🍂🍂🍂 لست خاطئه 🍂🍂🍂
ﻓﻲ ﻟﺤﻈﺔ ﻛﺎﻥ ﺁﺩﻡ ﻳﺤﻤﻞ ﻣﻴﺎﺭ ﺑﻴﻦ ﻳﺪﻳﻪ .…
ﻣﻴﺎﺭ : ﺷﺎﻳﻠﻨﻲ ﻟﻴﻪ … ﻣﻮﺩﻳﻨﻲ ﻓﻴﻦ .
ﻟﻢ ﻳﺮﺩ ﻋﻠﻴﻬﺎ ﺁﺩﻡ ﻭﻓﺘﺢ ﻏﺮﻓﺘﻪ ﻭﺩﺧﻞ ﺑﻬﺎ ﺛﻢ ﺃﻧﺰﻟﻬﺎ ﻋﻠﻲ ﻓﺮﺍﺷﻪ .……
ﻣﻴﺎﺭ : ﺟﺒﺘﻨﻲ ﻫﻨﺎ ﻟﻴﻪ .
ﺁﺩﻡ : ﻫﺸﺸﺶ ... ﻣﻤﻜﻦ ﺗﺴﻜﺘﻲ … ﺇﻧﺘﻲ ﺇﻧﺴﺎﻧﺔ ﻣﺴﺘﻬﺘﺮﺓ .
ﻣﻴﺎﺭ ﺑﺘﻌﺠﺐ : ﺃﻧﺎ؟؟
ﺁﺩﻡ : ﺃﻳﻮﺓ ﺃﻧﺘﻲ … ﻭﻣﺶ ﻋﺎﻳﺰ ﺃﺳﻤﻊ ﺻﻮﺗﻚ … ﻣﻤﻜﻦ؟؟
ﻧﻈﺮﺕ ﻟﻪ ﻧﻈﺮﺓ ﻃﻔﻮﻟﻴﺔ ﺍﺑﺘﺴﻢ ﻋﻠﻰ ﻫﻴﺌﺘﻬﺎ ﺁﺩﻡ ﻓﺘﻬﻠﻠﺖ ﺃﺳﺎﺭﻳﺮﻩ،،، ﻋﻨﺪﻣﺎ ﺭﺃﺕ ﺍﺑﺘﺴﺎﻣﺔ ﺍﺭﺗﻔﻌﺖ ﺩﻗﺎﺕ ﻗﻠﺒﻬﺎ ﻭﺗﺎﻫﺖ ﻫﻲ ﻓﻲ ﺟﻤﺎﻟﻪ ﻭﺟﻤﺎﻝ ﺍﺑﺘﺴﺎﻣﺘﻪ .
ﺫﻫﺐ ﺁﺩﻡ ﻭﺃﺣﻀﺮ ﺻﻨﺪﻭﻕ ﺍﻹﺳﻌﺎﻓﺎﺕ ﺍﻷﻭﻟﻴﺔ ﻭﻋﺎﺩ ﺇﻟﻴﻬﺎ … ﺟﻠﺲ ﻫﻮ ﺑﻌﺮﺽ ﺍﻟﺴﺮﻳﺮ ﻭﺭﻓﻊ ﺭﺟﻠﻴﻬﺎ ﻋﻠﻲ ﻭﺭﻛﻴﻪ ﻭﺑﺪﺃ ﻓﻲ ﺗﻄﻬﻴﺮ ﺍﻟﺠﺮﺡ ﻭﺗﻌﻘﻴﻤﻪ ﺛﻢ ﺩﻫﻨﻪ .
ﺣﻴﻨﻬﺎ ﺃﺣﺴﺖ ﻣﻴﺎﺭ ﺃﻧﻬﺎ ﺳﺘﻔﻘﺪ ﺍﻟﻮﻋﻲ ﻣﻦ ﺷﺪﺓ ﺍﻟﺨﺠﻞ ﻭﺍﻟﺘﻮﺗﺮ … ﺃﺣﺴﺖ ﺃﻥ ﺻﻮﺕ ﺩﻗﺎﺕ ﻗﻠﺒﻬﺎ ﻳﺴﻤﻌﻪ ﺁﺩﻡ ﻣﻦ ﻗﻮﺗﻪ ..…
ﺗﺮﻙ ﺁﺩﻡ ﻗﺪﻣﻬﺎ ﺑﻬﺪﻭﺀ ﻭﻧﻬﺾ ﻭﺃﺧﺮﺝ ﻗﺮﺻﺎً ﻣﻦ ﻋﻠﺒﺔ دواء ﻭﻧﺎﻭﻟﻪ ﻟﻤﻴﺎﺭ .
ﻣﻴﺎﺭ : ﺇﻳﻪ ﺩﻩ؟؟؟
ﺁﺩﻡ ﻣﺎﺯﺣﺎً : ﻣﺘﺨﺎﻓﻴﺶ ﻣﺶ ﻫﻤﻮﺗﻚ … ﺩﻩ ﻣﺴﻜﻦ ﻋﺸﺎﻥ ﺍﻷﻟﻢ ﻳﻬﺪﻱ .
ﺣﻴﻨﻬﺎ ﺗﺬﻛﺮﺕ ﻣﻴﺎﺭ ﻳﻮﻡ ﺃﻥ ﺃﺗﺖ ﺇﻟﻲ ﻫﻨﺎ ﻭﻛﺎﻧﺖ ﺗﺘﻠﻮﻱ ﺃﺭﺿﺎً ﻣﻦ ﺷﺪﺓ ﺍﻷﻟﻢ،،، ﻭﺣﻴﻨﻬﺎ ﺭﻓﺾ ﻣﺴﺎﻋﺪﺗﻬﺎ،،،ﺁلمها ﻗﻠﺒﻬﺎ ﻟﻬﺬﻩ ﺍﻟﺬﻛﺮﻱ ﻭﺧﺎﻧﺘﻬﺎ ﺍﻟﺪﻣﻮﻉ ﺗﺘﺴﺎﺑﻖ ﻓﻲ ﺍﻟﻨﺰﻭﻝ .
