#حب_أعمي
( الحلقه الثانية عشر )
.....
احمد : لا حقيقى .. بحبك بحبك يعنى
عصام : طبعا يا احمد انت بتتكلم ف ايه
احمد : انت هتسيب الورق ده . وهتبعته مع وليد .. وعاوزك انت والواد عمرو النهارده ف موضوع ضرووووورى
عصام : موضوع ايه
احمد : هتسافروا اسكندريه النهارده .... عاوزكو على الساعه 8 بالكتير هناك . عاوزكو تطبوا ع المخازن اللى هناك . انا قلبي مش مستريح من ناحية المخازن ف اسكندريه يا عوص وحاسس اننا بنتسرق
عصام : طب وهاشم .. ماهو هناك وبيبعت لحضرتك كل يوم تقرير الوارد والمنصرف ع الفاكس
احمد : يابنى الاوراق حاجه والواقع حاجه .... لو مش عاوز تعمل الموضوع ده خلاص يا عصام روح شوف سهرتك مع زمايلك وانا هحلها
عصام : لا لا ودى تيجى مايصحش ... عاوزنى امشي امتى يا ريس
احمد : خلاص يا عصام لو مش عاوز تروح خلاص
عصام : هههههه لا والله لا هروح .. ده فلوسنا بردو ولازم احنا كلنا نتطمن مش انت بس
احمد : هتاخد تقرير المخازن هناك من وليد وهتروح تجرد هناك وتطابقلى الدنيا هناك بالورق اللى هتاخده .. مش عاوز تهاون .. وهتاخد عمرو معاك . وهصرفلكو حق المشوار والبيات لو لاقيتو نفسكو اتأخرتو .. اهم حاجه ماتجوش من هناك غير لما تخلصونى من الموضوع ده وتريحولى قلبى من ناحيته
عصام : خلاص تمام .. عن اذنك بقا هروح اعتذر للناس النهارده وهكلم مستر وليد يطلعلى التقرير .. تحب اكلم عمرو يعمل حسابه ولا حد تانى هيكلمه
احمد : لا روح انت ظبط نفسك انا هبلغه .. عصااام . ماتجوش من هناك غير والمخازن على سنجة عشره ... انشالله تقعدو سنه هناك
عصام : تمام يا ريس . عن اذنك
........
احمد : هو انا هلاقيها منين ولا منين الله يحرقكو بجاز
.................
عصام : معلش بقا يا بنات هنأجل العزومه كم يوم ان شاء الله
مى : ليه كده ؟
عصام : مستر احمد بعتنى اسكندريه النهارده هنروح نجرد على المخازن اللى هناك
مى : هو انت عرفته انك عامل عزومه وكده ولا المشوار ده كان هو مرتبله اصلا
عصام : لا هو تقريبا كان مرتبله ... بس انا اللى فكرته بيه للأسف
مى : ازاى ؟
عصام : مافيش بقوله الشغل والبنات والشله بتاعة زمان وتعالى اسهر معانا النهارده .. قالى سهرة ايه قولتله انا عامل عزومه على الضيق كده فلان وفلان وفلانه وفلانه قالى لا دنا افتكرت انى عاوز اطلعك مشوار اصلا
سالى : ههههههههههههههههههههه
مى : هههههههههههههههه ( بيبصوا لبعض وبيضحكوا بشكل هيستيرى )
عصام : فيه ايه ؟ ايه اللى بيضحك
مى : هههههههههههههههههه هههههههههههههه بطنى .. معلش يا عصام والله انا م الصبح فيه موضوع ف دماغى كده كل ما افتكره تلاقينى بضحك غصب عنى معلش ههههههههههههه
سالى : هههههههههههههه وانا زيها والله غصب عننا يا عصام باشا والله
عصام : حصل خير .... عن اذنكو بقا عشان هجهز نفسي وهكلم عمرو . ماهو هييجى معايا هو كمان
مى : هههههههههههههههههههه هههههههههههههههه ( ضحك هيستيرى بشكل غريييييييييييييب )
سالى : ( بتقع غصب عنها من على المكتب من كتر الضحك )
عصام : ( بيسيبهم وبيمشى ) ربنا يشفى
.............
