سمعت زغاريط جايه من البلكونه ف دخلت لقيت نور واقف ف البلكونه بيدمع
لقيت نفسي بعيط كان نفسي اقولو (ليه تعمل كدا ؟ ليه نجرحني !! اتوجعت بموت امي
و ابويا و ناس اغتصبوني ووسخو جسمي و واقف تتفرج عليا
فجاه تسمع كلام مامتك طب حبتني ليه
ليه علقتني بيك و خلتني احبك
ليه كنت بتعيشني ف الاحلام و متتحققتش ) سبته و دخلت اوضتي
نمت معيطه و كالعاده صحيت عيني وارمه م العياط و ببص نظره لبيتي
لقيته شكله وحش من كتر الوحده كان نفسي ماما تبقي جمبي و بتجهزني و بابا يقعد يرقيني بالقران قبل ما انام بس الحمدلله يارب ارحمهم في قبورهم
ببص في الموب لقيت الساعه 8 لبست هدومي و نزلت ع شغلي و انا ف طريقي لقيت نور ماشي ورايا و بيندهلي و انا متجهلاه
_استني يا شروق عشان خاطري انا مقدرش اعيش منغيرك
_بعد اذنك ....انت واحد خاطب و مش عاوزه مشاكل علي الاقل احترم البنت اللي معاك.._طب الوعود و الاحلام و حياتنا
_انت اللي اخترت
_انا امي اثرت فيا يا شروق مقابل انها ممكن تموت لو اتجوزتك كنت عاوز اريحها مش اكتر شهد انا مبحبهاش عشان خاطري سيبني حتي ابقي جمبك
_عاوز تبقي جمبي ؟؟!
_ايوه انتي عهده ابوكي موصيني عليكي مقدرش اسيبك
_ طب انت اخويا
و سبته و مشيت و دخلت شغلي و انا مخنوقه جدا و ليا واحده زميلتي اسمها ايه
هي صحبتي بس مش لدرجة اني احكلها اني فقدت عذريتي انا حكتلها ان هما اتحرشو بيا بس و هي زيها زي غيرها بتتعاطف معايا عادي ياعني
_صباح الخير ع التكشيره
_صباح النور يا ايه
_مالك بقي يا ست هانم
_اكيد تعرضلك ف طريقك تاني
_مممم اه بس صديته
_طب احكيلي
(حكتلها علي اللي حصل )
_بصي يا شروق هو كلامه صح لازم يبقي معاكي راجل يقدر يقف جمبك ف ظروفك زي اخوكي بس بشرط انك تعملي حدود
_حاضر هعمل بكلامك
و كلامنا خلص و كملت شغلي
عدت 5 شهور في ال5 شهور دول
اتقدملي عرسان كتير بس كل اما احكي لحد علي اللي حصلي
يعتذر و اللي ميكلمنيش تاني و اللي يتهرب💔💔في ال5 شهور دول نور كان بيتصل بيا كل اسبوع مره او اسبوعين مره و المكالمه يدوبك 30 ثانيه
و عرض عليا اني اتجوزو عرفي و رفضت و قلتله لو فتحت الموضوع دا تاني مش هتعرفني ف قفل عليه و عرض عليا اخدت فلوس كمساعده و كدا و رفضتها ....
جيت ف يوم كالعادة صحيت م النوم لقتني بجري ع الحمام و برجع دم جامد
مبقتش فرقه اصلا
لبست و روحت الشغل لان مينفعش مروحش عشان ممكن المدير يخصملي و انا مش ناقصه يدوبك المرتب بيكفي
روحت الشغل و كان الشغل كتير المرادي لقيت نفسي اغمي عليا و واحد زميلي هو اللي كان جمبي ف الشغل اسمه محمد عنده 40 سنه بس هو في اعلي الترقيات للسياحه ياعني بديل للمدير
شافني كدا راح وداني مستشفي و فوقت لقيته و لقيت الدكتور بيقولي حمدلله علي السلامه انتي اخر مره كلتي فيها امته ؟
اول امبارح العصر
كلتي ايه ؟
قطعة بانيه و بطاطس
محمد : ايه الاكل دا يشبع مين
الدكتور : طب انتي عندك قرحه ف المعده
ياريت تحافظي علي نفسك اكتر من كدا
حاضر يا دكتور
ياريت قبل م تمشي توزني نفسك
و بالفعل جهزت نفسي و بوزن لقتني 42 كيلو
قالي يبقي هاتي العلاج دا و بلاش اهمالبعد م خرجت من المستشفي
شكرت محمد علي وقفته جمبي و قالي عيب اللي بتقوليه اي حد ف مكاني هيعمل كدا ................بصي انا عايزك في موضوع مهم بكره بعد الشغل هستناكي في كافيه جمبي الشغل
باذن الله حاضر
مع السلامه
مع السلامه
روحت نمت مقتوله و صحيت روحت الشغل و خلصت و روحت الكافي لقيته بالفعل مستنيني
ازيك يا شروق
الحمدلله و انت
الحمدلله علي كل حال
فضل يتكلم شويه عن حياته و كدا و ان مراته متوفيه و عنده ولدين تؤام بسن 10 سنين
و خلص المقدمات و قالي م الاخر انا عاوز اتقدملك
ف بصتله و قلتله
مممم طب هفهمك علي حاجه و حكتله ع حكايتي و قالي الظروف دي من حكمة ربنا و انا مش هعترض عليها و موافق
و عاوز اقابل حد من عندكم
قلتله ماليش حد بس بابا موصي واحد ياعني زي اخويا
طيب تمام هجلكو بكره الساعه 8
و اديته العنوان و مشيتاتصلت ب نور و حكتله عشان يبقي جمبي بكرا لقيت نبرة صوته ضعفت فهمت انو بيدمع
و قالي تمام ماشي و
اليوم اللي بعديه وصل و جيت م الشغل و لبست نفس الفستااااااااااان الاحمر اللي كنت لبساه بس منغير مكياج
و نور مستني محمد علي الباب و مينفعش يدخل و انا وحدي
و محمد وصل بعربيته و دخلوا و اول م نور شافني بالفستان لقيت ف عنيه لمعه و قعدو و انا دخلت المطبخ اجيب البيبسي مجرد م تاخرت 5 دقايق و انا ف المطبخ بعيط بحرقه و بقول يارب ماليش غيرك ارحمني انا وحيده ف دنيتك دي و سمعت صوت زعيقهم و ................
الجزء الرابع من هنا
