Ads by Google X
رواية احببت سارقي كاملةللكاتبة منه مصطفي -->

رواية احببت سارقي كاملةللكاتبة منه مصطفي

رواية احببت سارقي  كاملةللكاتبة منه مصطفي


     

    قصة قصيرة كامله


    أحببت سارقى


    الساعه 6:00 am

    كنت فى البلكونة وبشرب القهوة ومشغله فيروز وسامعه صوت العصافير وبحاول مع الهدوء ده أهدى كمان من جوايا


    دخلت الاوضه رميت نفسي على السرير

    حاله من الملل والصراع النفسي جوايا ونار مش بتهدى


    اتصلت بيها ماما

    الو

    أيوة يا جميله

    أيوة يا ماما

    مش ناوية ترجعى بقا يا حبيبتى

    لا يا ماما مش راجعه

    يا بنتى قلبي مش مرتاح وانتى بعيده كده قلقانه عليكي

    سبينى يا ماما لحد ما اهدى

    وانتى فاكرة يا جميله انك لما تهربي هتنسي  ، فاكرة انك هربتى من قدرك 

    لا يا ماما بس بحاول اهدى 

    يا بنتى اللى حصل ده مقدر ومكتوب انتى مش مؤمنة بالله

    لا استغفر الله العظيم مؤمنة

    خلاص هستناكى النهارده

    لا يا ماما معلش سبينى النهارده وبكرة هجيلك

    ماشي يا بنتى ربنا يهدى سرك ويريح بالك

    امين يا ماما

    يلا يا حبيبتى فى رعايه الله


    قفلت ماما وواحده صاحبتى اتصلت بيا محبتش ارد

    وكنت حابه افضل وحدتى وهدوئي مش عايزة حد يجيلى


    نمت محستش بالوقت ولا الليل جه امتى

    بس فضلت نايمه على السرير


    سمعت صوت همس برا....


    فضلت مكانى متحركتش


    بس واضح صوت الحركه اوووووى والهمس بيزيد


    وفى كشاف والخيال عاكس ع الاوضه إللى انا نايمه فيها


    ثبت نفسي مكانى وتمالكت اعصابي دول اكيد حراميه

    ولو حسوا انى عايشه هيقتلونى


    دخلوا الاوضه كنت هموت من الرعب


    سمعت واحد فيهم بيقول بس العلبه دى فيها


    دى اكسسوارات يا عم 

    هاتها دى اكيد بالشئ الفولانى

    هات الشنطة بتاعتها واضح انهم فتحوها وبيقوله شايف الفلوس خدها كلها

    راح واحد فيهم بيقول بص نايمه ازاى سبحان الخلاق

    يا عم انت هتحب فيها يلا نمشي

    استنى بس عايز اخد صورة ليها

    ولا

    ايه ياض

    البت دى صاحيه

    لا ياعم انت مش شايف شبه الملايكه ازاى وهى نايمه

    بقولك صاحيه ده مش منظر واحده نايمه

    انت عبيط هتقتلهاا

    اه هقتلها دى لو قامت هتبلغ عننا

    لو قتلتها مش هيحصل كويس احنا مبنقتلش انت فاهم

    يبقى هقتلك انت

    سمعت صوته بيصرخ والتانى واضح انه هرب


    قومت مفزوعه

    انت كويس

    أيوة ااااااه

    فى دم كتير بينزف منك

    انا اسف

    اسف على ايه انت فدتنى بنفسك

    اااااااه

    طب اهدى

    دخلت اشوف علبه الاسعافات الاوليه

    ونضفت الجرح

    بس الجرح ده غويط اوى لازم نروح المستشفى

    هيبقى فيها س و ج وانا مش عايز قلق


    لا لازم نروح ونقول محاولة سرقة يعنى هنعمل ايه


    وفعلا طلعت بيه على المستشفى وقولنا محاولة سرقة بس الظابط شك فيه وإنه ازاى موجود فى الوقت ده معايا فى شقة مفروشة 


    قولتله هو قريبي وكان جاى ياخد حاجه لماما وماشي

    بصلى بقرف وشك فيا انا كمان على اساس ان فى علاقه


    المهم اخد الاقوال ومشي


    الدكتورة جت وقالت خلاص كده تقدروا تمشوا والحمد لله هو منزفش كتير


    قولتله ليك حد تروحله

    قالى لا بس ممكن اسألك سؤال

    قولتله اتفضل

    ايه سر الحزن إللى على وشك ده وليه قاعده لوحدك فى شقة مفروشة

    قولتله تعالى معايا هغيرلك على الجرح بكرة واحس أنك كويس 


    وافق وجه معايا نام على الكنبه برا 


    وانا فى الاوضه معرفتش انام فكرت فيه هو مجاش يسرقنى هو جه يسرق قلبي نظراته والحنيه اللى مش بنلاقيها كل يوم فى الزمن ده


    جه عليا النهار وانا لسة بفكر فيه قومت من على السرير وخرجت برا ابص عليه افتكرت لما كان واقف وبيبصلى انا كمان


    قلق وانا واقفه ببص عليه قالى انا فى الجنه صح

    قولتله لا لسة

    راح فتح عينه كويس وقالى صباح الخير

    قولتله صباح النور انا حضرت الفطار 

    وتعالى الاول اغيرلك على الجرح


    غيرتله عليه وفطرنا


    ولع سيجارة ورجع ضهره لورا وقالى عايز اعرف قصتك

    قولتله لا قولى انت الاول ايه إللى خلاك تسرق

    قالى كنت محتاج فلوس

    قولتله وكل إللى محتاج فلوس بيلجئ للسرقه ده مش دافع يا....

