Ads by Google X
رواية جوزي ياحتة سكرة الحلقه الثامنه والاخيره -->

رواية جوزي ياحتة سكرة الحلقه الثامنه والاخيره

رواية جوزي ياحتة سكرة الحلقه الثامنه والاخيره

    ♡الحلقه الاخيـــــــــــره ♡
    ♤جوزى ياحته سكره ♤
    بقلم هايدى محمد 🖎
    ☆اللهم صلى على سيدنا محمد وعلى آله وأصحابه أجمعين ☆

    وبعد ربع ساعه يخرج الدكتور ويتوجه إلى والدها
    الدكتور::حمد الله على سلامه المدام هايدى الحمد لله هى دلوقتى تقدروا تدخلوا ليها وتكلموها

    والدها::يعنى ايه مش فاهم انتى صحيت وبقت تتكلم

    الدكتور::ايوه ياحج بعد اذنكم

    والدها::وهو يسجد أرضا ليشكر ربه ويحمده على سلامه ابنته ثم يذهب مسرع ويدخل إليها وهى تجلس فى حضن والدتها

    حمد لله على سلامه القمر حمد لله على سلامه قلبى انا

    هايدى::بابتسامه حزينه مكسوره الله يسلمك يابابا

    والدها::معلش ياأم هايدى خدى ابنك ومراته واطلعوا بره عايز بنتى فى كلمتين

    والدتها::ياحج استنى على البت تاخد نفسها وتشد حيلها

    والدها::معلش بعد اذنكم برا

    ليخرج الجميع ويجلس هو بجانبها ويمسك بيدها

    عارفه ياهايدى انا كنت هموت عليكى بس كنت عارف انك قويه مش مشكله بسيطه اللى تكسرك وتوقعك كده انا حزنت على تربيتى ليكى عارفه وانتى صغيره كنت يخليكى تضربى اخوكى الكبير علشان تقوى علشان تبقى اقوى كنت بسيبك تاخدى حقك علشان ماتسمحيش لحد يقرب من حجاتك زعلت لما لاقيتك بتستسلمى بسرعه كده

    يابنتى يانور عينى أنا لما كنت باجى عليكى علشانه علشان ماخربش البيت وعلشان عارف بنتى هاتعرف تمشى امورها لما قولت انك بميت راجل كنت عارف انك قد اى مشكله وقد اى حاجه تقف قدامك بس وقت ملاقى بنتى كده يبقى لا انا ضهرها وسندها مهما حصل ماكنتش بحب ازعله علشان عارف انك بتحبيه وعلشان العيال

    هايدى::وهى تحاول أن تخفى دموعها وتظهر قوتها ......بس هو خلاص اتعدى كل الخطوط معايا غلط فيا وضربنى وسبنى فى شرفى وشتمنى بيكوا وكمان راح يتجوز عرفى عليا انا مش ماليه عينه وهو كمان نزل من نظرى نزل لما اتغير الحب مش كل حاجه يابابا الاحترام والتقدير والمواده والرحمه هى دى اللى تخلى الحياه تستمر ايه وقت ماكون مبسوط اقول بحبك وبعد دقائق اشتم وابهدل الدنيا

    محمد شال الاحترام والتقدير والمواده والرحمه والحب كمان بطريقته اتبدل واتغير وانا ماينفعش اعيش مع واحد بالمنظر ده

    والد هايدى ::طيب ايه سبب تغيره اكيد مش هيتغير من غير سبب

    هايدى::صدقنى مش عارفه من وقت ماصحبه سيد دخل فى حياتنا وهى اتغيرت مش فاهمه ليه بس الحياه بقت مستحيله بينا

    والدها::عايزه ايه وانا اعمله ليكى

    هايدى::بجمود اطلق منه لأنه لا يصلح لاى حاجه

    والدها::تمام يابنتى نخرج من هنا وهجيبه ونعمل قاعده وحققك هايجيلك

    وبعد مرور ثلاث ايام على ذهاب هايدى إلى منزل والدها يتصل والدها بمحمد وبعمامه ليحضروا فى اليوم التالى بعد اذان المغرب

