Ads by Google X
قصة مره شوفت حلم الجزء السابع -->

قصة مره شوفت حلم الجزء السابع

قصة مره شوفت حلم الجزء السابع

    ج. 7...#مره_شوفت_حلم
    والداده فتحت باب الاوضه ودخلت واول لما شافت احمد ماسك ايد البنت قالت يالهوووى فى ايه يا بيه مين ده يا مرتضى بيه وبيعمل ايه هنا!! ؟

    .. جرى عليها بسرعه ومسك ايدها بقوه وقالها انتى الكلبه بتاعتها اللى اول ما اشتغلتى هنا عندها كنت انا مسافر ولما سألتها عليكى قالت واحده غلبانه معرفش عنها حاجه؟؟
    .. يا مرتضى بيه عيب كده انت بتغلط فيه وانا معملتش ايه؟
    .. وكمان افتكرت من وقت للتانى الاقيها تتوشوش معاكى فى ايه معرفش واقول يا واد وانا مالى ده شغل ستات وانتى داده الاولاد

    .. يا مرتضى بيه ارجوك انا مش فاهمه حاجه
    احمد.. بصى يا داده انا دكتور وباخد عينات دم علشان مرتضى عاوز يطمن على بناته
    مرتضى.. انت بتقولها!!. وهى مالها دول بناتى انا
    الداده.. يا بيه دول بناتك وانت حر بس انا كنت داخله اطمن عليهم انا باخد اجر علشان كده

    .. مرتضى قال فى سره يا بنت الكلب انتى انا عارف انك الخباصه بتاعتها وهتنقلى كل حاجه حصلت انا لازم اتصرف وقال روحى يا داده هاتى للدكتور عصير ولا اقولك اعملى اتنين قهوه
    الداده.. حاضر تأمر بحاجه تانيه
    مرتضى.. لا بس متتأخريش
    .. وفعلا الداده نزلت المطبخ ومرتضى قال انا لازم اتخلص من الداده دى وبسرعه لأنها هتقولها على كل حاجه وانا عاوز الخطه تمشى مظبوطه بس فى حل وياريت تساعدنى فيه يا احمد

    احمد.. انت بتفكر فى ايه بالظبط
    مرتضى.. لازم الداده تختفى
    احمد.. تختفى! طيب ازاى ؟؟.
    مرتضى.. فى تحت فى جنينه الڤيلا اوضه فاضيه ممكن احبسها فيها يومين
    احمد.. مستحيل مش هينفع بس ممكن اقولك على حل انا عندى شقه فى بيت والدى الله يرحمه والبيت ده مقفول ومفهوش سكان انا ممكن اخليها عندى لحد ما نخلص موضوعنا

    مرتضى.. ياريت انا مش عارف كنت من غيرك اعمل ايه✋🤗
    .. عمونا خلاص انا خدت العينه خلاص ودلوقتى يلا ننزل وقول للداده انها تيجى معانا مشوار على اساس انك هتاخدها عند مراتك المستشفى
    .. طيب والبنات يا احمد هعمل ايه فيهم هى اللى بتاخد بالها منهم

    احمد.. مش عارف طيب ايه رأيك ناخدهم معانا؟
    مرتضى.. لا طبعا انا عرفت هعمل ايه انا هكلم حماتى فالمستشفى وهقولها تيجى تقعد مع البنات
    .. وفعلا مسك الفون واتصل على حماته ورددت عليه منى وبكل عصبيه وقالت كل ده يا شيخ حرام عليك انت ايه اللى جرالك إياد ابنك حبيبك بيموت وانت ولا هنا
    .. انا جاى المستشفى حالاً بس ادينى طنط
    .. انت عاوز ماما ليه
    .. طيب قوليلها تيجى الڤيلا تقعد مع البنات
    .. ليه والداده فين؟؟؟!!

    .. مش عارف انا جيت الڤيلا علشان اغير هدومى لقيت الهانم اللى حضرتك مدلعاها مش موجوده والبنات نايمين لوحدهم رددت وقالت مش معقول طيب ازاى.. خلاص انا هبعتلك ماما بس متتأخرش عليه وياريت تخليك جمب البنات لحد ما ماما تجيلك

    .. ومرتضى قفل معاها بسرعه ونزل للداده وقالها انه عاوز حاجات من بيت احمد وهى هتروح تجيبها رددت وقالت دلوقتى يا بيه وهسيب البنات لوحدهم رد وقال معلش يا داده ده ورق مهم وبعدين انا عارف انك زعلانه منى علشان كلمتك بعصبيه بس انا مضايق شويه انا ومنى اتخانقنا وده مضايقنى رددت وقالت الست منى مفيش احن منها دى بتحبك اوى يا بيه.

