صعدت نسمه إلي الغرفه وهي في منتهي السعاده لقد اعترف رعد بحبه لها رغم مظهرها هذا...هي لم تكن تتخيل ان يرزقها الله بتلك السعاده بعدما ظنت أن حياتها ستنتهي ولكن الله عوضها واستجاب لدعاؤها...
بعدها ببضع ساعات دخل رعد الغرفه وعلي ملامحه الحزن وعندما لاحظت عليه ذلك اتجهت إليه وقالت ببعض من القلق:
رعد انت كويس...في حاجه حصلت
جلس رعد وهي جلست بجانبه ثم التفت اليها ووضع وجهها بين يديه وقال:
لسه عارف إني لازم أسافر بكره حالا علشان صفقه مهمه في المانيا
نظرت إليه نسمه بإبتسامتها الجميله وقالت:عادي يا رعد...طالما انها لمصلحه الشركه سافر
رعد:المشكله إني لازم اقعد هناك سنه بحالها علشان اباشر المشروع الي هنعمله
اختفت ابتسامتها للحظه ولكنها اعادت ابتسامتها مره أخري وقالت:
علي خير بإذن الله تروح وترجع بألف سلامه
رعد:انا مش عارف هستحمل تبعدي عني كل المده دي ازاي
ثم ضمها إليه بقوه وقال:هتوحشيني يا نسمتي
نسمه:انت كمان هتوحشني أوي يا رعدي
رعد وقد سعد لما قالته:قوليها كدا تاني
ابتسمت نسمه بخجل وقالت:هتوحشني يا رعدي
رعد:احلي رعدي سمعتها في حياتي
بعدها قامت نسمه لتحضر له شنطه سفره ثم توجهوأ الي النوم وهو يأخذها في احضانه لأول مره
☆☆☆☆
في اليوم التالي كان رعد يهم بالمغادره بعدما ودعه والده ووالدته وأخته كارمن ولم يتبقي سوي نسمه التي اقتربت منه وأعطت له مصحف صغير وقالت له:
خليه معاك دايما واقري منه علطول
أبتسم لها رعد واقترب منها وأخذ المصحف ثم قبلها علي جبهتها وقال:
حاضر يا نسمتي...هتوحشيني أوي بس هصبر نفسي بإني هكلمك كل يوم
نسمه:انت كمان هتوحشني...خلي بالك من نفسك
استودعك الله الذي لا تضيع ودائعه
وبعدها انصرف رعد...
☆☆☆☆
في غرفه كارمن كانت جالسه هي ونسمه يتحدثان....
كارمن:هو انا ممكن اسألك سؤال
نسمه:انتي بتستأذني يا كوكي...اسألي يا حبيبتي
كارمن:هو انا ليه كل ما أقابل ابن خالتك ميبصليش هو أنا فيا حاجه وحشه
نسمه:هههه مين قال كده انتي زي الاقمر...بس انا هقولك هو بيعمل كدا ليه
بصي يا ستي هو كل ما يشوفك يشوفك بشعرك ولبسك الضيق والمكشوف فدا طبيعي انه يغض بصره عنك...
كارمن:طيب انا ايه الغلط في لبسي ما كل البنات بتلبسه
نسمه:لا يا كارمن لبسك غلط عارفه ليه علشان احنا مسلمين وربنا أمر المرأه انها تتحجب زائد ان مفيش حاجه اسمها كل البنات بتعمل كده...
مفيش حد يا كارمن هيتحاسب مكان حد...وهندخل قبرنا لوحدنا وهنسأل لوحدنا مش مع الناس...ولا حد هينفعك غير نفسك...
مشكلتنا أننا بنمشي ورا الناس دا عمل ودا عمل
لكن في النهايه هو كتابك انتي وانتي هتستلميه يوم القيامه لوحدك ومش هتنفعك الناس
دايما لما نبص علي غيرنا نشوف القدوه الحسنه يعني عندك بنات كتير ما شاء الله محجبات ومنتقبات وملتزمين بتعاليم دينهم
ربنا فرض الحجاب وأمرنا بيه في الايات الكريمه..
قال الله تعالي:
( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ)
والخمار هنا معناه غطاء الرأس يعني ربنا بيأمرنا
أننا نغطي شعرنا ومش بس كده كمان كل جسمنا ماعدا الوجه او اليدين
اسلامنا جميل وبيحافظ علينا من الفتن عايز يخلينا جواهر مصونه ودا عمره ماكان تقليل من شأننا
كارمن:ياااه يا نسمه...انا فعلا غلطانه ولازم اتغير وانفذ كل إلي بيأمرني بيه ديني واسلامي
نسمه:في حاجه كمان عايزه اقولهالك...انتي قولتيلي أنك بتحبي حسام...
