Ads by Google X

رواية احفاد فرعون الحلقة الثانية عشر


مالك:سارح نفكر في كم حاجه لين قطع تفكيري السياره يلي درست
نزلو منها زوز ...ومن ضمنهم كانت هيا 💔
هياااااا انا متأكد مفيش حد عنده نفس النضرات هيا غيرها
نزلت تتفحص في المحلات كأنها تختار شنو بتشري
كانت انيقه بدرجه كبيره❤️
ستايلها حلو مكياجها هااادي لبسها جسمها متناسق كله💗...حست بيد مسكت يدها
شافتله كان راجلها واقف جنبها ...طويل وملامحه قويه
صح مش هذاك الجمال بس شخصيته ولبسه يجنن
ابتسمتله ...نزل على وذنها وقاللها شي خلاها تضحك من قلبها
رغم انها خفت ضحكتها بيدها لكن مقدرتش تخفي ملامح عيونها الفرحانه والمرتاحه معاه!
من بين المشهد الرومانسي هاذا كان مالك يشوفلهم 💔
مش مصدق بعد 5سنين يرجع يشوفها 💔
كان تمنى انه يشوفها حزينه او مغصوبه مع راجلها
لو حس حتى1‎%‎انها متبيش راجلها ومش مرتاحه راهو طلع جبدها من يدها وحلف ميرجعهاش لحد
لكن كانت فرحانه والشي هاذا واضح من ضحكتها 💔.....كان يغلي من داخل !
يغلي وعيونه لمعو !!بس مش قادر يتكلم
طلع هيا وراجلها كملو الطريق مشي للمحلات ومالك عيونه في يديهم يلي كانو شابكين يديهم في بعض❤️💔
ساجده:مالك؟
مالك:انتبه كأنه فاق من غيبوبه...هااا!
ساجده:هي مشينا؟
مالك:كملتي؟
ساجده:اي خلاص خديت كل شي
مالك:طلع مفاتيحه...تمام اطلعي
ساجده:لحقاته
___________________________
نهال:تفضلل قريب قلبت الباب توا
انس:اءء انا ن ن
نهال:شي؟؟
انس:استجمع انفاسه....وين مالك
نهال:خوي طالع منو نقوله؟
انس:قوليله انا
نهال:ضحكت ودخلت قصتها
انس:يحكي وعيونها يفصلو في كل جزء فيها❤️...قوليله انس جاك
نهال:تشوفله وتتكلم بدلع....ومنو نقوله ياترى؟
انس يلي يخدم معاك ولا واحد من حراس المزرعه؟
انس:بكبرياء...لا ياماما مش حارس حد انا قوليله انس مختار
نهال:قامت حاجبه ...والله كان نعلم بيك من عيلة المختار ما نفتحلك الباب ولا لساني يخاطب لسانك
انس:ع اساس انتي من عائلة شيوخ الحرم المكي
نهال: قاعدين احسن منكم بي الف مره خوتي يلي مدايرين روحك من برا كويسين ومن داخل يعلم ربي
انس:قربع الباب بيده....شنو يافرخه انتي بتحترمي نفسك ولا كيف
نهال:خافت....خوي مهناش بسلامه...وجت بتسكر الباب لكن انس حط رجله
نهال:خافت اكتر...امي داخل والله نعيط تجي تقتلك
انس:نهارك اسود مزال تكلميني بطريقه هادي
نهال:هربت وسيباته
انس:سكر الباب وطلع.....من يصدق عيلة الاشباح هادي عندهم ورده هكي!
____________________________
ركب مالك سيارته ومتحركش
ساجده:سكرت الباب ...شريت مخده صغيره لي نجمه تساعدها في النوم
مالك:مكانش معاها ابدا...عيونه يراقبو فيها من اول ما طلعت وراجلها حاط يده في خصرها❤️
فتحلها الباب وركبت السياره تهدرز وتضحك
وطلع راجلها سيارته وطلع وطبعا مالك مقدرش يمنع نفسه ولحقهم
ساجده:تساوي في البضاعه يلي شرتها...مالك
مالك:عيونه على الطريق مش قادر يحركهم ..ها
ساجده:تشوف لي السياره يلي قدامهم ..في شي ؟
مالك:وقفو عشان الاشاره الضوئيه...مفيش
طلع سلاحه ركب 5رصاصات وسحبه ...مكانش في تردد اللحضه هاذي
كل يلي يبي يشوفه دمها ودم راجلها بس💔
ممكن الشي هاذا يخفف معناته شويه والعداب يلي حسه
ساجده:تحولت ملامحها لي خوف...مالك شن في
مالك:انبطحي وبس
ساجده:قبل ما تسأله جبد الكرسي متاعها وخلاه يطيح لين رقدت
ساجده:زادت دقات قلبها خووف مش طبيعي💔
اما مالك خلاص حسم وضعه واليوم البنت رح تكون ميته هيا وراجلها !
