الجزء الرابع
قصة العشق الملعون
دخلت هدي اوضتها واول ما حطت راسها نامت وراحت في النوم وحست بنفس جمبها بيقرب جاية تفتح عنيها حست انها مشلولة الحركة سامعه وحاسة بس مبتتحركش وفجأة سمعت صوت بيقول انا خيرتك وانت اخترتي بعدك عني يعني هلاكي وانا مش هبقي لوحدي
فجأة هدي حست انها بتتشد لتحت وفتحت عنيها علي نفس المنظر الجميل اللي بتشوفوا بس كان فيه بيت وسط الزرع والخضرة
هدي.....بصتله وقالت انت عاوز ايه
عجيب .... انا عايزك وبحبك ومش قادر اعيش من غيرك عاوز اتجوزك شهر واحد
هدي .... مينفعش انت لو مسلم عارف ان احنا حرام نجمع بين زوجين
عجيب .... الكلام ده لو انا في دنيتك انما انتي هنا عندي اعتبريه حلم وصدقيني عمرك ما هتندمي
هدي .... وجوزي وولادي
عجيب ..... كل حاجه هترجع زي الاول وأحسن بس انتي تبقي مراتي لمدة شهر
هدي .... كفايه اني اقولك موافقه بس مضطره لازم اضحي عشان بيتي وجوزي وولادي
عجيب..... سميها زي ما تسميها شاور علي البيت اللي هناك وقال لهدي شايفه البيت ده
هدي .... اه ماله
عجيب ... ده بيتك وديه حياتنا ودنيتنا اللي محدش هيقدر يخرجنا منها لمدة شهر
هدي ..... بكل انكسار واستسلام طب انا ممكن اعملك اي حاجه بس سيبني لحالي انا مش منك ولا من بني جنسك
عجيب.... احنا هنرجع في كلامنا
وطلع ورقة ومكتوبه وعمل جرح في إيدها وقالها متخافيش انا محتاج نقطتين دم بس وفعلا ختمت بصابع إيديها علي الورقه
ردت هدي قالتله انت بتعمل إيه
عجيب .... ديه وثيقه جواز بين الجن والانس ومعني انك عملتي بدمك ان انتي بقيتي زوجتي وتحت طوعي لمدة شهر
هدي ........ حسيت اني تايهه و مش عارفه انا صح ولا غلط بس اللي اعرفه اني مستعده اعمل اي شئ عشان ولادي
وافقت وراحت معاه البيت اول ما دخلت لقت نفسها لابسه فستان فرح جميل أشبه بالاميرات و كل حاجة جميله حيطانه بيضه مرسوم عليها رسومات رقيقه اشبه يكون جنه
ونزل عجيب علي ركبته وقدملها باقة ورد وقالها
حبيبتي ومولاتي اليوم هو ميلادي
عهدك لي لا تتركيني
وعهدي لكي لا انساكي
بعدك عني هو موتي وهلاكي
علي قد ما هدي كانت حاسه انها خايفه ومنتكش عارفه هي في حلم ولا حقيقه بس الشعر لمس قلبها
وتم موعدهم الاول كا زوج وزوجه وكل يوم يعدي علي هدي التغيير كان بيتها كان حالهم يتحسن وزوجها اتحسن وولادها تفوقوا والدنيا بقت تضحك لها وزوجها رجع الشغل تاني وكل ما يتم موعد بينها وبين عجيب تتغير الدنيا للاحسن وكل شئ بقه يرجع للأول الا هدي هي اللي كانت بتتغير
وبقي الميعاد بينها وبين عجيب بعد ما كان هم علي قلبها بقت هدي بتستناه علي أحر من الجمر وتخلص شغل البيت عشان تنام بدري وتقضي وقت أطول معاه
تحت الارض
وعدت الايام والمواعيد بقت بلهفه وشوق وبقت هدي بتعاتب عجيب علي تأخيره ليها
لحد ما عدي ٢٩يوم وكل يوم كان احلي من اليوم اللي قبله وعجيب واهتمامه بيها وحبه وعشقه اللي وصل لعشق الجنون
واليوم ال٣٠ وكان اخر يوم عجيب بعد لقاؤه بهدي قالها خلاص يا هدي انتي مبقتيش مراتي واديتك حريتك اتصرفي فيها كما تشائين وارجعي حياتك تاني
ورجعت ريما لعادتها القديمه والبيت وجوزها وولادها وابوها وبقت حاسه ان عجيب خد روحها معاه واختفي بقت تنام بدري وتدعي تشوفه لكن خلاص
بقت تتكلم في الحمام والمرايا يمكن يرجعلها لكن لا حياة لمن تنادي
لحد في يوم قاعدة هدي قدام المرايا وصوتها كله عياط بحرقه والحوار كالاتي