ﺣﻴﻨﻤﺎ ﺭﺃﻱ ﺁﺩﻡ ﺷﺮﻭﺩﻫﺎ ﺍﻟﺬﻱ ﺗﺒﻌﺘﻪ ﺩﻣﻮﻋﻬﺎ ﻣﻨﻬﻤﺮﺓ … ﻋﻠﻢ ﺟﻴﺪﺍً ﻓﻴﻤﺎ ﺗﻔﻜﺮ ﻭﻣﺎ ﺍﻟﺬﻛﺮﻳﺎﺕ ﺍﻟﺘﻲ ﺭﺍﻭﺩﺗﻬﺎ … ﻓﺠﻠﺲ ﺑﺠﻮﺭﺍﻫﺎ ﻋﻠﻲ ﺍﻟﺴﺮﻳﺮ ﺛﻢ ﺍﻋﺘﺪﻝ ﻣﻤﺪﺩﺍً ﺭﺟﻠﻴﻪ … ﻭﺭﻓﻊ ﻭﺟﻬﻬﺎ ﺑﺄﺻﺒﻌﻪ ﺛﻢ ﻃﺒﻊ ﻗﺒﻠﺔ ﺣﺎﻧﻴﺔ ﻋﻠﻲ ﻳﺪﻫﺎ ﻭﻗﺎﻝ : ﺳﺎﻣﺤﻴﻨﻲ … ﻛﻞ ﺃﻣﻨﻴﺘﻲ ﻓﻲ ﺍﻟﺤﻴﺎﺓ .. ﺍﻧﻚ ﺗﻨﺴﻲ ﺍﻟﺬﻛﺮﻳﺎﺕ ﺍﻟﻤﺆﻟﻤﺔ ﺩﻱ .…
ﻣﻴﺎﺭ : ﺃﻧﺎ ﻛﻤﺎﻥ ﻧﻔﺴﻲ ﺃﻧﺴﻲ
ﺁﺩﻡ ﻭﻫﻮ ﻳﻨﺎﻭﻟﻬﺎ ﺍﻟﻤﺎﺀ ﻟﺘﺒﺘﻠﻊ ﺍﻟﻘﺮﺹ : ﻋﺎﺭﻓﺔ ﻳﺎﻣﻴﺎﺭ … ﺍﻥ ﺩﻭﻝ ﺃﺻﻌﺐ ﺃﻳﺎﻡ ﻣﺮﺕ ﻋﻠﻴﺎ ﻓﻲ ﺣﻴﺎﺗﻲ … ﺭﻏﻢ ﺍﻟﻠﻲ ﺣﻜﻴﺘﻪ ﻟﻜﻲ ﻋﻦ ﺍﻟﻠﻲ ﺣﺼﻞ ﻷﺭﻭﻱ ﻭﺍﻟﻠﻲ ﻋﺸﺘﻪ ﻣﻌﺎﻫﺎ ﻭﻣﻦ ﻏﻴﺮﻫﺎ ﻓﻲ ﺍﻟﻔﺘﺮﺓ ﺍﻷﺧﻴﺮﺓ … ﺇﻻ ﺃﻥ ﺍﺣﺴﺎﺳﻲ ﺑﻈﻠﻤﻚ ﻛﺎﻥ ﺑﻴﻘﺘﻠﻨﻲ … تخيلت ﺍﻥ ﺍﻣﺎ ﺍﺗﺠﻮﺯﻙ ﻭﺍﻧﺘﻘﻢ ﻣﻨﻚ ﻫﺮﺗﺎﺡ … ﺑﺲ ﺑﺎﻟﻌﻜﺲ ﻧﺎﺭ ﺍﻻﻧﺘﻘﺎﻡ ﻛﺎﻧﺖ ﺑﺘﺤﺮﻗﻨﻲ ﺃﻧﺎ … ( ﻓﺠﺬﺑﻬﺎ ﺇﻟﻲ ﺃﺣﻀﺎﻧﻪ ﻭﻣﺎﻟﺖ ﻋﻠﻲ ﻛﺘﻔﻪ ﻭﻗﺒﻞ ﺭﺃﺳﻬﺎ ﺑﺤﺐ، ﻭﺍﺳﺘﺮﺩﻑ ) ﺳﺎﻣﺤﻴﻨﻲ ﻛﻞ ﻟﺤﻈﺔ ﺃﻟﻢ ﻛﻨﺖ ﺳﺒﺐ ﻓﻴﻬﺎ،،ﺳﺎﻣﺤﻴﻨﻲ ﻋﻠﻲ ﻛﻞ ﺩﻣﻌﺔ ﻧﺰﻟﺖ ﻣﻨﻚ ﺑﺴﺒﺒﻲ …
ﺍﺭﺗﻤﺖ ﻓﻲ ﺃﺣﻀﺎﻧﻪ ﺑﺎﻛﻴﺔ … ﻇﻞ ﻳﻤﺴﺢ ﻋﻠﻰ ﺭﺃﺳﻬﺎ ﺣﺘﻲ ﻫﺪﺃﺕ … ﺛﻢ ﻗﺎﻟﺖ ﻭﻫﻲ ﻣﺘﺸﺒﺴﺔ ﺑﻤﻼﺑﺴﻪ ﻭﻣﺴﺘﻨﺸﻘﻪ ﻋﻄﺮﻩ ﺍﻟﺮﺟﻮﻟﻲ : ﺃﻭﻝ ﻣﺮﺓ ﻓﻲ ﺣﻴﺎﺗﻲ ﺃﺣﺲ ﺑﺎﻷﻣﺎﻥ ﻛﺪﻩ … ﺃﻭﻝ ﻣﺮﺓ ﺃﺣﺲ ﺇﻧﻲ ﻣﻄﻤﻨﺔ ﻣﺶ ﺧﺎﻳﻔﺔ .
ﺿﻤﻬﺎ ﺑﻘﻮﺓ ﻭﺃﺧﺬ ﻳﺴﺘﻨﺸﻖ ﻋﺒﻴﺮ ﺷﻌﺮﻫﺎ ﺑﻘﻮﺓ، ﻓﻘﺒﻞ ﺷﻌﺮﻫﺎ ﺑﺤﻨﺎﻥ ، ﺛﻢ ﺭﻓﻊ ﻭﺟﻬﻬﺎ … ﻭﺃﺧﺬ ﻳﺘﺄﻣﻞ ﻟﺆﻟﺆﻳﺘﻬﺎ ﺍﻟﺒﻨﺘﻴﻦ ﻓﻲ ﻋﻴﻨﻴﻬﺎ .. ﻭﻟﻢ ﻳﺸﻌﺮ ﺑﻨﻔﺴﻪ ﺇﻻ ﻭﻫﻮ ﻳﻠﺘﻬﻢ ﺷﻔﺘﻴﻬﺎ ﺑﻴﻦ ﺷﻔﺘﻴﻪ … ﺃﻏﻠﻘﺖ ﻫﻲ ﺃﻳﻀﺎً ﻋﻴﻨﺎﻫﺎ ﻭﺗﺎﻫﺖ ﻓﻲ ﻗﺒﻠﺘﻪ ﻭﻛﺄﻧﻬﺎ ﺗﺒﺚ ﻗﺒﻠﺘﻬﺎ ﻣﻦ ﻗﻠﺒﻬﺎ ﻻ ﺷﻔﺘﻴﻬﺎ … ﻻﻳﻌﻠﻤﺎ ﻛﻢ ﻣﻦ ﺍﻟﺪﻗﺎﺋﻖ ﺍﺳﺘﻤﺮﺍ ﻏﺎﺭﻗﻴﻦ ﻓﻲ ﺑﺤﺮ ﻗﺒﻠﺘﻬﻤﺎ ﺍﻷﻭﻟﻲ ﻣﻐﻤﻀﻴﻦ ﺍﻟﻌﻴﻨﻴﻦ … ﺣﺘﻲ ﻓﺘﺤﺖ ﻣﻴﺎﺭ ﻋﻴﻨﺎﻫﺎ ﻭﺳﺤﺒﺖ ﺷﻔﺘﺎﻫﺎ ﻭﺑﻌﺪﺕ ﻋﻨﻪ ﺑﺼﻌﻮﺑﺔ ﻭﻫﻲ ﺗﻠﺘﻘﻂ ﺃﻧﻔﺎﺳﻬﺎ ﺍﻟﺴﺎﺧﻨﺔ ﺍﻟﻤﺘﻘﻄﻌﺔ … ﺣﺎﻭﻝ ﺁﺩﻡ ﺟﺬﺑﻬﺎ ﻭﻟﻜﻨﻪ ﺭﺃﻱ ﺍﻟﺮﻓﺾ ﻋﻠﻲ ﻭﺟﻬﻬﺎ ﺍﻷﺣﻤﺮ … ﺣﺎﻭﻟﺖ ﻣﻴﺎﺭ ﺍﻟﻨﻬﻮﺽ ﻭﻟﻜﻨﻪ ﺃﺑﺪﻱ ﺍﻟﺮﻓﺾ ﺑﻬﺰﺓ ﺭﺃﺳﻪ .…
ﻗﺎﻟﺖ ﻣﻴﺎﺭ ﺑﺄﻧﻔﺎﺱ ﻣﺘﺤﺸﺮﺟﺔ : ﺃﻧﺎ ﻫﺮﻭﺡ ﺃﻧﺎﻡ ﻣﻊ ﺃﻳﺘﻦ .