    وفى اليوم التالى ياتى الجميع ليجلس والد هايدى فى منتصف المجلس

    والد هايدى::ياحج خيرى ابنكم غلط فى حق بنتى غلط فيها وفى شرفها غلط فينا وراح اتجوز عليها عرفى ودخل واحد من أصحابه فى مشاكل بيته ضربها ومشاها مضروبه من بيته

    خيرى::وهو ينظر إلى محمد ليرى محمد ينزل رأسه إلى الأسفل ليتأكد أن كلام والد هايدى صحيح

    طلباتك ياحج

    والد هايدى::بنتى مستحيل تكمل مع ابنكم ابنكم مش قد المسؤوليه ابنكم مش راجل الرجوله مش بالضرب ولا بالاهانه الرجوله بالاحترام والمواده والرحمه نبيك صلى عليه قالك ايه قالك استوصوا بالنساء خير لكن انت غلطت فى شرفها اللى هو شرفك انت غلطت يابنى والغلط لازم ليه عقابه

    محمد::ياعمى بنتك غلطانه بنتك نكديه

    والد هايدى::بنتى مش بتفتعل مشاكل يامحمد ار ست او بنت مش نكديه هى يتنكد اسلوب رد فعل من فعلك انت الست عامله زاى الزرعه ارويها واهتم بيها تكبر وتطرح احلى ورد لكن لو اهملتها عمرها ماتعمل حاجه هتموت

    محمد::يعنى الغلط كله عليا وهى اللى طلعت مظلومه

    والد هايدى::الغلط مش كله عليك بس اكبره عليك انت ازاى تسمح لنفسك تغلط فى شرفها ازاى تسمح لنفسك تمد ايدك عليها ازاى تسمح لنفسك تغلط فى أهلها أهلها اللى كبروها وخلوها عروسه وسلموها لراجل يحافظ عليها مش يبهدلها يكون سند وامان وحمايه ليها لكن للأسف ياحج خيرى زاى مادخلنا بالمعروف نخرج بالمعروف انا رجعت ليكم قبل ماندخل فى شغل محاكم ونقف قدام بعض

    خيرى::عداك العيب ياحج ابننا غلط بس ياحج فى عيال فى الوسط ماينفعش ناخد خطوه زاى دى علشان خاطر العيال

    لتدخل هايدى عليهم

    انا اسفه لحضرتك يابابا واسفه للكل حضرتك ياعمو بتقول فى عيال ومش عيال وهو لما يخلى واحده تكلمنى تقولى اطلقى ومش اطلقى مابصش على العيال ليه وهو لما كان بيضربنى قدام العيال ماقلش عيالى ليه وهو لما يشتمنى بافظع الألفاظ ماقلش عيالى ليه لما رمانى بره الشقه الساعه تلاته الفجر ماقلش عيالى ليه ياحج ده انسان خاين ماقدرش ائتمانه على نفسى أو عيالى تانى انا اسفه لان ده قرار وخلاص مش هارجع فى نهائى ابنكم بيسمع لأصحابه وبيمشى وراهم والراجل طول ماادى ودنه للناس يبقى مش راجل ولا يصلح أنه يفتح بيت أنا ماقدرش اربى عيالى مع واحد زاى ده خاين ولسانه سليط

    ليقوم محمد ويحاول أن يصفعها على وجهها لتمسك يده يد اقوى توقفه أن يلمس وجه هايدى

    والدها::انت مش عملت اعتبار أن لى ناس كبيره قاعده ولا عملت اعتبار أن ابوها قاعد ولا عملت اعتبار انك فى بتنا ورقه بنتى توصلها فى اسرع وقت أو اقسم بالله هندمك على اليوم إلى. شوفت بنتى فى أنا اتساهلت معاك كتير اووى بس كده كفايه

