Ads by Google X

رواية المخادع كاملة بقلم امونة

 



الجزء الأول 


خرجت شنطه هدومها الكبيره من العربيه بتاعتها و توجهت لأعلي المبني . كانت بتمشي بتمهل و خيبه امل. خبطت ع الباب بملل .وبعد عده دقائق  روما فتحتلها الباب . كنده لسه هتقرب منها و تحضنها .ظهر فجأه ورا روما راجل .

كنده بخضه  مين دا يا روما 

روما  تعالي تعالي متخافيش منه


كنده باحراج  لا خلاص انا همشي هجيلك وقت تاني

روما  تعالي ادخلي .ليندا جوا اصلا 

كنده دخلت الشقه بينما روما اخدت منها الشنطه و دخلتها جوا .كنده داخله جوا بحذر و بتبص ل جوا كويس هل فعلا ليندا جوا ! 

لاحظت الراجل بيبصلها بتقييم .

كنده اول ما لمحت ليندا من بعيد جروا ع بعض وحضنوا بعض جامد اوي .وفجأه انضمت ليهم روما و فضلوا يصرخوا هما التلاته و يضحكوا باصواتهم الانثويه الصاخبه .كنده وهي ف قمه سعادتها شافت روما وهي بتشد الراجل ناحيتهم انه يشاركهم الحضن وهو قرب بكل سذاجه .

كنده بعدت بسرعه و صرخت بعتاب  استني مين دا اصلا 

ليندا براءه وهي بتقرب منه ب ود  دون  خوف   دا نادي .

كنده بجنون   نادي مين .اخوكي يعني 

ليندا   ببراءه  انا معنديش اخوات 

كنده بعصبيه   اومال مين 

بصتله ممكن ينطق وقالت بضجر   هو مش بيتكلم ولا ايه 

روما  بعتاب  بس يا كنده هو كده هيزعل منك .دا هو حساس أوي 

كنده بتعجب  انتوا هتجننوني .بيعمل ايه هنا مستر حساس دا 

ليندا بحماس الصحاب   هو عايش معانا هنا بقاله اسبوع لان صاحبته الوحشه جرحته وهو دخل ف حاله نفسيه و تعب اوي 

كنده بصراخ   ازاي يعيش معاكم؟ دا راجل 

ليندا بنعومه وهي تدلله من خديه   لا .هو مش راجل خالص .دا ملاك زينا . و بيسمع كلامنا و بيستأذن مننا ومش بيعلي صوته علي حد  .مستحيل دا يكون راجل همجي زي اللي برا دول 

كنده   بغضب   روما  انتي ازاي سمحتي بكده 

روما   فيها ايه يا كنده  انتي طول عمرك متفتحه زينا .روقي شويه بقا وبعدين نرمين المسهوكه جرحته .صعب علينا ف اخدناه معانا هنا 

كنده    هو بوبي ؟ صعب عليكم اخدتوه .انتوا هتجننوني 

ليندا بتحذير    ع فكره يا كنده هو كيوت اوي .حتي هو مش رد عليكي بنفس الاسلوب الوحش بتاعك

كنده بسخريه  يا سلام  طب فرحوا قلبي و قولولي اذا كان بيتكلم ولا لا 

روما   هو مطيع مش هيرد غير لما نقوله 

نادي رد عليها .

كنده بانتظار بفارغ الصبر تسمع صوت هذا الرجل الذي يقف امامها مدعي البراءه .

نادي   نورتي البيت يا انسه كنده و اتمني اننا نتفاهم قريب 

كنده   دا كيوت دا ؟ دا صوته زيهم بالظبط 

ليندا بعبث   ما اكيد زيهم  ما هو راجل 

كنده   يبقي تطردوه برا

ليندا بتوضيح   هو راجل كيوت ملاك زينا احنا الإناث

كنده بتنهيده عميقه  ابعدوا عني عاوزه استريح انا مش رايقه اصلا 

روما   مالك يا قلبي 

ليندا  ايوه قوليلنا مالك 

كنده بملل  مفيش نفس المشاكل بين بابا و ماما 

روما بحزن   هما مش هيبطلوا خناق بقا 

ليندا بحزن مماثل  ع فكره هما مش هيعرفوا قيمتك غير لما يخسروكي .وقتها هيعرفوا انك اهم من الفلوس و الشغل و الدنيا كلها 

كنده بحزن شديد مخفضه راسها لأسفل   ما هما خسروني فعلا  احنا بنتجمع سوا مره ف السنه ع اما نشوف بعض او نخرج او ناكل .مهتمين بشغلهم و الفلوس و بس انا حاسه انهم نسوني اصلا

روما  متزعليش يا قلبي هما الخسرانيين 

ليندا برقه  احنا جمبك يا كوكو تزعليش   ثم وضعت يدها علي كتفيه العريض و تمتمت بنعومه و كانها تحادث طفل     نادي نودي حبيبي .كنده زعلانه .قولها حاجه .