ﺁﺩﻡ ﺑﺮﺟﺎﺀ : والنبي ﻳﺎﻣﻴﺎﺭ ﺧﻠﻴﻜﻲ ﻫﻨﺎ … ﻧﺎﻣﻲ ﺟﻤﺒﻲ .
ﻣﻴﺎﺭ : ﻻ ﻻ ﻣﺶ ﻫﻴﻨﻔﻊ … ﺍﻧﺎ ﻭﺍﻧﺖ ﻳﺎﺁﺩﻡ ﻋﺎﻣﻠﻴﻦ ﺯﻱ ﺷﺮﻳﻄﻴﻦ ﺍﻟﺴﻜﺔ ﺍﻟﺤﺪﻳﺪ ﻋﻤﺮﻫﻢ ﻣﺎﻫﻴﺘﻼﻗﻮﺍ … ﺣﻴﺎﺗﻨﺎ ﻣﻊ ﺑﻌﺾ ﻣﺴﺘﺤﻴﻠﺔ … ﻭﺍﻧﺖ ﻋﺎﺭﻑ ﻛﺪﻩ .
ﺍﻋﺘﺪﻝ ﺁﺩﻡ ﺟﺎﻟﺴﺎ : ﻋﺎﺭﻑ ﻛﻮﻳﺲ ﻳﺎﻣﻴﺎﺭ … ﺑﺲ ﺑﻄﻠﺐ ﻣﻨﻚ ﺍﻟﻴﻮﻣﻴﻦ ﺍﻟﻠﻲ ﻟﺴﻪ ﻟﻨﺎ ﻣﻊ ﺑﻌﺾ ﺗﺒﻘﻲ ﺫﻛﺮﻱ ﺣﻠﻮﺓ .
ﻣﻴﺎﺭ : ﻛﺪﻩ ﺃﺣﺴﻦ ﺧﻠﻴﻨﺎ ﺑﻌﻴﺪ ( ﺛﻢ ﻗﺎﻟﺖ ﻣﺤﺮﺟﺔ ) ﺃﺻﻞ ﺍﻷﻣﻮﺭ ﺗﺘﻄﻮﺭ ﺃﻛﺜﺮ ﻣﻦ ﻛﺪﻩ ﻭﻭﻭ ﺳﺎﻋﺘﻬﺎ .…
ﻗﺎﻃﻌﻬﺎ ﺁﺩﻡ : ﻃﺐ ﻧﺎﻣﻲ ﺟﻤﺒﻲ ﺍﻟﻨﻬﺎﺭﺩﺓ ﻭﺍﻭﻋﺪﻙ ﺍﻧﻲ ﻣﺶ ﻫﻠﻤﺴﻚ .
ﻓﻜﺮﺕ ﻣﻴﺎﺭ ﺑﺮﻫﺔ ﺛﻢ ﻗﺎﻟﺖ ﺑﺤﻤﺎﺱ : ﻣﻮﺍﻓﻘﺔ ﺑﺲ ﺑﺸﺮﻁ .
ﺍﺑﺘﺴﻢ ﺁﺩﻡ : ﻣﻮﺍﻓﻖ ﻋﻠﻲ ﻛﻞ ﺷﺮﻭﻃﻚ … ﻗﻮﻟﻲ .
ﺍﺑﺘﺴﻤﺖ ﻣﻴﺎﺭ : ﺧﻼﺹ ﺍﺗﻔﻘﻨﺎ … ﺃﻗﻌﺪ ﺑﻘﻲ ﻭﻧﺘﻜﻠﻢ .
ﺁﺩﻡ : ﺇﻳﻪ ﺧﻴﺮ … ﺷﻜﻞ ﺍﻟﻤﻮﺿﻮﻉ ﻛﺒﻴﺮ .
ﺟﻠﺴﺖ ﻣﻴﺎﺭ ﻣﺮﺑﻌﺔ ﺭﺟﻠﻴﻬﺎ ﺛﻢ ﻗﺎﻟﺖ : ﺍﻟﻤﻮﺿﻮﻉ ﺑﺨﺼﻮﺹ ﺃﻳﺘﻦ .
ﺁﺩﻡ ﺑﻤﻜﺮ : ﻗﻮﻟﻲ ﻛﺪﻩ ﺑﻘﻲ … ﺃﻳﺘﻦ ﺑﺘﺤﺐ ﻣﻬﺎﺏ؟
ﻣﻴﺎﺭ ﺑﺪﻫﺸﺔ : ﺇﻳﻪ ﺩﻩ … ﺃﻧﺖ ﻋﺎﺭﻑ؟
ﺁﺩﻡ : ﻃﺒﻌﺎً ﻋﺎﺭﻑ ﻭﻣﻦ ﺯﻣﺎﻥ ﻛﻤﺎﻥ .
ﻣﻴﺎﺭ : ﻃﺐ ﻭﺑﻌﺪﻳﻦ .
ﺁﺩﻡ : ﻭﺑﻌﺪﻳﻦ ﺇﻳﻪ … ﺃﻗﻮﻟﻚ ﺑﻘﻲ ﺍﻟﺤﻘﻴﻘﺔ .
ﻣﻴﺎﺭ ﺑﺘﺮﻗﺐ : ﻫﺎﺍﺍﺍ …
ﺁﺩﻡ : ﻫﺎﺗﻲ ﺑﻮﺳﺔ ﻭﺃﻗﻮﻟﻚ .
ﺍﺣﻤﺮﺕ ﻭﺟﻨﺘﻲ ﻣﻴﺎﺭ ﻭﺃﺧﻔﻀﺖ ﺑﺼﺮﻫﺎ : ﺧﻼﺹ ﻣﺶ ﻋﺎﻳﺰﺓ ﺃﻋﺮﻑ .