    خيرى::عندك حق ياحج احنا اسفين على كل إلى عمله وحقك يابنتى علينا احنا

    هايدى::حضرتك فوق راسى وكلامك على راسى

    خيرى::يعنى ده اخر كلام عندك يابنتى

    هايدى::خلاص ياعمى ده قرار ومش هرجع فيه

    وبعد يومين يجلس الجميع وبينهم المأذون ليتم الطلاق بهدوء ويرجع محمد إلى منزله تائه

    ليتصل به صديقه سيد

    ايه يابنى فينك
    محمد::مافيش فى البيت

    سيد::طيب ماتيجى نقعد شويه على القهوه
    لينزل محمد ويجلس مع صديقه ويقص عليه كل ماحدث

    سيد::يازميلى انت ارتحت ده كده انت باشا فى نفسك دى واحده عايزه راجل دلدول تقوله يمين يمين وشمال شمال مش عايزه راجل يحكم ويشكم وغير النكد إلى كانت عملاهولك ياخى بكره تلاقى احسن منها مليون مره

    محمد::عندك حق ياسيد

    لتمر الايام ومحمد يتكبر ويعاند على غلطه وسيد يحشوا أفكاره بالكره والحقد على هايدى وفى يوم يجلسوا على القهوه

    سيد::وتليفونه يرن ليمسكه ويرد ....ايوه ايه ثوانى سلام

    محمد::ف ايه يابنى حصل ايه

    سيد::ابنى تعبان لازم اروح حالا
    محمد::طيب هاجى معاك

    سيد::مالوش لزوم
    لكن محمد يسبقه ويمشى قبل سيد ويذهبوا إلى منزل سيد لتقابلهم زوجته بوجه غاضب وصوت عالى

    زوجه سيد::لسه بدررررى يااستاذ مانت مش فاضى غير للصرمحه مع اصحابك الصيع وابنك يولع هو ومراتك

    سيد::بصوت هادئ ياحبيبتى اول ماكلمتينى جيت على طول خلاص بقى أهدى

    لينظر إليه محمد بصدمه كبيره من شخصيته التى ظهرت أمامه

    زوجه سيد::ايه جايب الصيع بتوعك يكملوا السهر هنا ولا ايه

    سيد::لا ده محمد لما عرف أن الواد تعب قال يجى معايا

    وهى تلوى فمها اه وانا اصدق كدبك ده صح

    لينظر إليه محمد ....حسبى الله ونعم الوكيل فيك ضيعت بيتى ومراتى وفضلت تقولى خليك راجل خليك راجل وانت ماحصلتش حتى الست اتفوا عليك وعلى معرفتك يااخى منك لله خربت بيتى وبعدتنى عن عيالى ومراتى

    ليذهب وهو مصدوم فى صديقه ويتذكر حديث هايدى له

    هايدى::ماتديش ودنك لحد ماحدش بيحب الخير لحد ماحدش بيحب دلوقتى يشوف حد مبسوط كله بيقول نفسى ولما يلاقى حد مبسوط يفضل وراه لحد مايخليه اتعس الناس بس بأيدينا احنا اللى نوقف كل واحد بيتكلم عند حده

    محمد::وهو يجلس على الرصيف بالشارع ويضع رأسه بين يديه ويحدث نفسه .......عندك حق ياشريكه حياتى عندك حق ياحبى الاول والاخير ضيعتك بغبائى ضيعتك خلاص انتى وعيالى فضلت اسمع لكل واحد شويه وارجع اهينك واغلط فيكى ضيعتك خلاص بغبائى عندك حق لما قولت انى مش راجل انا فعلا مش راجل لانى مشيت ورا الناس ولاغيت عقلى وشخصيتى