زاد مالك السرعه والطريق كانت فاضيه شويه ...اول ما خلاص قرب منهم فجآه تدخل سياره وتقطع الطريق على مالك
مالك:شد فرين قوي ونزل وهوا متكنطي
ساجده:يارب يارب💔
مالك:يراقب في سيارة راجلها كيف تبتعد اكتر واكتر وهوا مش قادر يلحقهم ....ضرب برجله السياره يلي قطعت عليه الطريق ...نزل منها محمد
محمد:الف مره قلنالك تحكم في اعصابك
مالك:رجع شعره للخلف بيده وملامحه متوتره
محمد:ولع دخانه ...ان شاء الله كنت حاط في راسك ان جدك بيخليك تطلع بدون مراقبه
مالك:مش عيل انا لين يراقبوني
محمد:لا واضح!
بتقتله لان خدي منك لعبه
مالك:بعياط الموضوع مش هكي
محمد:اطلع من امه الوهم هاذا مالك خلاص ياسر
طلعته هاذي هوا وياها نبصملك بي العشره مش صدفه انكم تتلاقو راجلها وخوته يخططو بي الشي هاذا كويس باش تضعف وتهجم عليهم زي ما كان بيصير توا
مالك:حط راسه ع السياره وغمض عيونه
محمد:نفخ الدخان ويشوف لي ساجده....ع اللقل احترم البنت يلي معاك ترعش فيها علاش شنو دخلها!؟
مالك:فتح سيارة محمد....روح بيها (يقصد ع ساجده)
محمد:لالالالا وين وين انزل
مالك:سكر الباب وولع
محمد:وين ماشي ع الاقل
مالك:طلع بسرعه جنونيه
محمد:الله لاتربحك يارهف الكلاب اصلا ميجيش منهم الا وجه الراس...وركب سيارة مالك
ساجده:شن في؟؟وين مشي مالك؟
محمد:ولع السياره....ولا شي عنده مشوار هكي طلعله فجآه
ساجده:قامت الكرسي....شن يلي صار قبل شويه؟
محمد:امممم شوفي
الاحسن انك متقعديش تسألي ديما لان هاذي حياتنا وهكي ديما تصير فصلات ف معش تسألي ولا تستغربي...اي شنو شريتو
طلع محمد بسياره وهوا يحاول يهدرز مع ساجده ويلهيها بي الكلام
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رجاء:سكرت اللاب توب وهيا مبتسمه ...خذت الفلاش حطاته في صندوق صغير وسكرت عليه كويس ...طبعا رح تحافظ عليه لانها الورقه الاخيره يلي في صالحها 🔥😈
طق طق طق
رجاء:ادخل
سكينه:الغدي واتي رجاء
رجاء:تمام...اءء سكينه
سكينه:نعم
رجاء:مالك وين؟
سكينه:طلع هوا والمدام بيشرو كم حاجه
رجاء:هه مدام قلتيلي به تمام
سكينه:طلعت وسكرت الباب
_________________________
مصطفى:تنهد....طلع الخبر صح ميه في الميه اولاد رمزي رجعو من جديد يابوي
مختار:وخلي يرجعو معندناش اي خطر
حافظ:كيف معندناش اي خطر يابوي؟توا حاطين راسهم من راس احفاد فرعون واكيد الدور جاي علينا نحنا !