    احمد.. يلا ولا ايه
    مرتضى.. انا مش هقدر اجى معاك خد الداده وابعت الورق معاها تمام. وبص للداده بعينه وكلها كرهه وخباثه وقال متتأخريش يا داده
    .. وفعلا الداده خرجت مع احمد ومقتنعه انها هتجيب ورق
    مرتضى شاور لأحمد وقاله انه مستنيه
    .. وخرج احمد وخد تاكسى والداده مشيت معاه
    .. وبعد مرور ساعه حماة مرتضى وصلت الڤيلا ودخلت وقالت وهى بتزعق.

    .. هو فى ايه يا مرتضى ازاى الداده تسيب البنات لوحدهم معقول امال بتاخد فلوس على ايه دى منى مش بتحرمها من حاجه
    .. ومرتضى قال فى سره اه يا اختى من خيرى ومن جيبى كمان جايه تزعقى وتعملى عليه هانم مش كفايه بنتك الخاينه ناكره الجميل بس مش هسيبها هوريها اللى عمرها ما شافته
    مرتضى.. معرفش يا حماتى والله
    الحماه.. حماتك ؟ انت طول عمرك بتقولى يا ماما مالك يا ابنى فيك حاجه انا حاسه ان وشك اصفر وشكلك متغير رد وقال مرهق وتعبان

    وقال فى سره كله من بنتك الشيطانه الخاينه بس انا لازم اسقيها من نفس الكاس
    الحماه.. طيب يا حبيبى انا عارفه انك زعلان على إياد ربنا يشفيه روح انت المستشفى لمنى علشان لوحدها وانا طالعه للبنات
    .. وفعلا مرتضى ساب حماته وخرج وعدى على البواب وقاله ان مفيش حد فالڤيلا ولازم يخلى باله منها لانه مش موجود ومفيش غير البنات وحماته وخد عربيته ومشى وفالطريق اتصل بأحمد ورد عليه وقاله انه اتأخر

    .. بس احمد قاله انه خلص وحبس الداده فى الشقه اللى فى بيت باباه وقاله انه هيستناه فى الصيدليه ومستنى يجيب العينه بس مرتضى كان لى رأى تانى وقاله خد عنوان المستشفى واسبقنى انا عاوزك انت اللى تاخد العينه للولد لأنه مش هيعرف يتصرف
    .. وفعلا احمد سبق على المستشفى ولما مرتضى وصل خد احمد ودخل معاه
    منى.. اخيراً جيت 😭 إياد بيموت
    .. وقالت هو مين ده

    .. ده واحد صاحبى ده دكتور كبير عرفته لما كنت فى الإمارات وكمان استشارى وبيفهم كويس فالحالات اللى زى إياد..
    .. رددت وقالت كويس ياريت يشوفوا ويطمنى عليه
    .. ومرتضى استأذن من الممرضه وطلب من منى متدخلش معاهم.. ودخل ومعاه احمد علشان يشوف إياد واول ما دخلوا
    مرتضى.. الولد كان زى الفل مش عارف ايه اللى بيحصل لنا
    .. وقرب من السرير ومسك ايد إياد وقال انت لو مش ابنى انا هموت يا ابنى
    احمد.. يا مرتضى مش وقته انا عاوز اخد العينه قبل ما حد يدخل

    .. وفعلا مرتضى قام من جمب إياد واحمد طلع السرنجه وخد عينه دم من إياد ولف السرنجه فى منديل وحطها فى جيبه وخرجوا من الاوضه
    .. ابنى عامل ايه يا دكتور هيعيش
    احمد.. ان شاء الله يا مدام هيكون كويس
    مرتضى.. حبيبتى انا هاخد الدكتور وهنزل الخزنه أحاسب ماشى

    منى.. متتأخرش عليه ؟
    .. وقالت بصوت عالى مرتضى انت عرفت الداده راحت فين؟!
    مرتضى.. لا
    .. وخد احمد ونزل بيه تحت وقاله انت حبست الداده رد احمد وقاله يخربيت كده دى وليه ملهاش حل وخلى بالك دى مش سهله عموما ده تليفونها انا خدته منها علشان متكلمش حد رد وقاله مش سهله ازاى

    .. غريبه كده ونظرتها خبيثه انا مش عارف انت ازاى مخدتش بالك رد وقاله يا عم وانا هتجوزها هى شغلتها الولاد وبس ✋ رد وقاله المهم انا هروح للدكتور جلال وده حبيبى ومش هرجع وغير ومعايا النتيجه رد وقاله بعد كام ساعه لأنى معرفش

                       الجزء الثامن من هنا

    إرسال تعليق