Ads by Google X
قصة مره شوفت حلم الجزء الخامس -->

قصة مره شوفت حلم الجزء الخامس

قصة مره شوفت حلم الجزء الخامس

    ج. 5...#مره_شوفت_حلم
    مرتضى سمع مكالمه الفون وقفل من الصدمه لما عرف ان إياد مش ابنه وخرج بره المستشفى وساب منى نايمه جمبه
    ..وخرج وركب عربيته وهو فى ذهول وتعبان وسايق على

    أقصى سرعه وراح مكان ما بيصطاد وقعد على البحر وفضل يبص للسماء ويعيط وبكل ما فيه ودموعه مغرقه وشه ويعيط اكتر ومفيش على لسانه غير يارب معقول إياد مش ابنى معقول طيب ازاى ده حته منى ده لما اتولد كنت حاسس بيه ولما كانت حامل فيه كنت حاسس بيه اكتر منها ازاى مش ابنى يارب لو ده عقاب ارحمنى وسامحنى بس نور بصيرتى ابنى ولا لأ

    .. وتليفون منى رن وكانت مامتها وكنسل مرتضى وقال ياه انا نسيت اخلى التليفون جمبها واخاف تحس انى عرفت حاجه عموما انا خدت الرقم وهعرف مين وهحذف المكالمه علشان متعرفش حاجه وهدور واعرف مين ده وفضل يفكر مع نفسه واستوقفه كلام الراجل لما قال لو مجبتيش باقى المبلغ هقول لجوزك ان الولد مش ابنه يعنى معنى كده ده واحد بيهددها 🤔 مش اللى بتخونى معاه او ابو إياد😭
    .. وقام وصرخ وقال لا إياد ابنى انا انا مش ابن حد تانى وانا هتأكد انا لازم اسأل منى بس مش هينفع. انا لازم اعرف

    الأول مين الراجل ده صاحب مكالمه التليفون هو اللى معاه سرها وبيهددها بيه ويارب ميكونش حقيقه وقال فى سره طيب يا مرتضى لو طلع إياد مش ابنك هتعمل ايه ورد على نفسه وقال هموت نفسى وارتاح انا ما صدقت خلفت ولد يكون سندى بعد اخويا ما مات وانا مليش حد ولا اب ولا ام مليش غير عيلتى بناتى كيان وكريمان وأياد

    .. البنات ؟؟؟ تبقى كارثه لو هما كمان مش بناتى 😭
    انت بتقول ايه يا مرتضى بلاش تفكير وحش ومرتضى ابتدى يستغفر ويستعيذ من الشيطان وفضل قاعد مع نفسه ويكلم نفسه وضميره وما بين قهر وذل وشك وخيانه مرتضى مدمر ومن تعبه نام لانه كان مرهق وبقاله كذا يوم مش بينام وراح فى نوم عميق على البحر وقام من النوم وقال ايه ده اول مره بنام كويس ومن غير احلام وقال انا نسيت منى وأياد ده انا من الصبح واليوم طويل ومرهق وكمان وسبت منى

    لوحدها وبص فى الساعه وقال انا نمت شويه كتير والغريبه ان المكان فاضى وقام ركب عربيته وبعد تفكير طويل كلم الدكتور أحمد وعدى عليه فى الصيدليه وقعد معاه وقاله على حاله إياد وطمنه وقاله انه هيبقى كويس وفى حالات كتيره وبتبقى كويسه
    احمد.. انت روحت للمفسر
    مرتضى.. روحت الصبح بس قابلت اخته وكان ليه سؤال كده عندك
    احمد.. اسأل خير
    مرتضى.. هى فعلا بتعرف تفسر

    احمد.. تقريبا اه
    مرتضى.. يعنى ايه تقريبا انا عاوز رد بتعرف تفسر ولا لأ
    احمد.. اه بتعرف بس اخوها الأساس ده مفسر كبير
    مرتضى.. عارف ده كان يوم اسود يوم ما روحت وياريتنى ما فسرت الحلم ده من يومها وانا عايش فى كابوس
    .. ومرتضى ابتدى يسأل احمد بطريقه غير مباشره وقاله فى واحد صاحبى شاكك فى مراته وعرف انها بتخونه من رأيك يتصرف ازاى؟