مختار:حتى ولو!....اول شي احفاد فرعون عندهم ثار كبير مع اولاد رمزي ونحنا عائله معروفه وسمعتنا كويس نص اراضي البلاد نملكوها صعب نطلعو من هنايا عكس احفاد فرعون يلي معندهم شي غير قصر وكم محل
انس:متكي ويدخن في الارقيله....لكن عندهم مخازن سلاح يمسحو الاراضي يلي تتجكتر بيها ياجدي
مختار:بنضره واعره....بعدين حتى لو صار شي الناس بتوقف معانا نحنا مش مع ناس زي احفاد فرعون ميعرفو كان القتل والنهب والخنبه
مصطفى:اي والله صدقت يابوي
عبدو:يسمع وساكت
انس:احفاد فرعون عندهم ثار مع ولاد رمزي ونحنا عارفينه تمام
لكن شنو الثار يلي بينا وبين احفاد فرعون؟
مختار:تغيرت ملامح وجهاكأنه اذكر حمل سنين يحاول ينساه...كأنه شريط كامل مر قدامه💔
عبدو:يكفي ان جدي قال كلمه ميهموش الاسباب ولو جدي كان يبي يقول راهو من زمان شرح
مختار:شاب لي عبدو وابتسمله برضاء
انس:عاد انت مشكلتك بروحها معاهم احفاد فرعون
عبدو:معنديش مشكله هما مينفعوش وانا نكره الناس يلي هكي
انس:مبتسم بي استفزاز....اي رسمي تكره الناس يلي اقوى منك
عبدو:وقف ....شن قصدك انت
حافظ:صلي ع النبي صلي ع نبي ...وشاف لي ولده
شن الكلام الفارغ يلي تقول فيه يا انس هبلت ولا شنو
انس:وقف وحط يديه ع بعض ...اسف لان نقول في الحق .....وطلع
مختار:شاف لي حافظ....ولدك هاذا يبي تأهيل من اول وجديد
حافظ:ربي يهدي وخلاص
__________________________
جميله:وين ساجده؟
نهال:فوق من اول ما روحت منزلتش
جميله:باش تطلعي تكنسي الجنان قبل ما تروح حناك
رجاء:الساعه كم مروحه هيا؟
جميله:قالت مع المغرب ع اساس ....سكينه سكينه
سكينه:نعم
جميله:اركبي نادي مرت مالك تجي تتغدى
سكينه:حاضر مدام
جميله:نجمه وين؟
رجاء:رقدت نايضه بكري اليوم ولعبت هلبا
جميله:ميصيرش هكي نضميلها مواعيد نومها غلط ترقد وقت الغدي
رجاء :حاضر 😒
طق طق طق
ساجده:ادخل
سكينه:قتلك مدام جميله تعالي تغدي
ساجده:اطبق في حوايج نجمه الجدد...قلها معنديش نيه
سكينه:تمام....
ساجده:لحقت نادتها قبل ما تطلع...سكينه
سكينه:نعم مدام
ساجده:خشي وسكري الباب
سكينه:استغربت بس خشت
ساجده:تعالي قعمزي نبيك
سكينه:قعمزت ع الارض
ساجده:لالا قعمزي ع الصالون بنحكي معاك
سكينه:قعمزت ع الصالون وهيا مستغربه
ساجده:كم ليك تشتغلي هنايا؟
سكينه:من لما كان عمري15السنه كنت نجي مع امي
ساجده:وتو كم عمرك؟
سكينه:28
ساجده:مشاء الله بطولت عمرك
سكينه:ابتسمت....سلمك يارب وعمرك
ساجده:معناها انتي تعرفي كل القصص يلي صايره هنايا صح؟
سكينه:تغيرت ملامحها...اي مدام
ساجده:نبي نفهم قصة رهف مع مالك...من تكون؟
سكينه:بلعت ريقها
ساجده:حست انها خايفه...مسكت يدها وبدت تحكي
صدقيني مستحيل تطلع مني كلمه انا نبي نعرف عشان نساعده بس
سكينه:ساكته
ساجده:صدقيني والله ما في نيتي شي مش كويس اوثقي فيا نوعدك منفتحش فمي بحرف
نبي نساعده ونخليه يحب بنته حتى شوي
سكينه:خدت نفس وبدت تتكلم ويديها مشبكات في بعض بتوتر....رهف قبل سنين كانت خطيبك الاستاد مالك
ساجده:😨اي كملي؟
سكينه:من لما كانو يقرو ابتدائي وكان يحبها موت اصلا كانت بنت جيرانهم
لما طق عمرها17السنه خطبها وقعد سنتين خاطبها وكلهم يحكو بي حبهم وكيف خطبها صغيره هلبا
ساجده:بعدين؟
سكينه:تحدد العرس وكان مالك فرحان بدرجه مش طبيعيه بس يوم الفاتحه الصبح وقبل ما تنقرا الفاتحه بساعات بس رهف فسخت الخطبه وقالت معش نبيه
ساجده:شنو السبب؟
سكينه:الله اعلم !....هبل مالك خش في عقله وطلع حلويات العرس وكل شي واتي حوشه الخيمه حتى ملابسها جابوهم مزال الفاتحه بس !!
