-->

روايةعمل بالموت الحلقة السادسه

روايةعمل بالموت الحلقة السادسه


    #عمل_بالموت
    قصة حقيقية
    ح السادسة
    ماكنتش متخيله اني هشوف صاحبتي وجوزي بالمنظر دا ..؟ انا كنت تعبانه بجد ودايخه كأني بحاول افوق من حالة ٱغماء أو نوم طويل لما قربت من الصالة وشوفت احمد حاضن ايناس وهي بتتمنع بدلال كل حركاتها مفهومه ليا كأمراة بتقوله عايزاك مش سيبني زي مابتنطق
    سمعتهم بودني

    ايناس .. مستحيل تلمس شعره مني غير وانا مراتك حلالك
    احمد .. بحبك هو الحب مش كفاية
    ايناس .. هههههه دا في شرع مين أن شاء الله في شرع اللحظة وبعد كدا الف وراك عشان تقبل بيا وتتمنع حضرتك ..!
    احمد .. طيب أنا موافق اتجوزك لكن ريم تعبانه وحالتها غريبة مش عارف ايه اللي فيها
    ايناس .. انزل انت هات لها الدوا من الصيدلية وانا هبص عليها دا مرضها دا اكبر سبب يخلينا نتجوز اهو من حقك من ناحية ومن ناحية تانية اخدمها صاحبتي وهشيلها في عيوني ..
    ريم قافله بوقها بايدها وبترجع لورا براحه
    ريم .. انا مش قادره أواجه ، هقول لهم ايه ؟ دول اتنين قرروا يبيعوني اقرب ناس ليا بيتفقوا عليا
    دخلت اوضتها واترمت علي السرير ودموعها نازله شلال بيحرق في جفونها
    احمد .. هغير هدومي وانزل
    ايناس .. تمام وانا هجهز لها كوباية عصير برتقان تقوي مناعتها
    احمد .. هو انا حبيتك من شويه

    ايناس .. هههههههه تسلملي
    دخل احمد الأوضة لقي ريم نايمه قرب منها وبص علي وشها :
    احمد .. بتمني تقومي بالسلامة عشان اولادك برغم خوفي من رد فعلك
    ريم في سرها .. خلاص ي احمد مابقيتش فارقه معاك كنت فاكره أننا هنعيش ونموت سوا لكن ياخسارة الحياة طلعت قاسية وغداره بشكل غير متوقع ..
    خد الفلوس ولبس ونزل ، ايناس جهزت عصير البرتقان ودخلت علي حطت فيه الحبايه بتاعت امبارح اللي بتسبب هلوسه ودوخه وأحيانا فقدان وعي
    ايناس .. ريمو قومي ياحبيبتي اشربي العصير ..
    ريم .. اشمعنا جوزي ي ايناس ؟ الرجاله خلصوا مافيش غير احمد اللي تبصي له وانتي بنت بنوت وحلوه وغنية والف مين يتمناكي ..!!
    منعت لسانها من النطق بالأسئلة دي كلها واتعدلت في السرير بشويش وبصت علي العصير مره وفي عيون ايناس المرتبكة مره وهي ساكته مابتتكلمش
    بقلمي أماني عنان
    ايناس .. اشربي

    ريم .. ماليش نفس لحاجة
    لفت بالكوباية وقعدت جامبها ،، لا دي مفيده اووي ولازم تشربيها
    صوت أسر بيعيط
    ريم .. طيب هاتي هشربها وانتي شوفي أسر
    ايناس .. بتخرج بلكاعه عايزا تتأكد أن ريم بتشرب فعلا وريم حققت لها اللي هي عايزاه …
    _____________________
    راحت تاره للشيخ وعملت العمل فعلا
    الشيخ .. كله تمام بكره بالكتير هتبدا المشاكل بينهم
    تاره بعيونها العسلية وقفت وهي بتعض ع اسنانها .. مش بس كدا انا عايزاه تموت ، تدبل وتنشف زي الوردة لحد ماتتكسر وتختفي من حياة نادر للابد
    الشيخ .. اعتبريه تم .. بيقرب أنفاسه من تاره فصرخت
    تاره .. ايه دا ، ابعد عني
    الشيخ .. اهو اهو ماتتخضيش انا كنت بنفذ أوامر الاسياد..
    بتتكلم وايدها بتترعش بالفلوس .. خد باقي اتعابك اهو انا عايزا اعيش في سلام معي حبيبي وجوزي المستقبلي نادر .
    الشيخ خد الفلوس ولما خرجت تاره ضحك جامد وقال .. هههههه سلام قال انتي اللي زيك وزيي هيشوف السلام بعنيه بعد الليلة دي .. خلاص بعتي نفسك للشيطان اللي هينكد عيشتك ي حلوه