    ليحاول أن يصلح الأمور مع هايدى ولكن كانت تقابل كل هذه المحاولات بالرفض التام
    لتعيش هايدى لاولادها وتنزل شغل لها وتصرف على اولادها وتعليمهم ورفضت دخول أى رجل آخر فى حياتها فإنها وهبت حياتها لأطفالها فإنهم لا يوجد لديهم اى ذنب حتى تسخط عليهم أو تتزوج وتاتى بزوج ام يتحكم بعلاقتها معهم فهى من تتحكم بامورها واولادها ومحمد يتحسر على زوجته وأولاده وتزوج بعد فتره طويله من أخرى ولكن كانت سيئه للغايه اخذت حق هايدى بالكامل منه
    ✍️⁩جوزى ياحته سكره بقلم هايدى محمد
    وبعد مرور ثلاث ايام وسمر تجلس بغرفتها تسمع رنين جرس الباب لتذهب لتفتح لترى اخو زوجها واخته وسلفتها يقفوا أمامها

    سمر::اهلا اهلا اتفضلوا ليدخلوا ويجلسوا

    رامز اخو خالد ......ازيك ياسمر عامله ايه

    سمر::الحمد لله ازيك يارامز عامل ايه ازيك يا زوزو ازيك يافوزيه

    الجميع الحمد لله بخير

    رامز::كنت جايلك ياسمر علشان موضوع القضيه إلى رفعاها على خالد وامى ياسمر مايصحش اللى بتعمليه ده انتى عارفه أن امى ست كبيره ومش حمل بهدله وده جوزك ابو عيالك

    سمر::هههههههه تصدق يارامز ضحكتنى وكان فين الكلام ده وانا بتهزء من انك واخوك واضرب منهم وانتوا بتتفرجوا عليا كنت بتشتم من امك واخوك وانتوا بتتفرجوا اختك كانت تيجى تسخنهم عليا وانت ومراتك كنتوا بتتفرجوا عليا كنتوا فين لما كنت بتبهدل دلوقتى جاى تقولى أمر ست كبيره وإن ده ابو عيالى

    فوزيه::بقولك ايه يابت انتى تتكلمى عدل احسن اقسم بالله

    رامز::فوزيه اخرسى خالص
    سمر::بنظره تحدى وقوه ايه هاتضربينى ولا هاتعملى ايه تصدقى خوفى على عيالك وعلى بهدله جوزك المحترم انى كنت ضميتك لامك واخوكى تتربى معاهم واحب اقول كلمتين عايزنى اتنازل يطلقنى ويدينى جميع حقوقى وامك واختك يتأسفولى ويمضى أنه هايتكفل بمصاريف عياله كلها وده كله يتسجل مع المحامى بتاعى غير كده يبقى انسوا

    رامز::حاضر ياسمر إلى عيزاه كله هايتعمل

    سمر::كلامك يارامز يبقى مع المحامى بعد كده واه وهعمل محضر لامك واختك واخوك بعدم التعرض ليا ونبقى حبايب

    رامز::ياااه فين سمر القطه المغمضه

    سمر::اخوك هو اللى خلاها تخربش خلاها تبقى شريسه

    رامز::خساره احنا هنستاذن علشان نلحق نكلم المحامى

    ليذهبوا جميعا ويتم كل طلبات سمر ويتم الطلاق وجميع حقوقها ويخرج زوجها ووالدته من الحبس

    لتمسك سمر هاتفه وتنظر إلى صورها مع خالد وتهبط دمعه على خدها وتحدث نفسها

    يااااه ياخالد ياااه كان نفسى نكمل مع بعض بس للاسف نهايتها كانت وحشه ماكنتش عيزاها كده انا حبيتك لدرجه حبة اعمانى على حاجات كتير اووى بس يلا الواحد مش بيتعلم بالساهل وانا اتعلمت انى ماضحيش اووى ولا ابقى عاميه واحكم قلبى وعقلى مش واحد بس وان أهلى هما اول حاجه عندى وبعد كده اى حد تانى
    ✍️⁩جوزى ياحته سكره بقلم هايدى محمد
    بعد مرور الساعه يدق جرس الباب لتذهب ساره وتفتح الباب لترى المحامى أمامها