خوته حبسوه لمده اسبوع لان مالك فقد اعصابه وكان بيقتلها وبدي في حاله مش طبيعيه ابدا
بعد شهر بس سمعنا ان رهف نخطبت لي واحد من اولاد رمزي ودارت العرس يوم واحد بس حفله وروحت مع راجلها
ساجد:منو ولاد رمزي؟
سكينه:ولاد رمزي زوز خوت كانو فلوس هلبا اغنى ناس في المنطقه كلها
بس لما تزوجت رهف واحد منهم بعد مده مات بوهم وبدو يصرفو في الفلوس في حجات تافها وباعو اراضيهم وسافرو الزوز بي نساوينهم
ساجده:ساكته وتحاول تفهم
بعد ما سافرو خافو يرجعو بسبب مالك وحالته
توقعو منه يدير اي شي لانه حرق حياشهم يلي هنايت وفاتو علينا في القصر ايام سوووود
اجتمع جدك وفرعون مع جد اولاد رمزي ووقعو معاهده
ممنوع اي حد يتعرض لي الثاني ولو في عيله هجمت ع التانيه يطردوها برا البلاد ومعش يحلمو يخشو
ساجده:جدي؟😨
سكينه:اي جدك كان معاهم
ساجده:ترمش بسرعه تحاول تستوعب الصدمه...غير لحضه لو كانت رهف حبيبته ومتزوجهاش !
نجمه بنت منو؟من هيا امها؟؟
سكينه:بعد ما سافرو ولاد رمزي م........
مالك:فتح الباب وخش
سكينه:ناضت بسرعه وهيا ماسكه في قفطانها بتوتر....عن اذنك مدام
ساجده:اذنك معاك
مالك:سكر الباب ....شن كانت ادير هنايا هادي؟
ساجده:كانت تساعد فيا في ترتيب حوايج نجمه
مالك:مردش عليها وقعمز ينحي في كندرته
ساجده:وين كنت
مالك:الف مره قتلك منحباش السؤال هوا
ساجده:براحتك....بعد بكرا عندي حفله
مالك:قام حاجبه....حفلة مني؟
ساجده: اختي سيرين بكرا البيبي يسكر اسبوع
مالك:المطلوب مني شنو ؟
ساجده:تشوفله ....ولا شي مالك عطيتك علم
مالك:بري اوني قدامك
ساجده:سكتت وطلعت من الغرفه ...شعور حقير لما تعرفي ان راجلك يحب وحده غيرك
حتى لو كانت علاقتك بيه مش كويسه رح تحسيها حاااااره لما يبدا قلبه معلق مع غيرك 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
محمد:خيرك مقعمز بروحك؟
احمد:ولا شي
محمد:جبد كرسي وقعمز....ادوي ياراجل
احمد:هذيك الليله
محمد:اي ليله؟
احمد:ليلة الحادث
محمد:يا دين ام ليلة الحادث يلي معش بتكمل
احكيلي محمد شن صار في هذيك الليله؟؟
احمد:لوح الدخان وعفس عليه....منعرفش منعرفش انا متأكد ان في شي نعرفه في هذيك الليله بس نسيته اختفى اول ما فتحت عيوني في المستشفى
محمد:يوم الحادث انت كنت معصب متعارك مع جدي مفهمتش علاش
احمد:سكر عيونه ويدلك في راسه ويذكر
فرعون:الشي هاذا مفيش حد ليه ذنب فيه
هكي ربي كاتب ويلي صار صار
احمد:كيييفففففف كيف شي زي هاذااااااا يصير محدش عنده علم بيه
فرعون:احمد لو نطقت بشي مش .....
احمد:فتح عيونه وهوا مش قادر يذكر الباقي !
