#حب_أعمي_الجزء_التالت
(الحلقه الخامسه ) ❤
........
احمد : انشالله يارب دايما .. خير
مى : فيه عريس كده يبقي ابن صاحب بابا الله يرحمه متقدملى وانا بصراحه بشاور دماغى كده .. ولما شوفتك قاعد لوحدك دلوقتى قولت سبحان الله محدش هيقدر يساعدنى ف الموضوع ده ويدينى رأي محترم كده وعاقل غير احمد
احمد : ( بيبصلها وساكت )
مى : هييييي انت يا أخينا روحت فين
احمد : ( بيبص لعينيها الاتنين وساكت )
مى : يا احمد انت معايا ! انت سرحت ف ايه
احمد : تصدقى فرحتينى ! ممكن كمان نتجوز انا وانتى ف يوم واحد ! منا بردو شوفت واحده بنت حلال كده وبنت ناس واحتمال قريب يبقي فيه اخبار حلوه
مى : ( بتجز على سنانها ) بججججد ؟ والله فرحتلك . مش كنت تفرحنى من بدرى
احمد : ماهى مجتش مناسبه بقي . وبعدين بينى وبينك يا مى انا بفكر افشكل اصلا العلاقه اللى لسا مابتدش اصلا دى
مى : ليه ؟
احمد : البت حرقالى دمى وجالطانى وتصرفاتها تصرفات عيال بس بحبها جدااا
مى : ( بتبدا تحس ان احمد يقصدها هى بالكلام ) ليه ؟ ازاى بقا احكيلى عنها شويه
احمد : احكيلك عنها ؟ بس ده يبقي سر
مى : اكيد سر .. سرك ف بير
احمد : البنت دى يا مى عباره عن خيط رفيع .. رفيع اوى رابطك بالدنيا
الخيط اللى قبله كنت عايش على الهامش ورافض فكرة التعايش من أول وجديد
مش هنكر عليك انا حبيت قبلها ! من زمان مش من دلوقتى . ييجى من 7 او 8 سنين وخدت صدمة عمرى ومكملتش ..
من ساعتها وانا قافل الباب وموصده ب 100 قفل ومحدش قدر ف الكم سنه دول انه يعدى حتى من جنب قلبى
لغايه ما شوفتها ...
اول معرفتى بيها اتخانقت معاها لسوء تفاهم كده حصل
وكان احلى سوء تفاهم الواحد يمر بيه
عارفه انتى لما تحسي ان الدنيا كلها جايه عليك وفجاه يطلع حد من تحت الارض كده يدافع عنك ويقولك تعالى انا هاخدلك حقك
اهى البنت دى هى الشخص ده بالنسبالى
جمالها متوحش وله كبرياء .. ماتقدرش تبص ف عينيها اكتر من 5 ثوانى والا عقلك هيروح
( احمد وهو بيتكلم غرقان ف عيون مى وهو بيتكلم )
كلمه ف كلمه . مقابله ف مقابله اصبحت هى الامان بمفهومه
تخيلى انا . ليا مركزى وليا اسمى ومعروف . وعندى شركه . قصدى يعنى بشتغل ف شركه كبيره يعنى واخدالى بالك .. قابل على نفسي حاجات بسببها ماكنتش اتخيل انى اقبلها وده لسببين
اولا انى مش عاوز افرض نفسي عليها او احسسها انى بشتريها بمالى
ثانيا اتأكد انا كمان من مشاعرى وان المشاعر دى حقيقيه مش مجرد هروب من تجربه قديمه ف تجربه جديده ... انا متأكد وعارف ان المشاعر حقيقيه بس بردو حبيت اتأكد
اى حد بيقرب منها ! بنطره بعيد
الدايره اللى انا راسمهالها محدش يقدر يقرب منها ولا حد هيقرب
زمايلها ف الشغل اصحابها جيرانها
اقولك سر !
انا عارف مكان بيتها .. وكل يوم بالليل لازم اعدى من هناك ابص عليها . حتى من ضمن المرات كانت واقفه ف البلكونه وايديها على خدها
كانت ألطف حاجه شوفتها ف يومى كله ساعتها
ساعتها قولت ان الملايكه كلهم مش ف السما وان لسا فيه بنات قادره تهد حزنك وضعفك وخيبتك وعجزك وتقدر بنظره واحده من عينيها اللى كلها براءه تهد كل ده وتنشلك من حياة الهامش اللى كنت عايش فيها ... بحبها جدااااا ومحدش هيقدر ياخدها منى وده برضاها او غصب عنها مهما اتقدملها 100 عريس
مى : ( مسهمه جداااا ومش مصدقه اللى بتسمعه وشبه هتعيط )
احمد : وانتى بقا احكيلى .. عمرك حبيتى ؟ !
مى : حبيت ؟ دنا معرفتش معنى الحب ولا عرفت قيمة نفسي غير مع شخص واحد
احمد : يبقي مين ده ؟ ماجيبتيش سيره يعنى ؟
مى : شخص واحد حسيته انه عوض من ربنا عليا
بيعمل كل حاجه تخلينى عاشقاه وتخلينى متمسكه بيه وتخلينى عاوزه اجرى عليه واقوله بحبك بس مستنيه لسا
احمد : مستنيه ايه ؟ ومستنيه ليه ؟
مى : مستنيه هو ييجى يقولها الاول .. عاوزه اديله الحق ده انه هو اللى يقولها لوحده
احمد : اديله آمل انك ليه وبتاعته وهو هيتكلم
مى : هو عارف وحاسس وشايف .. ومحاوطنى ومش مفارق خيالى نهائي
حابه خوفه عليا .. وعارفه انه اى حد بيقربلى بيبعده عنى بشكل مش مباشر عشان مايبانش ف الصوره .. على قد ما الناس دى بتصعب عليا هههههههههههه على قد منا بفرح ..
احمد : لو بيحبك بجد استحاله هيخلي اى حد يقرب منك
مى : بس فيه عيب صغنن وده اللى مخليانى خايفه منه وقلقانه
احمد : عيب ايه ؟
مى : مخبى عليا حاجه ومش عاوز يقولها
احمد : ( بيبلع ريقه ) مخبى عليك ايه !
مى : انا قبل ما اشتغل ف الشركه عندكو كنت شغاله ف مكان تانى . تخيل ان كان فيه واحد زميلى كنت بحب اقد معاه لانه كان شخصيه جدعه جدااا
احمد : نعم ياختى ؟ شخصيه جدعه ؟ وازاى تقعدى معاه . كملى كملى ده شكله لا جدع ولا نيله
مى : استنى بس ... بعد شغل 3 شهور بحالهم اكتشفت حاجه غريبه جدا قفلتنى منه
احمد : ما طبعا لازم تقفلى منه تلاقيه واد ملزق وطرى كده . ياشيخه احسن انك بعدتى عنه بلاش قرف بقا . اكتشفتى ايه ؟
مى : اكتشفت انه يبقي صاحب المكان اللى بشتغل فيه ومكنش قايلى
احمد : هو الكافيه ماله بقا حر كده ليه
الحلقة السادسه من هنا
بدل ماتدور وتبحث علي الروايات خليها علي تليفونك وحمل تطبيقنا
