فتحت الظرف ولقيت صدمه بجد
لقيت صور خاصة جدا بين ايهاب وبنت عمه شروق ياسين قالى مش معقول ايه ده يا ميار
قولتله بص يا ياسين انا شوفت ايهاب مع شروق بنت عمه قالى شوفتيهم ازاى
قولتله بعتلى رسالة بيقولى انا مستنيكى فى حاجه ضرورى جدا ولازم تيجى وكتبلى العنوان
قالى انتى ازاى يا ميار تروحى مكان متعرفيهوش
قولتله يا ياسين انا حكيت لمامتك كل حاجه وهى عارفة واضح أنها مش قالتلكم التفاصيل قالى ايوة انا معرفش
قولتله هبقى احكيلك كل حاجه بس دلوقتى واضح ان فى حد عايز يساعدنى ونفس الشخص ده هو إللى بعتلى الرسالة مكان ايهاب
قالى أيوة صح
عدى موتوسيكل من ضهرنا وحدف تليفون
وكان بيرن
رديت لقيت صوت غريب اوى بيقولى متدوريش عليا ومتحاوليش تعرفى انا مين استنى منى اتصال بكرة
قولتله تمام وقفلت
ياسين قالى انا حاسس انى فى فيلم
قولتله يلا وانت البطل معايا
راح ضحك وقالى اتمنى
قولتله تعرف نفسي فى ايه
قالى ايه
قولتله اعرف اخد حقى وافوق بقا
قالى وإيه تانى
قولتله اروح ملاهى
قالى طب يلا
قولتله على فين
قالى على الملاهى
فرحت اوى وحسيت انى رجعت طفلة تانى ركبنا قطر الرعب
قولتله خايفه بصلى بنظرة كلها امان وقالى انا معاكى متخافيش
قولتله حاضر راح ابتسم تانى
راح هووووووووب القطر مشي😂😈
صريخ كتييييييير منى
وهو بيضحك وبسسسسس ويبصلى ويضحك
ركبت السلسلة حسيت انى طايرة فى الهوااااا
انا وهو وبسسسس بصيت فى عينيه لقيتنى فى عالم تانى 💖
اللعبه خلصت ونزلنا
قالى تلعبي ايه
قولتله بشرود هااا؟
قالى بابتسامه تلعبي ايه تانى
قولتله ولا حاجه انا جعانه يلا بينا كفايه كده
قالى تحبي نتعشا سوا
من جوايا نفسي اقوله ايوة بس قلبي بيمنعنى وبيقولى لا بلاش ابعدى
متكرريش نفس التجربة تانى
قولتله لا يلا عشان منتاخرش
قالى تمام يلا
روحنا ولقيت الحجه عامله محشي وفراخ وملوخيه ومكرونة بشاميل
قولتلها الله الله يا قلبي ايه الجمال ده
قالتله تعالى هنا ومسكتنى من ودنى
كنتى فين يا هانم طول اليوم
قولتلها حاضر أقسم بالله اقول الحق😅✋
قالتلى قولى
حكتلها اليوم كله بالتفصيل
فرحت انناا خلاص قربنا نوصل للحقيقه
ودعتلى كتير وقالت يلا عشان ناكل
راح ياسين قالى شوفتى إللى بيصبر بينول 😉
بصتله وضحكت
راح البشمهندس وصل هو والحج
وقاعدين بنتعشا
قالت عارفين النهاردة عيد ميلاد مين قولتلها مين
قالت الحج ابراهيم بوسناه كلنا واحتفلنا بعيد ميلاده
واليوم خلص
الحج ابراهيم يلا نصلى العشاء جماعه
صلينا وكل واحد دخل اوضته عشان ينام
بس قلبي وعقلى مناموش
فكرى كله مع ياسين
مع نظراته ليا مش نسياها مع العائلة إللى ابتديت أحس انى منها فعلا
قلبي بدا يحب ياسين وبكدب نفسي مش عايزة اصدق يمكن اعجاب اكيد مش هلحق احبه فى يومين
غلبنى النوم ونمت
تانى يوم صحيت وفطرنا وكل واحد بيجرى على شغله ياسين بصلى ونده ميار
قولتله نعم
قالى فى مشكلة لو اتصلت بيكي النهارده
الحجه خدت بالها من اهتمامه قالتله ليه يا ياسين فى حاجه قالها اطمن عليها بس
انتى عارفة أنها فى خطر قالتله ابوك الحج معاها يلا يا ميار انتى على شغلك