محمد:خبطه على ضهره...خلاص عاد انسى توا
وقولي شنو بيصير في الارض جدك بيبيعها؟
احمد:علاش شنو تبي فيها
محمد:نبي نغير سيارتي
احمد:قام حاجبه ليك شهر بس مغيرها
محمد:ممشتش معاي
احمد:خلينا مركزين في الولد يلي بعتلنا الفلاش وموضوعه بعدين ساهل
محمد:كل شي يصير بسبب مالك
احمد:قرن حواجبه!
محمد:اي متشوفليش هكي كل شي يصير بسببه عقلتنا مع ولاد رمزي وتوا الفلاش
احمد:مفروض الكلام هاذا مينقالش بين الخوت ولا نسيت كم مره طلعك من الف قصه وخش في مشاكل ع خاطرك!
محمد:سكت
احمد:طلع من راسك المواضيع هاذي ومعش تخلي حد يلعب بعقلك
محمد:يصير خير
_______________________________
ساجده:نزلت لي الطابق الارضي وحليت فمي في سفرة العشي
كانت فخمممممه الماكله والديكور وريحة البخور
رجاء:واقفه ع المرايا تبخ في ريحتها
ساجده:شن صاير!
نهال:تبخر...حناي شوي وتوصل
ساجده:نسيت بكل
نجمه:سوجي شنو شريتيلي
ساجده:ابتسمت نتعشو بعدين نوريلك باهي ❤️
نجمه:امممبه
طق طق طق
جميله:ووه وصلت
سكينه:فتحت الباب
احمد:تفضلي حناي
خيريه :واقفه قدام الحوش تتفحص فيه بعيون واضحه مش ناويه ع خير ....كانت هيئتها قصيره وضهرها مقوس شوي
شعرها ابيض وتمشي بلعكاز بس نضرة عيونها قادره تخليك تخافي منها !
خشت خيريه وكلهم سلمو عليها احسن سلام والكل حريص ان تكون راضيه عليه لين وصلت في ساجده
ساجده:سلمت عليها....اهلين بيك عمتي
خيريه :تتفحص فيها من فوق لعند لوطه
جميله:هاذي مرت مالك ياحاجه
خيريه:وخيره خذاها هكي 🤨
ساجده:نصدمت ....وخيرني انا يعني مفهمتش
نهال:تأشر من بعيد بمعنى اسكتي مترديش
خيريه:قعدت تشبحلها فتره طويله بعدين خشت
ساجده:طول عمري نكره العزايز 😒

_______________________________
هبه:حطت سفرة العشي ....وتوا كيف بيصير ؟
عبدو:ياكل....مش معروف
هبه:حسب رايك تكبر القصه واحفاد فرعون يطلعو من البلاد؟
عبدو:ميهمنيش المهم معش نبي نشوفهم وبس
هبه:بس حبيبي بنت عمك معاهم راهو واخده ولدهم
عبدو:كلها اسابيع وتطلق خلاص
هبه:بصوت ضعيف...ولو مطلقتش؟!
عبدو:انفعل....لا بتطلق وغصب ع يلي يبي ويلي ميبيش
هبه:لو هيا رفضت الطلاق به !
عبدو:ترفض امها والله نقتلها ونشرب من دمها
هبه:ليش انفعلت هكي خيرك؟
عبدو:مخيرني شي انتي تجيبي في سيره زي وجهك ع الماكله....قلب السفره وناض
هبه:تشوف في الماكله والماعين المتكسرات قدامها وهيا مصدومه😨
_______________________________
فايزه:ياقوت يافرخه
ياقوت:عيونها في التالفون....ها
فايزه:علاش متمشيش تباتي عند بنت عمك
ياقوت:بتعبير وجه يضحك....منو بنت عمي ؟
فايزه:ساجده
ياقوت:امي ارتاحي بالله عليك مستحيل واحد من ولاد فرعون ياخدوني ارتاحي
فايزه:وعلاش حبيبتي شنو ناقصك الزين كله فيك
ياقوت:ماهو لاني من عيلتكم للاسف كنهادا درت العار باش ياخدني ولدهم
فايزه:بنضرت اعجاب ....معناها خاطرك فيه الموضوع انتي يافرخه
ياقوت:سارحه .....طبعا من يرفض الجمال والهيبه اخخخ يما كانك شفتيه بسسس 🤤
فايزه:بنتت ...لوح عليها المخده
وين تسحابي روحك راك تماديتي يافرخه
ياقوت:واااااك يما معش عرفت كيف ندوي معاك .....وناضت