ﺁﺩﻡ ﺿﺎﺣﻜﺎً : ﺧﻼﺹ ﻫﻘﻮﻟﻚ … ﻣﻬﺎﺏ ﺑﻘﻲ ﺑﻴﻌﺸﻖ ﺃﻳﺘﻦ .
ﻣﻴﺎﺭ ﺑﻔﺮﺣﺔ : ﺑﺠﺪ؟؟؟
ﺁﺩﻡ : ﺑﺠﺪ … ﻭﻣﺴﺘﻨﻲ ﻣﻮﺍﻓﻘﺘﻲ ﻋﺸﺎﻥ ﻳﻌﻤﻞ ﺍﻟﺨﻄﻮﺑﺔ .
ﻣﻴﺎﺭ : ﻃﺐ ﻭﺍﻧﺖ ﻣﺴﺘﻨﻲ ﺍﻳﻪ … ﺧﻠﻴﻬﻢ يتخبطوا … ﺃﺧﺘﻚ ﻣﺠﻨﻮﻧﺔ ﻭﺑﺘﺤﺒﻪ .
ﺁﺩﻡ : ﺃﻧﺎ ﻣﻮﺍﻓﻖ ﻃﺒﻌﺎً … ﻣﻬﺎﺏ ﺍﻧﺴﺎﻥ ﺍﺧﻼﻗﻪ ﻋﺎﻟﻴﺔ ﺟﺪﺍ … ﺍﺣﻨﺎ ﻣﺘﺮﺑﻴﻦ ﺳﻮﻱ ﻭﺍﻧﺎ ﻭﺍﺛﻖ ﻓﻴﻪ ﻭﻓﻲ ﺣﺒﻪ ﻷﻳﺘﻦ … ﺑﺲ ﻋﺎﻳﺰ ﺍﻋﺬﺑﻬﺎ ﺷﻮﻳﺔ ﻋﺸﺎﻥ ﻟﻮ ﺍﻟﺸﻴﻄﺎﻥ ﺩﺧﻞ ﺑﻴﻨﻬﻢ ﻓﻲ ﻳﻮﻡ ﻣﻦ ﺍﻷﻳﺎﻡ ﻳﻌﺮﻑ ﺍﻧﻬﺎ ﻭﺭﺍﻫﺎ ﺭﺍﺟﻞ … ﻭﻳﻔﻜﺮ ﺍﻟﻒ ﻣﺮﺓ ﻗﺒﻞ ﻣﺎﻳﻀﺎﻳﻘﻬﺎ .
ﻣﻴﺎﺭ ﺗﺒﺘﻠﻊ ﻏﺼﺔ ﻓﻲ ﺣﻠﻘﻬﺎ : ﺭﺑﻨﺎ ﻳﺨﻠﻴﻚ ﻟﻴﻬﺎ … ﻭﻳﺠﻌﻠﻚ ﺳﻨﺪﻫﺎ ﺩﺍﻳﻤﺎً .
ﺃﺣﺲ ﺁﺩﻡ ﺑﺤﺰﻧﻬﺎ ﺍﻟﺬﻱ ﺗﺠﻠﻲ ﻋﻠﻲ ﻭﺟﻬﻬﺎ ﻓﺠﺄﺓ،، ﻓﺠﺬﺑﻬﺎ ﻷﺣﻀﺎﻧﻪ : ﺍﺣﻨﺎ ﻫﻨﻔﻀﻞ ﻃﻮل ﺍﻟﻠﻴﻞ ﻓﻲ ﺳﻴﺮﺓ ﺟﻮﺯ ﺍﻟﻤﻌﺎﺗﻴﻪ ﺩﻭﻝ … ﺍﻧﺎ ﻋﻨﺪﻱ ﺷﻐﻞ ﺑﺪﺭﻱ .
ﻣﻴﺎﺭ ﻣﺘﻤﻨﻌﺔ ﺭﺍﻓﻀﻪ ﺣﻀﻨﻪ : ﺍﺣﻨﺎ ﻣﺶ ﺍﺗﻔﻘﻨﺎ ﻣﺶ ﻫﺘﻠﻤﺴﻨﻲ .
ﺁﺩﻡ ﻳﺠﺬﺑﻬﺎ ﻣﺮﺓ ﺃﺧﺮﻱ : ﺩﻩ ﺣﻀﻦ ﺑﺮﻱﺀ ﻭﺍﻟﻠﻪ … ﻣﺘﻘﻠﻘﻴﺶ ﺃﻧﺎ ﻣﺒﺨﻠﻔﺶ ﻭﻋﺪﻱ .
ﺍﺳﺘﺴﻠﻤﺖ ﻣﻴﺎﺭ ﻟﺤﻀﻨﻪ،،،ﻓﺘﺎﺑﻊ ﺁﺩﻡ : ﺍﻋﻤﻠﻲ ﺣﺴﺎﺑﻚ ﺃﻭﻝ لما ﻣﻬﺎﺏ ﻭالزﻓﺖ ﺍﻟﻠﻲ ﻣﻌﺎﻩ ﺩﻩ ﻳﺴﺘﻠﻤﻮﺍ ﺍﻟﺴﻜﻦ ﻫﻨﺮﺟﻊ ﺷﻘﺘﻨﺎ ﺗﺎﻧﻲ .
ﻣﻴﺎﺭ : ﻟﻴﻪ ﺑﺲ ﺍﻧﺎ ﻣﺮﺗﺎﺣﺔ ﻫﻨﺎ ﻣﻊ ﺃﻳﺘﻦ .
ﺁﺩﻡ : ﺃﻧﺎ ﻋﺎﺭﻑ ﺍﻥ ﻣﺎﻣﺎ ﺑﺘﻀﺎﻳﻘﻚ … ﻭﺍﻧﺎ ﻣﺶ ﻋﺎﻳﺰ ﺍﻱ ﺣﺎﺟﺔ ﺗﺰﻋﻠﻚ .
▪ ﻣﻴﺎﺭ : ﻭﺍﻟﺪﺗﻚ ﺳﺖ ﻃﻴﺒﺔ ﺑﺲ ﻣﺸﻜﻠﺘﻬﺎ ﺇﻧﻬﺎ ﻋﺼﺒﻴﺔ ﺑﺲ … ﻭﻛﻤﺎﻥ ﺃﻧﺎ ﻋﺬﺭﺍﻫﺎ ﻋﻠﻲ ﺃﻱ ﺣﺎﺟﺔ ﻋﻤﻠﺘﻬﺎ ﻣﻌﺎﻳﺎ … ﻫﻲ ﺑﺮﺿﻪ ﺃﻡ .
▪ ﻗﺒﻞ ﺁﺩﻡ ﺭﺃﺱ ﻣﻴﺎﺭ : ﺃﻧﺘﻲ ﺟﺎﻳﺒﺔ ﺍﻟﻄﻴﺒﺔ ﻭﺍﻟﺘﺴﺎﻣﺢ ﺩﻩ ﻣﻨﻴﻦ ﺑﺲ ﻗﻮﻟﻴﻠﻲ … ﺃنتي ﻋﻈﻴﻤﺔ ﻳﺎﻣﻴﺎﺭ .