عجيب حبيبي وحشتني اوي انا عارفه انك سامعني انت كذبت عليا علي فكرة عرف ليه عشان انت مش فاكر لما قولتله ليا انت مش قولت ان يوم بعدي هو يوم موتك لاء يا عجيب ده كان موتي انا
متسبنيش وتبعد عني انا حياتي مش قادرة استحملها انت الحاجه الوحيدة اللي اخترتها ارجع
ووطت هدي راسها وبتمسح دموعها قدام المرايه .....ورفعت راسها تاني وبتبص في المرايا لقت بيتها تحت الارض ضحكت وبتبص وراها لقت عجيب واقف وراها حاضنته وبيقولها
يعني مش هتقوليلي سيبني لدنيتي تاني
ردت هدي انت دنيتي انت االي مصبرني عليها بحبك وبحب كل كلمة كل نفس بعشقك وبعشق ترابك
اياك تسيبني وتبعد ولو بعدت هيبقي موتي يا عجيب فاهم موتي
رد عجيب بعد الشر عليكي يا مولاتي
واستمرت اللقاءات بينهم وعدت سنه وابتدي احمد يلاحظ ابتعاد هدي عنه وكلمها كتير اضطر انه يكلم امها وابوها قال يا عمي لازم تيجي تشوف هدي بقت تنام من المغرب وافتح الباب واصحيها الاقيها بتتنفس عادي ونايمه بس في يوم صحيتها وناديت عليها وهزتها متحركتش كأنها جسد بلا روح لكن بتتنفس
رد ابوه هدي ... انت مكبر المواضيع اوي مش للدرجه
احمد ... ياعمي انت لازم تقعد معايا يومين وتشوف بنفسك
رد ابوخا ما شي يا بني انا جاي اما والحاجه هنقعد كام يوم عندكو
احمد ... وانا في انتظارك
وجه ابو هدي وامها واستقبلتهم كويس جدا وجه المغرب قالتلهم يا ياجعه انتو في بيتكوا انا تعبانه جدا وداخله انام
امها يا بنتي اقعدي معانا شويه
هدي لا والله يا امي مش قادرة وتعبانه
وفعلا ونامت هدي وخد روحها تحت الارض لكن الجسد موجود
ودخل احمد وأبوها وامها اوضتها فضل ابوها يصحيها لكن مفيش فايدة اتصلوا بدكتور
رد الدكتور ... يا جماعه بنتكوا مفيهاش حاجه وزي الفل صدقوني مفيهاش حاجه
احمد.... يا دكتور مش شايف هي عاملة ازاي
رد الدكتور بعصبيه والله يا جماعة مفيهاش حاجه وعلي العموم تقدروا تجيبوا دكتور تاني يكشف عليها
قعد ابو هدي يفكر هو واحمد هيعملوا إيه لحد ما ردت ام هدي قالت البت ديه فيها حاجة يا حاج البت ديه (بصوت واطي ) ممسوسه رد ابو هدي
بص ابو هدي واحمد وقال احمد ما يمكن يكون صح
ايه رأيك يا عمي
رد عليه ابو هدي انا اعرف واحد بيعالج بالقرأن انا هكلمه بكرة وهبعت اجيبه
تاني يوم صحيت هدي كأن شئ لم يكن وكام يومها وبتتعامل عادي مع اهلها وهي عارفة ايه اللي هيحصل لان عجيب قالها
وفعلا جه المغرب ودخلت نامت وجه الشيخ ودخل الاوضه وقالهم اطلعوا كلكوا برة سيبوني لوحدي ومهما أتاخرت محدش يخبط عليا فعلا طلع برة اعد يقرأ قرأن وأيات ويتكلم بشويش مع حد مش موجود اصلا وصوت خربشه في الاوضه وعلي الساعه واحده طلع برة واقعد ورد قالهم بنتكوا يا جماعة جسد بلاروح بنتكوا عندهم تحت في الارض
ردت ام هدي يالهوي ايه تحت أيه مش قولتلك يا حاج بنتي فيها حاجه شوفت .
لف وشه وقالها هتسكتي ولا اطلعك برة
رد الشيخ الحل عندي بس سيبوني اربع جلسات والنهاردة كانت اول جلسه يعني باقي ثلاث جلسات ادخل المغرب ومهما اتأخرت محدش يدخل وافق احمد وابو هدي وجه تاني ودخل الشيخ وقال علي اتفاقنا محدش يدخل
دخل الشيخ و عمل جلسه وكانت جلسة تواصل بينه وبين عجيب وفجأة سمع عجيب صوت بيدوي في المكان وبيقول
يا عجيب انت ملك وبن ملك بني قعقاع
رد عجيب بصوت راعد مهيب وماذا تريد يا بن نعيم
ففزع الشيخ وقلل من نبرة صوته وقال .. اريد الاذن والامان اقابلك يا بن ملك الجان
رد عجيب بصوتًا مهيب ..................
بدل ماتدور وتبحث علي الروايات خليها علي تليفونك وحمل تطبيقنا