    رد وقاله ياه الستات دول ملهمش امان عارف من يوم ما طلقت مراتى ولنفس السبب وانا بكرهه الستات كلها لازم يتأكد الأول بس المهم هو عنده اولاد منها ولا لأ
    .. اه عنده 3 اولاد بنتين وولد
    .. ومين اللى قاله ان مراته خاينه مش يمكن اللى قاله ده بيكذب
    .. لأ مش بيكذب طيب نفترض يا دكتور احمد انه بيكذب يعرف ازاى برضه رد وقاله الحل الوحيد التحليل ده الفاصل ما بينهم
    .. تحليل ايه ؟

    .. ايه يا مرتضى؟!! مش عارف تحليل DNA ده الفاصل ما بينهم وخلى بالك الست دى ملهاش امان يعمل لأولاده كلهم وهيعرف كل حاجه لو طلعوا ولاده خلاص يبقى اللى قاله كذاب وهى مظلومه إنما لو طلعوا مش ولاده تبقى خاينه وتستحق القتل رد مرتضى وهو مرتبك وخايف وقال انا ازاى مفكرتش فى موضوع التحليل ده
    .. مرتضى مالك فيك ايه
    .. انا همشى يا احمد دلوقتى وان شاءالله هبقى اكلمك
    .. ومرتضى قام وهو خارج من الصيدليه اغمى عليه فجأه وقام احمد وجرى عليه وخده ع اققرب مستشفى ودخل الطوارئ وركبه لى محاليل والدكتور قال لازم يعمل صوره دم كامله والدكتور قال لأحمد ان المريض شكله مرهق ومرتضى ابتدى يفوق ولما فاق قال انا فين رد احمد وقاله انت

    خضتنى عليك شكل عندك شويه إرهاق وانيميا وعلى حظك الكويس دكتور استشارى كشف عليك وطلب صوره دم وخدوا عينه منك بس هتظهر بكره ان شاء الله والدكتور دخل وقال لمرتضى حمدالله على السلامه رد وقاله الله يسلمك يا دكتور وقال لو سمحت يا دكتور احمد انا عاوز الاستاذ لوحده ورد مرتضى وقال ده صاحبى اتكلم يا دكتور عادى رد وقال تمام عموما انت بتشرب حاجه يا استاذ مرتضى رد وقاله حاجه زى ايه

    الدكتور.. اى مهدئات او متعود على او حبوب منومه
    مرتضى بص لأحمد وقاله لأ انا مش بشرب اى حاجه الحمد لله انا بعيد عن الحاجات دى
    الدكتور.. بس للأسف انا شاكك انك بتاخد حبوب منومه ومخدره كمان
    مرتضى.. لا يا دكتور مش معقول انا عمرى ما خدت اى حاجه من الحاجات دى انا زى الفل وبلعب رياضه والحمد لله مهتم بصحتى

    الدكتور.. عموما فى تحليل صغير وهو تحليل بول  وان شاء الله هعرف من خلاله اذا كان فى جسمك حبوب منومه ومخدره فى جسمك ولا لأ واتفضل الممرض جوه هيعمل التحليل وفعلا مرتضى قام واحمد بيضرب كف على كف من اللى بيحصل لمرتضى ودخل للممرض وعمل تحليل بول والمفروض يظهر بعد ربع ساعه ومرتضى قاعد على نار ومتجنن ومستنى النتيجه وقال انا لازم اطمن على منى وأياد؟ وهو بيفكر
    وتليفون منى رن وكانت حماته ورد عليها وكانت منى وقالت بعصبيه انت فين يا مرتضى وسايبنى لوحدى رد وقال انا مخنوق وتعبان وجسمى تعبان رددت وقالت إياد تعبان انا عاوزاك جمبى متسبنيش لوحدى انا محتجالك جمبى انا وابنك رد وقال حاضر ساعه وهكون عندك وقالت انت فين؟؟
    الدكتور خرج ومعاه نتيجه التحليل

    ومرتضى شاف الدكتور وقفل فى وش منى وقال طمنى يا دكتور التحليل اخباره ايه اكيد مفيش حاجه انا متأكد رد الدكتور وقال....

                        الجزء السادس من هنا