▪ ﻣﻴﺎﺭ : ﻣﻦ ﻣﺎﻣﺎ … ﻭﺣﺸﺘﻨﻲ ﺃﻭﻱ ﻭﻧﻔﺴﻲ ﻓﻲ ﺣﻀﻨﻬﺎ .
▪ ﺃﻃﺒﻖ ﺁﺩﻡ ﺫﺭﺍﻋﻴﻪ ﻋﻠﻴﻬﺎ : ﻭﺃﻧﺎ ﻓﻲ ﺃﻗﺮﺏ ﻭﻗﺖ ﻫﺨﻠﻴﻜﻲ ﺗﺘﻮﺍﺻﻠﻲ ﻣﻌﺎﻫﺎ .…
▪ ﺍﺳﺘﺴﻠﻤﺖ ﻣﻴﺎﺭ ﻷﻣﺎﻧﻬﺎ ﻭﻏﻄﺖ ﻓﻲ ﻧﻮﻡ ﻋﻤﻴﻖ .
▪ ﻇﻞ ﺁﺩﻡ ﻣﺴﺘﻴﻘﻈﺎً ﻃﻮﺍﻝ ﺍﻟﻠﻴﻞ ﻳﻨﻌﻢ ﺑﻬﺎ ﺑﻴﻦ ﺃﺣﻀﺎﻧﻪ ﻭﻛﺄﻧﻪ ﻻ ﻳﺮﻳﺪ ﺃﻥ ﻳﻨﺎﻡ ﻭﺗﻔﻮﺗﻪ ﻣﺘﻌﺔ ﻟﺤﻈﺔ ﻫﻲ ﻓﻴﻬﺎ ﺑﻘﺮﺑﻪ … ﻇﻞ ﻳﻔﻜﺮ ﻛﻴﻒ ﺳﻴﻌﻴﺶ ﺑﻌﺪ ﺃﻥ ﺗﺘﺮﻛﻪ … ﻛﻴﻒ ﺳﺘﺴﻴﺮ ﺣﻴﺎﺗﻪ ﻭﻫﻮ ﺃﺻﺒﺢ ﻳﺘﻨﻔﺲ ﻋﺸﻘﻬﺎ … ﺗﻨﻬﺪ ﺑﻌﻤﻖ ﻭﺗﺬﻛﺮ ﺃﺭﻭﻱ ﻭﺃﻣﻪ ﺛﻢ ﻗﺎﻝ ﻓﻲ ﻧﻔﺴﻪ ( ﻟﻴﻪ ﻛﺪﻩ ﻳﺎﺭﺏ … ﺍﻻﺧﺘﺒﺎﺭ ﺻﻌﺐ ﻋﻠﻴﺎ ﺃﻭﻱ )
▪ ﻣﺮﺕ ﺍﻷﻳﺎﻡ ﺑﺮﻭﺗﻴﻨﻴﺔ ﺷﺪﻳﺪﺓ … ﻭﻋﻼﻗﺔ ﺁﺩﻡ ﺑﻤﻴﺎﺭ ﻓﻲ ﺗﺤﺴﻦ … ﺍﻋﺘﺎﺩ ﻛﻞ ﻣﻨﻬﻤﺎ ﺃﻥ ﻳﺠﻠﺴﺎ ﻳﻮﻣﻴﺎً ﻳﺘﺴﺎﻣﺮﺍﻥ ﻓﻲ ﻛﻴﻒ ﻣﺮ ﻳﻮﻣﻬﻤﺎ … ﻛﺎﻧﺖ ﺗﺤﺎﻭﻝ ﻣﻴﺎﺭ ﺑﻘﺪﺭ ﺍﻻﻣﻜﺎﻥ ﺃﻥ ﺗﺘﻔﺎﺩﻱ ﻏﻀﺐ ﻧﻮﺍﻝ ﺑﺘﻨﻔﻴﺬ ﻛﻞ ﻣﺘﻄﻠﺒﺎﺗﻬﺎ … ﻭﻧﻮﺍﻝ ﻫﻲ ﺍﻷﺧﺮﻱ ﺃﺻﺒﺤﺖ ﺗﻬﺪﺃ ﺑﻌﺾ ﺍﻟﺸﻲﺀ ﻣﻦ ﻧﺎﺣﻴﺘﻬﺎ ﻋﻠﻲ ﺃﻣﻞ ﺃﻧﻬﺎ ﺳﺘﻐﺎﺩﺭ ﻭﺗﺒﻌﺪ ﻋﻦ ﺍﺑﻨﻬﺎ ﺍﻟﺬﻱ ﺗﻌﻠﻖ ﻗﻠﺒﻪ ﺑﻬﺎ … ﻓﺄﺻﺒﺤﺖ ﺗﺮﻱ ﺍﻟﺤﺐ ﻳﺸﻊ ﻣﻦ ﻋﻴﻨﻴﻪ ﻋﻨﺪ ﺭﺅﻳﺘﻬﺎ .
▪ ﺟﺎﺀ ﺁﺩﻡ ﻳﻮﻣﺎً ﻣﻦ ﻋﻤﻠﻪ ﻣﺒﻜﺮﺍً ﺑﻮﺟﻪ ﺟﺎﺩ … ﻭﺩﺧﻞ ﺷﻘﺔ ﻭﺍﻟﺪﺗﻪ ﻭﻃﻠﺐ ﻣﻦ ﻣﻴﺎﺭ ﺃﻥ ﺗﺤﻀﺮ ﺣﻘﻴﺒﺘﻬﺎ ﻷﻧﻬﻤﺎ ﺳﻮﻑ ﻳﻌﻮﺩﺍﻥ ﺇﻟﻲ ﺷﻘﺔ ﺁﺩﻡ … ﺩﺧﻠﺖ ﻣﻴﺎﺭ ﻟﺘﻔﻌﻞ ﻣﺎﻃﻠﺒﻪ ﻣﻨﻬﺎ ﺁﺩﻡ … ﻓﺤﺎﻟﺘﻪ ﻭﻭﺟﻪ ﺍﻟﺼﺎﺭﻡ ﻻﻳﺤﺘﻤﻞ ﺍﻟﻨﻘﺎﺵ .
ﻧﻮﺍﻝ : ﺧﻴﺮ ﻳﺎﺁﺩﻡ … ﻭﺍﺧﺪ ﺳﺖ ﺍﻟﺤﺴﻦ ﻭﺭﺍﺟﻊ ﻟﻴﻪ … ﺍﺷﺘﻜﺖ ﻟﻚ ﻣﻦ ﺍﻣﻚ .
