Ads by Google X
رواية حب اعمي الجزء الثاني الحلقة الاولي -->

رواية حب اعمي الجزء الثاني الحلقة الاولي

رواية حب اعمي الجزء الثاني الحلقة الاولي

    #حب_أعمي_الجزء_التانى
    (الحلقه الاولى ) 
    ..........
    ( سليم بيشوف مى وهى ماسكه ورق وطالعه بيه الاسانسير ناحية الحسابات وبتقع منها ورقه )
    سليم : لو سمحتى لو سمحتى
    مى : ايوه !

    سليم : الورقه دى وقعت منك ( بيوطى يجيب الورقه وبيديهالها )
    مى : سورى جدا معلش
    سليم : ايه ! لا حصل خير انتى حضرتك شغاله هنا
    مى : اه يا فندم ..( بتبصله بتفتكره انه هو هشام اللى ليلى متفقه معاه عشان يضايقوا احمد وبتفتح معاه كلام وعاوزه احمد يشوفهم ) وانت بقا من هنا ف الشركه ؟
    سليم : لا انا اول مره ادخل الشركه النهارده وشكلى حبيتها
    مى : ( بتضحك وبتبتسم ... كل ده وهى مقتنعه ان ده يبقي هشام اللى ليلى متفقه معاه على احمد ) ههههههههههه مستر احمد فين صحيح ؟؟
    ...............
    ( احمد بالصدفه بيشوفهم واقفين مع بعض بيضحكوا من بعيد )
    .........

    مى : لا فين استاذ احمد بجد مش باين
    داليا : صباح الخير ... اومال فين مستر احمد يا مستر سليم عاوزه أمضيه على الورق ده .. مستر وليد طالبه ضرورى
    سليم هو كان هنا معايا
    مى : مستر سليم ؟ مين مستر سليم ؟
    سليم : انا ..
    مى : انا آسفه جدا معلش افتكرت حضرتك حد تانى . انا اسفه معلش
    سليم : طيب هو حضرتك بتشتغلى هنا ف .... يا انسه .. يا انسه
    مى : ( بتسيبهم وبتمشى بسرعه )
    سليم : ايه يا داليا . دى بتشتغل ايه هنا ؟
    داليا : دى ف الحسابات . جديده لسا
    سليم : ااااااه . طيب كويس ...
    ( احمد بيظهر من وراهم )
    سليم : انت روحت فين يابنى
    احمد : موجود كنت بجيب تليفونى من المصنع اصل نسيته ع المكتب
    سليم : طيب هنرجع ل وليد وزياد بقي
    احمد : وماله .. انتى عاوزه ايه يا داليا ؟
    داليا : مستر وليد طلب انى اجى لحضرتك توقعلى الورق ده
    احمد : لا مافيش توقيع دلوقتى احنا راجعين ع المكتب .. مش يلا يا سليم ولا ايه ؟
    سليم : يلا .... الحسابات عندك بقت حاجه تشرف
    احمد : طب تعالى تعالى

    ...........
    ( بعد نص ساعه اجتماع )
    وليد : كده تمام يا مستر احمد كل البنود اللى كان عليها اختلاف وصلنا لنقطة اتفاق بينا وبين شركة مستر سليم
    احمد : اها ... طيب تمام سيبها وانا هراجعها بنفسي وربنا يقدم اللى فيه الخير
    سليم : انا جايلك بكره لوحدى اقعد معاك شويه
    وليد : طيب يا جماعه هتفضل انا عن اذنكو
    احمد : اتفضل
    .......
    مى : انا هببت مصيبه من شويه
    سالى : مصيبة ايه كركبتيلى بطنى
    مى : من شويه واحد وقفنى افتكرته الواد هشام اللى ليلى اتفقت معاه يعمل نمره على احمد طلع واحد تانى .... داليا بتقول انه اسمه معرفش ايه سليم ويبقي صاحب شركه وكان مجتمع مع مستر احمد .. والواد عينه زايغه اصلا ... يااخرااااابي على ده موقف .. ده الحمد لله ان احمد ماشافنيش
    سالى : يانهار اسود .. انتى متخلفه يا بنتى ؟ مش تاخدى بالك .. ودلوقتى بقا الاخ التانى ده يفتكر انك كنتى بترمى معاه كلام ولا حاجه . ادعى بس انه مايلزقلكيش ولا يجيب سيرتك لحد المهم انتى متأكده ان مستر احمد ماشافكيش واقفه معاه
    مى : لا لا انا متأكده .... اعوذ بالله دى الفكره لوحدها تخض

    سالى : بردو لازم نتأكد ... ولازم نتأكد بغباء كمان لاحسن يكون شافك
    مى : يابنتى بقولك لا انا متأكده انه مكنش موجود ....
    هند : ازيكو يا بنات بتتكلمو ف ايه
    مى : مافيش يا هنود انتى كنتى فين
    هند : نزلت دخلت الحمام وجبت نسكافيه من تحت وجيت
    مى : ماشوفتكيش يعنى
    هند : لا انا شوفتك وانتى طالعه عند الاسانسير ندهت عليك بس ماسمعتيش .. حتى كنتى واقفه مع اللى اسمه مستر سليم ده صاحب الشركه اللى بنتعامل معاها
    مى : اه منا ماكنتش اعرف انه يبقي هو انا كنت مفكراه حد تانى
    هند : طيب ابقي خلى بالك والنبى ... مستر احمد لو كان اتدخل كان بهدل الدنيا لانه مابيحبش ان حد من موظفين الشركه يقفوا ويهزروا ولا حتى يتكلمو مع حد غريب
    مى : ماهو الحمد لله ماشافنيش
    هند : هو مين ده ؟ ماهو كان واقف على اخر الطرقه وباصص عليك وعلى سليم ده بس تقريبا كان مشغول ومكنش مركز .. مش عارفه .. بس هو شافك ..
    سالى : ايه ؟
    مى : ايييييييييييييه ؟
    ...........

    سليم : مالك يا ريس قفشت مره واحده كده
    احمد : ( بيبصله وماسك نفسه بالعافيه )
    سليم : هييييي . بكلمك يابنى
    احمد : انت وقفت مع مين ف الشركه بره لما سيبتك
    سليم : مافيش .. مع واحده م الحسابات وقع منها ورقه كده ندهت عليها واديتهالها .. دى بقي من المحاسبين الجداد صح هههههههههه ؟ ذوقك حلو ف موظفينك يابن اللذينه
    احمد : اممممم ؟. وايه كمان
    سليم : بس يدوب كلمتين بس لقيت داليا داخله بتسال عليك ... والبنت مشيت
    احمد : والبنت قالتلك ايه
    سليم : مافيش هى كانت ذوق جدا وضحكتها تجلجل القلب كده هههههههههههه ماشاء الله عليك وعلى موظفينك والله يابنى ... بقولك ايه هى مرتبطه البنت دى ؟
    احمد : بقولك ايه يالا

                               الحلقة الثانيه من هنا

    إرسال تعليق