الحب يا كارمن مش حرام دي مشاعر منقدرش نمنعها...لكن الحرام التمادي في المشاعر دي لدرجه انها توصل لكلام بينكم عن الحب ولمسات وخروجات وكل دا من ورا الاهل طبعا...
اعرفي يا كارمن انه طالما مدخلش الباب من بيته انه مينفعش تأتمني عليه...
لما تحبي شخص متروحيش تكلميه...لما تحبيه أدعي ربنا أنه يكون من نصيبك ولو مكانش نصيبك يبقي ربنا عارف الخير فين...
بعدما انتهت نسمه من كلامها احتضنتها كارمن وبكت بشده وقالت:
شكرا يا نسمه...علشان بسببك هغير طريقي للصح
وأن شاء الله هتحجب وهبعد عن حسام وهو لو بيحبني فعلا هييجي يتقدملي
نسمه:متشكرنيش...انتي اختي يا كوكي
☆☆☆☆
وبعد مرور يومين وبالفعل تغيرت كارمن وارتدت الحجاب وابتعدت عن حسام ولكنها تفاجأت
برساله من حسام بأنه مريض جدا ويحتاج اليها بشده ويطلبها ان تأتي إليه في البيت
توترت كارمن ولا تعرف ماذا عليها ان تفعل لذلك اتجهت الي نسمه واخبرتها برساله حسام فكان ردها:
مش عارفه يا كارمن...انا مش مستريحه ليه يمكن بيضحك عليكي
كارمن:بس انا خايفه عليه ولازم اروحله
نسمه:مينفعش تروحي لوحدك بيته
كارمن:لا هو مش لوحده عنده مامته واخته
طيب تعالي معايا
نسمه:انا...ما بلاش يا كارمن
كارمن:بليز يا نسمه...عشان خاطري
وافقت نسمه ان تأتي معها حتي لا تذهب بمفردها ولكن لكي تأخذ حذرها قامت بالاتصال علي سيف لكي يأتي إليهم في ذلك العنوان وبالفعل وافق
ذهبوا الي هناك وصعدوا الي بيته ووصل أيضا سيف ولكنه انتظر في الأسفل حتي تخبره نسمه
اطرقوا الباب فقامت فتاه بفتحه وظنوا انها أخته
ادخلتهم وذهبت هي إلي حسام
وبعد قليل خرجت وقالت لهم:
حسام تعبان أوي يا كارمن وعايز يشوفك جوه
وذهبت تلك الفتاه بحجه انها ستجلب لهم الضيافه ولكنها خرجت من باب الشقه
دخلت كارمن إليه فوجدته مسطحا علي الفراش وعندما اقتربت منه تفاجأت به يمسك يدها ويقوم من مكانه وهو بكامل صحته
حسام:ايه فكرتي أنك هتروحي مني بالساهل
كده...وأنا إلي عمال أخطط ازاي هاخد فلوس منك
كارمن ببكاء:سيب أيدي يا حسام
حسام بشر:هههه ابدا...وأنا هعرف اجيب فلوس من ابوكي ازاي
ثم اتجه الي الباب وقام بإغلاقه وكارمن تصرخ بأعلي صوتها وما ان سمعتها نسمه حتي اقتربت من الباب فوجدته مغلق
نسمه بصراخ وبكاء وهي تضرب علي الباب بكل قوتها:أفتح الباب...افتحه يا حيوان
ثم تذكرت سيف وقامت بالاتصال عليه بسرعه فأسرع سيف إليها ودخل وقام بتكسير الباب وما ان فتحه حتي رأي حسام يحاول أن يعتدي علي كارمن فأقترب منه وأخذ يضرب فيه بشده حتي اغمي عليه
بينما ذهبت نسمه إلي كارمن وقالت:
كارمن انتي كويسه...عملك حاجه
كارمن ببكاء ولم تقدر علي النطق ولكن قامت بهز رأسها بلا
اطمأنت نسمه واخذتها واعطاها سيف چاكيت بدلته ليغطيها...