فايزه:تحكي داخلها....مدام الموضوع خاشلك راس ! معناها ساهل
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:واضح عليها العزوزه واعره وفرعون مدللها مرته ياكبدي كلمتها متوليش اثنين
الكل يتعشو في هدوووء
نجمه:حنو وين كنتي انتي
خيريه:مدخلكش يافرخه معش تقعدي هكي تقصقصي
ساجده:نصدمت من معاملتها
نجمه:سوجي شن معاها قصقص
ساجده:ضحكت وطبست عليها....تو نقولك بعدين
نجمه:به
فرعون:شن حال اختك كيف خليتيها
خيريه:احسن الحمد الله قتلها ياسر زيارتي طولت هلبا يكفي
بسيف باش خلتني نروح
ساجده:داخلها .....نحلف عليك ان هيا دفاتك للباب باش تفتك منك
ترن ترن ترن
ساجده:بصوت واطي....ايوا ماما
سلوى:اها بنتي
ساجده:ان شاء الله خير مش كيف سكرت منك !؟
سلوى:متصلع بنقولك ع المصيبه
ساجده:شنو 😨
سلوى:يسرى ....يسرى جابها راجلها مطلقه
ساجده:مني اطلق؟...يسرى بنت عمي ؟؟اخت ياقوت
احمد شاف لي مالك ومحمد
سلوى:اي بنت عمك امالا مني
ساجده:ليش اطلقت😨
سلوى:صوت عياط....تو نكلمك بعدين
ساجده:تمام...وسكرت الخط
محمد:يشوف لي احمد ويذكر
فرعون:ياقوت هاذي معندهاش اخت؟
احمد:ياكل....عندها يسرى لكن متزوجه
فرعون:قداش ليها؟؟
احمد:جو ال4شهور...هكي سامع
فرعون:به حلو حلو....جيبلي اسم راجلها وبلغه انه معزوم على العشي غضوا
احمد:ياكل في العنب....تم
________________________________
ساجده:راسي انتفخ ....ممنوع اي حد يركب لي داره لين تنوض المدام خيريه لي دارها عشان ترقد
عليك قوانين زبل🤦🏻‍♀️توا بديت حاسه بي المعاناة هنايا ...مالك وخوته طلعو وقعدت انا ماده وجهي مع نهال نهدرزو ونجمه رقدت في حضني وهيا تراجي فيا نوريها شنو شريتلها ❤️
طول الوقت نفكر !...كل محاولاتي فاشله عشان تتقرب منه
مالك يحب ويلي يحب صعب تخشي حياته مش صعب بس لكن مستحيل !!!
نهال:مبكري جي واحد من عيلتك يبي مالك
ساجده:شن اسمه؟
نهال:منعرفش بس هكي طويل ونقشه ع الكستنائي
ساجده:عيونه كبار؟؟
نهال:اي صح كبار هلبا
ساجده:ابتسمت ...هاذا انس خوي
بالك جايني انا بس تحشم طلب منك
نهال:اهااا تي ممكن
ساجده:تغطي في نجمه
نهال:ارتحي هكي يانهال؟اهو عرفتيه هي وين عقلي بس نسأل ع واحد زي هاذا 🤦🏻‍♀️
___________________________
الساعه1ونص:-
ساجده:خشت للغرفه حطت نجمه في السرير وعطتها
مالك:يبدل في حوايجه....خيرك جايبتيها هنايا؟
ساجده:نبيها تبات هنايا اليوم
مالك:طلع للبلاكونا بدون ما يرد عليها
ساجده:طلع من الدار وسكرت الباب
كان الحوش فاضي لوطه مفيش غير سكينه يلي في المطبخ ادير في تشطيباتها قبل ما ترقد
ساجده:سكينه
سكينه:ااااه خلعتيني
ساجده:متخافيش
سكينه:قلتيله حاجه الاستاد مالك 😰
ساجده:طبعا لا انا واعدتك
سكينه:الحمد الله من بكري خايفه
ساجده:ابتسمت.....متخافيش ولا يهمك
سكينه:تشربي معاي قهوا؟
ساجده:منقدرش بنركب ....جيت نبي نجمه بنت منو!!
سكينه:
________________________
مالك:لوح الطرف الاول وولع الطرف الثاني
حس بيد على رقبته تمس في بطريقه غلط!!
تلفت ..

                         الحلقة الثالثة عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-