ﺃﻳﺘﻦ : ﺃﺩﻡ ﺃﻧﺎ ﺍﺗﻌﻮﺩﺕ ﻋﻠﻰ ﻭﺟﻮﺩﻫﺎ … ﻣﺒﻘﺘﺶ ﻗﺎﺩﺭﺓ ﺍﻋﻴﺶ ﻣﻦ ﻏﻴﺮﻫﺎ … ﺍﺭﺟﻮﻙ ﺳﻴﺒﻬﺎ .
ﺁﺩﻡ : ﺍﺩﺧﻠﻲ ﺃﻭﺿﺘﻚ ﺩﻟﻮﻗﺘﻲ ﻳﺎﺃﻳﺘﻦ … ﻋﺎﻳﺰ ﻣﺎﻣﺎ ﻓﻲ ﻛﻠﻤﺘﻴﻦ .
ﺃﻳﺘﻦ ﺑﺰﺟﺮ : ﺣﺎﺿﺮ
ﻧﻮﺍﻝ : ﻓﻴﻪ ﺍﻳﻪ ﻳﺎﺁﺩﻡ … ﻣﺎﺗﺘﻜﻠﻢ .
ﺁﺩﻡ : ﺍﻳﻪ ﺍﻟﻠﻲ ﺑﻴﻨﻚ ﻭﺑﻴﻦ ﻫﺸﺎﻡ ﻳﺎﻣﺎﻣﺎ .
ﻧﻮﺍﻝ : ﻣﺶ ﻓﺎﻫﻤﺔ؟
ﺁﺩﻡ : ﻻ ﻓﺎﻫﻤﺔ .
ﻧﻮﺍﻝ : ﺃﻧﺖ ﻋﺎﻳﺰ ﺍﻳﻪ … ﻣﺶ ﻫﺘﺮﺟﻌﻬﺎ ﻻﻫﻠﻬﺎ ﻭﺗﻄﻠﻘﻬﺎ … ﻟﺴﻪ ﺍﺳﺒﻮﻉ … ﺧﻠﻴﻨﺎ ﻧﺨﻠﺺ ﺑﻘﻲ .
ﺁﺩﻡ : ﻭﺩﻩ ﻣﺒﺮﺭ ﺃﻧﻚ ﺗﻘﺎﺑﻠﻲ ﻫﺸﺎﻡ ﻣﻦ ﻭﺭﺍﻳﺎ .
ﻧﻮﺍﻝ ﺑﻌﺼﺒﻴﺔ : ﺁﺩﻡ … ﻓﻮﻕ ﻟﻨﻔﺴﻚ ﺃﻧﺖ ﻣﺶ ﻫﺘﺤﺎﺳﺒﻨﻲ .
ﺁﺩﻡ ﺑﻌﺼﺒﻴﺔ : ﻻ ﻳﺎﻣﺎﻣﺎ ﻫﺤﺎﺳﺒﻚ … ﻃﺎﻟﻤﺎ ﺍﻟﻤﻮﺿﻮﻉ ﻳﺨﺼﻨﻲ ﻭﻳﺨﺺ ﻣﺮﺍﺗﻲ … ﻭﻟﻮ ﺍﻧﺘﻲ ﻓﺎﻛﺮﺓ ﺍﻧﻚ ﺍﻣﺎ ﺗﻘﻮﻟﻲ ﻟﻬﺸﺎﻡ ﻳﺮﺟﻊ ﻟﻬﺎ ﺑﻌﺪ ﻣﺎﺍﺳﻴﺒﻬﺎ ﺍﻧﻲ ﻫﺴﻤﺢ ﺑﻜﺪﻩ … ﺗﺒﻘﻲ ﻏﻠﻄﺎﻧﺔ … ﻭﻳﻜﻦ ﻓﻲ ﻣﻌﻠﻮﻣﻚ ﻳﺎﺃﻣﻲ … ﺣﺘﻲ ﻟﻮ ﺭﺟﻌﺖ ﻷﻫﻠﻬﺎ ﻫﻔﻀﻞ ﺟﻤﺒﻬﺎ ﻭﺳﻨﺪﻫﺎ ﻃﻮﻝ ﻣﺎﻧﺎ ﻋﺎﻳﺶ ﻋﻠﻰ ﻭﺵ ﺍﻟﺪﻧﻴﺎ .
▪ ﺧﺮﺟﺖ ﻣﻴﺎﺭ ﻣﻦ ﻏﺮﻓﺔ ﺃﻳﺘﻦ ﺗﺤﻤﻞ ﺣﻘﻴﺒﺘﻬﺎ ﻓﺘﻨﺎﻭﻟﻬﺎ ﻣﻨﻬﺎ ﺁﺩﻡ ﻭﺍﺣﺘﻀﻨﺘﻬﺎ ﺃﻳﺘﻦ : ﺍﻧﺎ ﻫﻨﻂ ﻟﻚ ﻛﻞ ﺷﻮﻳﺔ .
▪ ﻧﻈﺮﺕ ﻟﻮﺟﻪ ﻧﻮﺍﻝ ﻭﺟﺪﺕ ﺍﻟﺸﺮﺭ ﻳﺘﻄﺎﻳﺮ ﻣﻦ ﻋﻴﻨﻴﻬﺎ … ﻓﺨﺎﻓﺖ ﺃﻥ ﺗﻮﺩﻋﻬﺎ ﻓﺘﺼﺐ ﺍﻟﻐﻀﺐ ﺍﻟﺒﺎﺩﻱ ﻋﻠﻲ ﻭﺟﻬﻬﺎ ﻋﻠﻴﻬﺎ .
▪ ﻋﺎﺩﺕ ﻣﻴﺎﺭ ﻣﻊ ﺁﺩﻡ ﺍﻟﻲ ﺷﻘﺘﻪ … ﻭﻃﻮﺍﻝ ﺍﻟﻄﺮﻳﻖ ﻟﻢ ﻳﺘﺤﺪﺙ ﺁﺩﻡ ﺑﻜﻠﻤﺔ ﻭﻟﻢ ﺗﺤﺎﻭﻝ ﻣﻴﺎﺭ ﺃﻥ ﺗﺘﻌﺪﻱ ﺣﺪﻭﺩﻫﺎ ﻭﺗﺨﺘﺮﻕ ﺻﻤﺘﻪ .
▪ ﺁﺩﻡ : ﺍﻧﺎ ﻧﺎﺯﻝ .
▪ ﻣﻴﺎﺭ : ﻫﻮ ﺍﻧﺖ ﻟﺤﻘﺖ …
▪ ﺁﺩﻡ : ﺃﻧﺎ ﺳﻴﺒﺖ ﺷﻐﻠﻲ ﻭﺟﻴﺖ ﺍﺟﻴﺒﻚ ﻫﻨﺎ ﻭﺭﺍﺟﻊ ﺗﺎﻧﻲ .
