#حب_أعمي_الجزء_التالت
(الحلقه الثانيه ) ❤
........
شهد : بيرى مين دى ؟ دى miss egypt السنه اللى فاتت .. حاجه فخمه كده وبنت عز وصاروخ ماشى على الارض هههههههههههه عينيها على احمد والكلام ده سر ... هههههههههههه يلا يلا انا جوعت وريقى نشف عاوزه اشرب حاجه
مى : تصدقى انا كمان ريقى نشف ... وشكلها نشفان بنشفان بقي وهتبقي ليله طين ع الكل عن اذنكو ثوانى وجايه
شهد : رايحه فين .! نسبقك ع الكافيه ولا ايه ؟
مى : اه اسبقونى مش هتأخر . خمس دقايق وهتلاقونى وراكو
شهد : يلا يا سالى احنا .
سالى : مى ! رايحه على فين
مى : مش هتأخر يا سالى هظبط وشى بس ف الحمام وجايه ..
.........
احمد : ها يا بيرى قولتى ايه ف الاوفر ده
بيرى : يا باشا انا بتاعتك من ايدك دى لايدك دى
احمد : الاوفر عاجبك يعنى ؟
بيرى : جدا وبعدين كفايه انى اشتغل معاك
احمد : طيب تمام ! على ما تشربي نسكافيهك تكون داليا طبعت العقد عشان نمضيه
بيرى : اوكى يا بروف ! بقولك ايه وراك حاجه الليلادى ؟
احمد : على حسب والله مش عارف لسا
بيرى : ما تيجى نتعشي بره
احمد : اعذرينى يا بيرو مش هعرف النهارده والله جايالنا ضيوف كده ف البيت وعاوز اكون حاضر هناك
بيرى : ماتبقاش بايخ بقا بقالنا كتير ماخرجتش معاك . عاوزه اشاور ع الناس واقولهم الواد ده صاحبى هههههههه
..........
مى : ازيك يا دودو
داليا : اهلا يا ميوي تعالى يا حبيبتى
مى : بتعملى ايه مش هتيجى تتغدى معانا
داليا : بخلص بس الورق ده وهطبعه وهدخله لمستر احمد وجايه وراكو على طول هو عارف ان ده وقت الراحه
مى : طب بقولك ايه هى الضيفه اللى معاه لسا جوه ولا مشيت
داليا : اه جوه . بقالهم اكتر من ساعه
مى : طيب اتصليلى على مستر احمد عاوزه اقابله ف موضوع كده شوفى هيقولك ايه
داليا : حاضر ! طب اقعدى طيب
مى : شوفيه بس عشان لو مش هينفع همشي على طول الحق البنات
داليا : اوكي استنى !
الو !
احمد : ايه يا داليا طبعتى الورق ؟
داليا : اه يا مستر دقيقتين بالظبط وهجيبه لحضرتك
احمد : طيب تمام . فيه حاجه ولا ايه
داليا : اه يا فندم كان فيه حد كده عاوز يدخل لحضرتك
احمد : حد مين . خليه يتفضل
داليا : حاضر يا فندم ( بتكلم مى قبل ما تقفل السماعه ) اتفضلى يا مى مستر احمد منتظرك
احمد : ( بيقف من على الكرسي ) مين ؟ ميييييييين ؟ يا داليا ماتقفليش استنى الله يحرقك . الوووو ! الووووووو ! ( بيتصل على داليا تانى بسرعه ) الووووو
داليا : ايوه يا مستر احمد
احمد : انتى بتقولى مين عاوز يدخل ؟
داليا : مى يا فندم . المحاسبه الجديده عاوزه حضرتك
احمد : لا قوليلها مش وقته ! انا . انا بخلص شوية شغل ومستنى مكالمه من امريكا . مش وقته مادخليش حد
داليا : حاضر يا فندم
..
بيرى : فيه حاجه يا احمد ولا ايه ؟
احمد : استنى انتى هنا الله يخربيتك انتى كمان . ( بيجرى ع الباب بيسمع مى مع داليا )
...
