الفصل(12)
رحيم دقق في ملامحها جدا وقام وقف مره واحده
ومشي ببطأ نحيتها وكانو مش مصدق نفسو
رحيم اتكلم بهمس/ رغد
رغد الدموع اتجمعت في عنيها وجريت حضنت
اخوها جامد وفضلت تعيط جامد
رحيم/ وحشتيني اوي اوي يارغد مغبتيش عن بالي
لاحظه ياحبيتي
رغد / انت وحشتني اوي يارحيم متعرفش انا عملت ايه علشان اجيلك هنا انا تعبت اوي يارحيم انا مليش
حد غيرك يارحيم
رحيم حضن اختو جامد وكان مش مصدق نفسو
ان أخيرا شافها تاني
أما بالنسبه لعز فصوت دقات قلبو كانت مسموعه
مكنش قادر يسيطر علي نفسو كان نفسو يمسك
رغد يخبيها في ضلوعو كان نفسو يقولها قد ايه بيحبها
وقد ايه استني ان يشوفها تاني وقد ايه مقدرش بحب حد تاني غيرها عيون عز كانت بتتكلم ومكنتش قادره تخبي الشوق ال جواها لرغد
رحيم بفرحه/ تعالي اققعدي يارغد تعالي
انا مش مصدق نفسي انك جيتي يارغد
رغد / انا تعبت اوي يارحيم وبقالي سنين
بدور عليك واهو الحمدلله رجعتلك تاني
رحيم/ وحشتين اوي يارغد انا طول السنين
دي مش بفكر غير ازااي عايشه وعملتي ايه
وكل الحاجات دي
رغد بأبتسامه سحرت قلب عز قالت/
انا بخير يارحيم بخير انا درست هندسه
ذي مابابا كان عايز وبقيت البشمهندسه رغد الانصاري
فاكر كان دائماً يقولي عايزك تبقي مهندسه شاطره
رحيم بحب/ فاكر ياحبيتي فاكر وبعدين
رغد بصت لعز ورجعت نظرها تاني لرحيم
رحيم لاحظ أن هي ممكن تكون مش عارفه عز
رحيم بضحك/ ده عز يارغد انتي نسيتي ولا ايه
بس هو شكلو اتغير خالص عن الاول
رغد بهدوء/ اذيك يااستاذ عز
عز/ الحمدلله يابشمهندسه رغد
رحيم ضحك علي منظر عز
رحيم/ ابه الادب ده ياعز في حاجه ولا ايه
عز بضحك/ لا لا مفيش انا افتكرت حاجه ضرورية
عشوفها وارجعلك تاني
رحيم/ طيب متتأخرش
عز خرج وساب رحيم ورغد
عز/ انا حاسس اني بحلم رغد فدامي
اكيد نسيتني اكيد اتجوزت وبقه عندها عيله
ياارب متبقاش اتجوزت ياارب انا مش هعرف
احب حد غيرها ده انا كنت بدعي كل يوم
انها تكون من نصيبي
في مكتب رحيم
رحيم / احكيلي كل حاجه يارغد متخبيش
عليا حاجه من يوم ماسيبتك لغايط دلوقتي
رغد / انا هربت من البيت وجتلك يارحيم سامح
بقه شخص حقير كل هامو الفلوس والمظاهر
حتي لو علي حساب سعادتي وحياتي طول عمرو
بيتحكم فيا بحكم ان هو اخويا الكبير كان حتي بيدخل
في احلامي يارحيم حتي شغلي انا كان نفسي أبدأ
حياتي من الصفر واعمل حاجه لنفسي هو وقف قصادي
وخلاني اخسر كل حاجه وكل ده كنت مستحمله
علشان اعرف انت فين حاولت اهرب كذا مره بس
في كل مره كان بيلاقيني كان حاططلي جهاز تتبع
في الموبايل يارحيم تخيل لغايط اما قرر انو يجوزني
لإنسان معرفوش ولا متقبلاه اصلا عايز يجوزني لمجرد
المصالح الشخصيه ساعتها فضلت ويومين اعمل سيرش علي النت علشان اعرف مكانك ومصدقتش نفسي
لما لقيت اسم شركات الأنصاري وال بيديرها رحيم الانصاري ساعتها مترددتش هربت من البيت وجتلك
علي طول يارحيم
رحيم بحب/ انتي احلي حاجه بقيالي من ريحه بابا الله يرحمو ووحياه دموعك دي لهجبلك حقك
ومحدش هيفرض عليكي رأي تاني يانور عيني
رغد/ يااه وحشتني الكلمه دي منك اوي يارحيم