    عبد الرحمن::السلام عليكم ورحمه الله وبركاته

    ساره::عليكم السلام ورحمه الله وبركاته مين حضرتك

    عبد الرحمن::انا عبد الرحمن المحامى مدام بدريه موجوده لو سمحتى

    ساره::ايوه اهلا بحضرتك اتفضل

    ليدخل المحامى ويجلس على اقرب كرسى وتخرج بعد دقائق بسيطه مدام بدريه وهى تبتسم وترحب به

    بدريه::اهلا اهلا يابنى اخبارك ايه

    المحامى::الحمد لله وحضرتك اخبارك ايه واخبار صحتك

    بدريه::نحمد الله على كل شى ندخل فى الموضوع على طول شوف يابنى دى ساره اللى حكتلك عنها جوزها راحل مفترى منه لله هو وأبوها وهى كانت عايزه تطلق منه وهو رافض

    المحامى::طيب يامدام دلوقتى فى حلين اول حل رفع قضيه طلاق ىىضرر تانى حل وهو الخلع ولكن أنا أفضل اول حل

    بدريه::اللى تشوفه فى مصلحتها اعمله واتعابك كلها معايا انا

    المحامى::سهله يامدام انتى عارفه أن مش بتكلم على الفلوس نهائى

    بدريه::ربنا يوسعه عليك يابنى انا عندى امل كبير فيك انك تقدر تجيب حق البنيه الغلبانه دى

    المحامى::خلى املك فى ربنا يامدام بدريه وباذن الله حقها هايرجع لها

    ليذهب المحامى
    وفى الصباح تذهب بدريه بصحبه ساره إلى إحدى دار رعايه المسنين لتتعرف مديره الدار على ساره وتقوم بتعينها فى الحال

    ساره::وهى تقبل يد بدريه الهى يجعلك نصير للغلابه يامدام ومايحوجك لحد ابدا ولا يشمت حد فيكى ابدا

    بدريه::ده واجب عليا يابنتى ربنا يسعدك ويبعد عنك شر خلقه

    ساره::اللهم امين يارب
    وتذهب ساره إلى إحدى الغرف لتستريح حتى ياتى موعد العمل وتستلم عملها وتتعرف على احوال الشغل

    وتمر الشهور ويقوم المحامى برفع قضيه طلاق للضرر وتكسبها ساره

    وفى إحدى الايام وساره فى السوق تانى ببعض المشتريات لنفسها وأطفالها ترى طليقهايقترب منها

    احمد::بقى انا يابنت ال.... ترفعى عليا قضيه والله لاموتك مش انا اللى مراته تهرب منه

    لتجرى ساره فى الشارع ويجرى خلفها احمد لتسمع ساره صوت فرمله سياره عالى لتقف وتنظر خلفها لترى طليقها ملقى على الأرض والدماء حوله تغرق الأرض وهو يلفظ أنفاسه الاخيره لتذهب وتقف أمامه بخوف حقيقى لتراه ينظر إليها ويبتسم ثم تذهب روحه إلى خالقها

    وبعد فتره تديوصل خبر وفاته إلى والدته التى تصرخ على والدها المدلل على والدها الوحيد لتصرخ حتى تخرج حرقه قلبها ولكن بلا فائده

    لتجلس أرضا وهى تنظر إلى السماء وتقول بعلو صوتها

    ظلمت كتير وهو ظلم ودى اخرتها خدته منى وحرقه قلبى عليه موته موته وحشه موته مهروس تحت العربيه ليييييه لبييييه يارب ليبيه

    لتسمع صوت من جانبها يقول (بسم الله الرحمن الرحيم)
    ولا تحسبن الله غافلاً عما يعمل الظالمون إنما يؤخرهم ليوم تشخص فيه الابصار(ابراهيم)

    تمت بحمد الله تعالى

    إرسال تعليق