وذهبوا إلي البيت بعدما اشتروا لبسا غيره لكارمن،وبعدها صعدت نسمه مع كارمن لكي ترتاح وقامت بتغطيتها جيدا وظلت بجوارها
☆☆☆☆
بعد مرور سنه
حدث فيها ما يأتي...قررت نسمه ان تتغير وتنقص وزنها من أجل صحتها ونفسها ثم من أجل حبيبها وزوجها رعد،كانت تلك الأيام صعبه عليها بشده لقد عانت الكثير فهي ذهبت إلي الطبيب لتتبع نظام غذائي بجانب التمرينات الرياضيه الشاقه لتحصل علي الجسم المثالي
لقد واجهتها صعوبات كثيره وفكرت في الاستسلام مئه مره...ولكنها تتراجع عنه وتحاول بأقصي جهدها حتي وصلت إلي ما هي عليه الآن بجسم رشيق وصحه جيده ولم تخبر رعد حتي تفاجأه عندما يعود
أما عن كارمن فقد تجاوزت ما حدث وظلت تدعوا الله وتحمده علي انه نجاها من حسام وابتعدت عن أصحاب السوء وانتزعت من قلبها حب حسام ليحل محله حب سيف الذي حماها...
وحبها سيف أيضا وتقدم لها ووافق علي ذلك جابر ورعد الذي كان معترضا في أول الأمر ولكنه وافق في النهايه وتم كتب كتابهم
☆☆☆☆
في غرفه نسمه كانت كارمن معها...
كارمن:خدي يا نسمه البسي الفستان دا
نسمه:ليه يعني...وبعدين دا قصير جدا ومكشوف اوي
كارمن:يا بنتي ادخلي البسيه وملكيش دعوه
سمعت كلامها وقامت وارتدته وعندما خرجت لم تلاحظ ذلك الواقف وقالت:
كارمن دا ديق وعريان خالص انا مستحيل البسه هنا و..
ولم تكمل حتي شهقت شهقه خجل فعندما رفعت رأسها عاليا تصادمت برعد الواقف تبدوا علي ملامحه الصدمه فلقد أخبرته كارمن بمفاجأة ستصدمه والآن عرف ما تلك المفاجأه..
اقترب منها وهو يقول:انتي مين؟!
نسمه بخجل شديد منه:انا نسمه
رعد:نسمه مين؟!
نسمه بضيق:هتكون نسمه مين...نسمه مراتك بس ايه رأيك مش بقيت احلي من الاول
رعد:انتي بجد نسمه...انا مش مصدق الصراحه
تعالي قربي وانا اعرف
اقتربت منه بخجل وتفاجأت به يحتضنها ويدور بها بسعاده ويقول:
وحشتيني يا نسمتي
نسمه وهي تحتضنه ايضا:
انت كمان وحشتني قوي...بس ليه مش قولتلي أنك راجع النهارضه
رعد:كنت عاملك مفجأه بس انتي إلي فجأتيني
وارادها ان تبتعد عنه لكي ينظر إليها ولكنها كانت متشبسه به بشده
رعد:ابعدي يا نسمه عايز اشوفك
نسمه:لا انا مكسوفه منك
رعد:ههه ليه يا قلبي دا انا جوزك برده،ابعدي بقا علشان اشوفك
ابتعدت عنه بخجل بينما هو أخذ ينظر إليها لقد كانت جميله بحق بشعرها الأسود الحريري وتلك الغمازه التي علي خدها والتي ظهرت عن السابق عندما نقص وزنها وعيناها الخضراء الذي يعشقهما
رعد:انتي جميله أوي يا نسمتي..وأنا بعشقك
نسمه:انا كمان بحبك قوي
رعد:يالا بقا علشان انا محضرلك مفجأه
نسمه بسعاده:ايه هي؟!
رعد:بصي انا كنت ناوي اعمل فرحنا انا وانتي
نسمه:بجد...بس انت كنت عارف منين إني هخس
رعد:ومين قالك إني كنت عارف كنت هعملك فرح كبير وانتي نسمه إلي خطفت قلبي
نسمه:يعني مكنتش هتتحرج مني
رعد:ابدا...انتي اجمل حاجه حصلتلي،كل حاجه جاهزه مش فاضل غير نجيبلك الفستان
وبالفعل تم الزفاف وسط حضور الجميع وكانت نسمه جميله في فستان الزفاف..
كان سيف يرقص مع كارمن بجانب نسمه ورعد وكان يقول لها..
سيف:بحبك يا كرملتي
كارمن:وانا كمان بحبك اوي
أما علي الجانب الآخر نسمه ورعد..
نسمه بسعاده:انا فرحانه أوي يا رعد...انا بحبك أوي أوي
رعد وهو يقبلها علي جبهتها:وانا بعشقك يا نسمتي،ثم همس لها
حبيبتي انتي تلك النسمة الهادئه
انتي النسمه التي غيرت كل كياني
اسبح في بحور عينيك فلم أري غير نفسي فيهما وحيده فأحضتنتها عيناكي
اسلم لكي قلبي مغلفا بحبك فأقبليه حتي لا يعود وحيدا
تمت بحمد الله وانتظرني في قصة جديدة ان شاء الله هتعجبكم..