رحيم/ وانتي وحشتيني اوي يارغد
رغد/ طب يلا نروح بيتك بقه علشان بقالي كتير اوي
منمتش ومش قادره الصراحه
رحيم / ماشي يلا تعالي
رحيم خد رغد وراحو علي البيت واول مدخل البيت
ريحه ريم كانت ماليه البيت وحاسس وكأنو سامع
صوت ضحكها وشقاوتها كل ركن في البيت ده
شهد علي حبو ليها وجمعهم زكريات كتير اوي
زكريات اتحفرت في قلب رحيم وعقلو كمان
رغد لاحظت ان رحيم كان شارد خالص ومش مركز
في اي كلام من ال بتقولو
رغد/ رحيم انت روحت فين
رحيم/ معاكي اهو ياحبيتي
رغد/ بيتك حلو اوي يارحيم وهادي اوي
رحيم/ دادا صفيه دادا صفيه
صفيه/ ايوه يارحيم بيه
رحيم/ دي رغد اختي يادادا صفيه ودي دادا صفيه
يارغد بقالعا معايا سنين يارغد
رغد/ أهلا يادادا صفيه
صفيه بحزن/ هي ريم هانم مرجعتش يابيه
رحيم بأسف/ مش عارف عنها حاجه ياصفيه
بس ان شاء الله خترجع
رغد بصت لرحيم بأستغراب/ مين ريم دي يارحيم
رحيم/ موضوع كبير هحكيلك بعدين يارغد
ادخلي استريحي
رغد/ طيب هقعد في انهي ؤصه بقه
رحيم/ اختاري الاؤضه ال تعجبك ياحبيتي
رغد شافت كل الاؤوض وجت تشوف ؤضه ريم
رحيم فجاءه وقفها
رغد/ في ايه يارحيم
رحيم/ بلاش الاؤضه دي اختاري اي ؤضه تانيه
رغد يغمز/ ماشي يارحيم بس هعرف حكايه
ريم دي قريب ماشي
رحيم/ ان شاء الله
رحيم ساب رغد ودخل ؤضه ريم وفضل باصص
في الفراغ حاسس انو شايفها في كل مكان
ريحتها لسه في ؤضتها رحيم راح ناحيه سرير
ريم وفضل يلمس عليه وعيونه خانته ونزلت
دمعه مقدرش رحيم يمسكها
رحيم/ياتارا روحتي فين ياريم كده تبعدي عني
انا مش قادر استحمل ارجعي بقه ياريم ارجعي
ياحبيتي معقول تسيبي رحيم ده انا مليش حد
غيرك انتي دنيتي ياريم ارجعي بقه
في ؤضه رغد
صفيه كانت بتساعد رغد وتحطلها هدومها في الدولاب
رغد/ دادا صفيه
صفيه/ نعم ياهانم
رغد/ايه هانم دي اسمي رغد
صفيه/ معقول العين تعلي علي الحاجب ياهانم
رغد/ ريحيني بقه يادادا قوليلي يارغد
صفيه/ ماشي يابنتي ربنا يكرم اصلك
رغد/ مين ريم دي يادادا
صفيه / ريم دي حكايه كبيره اوي وانا قلبي
بيتقطع من ساعه مسابتني
رغد/ ليه هي راحت فين
صفيه/ مشيت ومحدش يعرفلها طريق حتي مقلتليش
هي راحه فين
رغد/ طب ودي تبقي مين يادادا
صفيه/ دي كل حاجه في حياه رحيم بيه وهي بتحبو اوي اوي بتموت فيه ورحيم بيه كمان بيحبها بس بيكابر
رغد/ ليه كل ده يادادا
صفيه/ علشان فرق السن بينهم
رغد/ مفيش حاجه اسمها فرق سن في الحب
الحب ميعرفش كل ده
صفيه/ البيه كان خايف يكون بيظلمها ومن كتر
خوفو الست ريم افتكرت انو مش بيحبها
وكده هي مسؤليه وحمل عليه فمشيت خرجت
من حياتو متعرفش ان هي كده بضمر حياتها وحياتو
رغد/ دي الحكايه كبيره اوي يادادا
صفيه/ اوي يابنتي بس لو في نصيب اكيد هيتقابلو
تاني وانا متأكدة من كده بس امته مش عارفه يابنتي
في بيت عز
ام عز/ انت متشيك كده ورايح فين
عز/ رايح لرحيم ياماما
ام عز/ ده انت ولا ال رايح فرح
عز/ اكتر من فرح وحياتك يلت بقه ياماما سلام دلوقتي
علشان متأخرش
الفصل الثالث عشر من هنا
بدل ماتدور وتبحث علي الروايات خليها علي تليفونك وحمل تطبيقنا