▪ ﻣﻴﺎﺭ : ﺭﺟﻌﺘﻨﻲ ﻟﻴﻪ … ﻓﻴﻪ ﺣﺎﺟﺔ؟
▪ ﺁﺩﻡ : ﻣﻔﻴﺶ ﻳﺎﻣﻴﺎﺭ … ﺍﻧﺎ ﻫﺘﺎﺧﺮ ﺷﻮﻳﺔ ﻋﺸﺎﻥ ﻧﺎﺯﻝ ﻣﻮﻗﻊ ﺗﻨﻘﻴﺐ … ﻓﻴﻪ ﺗﻠﻔﻮﻥ ﻣﺤﻤﻮﻝ ﻓﻲ ﺩﺭﺝ ﻣﻜﺘﺒﻲ … ﻟﻮ ﺍﺣﺘﺠﺘﻲ ﺣﺎﺟﺔ ﻛﻠﻤﻴﻨﻲ … ﻭﺍﻧﺎ ﻫﺒﻌﺘﻠﻚ ﺷﻮﻳﺔ ﺣﺎﺟﺎﺕ ﻣﻊ ﺩﻟﻴﻔﺮﻱ ﺍﻟﺴﻮﺑﺮ ﺍﻟﻤﺎﺭﻛﺖ …
▪ ﻣﻴﺎﺭ ﺑﺤﻴﺮﺓ : ﺣﺎﺿﺮ .
▪ ﻓﺘﺢ ﺁﺩﻡ ﺍﻟﺒﺎﺏ ﺛﻢ ﺍﻟﺘﻔﺖ ﺇﻟﻴﻬﺎ : ﺧﻠﻲ ﺑﺎﻟﻚ ﻣﻦ ﻧﻔﺴﻚ .
▪ ﻣﻴﺎﺭ : ﺧﻠﻲ ﺑﺎﻟﻚ ﺃﻧﺖ ﻣﻦ ﻧﻔﺴﻚ .
▪ ﺍﺑﺘﺴﻢ ﻟﻬﺎ ﺍﺑﺘﺴﺎﻣﺔ ﻣﻦ ﻭﺳﻂ ﺍﻧﺰﻋﺎﺟﻪ ﺍﻟﺒﺎﺩﻱ ﻋﻠﻲ ﻭﺟﻬﻪ ﻭﻏﺎﺩﺭ .
▪ ﻇﻠﺖ ﻣﻴﺎﺭ ﺣﺰﻳﻨﺔ ﻭﺗﺪﻋﻮ ﺍﻟﻠﻪ ﺃﻥ ﻳﺨﻔﻒ ﻋﻨﻪ ﺣﺰﻧﻪ ﻭﻗﻠﻘﻪ ﻭﻳﻴﺴﺮ ﻟﻪ ﺃﻣﺮﻩ .
▪ ﺑﻌﺪ ﺣﻮﺍﻟﻲ ﺳﺎﻋﺔ ﺭﻥ ﺟﺮﺱ ﺍﻟﺒﺎﺏ … ﻓﻌﻠﻤﺖ ﻣﻴﺎﺭ ﺃﻧﻪ ﻋﺎﻣﻞ ﺍﻟﺴﻮﺑﺮ ﻣﺎﺭﻛﺖ … ﻓﻮﺿﻌﺖ ﺣﺠﺎﺑﻬﺎ ﻋﻠﻴﻬﺎ ﻭﻓﺘﺤﺖ ،، ﻭﻟﻜﻨﻬﺎ ﺗﻔﺎﺟﺄﺕ ﻋﻨﺪﻣﺎ ﻭﺟﺪﺗﻪ ( ﻫﺸﺎﻡ )
▪ ﻣﻴﺎﺭ ﺑﺬﻫﻮﻝ : ﻫﺸﺎﻡ !!!
ﻫﺸﺎﻡ : ﺍﺯﻳﻚ ﻳﺎﻣﻴﺎﺭ … ﻋﺎﻣﻠﺔ ﺍﻳﻪ؟؟
ﻣﻴﺎﺭ : ﺁﺩﻡ ﻣﺶ ﻣﻮﺟﻮﺩ …
ﻫﺸﺎﻡ : ﺃﻧﺎ ﺟﺎﻳﻠﻚ ﺃﻧﺘﻲ …
ﻣﻴﺎﺭ ﻣﺘﻌﺠﺒﺔ : ﺍﻳﻪ ﺍﻟﺠﻨﺎﻥ ﺩﻩ … ﻋﺎﻳﺰ ﻣﻨﻲ ﺍﻳﻪ … ﻭﻋﺮﻓﺖ ﻣﻨﻴﻦ ﺍﻧﻲ ﺟﻴﺖ ﺍﻟﺸﻘﺔ؟؟؟
ﻫﺸﺎﻡ : ﺍﻟﺠﻨﺎﻥ ﺍﻟﻠﻲ ﻋﻤﻠﺘﻪ ﻳﻮﻡ ﻣﺎﺍﺗﺨﻠﻴﺖ ﻋﻨﻚ ﻭﺳﻴﺒﺘﻚ ﻟﻮﺍﺣﺪ ﺯﻱ ﺁﺩﻡ ﺩﻩ ﻳﺪﻣﺮ ﺣﻴﺎﺗﻚ .
ﻣﻴﺎﺭ : ﺍﺧﺮﺱ ﻭﻣﺘﺠﺒﺶ ﺳﻴﺮﺓ ﺁﺩﻡ ﻋﻠﻲ ﻟﺴﺎﻧﻚ .
ﻫﺸﺎﻡ : ﻟﺴﻪ ﺑﺘﺪﺍﻓﻌﻲ ﻋﻨﻪ ﺑﻌﺪ ﺍﻟﻠﻲ ﻋﻤﻠﻪ ﻓﻴﻜﻲ
ﻭﻑ ﺃﻫﻠﻚ
ﻣﻴﺎﺭ : ﻣﺶ ﻓﺎﻫﻤﺔ ﻋﺎﻳﺰ ﺗﻮﺻﻞ ﻹﻳﻪ ﻳﺎﺩﻛﺘﻮﺭ ﻫﺸﺎﻡ .
ﻫﺸﺎﻡ : ﺍﻧﺎ ﻋﺎﺭﻑ ﺍﻥ ﺁﺩﻡ ﻫﻴﺮﺟﻌﻚ ﻣﺼﺮ ﻭﻳﻄﻠﻘﻚ .
ﻣﻴﺎﺭ : ﺷﻲﺀ ﻣﻴﺨﺼﻜﺶ ﻳﺎﻫﺸﺎﻡ .
ﻫﺸﺎﻡ : ﻻ ﻳﺨﺼﻨﻲ … ﻣﺘﺮﺟﻌﻴﺶ ﻣﺼﺮ ﻭﺁﺩﻡ ﻳﻄﻠﻘﻚ ﻭﺍﻧﺎ ﻫﺘﺠﻮﺯﻙ ﻳﺎﻣﻴﺎﺭ … ﺃﻧﺎ ﺃﻭﻟﻲ بيكي
ﻣﻴﺎﺭ : ﻟﻮ ﺁﺧﺮ ﻭﺍﺣﺪ ﻓﻲ ﺍﻟﺪﻧﻴﺎ ﻣﺶ ﻫﺘﺠﻮﺯﻙ ﻳﺎﻫﺸﺎﻡ .