    خسرتي ربنا وطريقه 😔😔
    تليفون بين فريدة ونادر
    نادر .. حبيبتي
    فريدة .. الو
    نادر.. عايز اشوفك
    فريده .. بالسرعة دي
    نادر.. حقي خطيبتي ووحشتيني
    فريدة .. ماشي نتقابل بكره علي الكورنيش
    نادر .. اتفقنا
    فريدة. . سلام دلوقتي عايزا اقوم اعمل ماسك لبشرتي
    نادر .. حلاوتك ايوا كدا ادلع ودلعني ي قمر
    فريده.. هههههه
    قفلوا نادر راح قعد مع أصحابه وفريدة عملت ماسك وسهرت قدام فيلم اجنبي دي كانت اخر ليلة تمر عليها بصحة وسعادة ..
    في الخروجه
    نادر .. ايه اللي انتي لابساه دا ؟

    فريدة .. عجبك
    نادر .. زي الزفت
    فريدة .. الله بتقولي كدا ليه هو انت اول مره تشوفه
    نادر .. لا بس اول مره اخد بالي أنه مبين تفاصيل جسمك ياهانم
    فريدة .. انت هتتحكم فيا من أولها
    نادر .. ولا اتحكم ولا اتنيل وشك بيعصبني
    عيطت فريدة وقررت تمشي
    نادر .. يكون احسن انا مخنوق ومش عارف مالي
    فضلت تعيط لحد ماتخنقت واغمي عليها
    _____________________
    وصلت رابحه وأمها عند خالتها واول ماوصلت امها حكت لخالتها كل حاجة وسبب زيارتهم لها
    خالتها .. يبقي مافيش غير الترب الحاجات دي فيها كتير
    رابحه .. طب يالا بينا
    يتشد ايد خالتها وعايزا تقوم ،بصت حوليها وقالت

    دلوقتي انتي عارفه الساعة كام ؟
    _مايهمنيش المهم ابقي ام
    خالتها .. يارب ي بنتي ربنا يرزقك لكن زيارة المقابر بالليل مش مستحبه استني بالنهار
    راحواا تاني يوم والتربي قابلهم ، قالت له رابحه حكايتها قال
    ماقدرش اخليكي تنبشي في حاجة بس ممكن تستني وتسيبي تليفونك لما تيجي حالة وفاة هكلمك وتشوفي في التربة قبل ما أهل الميت يجوا وانتي ونصيبك
    خالتها.. تشكر ي خويا ماتقلقش لو تم الخير ليك حسنتك
    التربي .. لله ي خاله
    خالتها… ابدا خد المبلغ دا والرقم اهو كلمني في أي وقت .
    بعد مرور أسبوع رابحه بتلف حوالين نفسها قلقانه وعايزا ترجع بيتها لكن رن التليفون
    الو

    ايوا انا التربي ،يالا في جثة
    رابحه .. دلوقتي ..!!
    التربي. أمر الله كدا وهيدفنوها قبل الليل مايخش
    خالتها .. يالا بينا
    اول مافتح لهم التربه طلعت قطة سوداء في وشها
    رابحه صرخت ،خالتها بتقرا قران والتربي واقف ماسك الكشاف
    التربي.. شهلوا شويه الجثة ع وصول
    رابحه قبل ما ترد شافت حاجة ..

                           الحلقة السابعه من هنا

    إرسال تعليق