#حب_أعمي_الجزء_التانى
(الحلقه الثالثه ) ❤
........
احمد : ( بيبصله بعين ونص ) من هنا .. هتركب الاسانسير ده الدور التانى هتلاقى المكتب على ايدك اليمين .. بس ليه خير ؟
هشام : مافيش يا باشا انا عاوز حد منهم بس
احمد : عاوز مين ؟ عصام ولا عمرو ؟
هشام : لا انا معرفش عصام ولا عمرو دول . انا عاوز الانسه مى
احمد : ( بيسيب القهوه من ايده وبيبصله ) وعاوز الانسه مى ليه خير ؟ انت قريبها ولا حاجه ؟
هشام : لا مش قريبها ولا حاجه ... ايه يا باشا مكنش سؤال ده . متشكر يا سيدى انك قولتلى على مكان الحسابات عن اذنك
احمد : خد يالا ! عاوز مى ليه
هشام : يالا ؟ انت بتقول لمين يالا دى ؟
احمد : ليك ! ولو ماقولتش انت عاوز مى ليه ودينى مانت خارج م الشركه دى على رجلك . انططططق .. ( بيمسكه من قميصه ) انا على اخرى هو انا هلاقيها منين ولا منين
هانى : فيه حاجه يا مستر احمد ؟
هشام : مستر احمد ؟ هو حضرتك مستر احمد ؟
هانى : اه يا باشا هو مستر احمد
احمد : ابعد انت يا هانى .... عاوزها ليه يالا ؟
هشام : يا فندم انا .. انا كنت جاى اوصلها رساله بس من اختها تعدى عليها تاخدها م الشغل بتاعها لان تليفون الاستاذه مى مقفول ومش عارفين يكلموها
احمد : طب غور ! وماشوفش وشك ف الشركه دى هنا تانى
هانى : حصل خير يا مستر احمد خلاص
احمد : ايه يا اساتذه واقفين كده ليه كل واحد على شغله
..........
هشام : الو !
ليلى : ايه يا اتش عملت ايه
هشام : يا شيخه الله يخربيتك انتى واخوك .. انا اتهزقت بسببك
ليلى : هههههههههه ( بتنشكح ) ليه ايه اللى حصل . احمد شافكو ؟
هشام : هو انا لحقت انطق .. عارفه طلع مين الباشمهندس اللى انا قولتلك قاعد ف الكافيه وهروح اساله ؟
ليلى : هههههههههههههه همووووووت اوعى تقولى انه طلع اخويا
هشام : اه ياختى طلع اخوك ... ده كان قافشنى ولا كانه قافش حرامى
ليلى : هههههههههههه يعنى ماقابلتش مى .؟
هشام : انتى بتضحكى ؟ دى ايه المصايب دى هو انا هلاقيها منك ولا من اخوك اعوذ بالله
ليلى : طب اقفل اقفل انا هوصل ل مى هههههههههه
............
ليلى : الو ! ازيك يا شوشو
شهد : اهلا ! ازيك يا قمرنا عامله ايه وحشانى يابنتى
ليلى : والله وانتى كمان . ايه اخبار الدنيا عندكو ؟
شهد : الدنيا شايطه م الصبح . اخوك مكهرب الجو خالص
ليلى : م الصبح ؟ ليه م الصبح حصل ايه هو هشام لحق دا لسا من 10 دقايق
شهد : هشام مين ؟
ليلى : ايه ؟ ماتاخديش ف بالك ... ايه اللى حصل بس
شهد : معرفش بس شايط ف المحاسبين وتقريبا كده عزلهم عن الشركه وبيقولهم ماشوفش حد فيكو ف الشركه وتطلعو وتنزلو م الباب الورانى
ليلى : هههههههههههههه قال لمين
شهد : قال لمستر وليد
ليلى : طب ايه الحكايه طيب ايه اللى حصل
شهد : هو تقريبا كده والله اعلم ... بسبب مى
ليلى : مى ؟ ومى دخلها ايه ف الموضوع
شهد : ابدا يا ستى اخوكى شافها واقفه مع مستر سليم اللى بيتعامل معانا وعينك ما تشوف الا النور بقا شاط فينا كلنا وازاى حد م الموظفين بتوع الشركه يقف مع حد غريب ويهزر ويضحك
ليلى : احييييه ؟ وايه اللى جاب سليم ل مى
شهد : معرفش هى بتقول انها كانت نازله بالصدفه تخلص ورق مستر سليم ده وقفها وكلمها كلمتين ... البت داليا اللى بتقولى كده
ليلى : نهار اسود ... طب بقولك ايه يا شوشو والنبى ادى التليفون ل مى لان تليفونها مقفول ومش عارفه اوصلها . او حولى الخط على مكتبها ؟
شهد : حاضر ثوانى
....
مى : الو !