    قالى اسمي سليم

    قولتله مش دافع يا سليم

    قالى معاكى حق بس دى اول مرة اسرق ومتمتش وضحك 

    قولتله يعنى مسرقتش قبل كده

    قالى ابدا والله محصلش

    قولتله وعرفت منين قتال القتله ده

    قالى انا ساكن فى منطقه شعبي اهلى على قد حالهم دفعوا دم قلبهم عشان يعلمونى لحد ما اتخرجت

    وبعدين

    قالى ملقتش شغل

    اجرت محل وفتحت سنترال

    انت خريج ايه

    حقوق

    تمام كمل

    اتسرق

    ايه ده إللى اتسرق

    المحل كله اتسرق

    نعم!!!

    زى ما بقولك كده وبحكم أنى خريج حقوق عندى الفطنه اعرف مين إللى سرق

    وبعدين

    قتال القتلة ده هو إللى سرقه

    وبعدين

    روحتله وحصل خناقه بس اهل المنطقة اتدخلوا والكبار حكموا يرجعلى إللى سرقه وانا مش هبلغ

    معاك دليل ضده

    اه طبعا معايا المهم ، قالى فلوسك اتصرفت عايز ترجعها تعالى معايا قولتله تمام وانا عارف وهو عارف ان مش هستفاد حاجه لما ابلغ وفلوسي مش هترجع وامى مريضه وعلاجها غالى وخلص و كنت مضطر أعمل كده لانى شايل البيت

    لا حول ولا قوة الا بالله بس الحمد لله ان ده حصل ومخدتش فلوس حرام

    الحمد لله ده كرم من ربنا عليا

    هتعمل ايه

    هبلغ عنه بالدليل إللى معايا

    طب افرض هو كمان بلغ عنك

    انتى هتشهدى ضدى

    لا 

    يبقي خلاص

    تمام 

    مش هتقوليلى حكايتك

    هقولك بس مش دلوقتي

    نزلت انا وهو و روحت لماما و كنت مبسوطة اوى بس افتكرت

    اووووف مخدتش رقمه هوصله تانى ازاى

    ورجعت تانى لعزلتى ووحدتى

    لقيت فى خبط على شباكى

    قومت ببص لقيته هو

    كنت عامله زى العيله الصغيرة ليلة العيد

    شاورلى انزل

    ونزلتله

    تصدقى لو قولتلك وحشتيني

    وحشتك بجد

    اوى والله العظيم

    عملت ايه بلغت عنه

    أيوة بلغت

    طب عرفت عنوانى منين

    مشيت وراكى لحد ما لقيتك دخلتى البيت ده

    طب عرفت ازاى انا فى دور

    فضلت واقف لحد ما لقيتك واقفه فى الشباك

    للدرجه دى اهمك

    واكتر كمان عايز أقابل الحج والحجه

    طب هتقولهم بتشتغل ايه

    هفاجئك

    بجد 

    ايوة

    طب قولى صحيح

    نعم

    هما مش هيعوزوا أقدم افاده صح

    لا هو متكلمش على السرقه إللى حصلت فى الشقه

    وانا بلغت بس على سرقة المحل بتاعى

    اتفضلى

    ايه دى

    حاجتك إللى اتسرقت

    بجد 

    اه والله 

    جبتها ازاى

    مش هقولك ده سر

    اوعى تكون سرقتها منه

    لا أقسم بالله ضربته وخدتها

    😂😂😂😂

    بتضحكى

    أيوة 

    متحرمش من الضحكه دى

    ده رقمى اتصلي بيا

    وطلعت وانا فى سعاده محصلتش

    تانى يوم العشا لقيت الباب بيخبط

    أخويا الصغير فتح

    لقيته هو وباباه ومامته

    مصدقتش نفسي بس هو شافنى بالبجامه والضفيرة ضحك ومسك نفسه بالعافيه

    بابا قالهم اتفضلوا

    طلع برضوا عرف يوصل لبابا وحدد معاه معاد وقاله انه خلى عمه يتوسطله و اشتغل محامى تحت التمرين وكان رافض قبل كده ان حد يتوسطله بس وافق عشانى☺

    وخطبنى دلوقتى وبقيت أسعد واحده 

    قالى مش هتقوليلى بقا إللى حصل

    قولتله خطيبي هرب يوم فرحى

    قالى ازاى 

    قولتله والله ده إللى حصل

    طب ليه 

    بعتلى رسالة اعتذار وقالى مش مستعد

    قالى ده لمؤاخذه مش رجل

    قولتله فعلا الله يسهله بقا

    قالى طب واحنا امتى فرحنا يا عروستى

    قولتله حدود مع بابا وانا معاك

    قالى عايزك جنبي دايما

    قولتله اعتبره وعد

    قالى وعد يا جميلتى....


    عوض ربنا حلو اوى وبيجي فى وقت ممكن محدش يتوقعه

    والاحلى اخرة الصبر خير 

    (وبشر الصابرين الذين إذا أصابتهم مصيبة قالوا إنا لله وإنا إليه راجعون)

    وده وعد من ربنا لكل حد صلى على ابتلاءه


    انتهى.....



    إرسال تعليق