داليا : معلش يا ميوي بقي هو ف اجتماع مهم دلوقتى ومنتظر مكالمه من امريكا
مى : ااااه طب تمام .. على راحته . المهم مش هتيجى ولا ايه انا مش ماشيه غير رجلى على رجلك
داليا : طب استنى دقيقتين بس ادخل الورق ده وجايالك
..
( احمد بيرجع على مكتبه )
بيرى : يابنى فيه ايه انت موترنى
احمد : استنى انتى بس الله يكرمك دلوقتى
داليا : ( بتخبط على الباب )
احمد : ادخلى يا داليا
داليا : مستر احمد انا ..
احمد : اقفلى الباب كويس
داليا : حاضر .. انا خلصت الورق
احمد : طيب هاتيه .. انتى مش كنتى رايحه تتغدى ؟ اتفضلى انتى
داليا : مش عاوز منى حاجه يا مستر
احمد : لا اتفضلى انتى عشان ماتتأخريش
داليا : عن اذنكو
..........
بيرى : فيه ايه يا بنى مالك ؟
احمد : مافيش ده موضوع كده هبقي احكيلك عليه .
.........
( ف الكافيه البنات كلهم قاعدين ومى سرحانه )
شهد : تشربو ايه يا بنات
سالى : انا عاوزه قهوه تظبط دماغى .. شغل النهارده قالب دماغى
داليا : لا ولسا الشركه ماضيه عقود كتير الفتره الجايه والشغل هيذيد
مى : امممم هى بيرى اللى كانت ف الشركه دى اشتغلت معاكو قبل كده
شهد : اه اشتغلت مرتين
مى : اه بس من كلامك يا شهد عنها انتى بتقولى عينيها من مستر احمد . بمعنى ايه ؟
شهد : دى تعرف احمد اصلا من قبل ما تدخل مسابقة ملكة جمال مصر وتكسبها ودايما كانت تيجى الشركه تاخده ويخرجو ويسهروا بره بس بينى وبينك هو كارفها يعنى مالوش ف شغل التلزيق ده بس هى مش سايباه وهتموت عليه
مى : وهو ! مشاعره ايه ناحيتها
شهد : منا قولتلك ! هو مالوش ف الشغل ده . بس احيانا كده بحس انه بيحب يخرج معاها او يسهر معاها كل فتره كده ...
داليا : كل ما افتكر احمد وهو بيتصل عليا بسرعه عشان يقولى مادخليش حد ببقي هفطس
مى : ليه اشمعنى ؟
داليا : مش عارفه ههههههههههه يمكن كانو ف وضع مش ملائم ولا حاجه
مى : والله !!!!!!
داليا : ههههههههههه انا بهزر . بس انا مستغربه مش اكتر هو منين قالى خليه يتفضل ومنين رجع اتصل بسرعه وقالى ماتدخليش حد
مى : ابقي اساليه بقي .. بقولكو ايه انا قايمه رايحه الشركه
داليا : استنى يا بنتى ربع ساعه وهنروح كلنا
مى : لا لا خليكو انتو انا عاوزه اروح بس
..............
( كافيه الشركه )
احمد : فنجان قهوه يا عبد الله والنبى
عبد الله . عيونى يا مستر
كريم : اهلا ازي حضرتك يا مستر احمد
احمد : اهلا ازيك يا كيمو ! جيبتو الغدا للعمال
كريم : اه كله تمام يا مستر نزلت انا ورائد خلصنا كل حاجه
احمد : طيب تمام . اخبار الشغل ايه
كريم : يا استاذنا كفايه اننا شغالين عند حضرتك
احمد : اسمها شغالين معايا مش عندى . احنا كلنا اخوات
كريم : حبيبى يا مستر احمد والله !
.......
( مى بتشوف احمد قاعد مع كريم ,, وناويه على جنان أحمد النهارده )
مى : استعنا ع الشقا بالله
الحلقة الثالثه من هنا
بدل ماتدور وتبحث علي الروايات خليها علي تليفونك وحمل تطبيقنا
