله ونعم الوكيل
نهضت بصعوبه ورحت سبت هدى وهي بتشتم وتسب لوحدها كنت حاسه بتعب فظيع بصيت للمرايا شفت وشي بقا ذابل وشاحب جدآ حاسه اني هموت خلاص ولازم اطلع من البيت ده انا تعبت من اكل اللحم كل يوم نفسي اكل خضار وفواكه حاسه اني هموت
رحت اخبط في الباب وبحاول اكسر القفل حمات جات وقلتلي لااااا بقا انتي اتجننتي خالص يا يارا
قلتلها ابوس رجلك سبيني اخرج انا حاسه اني هموت خلاص انا عاوزه هاني
قلتلي مفيش خروج يلا ارجعي
قامت ضربتني الم في وشي و مسكتني من شعري وجرتني عالارض لاوضة الخدم وانا حاسه بهبوط فظيع ومش قادرة اعمل حاجة
قلتلي انا خلاص مبقتش قادرة اتحمل جنانك اكتر من كدة يا يارا لو شفتك تاني جنب الباب هحبسك في المخزن انتي فاهمة
مشيت لامي لقتها نايمة وتعبانه اوي حضنتها وانا بعيط قلتلها انا اسفه سمحيني كلو بسببي سالت خدامتها الخاص امي فيها ايه؟
قلتلي بقالها يومين مش بتاكل وحرارتها مرتفعة
قلتلها وليه مجبتوش دكتور يشوفها؟
قلتلي ست البيت رفضت نجيب دكتور
قررت اني اهرب من البيت ده واهرب امي باي تمن لانو بجد الي بيحصل ده مش طبيعي العيلة المجنونة دي وراها سر كبير بس لازم اكتشفو قبل مهرب فجاءة اغمى عليا من التعب في اللحظة دي اتزكرت كلام هاني قبل ميروح لما قلي خليكي قوية زي معرفتك ومتضعفيش ابدآ لازم تقاومي انتي ادها يا يارا يلا اصحي
صحيت وانا بشهق وعرقانه اوي الظاهر اني حلمت بهاني بتكلم معايا قمت مشيت المطبخ رغم تحزير حماتي قلت بمكن الاقي حاجة اكلها غير اللحم وهناك شميت ريحة وحشة خالص وشفت دم غزير جدآ بالارضية وكان في صندوق كبير الدبان ملموم عليه رحت اعرف موجود فيه ايه اتقدمت ناحية الصندرق بخطوات خايفة ومترددة كنت هقع من طولي من شدة التعب بس اتماسكت بصعوبة لما بصيت جوة الصندوق انصعقت بالي شفتو
الجزء الرابع والاخير من هنا
بدل ماتدور وتبحث علي الروايات خليها علي تليفونك وحمل تطبيقنا
