Ads by Google X
قصة بابا شيطان الجزء الثاني والاخير -->

قصة بابا شيطان الجزء الثاني والاخير

قصة بابا شيطان الجزء الثاني والاخير

     


    #قصة_بابا_شيطان
    الجزء الثاني والأخير
    الصوت بدأ يقرب ويقرب وانا بحاااول اصرخ او حتي اطلع صوت عالي مش طالع مني اي صوووت
    عدي من قدامنا راجل راكب حمار ورغم اننا كنا قريبين منه جدااا مشافناش
    كان وقتها لازم اتصرف ممكن ده اللي يقدر ينجدني او ممكن يقتلوه
    بس ده املي الوحيد

    بدأت اكح بصوت عالي ماهو صراخي مش طالع
    الايدين بدأت تمسكني جامد من بوئي عشان مطلعش صوت وحسيت بضوافرهم بتتغرس ف لحمي
    صرخت المره دي من الالم والراجل اللي كان معدي التفت
    نزل من علي حماره وهو بيقول مييين
    بدأ يقرب ناحيتنا وهو ماسك في ايده شومه
    حاولت انبهه انه ياخد باله دول شياطين لكن ايديهم علي فمي كانت منعاني اصرخ اصلااا
    الراجل قربلنا وبقا واقف قدامنا وهو بيقول ميييين هنااااك
    هو انا شفاف ولا ايه ده قدامي بالظبط

    بابا واقف وماسك خنجره قدام عينيه والمره دي بصلي وهو بيضحك وبيدخل الخنجر في جيبه وكأنه بيقولي محدش هيعرف ينجدك مني فجأه واخيييرا قدرت اقووول الحقققني
    الراجل رجع مترين لورا من الخوف وبرضه كأنه مش شايفني وبدأ يقول سلااام قولا من رب رحيم اعوذ بكلمات الله التااامات
    وجري في لمح البصر ناحية حماره ومن خوفه وقع مرتين
    فجأه لقيت بابا بيبص قدامه بتركيز وبيقووووول حان الموعد
    من السما نزل خيال مرعب اتجسد ف لحظة في صورة انسان قبيح
    من كتر خوفي الرؤيه ابتدت تروح من قدام عن عيني
    غصب عني بدأت اغيب عن الوعي وكانت اخر حاجه اشوفها بابا وهو بيسلم علي الكاىن المرعب
    بعد وقت عدي معرفش قد ايه صحيت
    لقيت نفسي نايم علي سرير في المستشفي
    امي ماسكه ايدي وبتبكي بشدة

    بابا جنبها ماسك المصحف وبيقرأ وحاطط ايده علي راسي
    اااااه منه الحقير بيمثل قدامهم انه طيب بس برضه مش هسيبه
    حاولت اقوم اقتله لكني لقيت نفسي متكتف في السرير بدأت اصرخ
    انااااا مجني عليا مش مجرم عشان تكتفوني كده. انتو تبع الشيطان هو اقنعكم انه طيب وهو شيطان
    فكووووني لازم اخلص الناس من شروره
    امي كان بكاها بيزيد وبابا دموعه نازله وبيقرألي قرآن وبيقول بصوت الطيبين هتفوق ان شاء الله يابني بدعيلك في كل فرض
    بدأت اصرخ اكتر واحاول افك القيود دخل الدكتور من برا ومعاه حقنة مهدئة قالهم هديهاله هيهدا
    رفست السرير وحاولت اعض الدكتور لكن مفيش فايده اخدت الحقنه
    ااه هغيب عن الوعي ساعات بس هطلعله برضه واقتله الساحر اللعين حليف الشيطان
    وبعده ماما عشان اكيد هي اللي مساعداه
    الرؤيه بدأت تشوش جامد وغبت عن الوعي تماما

    خارج غرفة كريم كان واقف الدكتور مع والد كريم ووالدته وبيقولهم
    -ابنكم لازم يتحجز في عنبر المجانين شديد الحراسه ابنكم من وقت ما اتحجز عندنا بيعمل مشاكل لكن لما توصل انه يضرب ممرض بالخنجر كده مينفعش استني
    انا انتظرت كل ده عشان العيش والملح اللي بينا
    الاب بدأ يبكي ويقوله : ارجوووك شوفوله علاج ده ابني الوحيد شوفوله اي علاج وانا مستعد ادفع اللي تحتاجوه
    الدكتور : ابنك من بعد غرق اخته قدامه في البانيو من قوة الصدمة عقله متحملش انا برضه هتابعو بس لازم انقله عنبر بحراسه
    في غرفة يجلس بها كريم وحيدا وهو ينظر الي حائط بجواره ويقول للفراغ
    هديلك اي فلوس انت عاوزها بس ساعدني اقتله لازم نخلص العالم من شرور بابا الشيطان ده
    تمت

    إرسال تعليق