وانا خارجه سمعتها بتقوله ميار يا ياسين مش قد علاقه وحب دلوقتي انا فهمت من عنيك يابنى انك حبيتها 💔
جريت مصدقتش انه حبنى
وان ممكن اعيش علاقة تانى
خلصت الشغل وطول اليوم ياسين بيتصل بيا
مردتش لحد ما جالى المحل قالى انا قلقان عليكى مبترديش ليه
قولتله كان عندى شغل
قالى والشغل يمنعك من انك تطمنينى ولو دقيقه
قولتله انا اسفه
قالى تصدقى اول مرة اخد بالى من عيونك العسلى قولتله ياسين عن اذنك
حسيته زعل
بس من جوايا قولت كده افضل ليا وله
قولت للحج عن إذنك انا همشي عشان منى صاحبتي مستنيانى النهارده
قالى مش هتمشي لوحدك يا ميار
بص لياسين وقاله وصلها انت بعربيتك يا ابنى دى امانه فى رقبتنا
قالى انت تأمر يا حج وبصلى وضحك
طول الطريق انا ساكتة وهو بيحاول يكلمني
قولتله تمام كده وصلنا بصيت على شقة بابا لقيتها اتوضبت وواضح ان فى حد جوا
نسيت ياسين خالص ونزلت ولقيت نفسي قدام باب شقة بابا والباب مفتوح واخواتى جوا
بصتلهم وهما مع بعض وبيضحكوا ونسيونى
نسيوا ان ليهم اخت رموها ومحدش بيتصل يطمن انا فين
شريف اخد باله مني كان ياسين ورايا وانا معرفش
قالى ميار مين إللى معاكى ده
منطقتش كنت مصدومه والدموع محجرة فى عينى لقيته ادانى بالقلم على وشي وقايلى وصلتى انك جاية وجايبة رجل معاكى فى شقة ابوكى يا قذرة منطقتش حرف وانهارت عياط
راح ياسين قاله اخرس هو انت اخوها إللى متهمها فى شرفها ميار دى اشرف منكم كلكم
وبكرة تجيب دليل براءتها وترميه فى وشكم
راح شريف قاله خدها يلا وامشوا من هنا بلاش قرف
طلع على صوته جمال ومحمود وشيماء وازواجهم وقالهم شايفين جايه وجايبه رجل معاها وعامل نفسه رجل علينا بسلامته جمال بصلى باندهاش وقالى مين ده يا ميار
مردتش مسكنى من دراعاتى وفضل يهز فيا ويقولى انطقى مين ده يا بنت ابويا
راح ياسين شده من ايده وقاله أنا ابقى ابن صاحب المحل إللى ميار شغاله فيه
واقولكم حاجه كمان ميار دى انضف منكم كلكم واحد واحد
راح شريف قاطعه وقالهم اتفضلوا شايفين
راحت شيماء ضربتنى بالقلم وقالتلى هى وصلت البجاحه لكده
راح ياسين قالها عندك دى هتبقى مراتى
بصيت لياسين ومصدقتش وكلهم بصوله باندهاش
قولتله يلا يا ياسين من هنا نمشي حالا
طلعت منى وهى بتقول انتى فين يا بت ده كله انا شايفاكى نازله من العربيه بقالك نص ساعه
ومين الواد الحليوة إللى شبه مهند ده ☺
قالها انا خطيبها وهنتجوز الاسبوع الجاي
كانت منى عاملة عيد ميلادى وعزمت أصحابنا كلهم وحاولت تفرحنى وتهزر معايا كعادتها
وانا كنت فى عالم تانى خالص من ناحية صدمتى فى اخواتى ومن ناحية تانيه موقف ياسين ووقفته ونظراته ليا
خلصت الحفله ومكنتش مبسوطة غصب عنى
نزلنا واحنا فى العربية التليفون رن إللى اتحدف من الموتوسيكل بقول الو قالى بكرة الصبح تروحى العنوان إللى بعتهولك هتلاقى دليل براءتك من ايهاب وقفل
وفعلا استنيت الصبح على نااااار
ونزلنا انا وياسين وروحنا العنوان ولقيت....
بدل ماتدور وتبحث علي الروايات خليها علي تليفونك وحمل تطبيقنا