مى : سالى ! الحقينى انا بموووت هههههههههههههههه
سالى : اسكتى بقا انا ماكنتش اعرف انه فقر اوى كده ههههههههههههههه انا بجد بطنى مش قادره استحمل .... معقوله فيه حد بالشكل ده ؟
مى : ههههههههههههه ياغواتى ! طب والله عسل ههههههههههه
..............
احمد : الو ! داليا ! تعالى لو سمحتى
داليا : حاضر
..........
داليا : خير يا مستر احمد
احمد : اقعدى يا دودو عاوز اتكلم معاك
داليا : طالما قولت دودو تبقي انت دلوقتى صاحبى صح هههههههههههه
احمد : صح هههههههه اقعدى
داليا : خير ياعم
احمد : مافيش . عاوز اتطمن عليك شويه انا قرفتك اخر قرف الفتره اللى فاتت صح
داليا : عادى ماحنا متعودين على كده .. احنا حابينك يا احمد طول عمرنا وحبينا الشغل معاك ومهما تعمل هتلاقى الكل حواليك وبيحبك عشان عارفك
احمد : ده العشم يا مزتى
داليا : يااااه من زمان اوى ماقولتليش الكلمه دى ههههههههههه حلوه منك .. المهم ايه بقا . عاوز تقول ايه .. الحكايه مش حكايه انك عاوز تتطمن عليا بس . فيه حاجه تانيه
احمد : ولا تانيه ولا تالته هيكون فيه ايه يعنى
داليا : تؤتؤتؤتؤ فيه حاجه وحياة امك . انا اكتر واحده تفهمك من نظرة عين
احمد : طب وفهمتى ايه يا فلحوسه اليومين دول
داليا : فهمت انك متغير وفيك حاجه مش طبيعيه .. هى حاجه كويسه . وكويسه جدا كمان للدرجه اللى تخليك تضحك وده لاول مره من سنين ... وتهزر معايا او مع شهد وتبقي وشك رايق كده ومبتسم كتير .. ده ماكنش بيحصل يا احمد على مدار ال 3 سنين اللى فاتو
احمد : اهو ربك بيسبب الاسباب بقا
داليا : ايوه اسباب ايه بقا . ها ايه احكيلى دنا صاحبتك
احمد : ههههههههه يلا قومى شوفى شغلك
داليا : تصدق انك بايخ
احمد : بت ! ايه بايخ دى
داليا : بت لما تبتك . انا دلوقتى صاحبتك ههههههههههه خلينى اطلع عينك شويه بدل ما تتقمص دور المدير من تانى وتبهدلنى ههههههههههههه
احمد : ههههههههههههه
داليا : الله ! طب وحياتى عندى تقولى ايه سر الضحكه دى .... حب جديد ؟
احمد : ( بيبصلها وبيسكت )
داليا : حب جديد ؟ رد عليا خلينى ازغرط
احمد : ههههههههههههه
داليا : والله هزغرط
احمد : بت ! روحى شوفى شغلك بقا بجد ورانا شغل كتير النهارده
..............
( مكتب الحسابات )
ليلى ( اخت احمد ) : مساء الخير
مى : مساء النور لو سمحتى حضرتك عاوزه مين ؟
ليلى : اهدى يا ماما شويه فين مستر وليد
مى : ماما ايه انا مش ماما ... ولو سمحتى حضرتك اتفضلى بره عشان ماتعمليلناش مشاكل بعد اذنك
ليلى : انتى بتكلمي مين كده .. انتى مجنونه ؟
الحلقة الثالثة عشر من هنا
بدل ماتدور وتبحث علي الروايات خليها علي تليفونك وحمل تطبيقنا