ﻫﺸﺎﻡ : ﻫﺘﺮﺟﻌﻲ ﻟﻤﻴﻦ … ﻻﺑﻮﻛﻲ ﺍﻟﻠﻲ ﻣﻤﻜﻦ ﻳﻘﺘﻠﻚ .
ﻣﻴﺎﺭ ﺑﺬﻫﻮﻝ : ﺃﻧﺖ ﻋﺎﺭﻑ ﻛﻞ ﺩﻩ ﻣﻨﻴﻦ؟؟؟ ﺍﻧﺖ ﻭﺭﺍﻙ ﺍﻳﻪ ﻳﺎﻫﺸﺎﻡ؟؟ !
ﻫﺸﺎﻡ : ﺍﻣﻚ ﺣﻜﺖ ﻟﻲ ﻛﻞ ﺣﺎﺟﺔ … ﻭﻓﻜﺮﺕ ﺍﻥ ﺍﻧﺎ ﺍﻟﻠﻲ ﻏﻠﻄﺖ ﻣﻌﺎﻛﻲ ﻗﺒﻞ ﻣﺎﺗﺘﺠﻮﺯﻱ … ﻭﻃﻠﺒﺖ ﻣﻨﻲ ﺍﻧﻲ ﺍﻗﻮﻝ ﻟﺰﻭﺟﻚ ﺑﻤﺎ ﺍﻧﻲ ﻛﻨﺖ ﻛﺎﺗﺐ ﻋﻠﻴﻜﻲ .
ﻣﻴﺎﺭ ﺑﻔﺰﻉ : ﺃﻣﻲ … ﺇﺯﺍﻱ؟
ﻫﺸﺎﻡ : ﻫﻔﻬﻤﻚ ﻛﻞ ﺣﺎﺟﺔ ﺑﺲ ﺩﺧﻠﻴﻨﻲ … ﻫﻘﻒ ﻋﻠﻲ ﺍﻟﺒﺎﺏ ﻛﺪﻩ؟؟
ﻣﻴﺎﺭ : ﻣﻘﺪﺭﺵ ﺍﺩﺧﻠﻚ ﻭﺁﺩﻡ ﻣﺶ ﻣﻮﺟﻮﺩ .
ﻫﺸﺎﻡ : ﺍﻧﺘﻲ ﻭﻓﻴﺔ ﺑﺰﻳﺎﺩﺓ ﻟﻠﺸﺨﺺ ﺍﻟﻠﻲ ﻣﻴﺴﺘﺎﻫﻠﺶ .
ﻣﻴﺎﺭ : ﻗﻮﻟﺘﻠﻚ ﺍﻟﺰﻡ ﺣﺪﻭﺩﻙ ﻓﻲ ﺍﻟﻜﻼﻡ ﻋﻦ ﺁﺩﻡ … ﻭﻓﻬﻤﻨﻲ ﻗﺎﺑﻠﺖ ﺃﻣﻲ ﺇﺯﺍﻱ ﻭﻓﻴﻦ .
ﻫﺸﺎﻡ : ﺗﺎﻧﻲ ﻳﻮﻡ ﺟﻮﺍﺯﻙ ﻗﺎﺑﻠﺖ ﻭﺍﻟﺪﻙ ﺑﺎﻟﺼﺪﻓﺔ ﻓﻲ ﺍﻟﻤﺴﺘﺸﻔﻰ ﻛﺎﻥ ﺑﺎﻳﻦ ﻋﻠﻴﻪ ﺍﻟﻘﻠﻖ … ﺣﺎﻭﻟﺖ ﺍﺗﺠﺎﻫﻠﻪ ﺑﺲ ﺧﻔﺖ ﻟﻴﻜﻮﻥ ﺟﺮﺍﻟﻚ ﺣﺎﺟﺔ … ﺭﻭﺣﺖ ﻭﺳﺄﻟﺘﻪ ﻭﻋﺮﻓﺖ ﻣﻨﻪ ﺇﻥ ﻭﺍﻟﺪﺗﻚ ﺟﺎﻟﻬﺎ ﺃﺯﻣﺔ ﻗﻠﺒﻴﺔ … ﺩﺧﻠﺖ ﺃﺷﻮﻓﻬﺎ ﻟﻘﻴﺖ ﺣﺎﻟﺘﻬﺎ ﺧﻄﻴﺮﺓ ﻭﻋﺮﻓﺖ ﻣﻨﻬﺎ ﺍﻧﻚ ﺍﺗﺠﻮﺯﺗﻲ ﻭﺟﻮﺯﻙ ﻗﺎﻟﻬﻢ ﺍﻧﻚ … ﺍﻧﻚ
ﻣﻴﺎﺭ : ﻫﺎﺍﺍ ﻭﺑﻌﺪﻳﻦ .
ﻫﺸﺎﻡ : ﻭﻋﺎﺗﺒﺘﻨﻲ ﻟﻴﻪ ﺳﻴﺒﺘﻚ ﺭﻏﻢ ﺍﻟﻠﻲ ﻋﻤﻠﺘﻪ ﻣﻌﺎﻛﻲ ﺯﻱ ﻣﺎﻫﻲ ﻓﺎﻛﺮﺓ ﻭﺑﺪﺃﺕ ﺣﺎﻟﺘﻬﺎ ﺗﺴﻮﺀ ﻭﺗﻨﺎﺩﻱ ﻋﻠﻴﻜﻲ ﻭﻫﻲ ﺑﺘﺮﻭﺡ ﻓﻲ ﺍﻟﻐﻴﺒﻮﺑﺔ … ﻓﻀﻠﺖ ﻓﻲ ﺍﻟﻐﻴﺒﻮﺑﺔ ﻳﻮﻡ ﻭﺑﻌﺪﻳﻬﺎ ﺭﺑﻨﺎ ﺭﺣﻤﻬﺎ ﻣﻦ ﻋﺬﺍﺏ ﺍﻟﺪﻧﻴﺎ .
ﻣﻴﺎﺭ ﺑﺼﺪﻣﺔ : ﺇﻳﻪ ﺍﻟﻠﻲ ﺃﻧﺖ ﺑﺘﻘﻮﻟﻪ ﺩﻩ … ﺃﻣﻲ ﺭﺑﻨﺎ ﺭﺣﻤﻬﺎ ﺇﺯﺍﻱ … ﺑﻘﺖ ﻛﻮﻳﺴﺔ ﻳﻌﻨﻲ ﻭﺻﺤﺘﻬﺎ ﻛﻮﻳﺴﺔ؟؟!!
ﻫﺸﺎﻡ : ﻫﻮ ﺃﻧﺘﻲ ﻣﺘﻌﺮﻓﻴﺶ ﺇﻥ ﻭﺍﻟﺪﺗﻚ .… ﺗﻮﻓﺎﻫﺎ ﺍﻟﻠﻪ .
ﻣﻴﺎﺭ : ﻣﺴﺘﺤﻴﻞ .… ﺃﻣﻤﻤﻲ … ﻭﻭﻗﻌﺖ ﻣﻐﺸﻴﺎً ﻋﻠﻴﻬﺎ
الحلقة التاسعه من هنا