ليلى : ميويه ههههههههههههه ايه اللى حصل
مى : انتى تسكتى خالص كل ده بسببك
ليلى : هههههههههههه همووووووووت طب بقولك ايه انتى هتعرفى تتكلمى دلوقتى ولا الدنيا متزنقه
مى : لا مش هعرف . انا بكلمك وانا موطيه صوتى
ليلى : طب خلاص هاتى سالى معاك وهعدى عليك الساعه 4 بعد الشغل ونروح نقعد ف اى حته
مى : خلاص تمام
ليلى : افتحى تليفونك يا ماما ... وهتلاقينى مستنياكى على ناصية الشارع اللى على اول طريق الشركه .. زى ما استنيتكو قبل كده
مى : ماشي تمام ...
............
( ف عربية سليم )
زياد : مالك يا سليم
سليم : مش عارف ! البنت اللى قابلتها ف الشركه بتاعة احمد دى معششه ف نافوخى مش عارف اطلعها من دماغى
زياد : هى البنت تستاهل اوى كده اللى احمد عمله فينا بسببها هههههههه
سليم : تستاهل هههههههههه تستاهل اوى كمان له حق يغير على موظفينه وخصوصا لو بالجمال والرقه دى .. البنت اقسم بالله يابنى حاجه كده ماشوفتهاش . غير انها حلوه ورقيقه الا انها رقيقه كده . تخاف تبصلها بصة وحشه لاتجرحها ... احمد غيرته على موظفينه ده هو متعود على كده وياما مشي ناس من شركته بسبب حاجه زى دى
زياد : لاحسن يكون بينه وبينها حاجه
سليم : يابنى احمد مش بتاع حب ... الواد حب مره واتصدم فيها وتقريبا من بعدها وهو متعقد .. وبعدين هو بتاع شغل اوى وحاجه زى دى معاه حق انه يعملها .. وانا مش هلومه . بالعكس انا لو مطرحه ومع بنت زى دى هعمل اكتر من اللى هو عمله
زياد : ايه ؟ قلبك ابتدا يدق ولا ايه ناحيتها
سليم : الظاهر كده يا زوز ... بقولك ايه انا لازم اشوف البنت دى واكلمها واقعد معاها
زياد : ازاى بقي
سليم : هستناها النهارده بعد الشغل . هما بيخلصو الساعه 4 صح ؟
زياد : اه تقريبا
سليم : هستناها ف العربيه واكيد هشوفها وهى مروحه وهطلب انى اوصلها او اقعد معاها ف اى حته
زياد : ما بلاش لاحسن تكون البنت مش بتاعة خروج مع حد غريب وتعملك مشكله تانيه
سليم : لا لا البنت روحها خفيفه وكانت بتضحك معايا .... ايوووه على ضحكتها يا جدعان
...............
( داليا داخله توقع ورق من احمد بتلاقيه مسهم وسرحان ومش معاها خالص )
داليا : مستر احمد ... يا مستر احمد
احمد : عاوزه ايه يا داليا ؟
داليا : توقيع حضرتك هنا يا فندم عشان ابعته للمشتريات بس
احمد : طيب سيبى الورق انا هوقعه واندهلك تاخديه
داليا : تحت امرك يا فندم . احمد انت كويس ؟
احمد : اه كويس ماتشغليش بالك .. بقولك ايه
داليا : خير
احمد : هما البنتين الجداد دول مين بيجيبهم ومين بيروحهم
داليا : مافيش هما انا بشوفهم بييجو مواصلات وبيروحو بردو مواصلات ... احيانا بيركبو تاكسي يعنى لو الدنيا واقفه مانت عارف
احمد : طيب تمام .. اتفضلى انتى
.................
احمد : ( بيكلم نفسه ) لا منا لازم اراقبها بقا اشوفها بتعمل ايه وبتروح فين ومع مين
.............
( الساعه 4 وربع امام الشركه بمسافه )
ليلى : اركبى يا مزه انتى وهى هههههههههههه
مى : انتى تسكتى خالص . كل ده بسببك حسبى الله ونعم الوكيل فيك
ليلى : ههههههههههههه وانا مالى انا . اركبى اركبى .. اركبى يا سالى
.................
سليم قاعد ف عربيته وشايفهم من بعيد : هى ايه الحكايه ... هى ليلى تعرفهم ومصاحباهم ولا ايه ادينى وراهم اما اشوف الحكايه ؟
............
احمد قاعد ف عربيته ومش واخد باله من عربية سليم وشايف مى وسالى وهما بيركبو عربية ليلى : هى ايه الحكايه ! هى البت اختى دى بتخرج معاهم يروحو فين ويهببوا ايه .. نهار اسود عليها وعليهم لو كانو بيشتغلونى ف حاجه ( بيبص على شماله الناحيه التانيه بيلاقى سليم قاعد ف عربيته ومتابعهم ) اهلا اهلاااااااااااا
الحلقة الرابعه من هنا
بدل ماتدور وتبحث علي الروايات خليها علي تليفونك وحمل تطبيقنا