نادي   متزعليش يا كوكو  كلنا جمبك هنا 

كنده بغضب   متقوليش يا كوكو انت راجل ذكوري  همجي و مستحيل نبقي صحاب 

ثم تركتهم و دخلت غرفتها .

روما بدلال وهي تمسح ع خده الرجولي العريض   متزعلش يا نودي .هي بس مدايقه شويه .

نادي     انا مش زعلان .انا مبسوط انكم جمبي وان صديقتكم جات و اكيد هتقضوا وقت جميل مع بعض .

ليندا بتأثر من كلامه    قربت من كتفه و ملست ع شعره وقالت  انت كيوت اوي يا نودي واحنا بنحبك 

نادي بنعومه    انا كمان بحبكم كتير .


كانت ف الاوضه حزينه شارده .راحت ناحيه الدولاب فتحته بتعب علشان تفرغ فيه شنطتها . فتحت عيونها بقوه لما تفاجئت ببضع تيشرتات و ملابس تخص الرجال .

هتفت كنده  بحده   روماااااااا ليندااااااا

صرخت مجددا ولكن لم يجيبها أحد .طلعت بسرعه من الاوضه وهي ف قمه جنونها .وقفت مكانها بصدمه و تفاجئت ب روما قاعده و نادي متكأ ع الاريكه بإسترخاء

و بتأكله ف بوءه .

كنده فتحت بوءها بصدمه وقالت بصوت مخرجش من الصدمه   حتي انتي يا روما  مش مصدقه 

روما بدهشه   ف ايه .كنتي بتزعقي ليه 

كنده  تقدري تقوليلي بتعملي ايه 

روما    نودي جعان ف بنأكله لان دراعه بيوجعه لانه وقع امبارح عليه وهو بيحاول ينقذ قط من تحت عجلات العربيه .

كنده  هتشليني هموت متغاظه منكم  

اتت ليندا ممسكه بإحدي ساعاته وهي تقول بنعومه  هتلبس انهي واحده فيهم النهارده يا نودي 

كنده  وهي تكز ع اسنانها  


 

انا هعتبر انكم مجانيين .ثم اكملت بسخريه   ممكن اعرف الاستاذ زفت  هدومه بتعمل ايه ف دولابي 

ليندا بعتاب   متقوليش عليه زفت  نودي حساس و هيزعل اوي .مش كده يا نودي 

نادي   ايوه انا زعلان 

روما  لا متزعلش يا نودي . وانتي يا كنده بطلي افتراء بقا 

كنده بنفاذ صبر   اوك اوك انا ههدئ خالص  .هدوم  دودي بتاعكم دا بتعمل ايه ف دولابي 

روما  اسمه نودي مش دودي 

كنده محاوله ف تهدئه نفسها   جاوبوا ع سؤالي .

ليندا   اصل نادي بيحب هدومه تبقي لوحدها وع فكره الاوضه دي بقت اوضته .انتي تعالي نامي معايا او مع روما 

كنده   انا همشي من هنا اشبعوا بيه انا غلطت لما جيتلكم 

نادي  استني هنا . ... خلاص انا هشيل حاجتي من الاوضه .

كنده بضيق   اخرس متتكلمش معايا 

روما   بطلي تكلميه كده 

ليندا بخفوت   وانت هتنام فين يا نودي 

نادي   هنام ف الصاله 

روما و ليندا بصوت واحد    ياااااه انت كيوت اوي

نادي    بالرغم ان الصاله برد و هبقي لوحدي و دا غير انها بتفكرني ب نرمين لما كنا بنام ف الصاله بس .سكت قليلا و اخفض راسه لاسفل بحزن ووضع يداه فوق عينه 

ليندا قربت منه وبكل رقه   لا يا نودي   خلاص كلنا هنام معاك هنا ف الصاله 

روما  بحماس   ايووووه هتبقي حاجه جميله اوي 

كنده   ع فكره دا بيمثل 

نادي  شكرا يا انسه كنده  .

كنده بفظاظه  العفو يا سيكا 

نادي بحاجب مرتفع   ايه سيكا دي ؟

روما  بحده   كنده ؟

ليندا  بطلي تدايقيه هو مش ناقص 

نادي   ثواني بس .و قام وقف قدامها  .ايه سيكا دي 

كنده   هدلعك من هنا ورايح و اقولك يا سيكا .بلاش نودي دا 

نادي  لا طبعا 

كنده   ليه بقا .وبعدين مالك اتعصبت كده .دا ناقص تضربني 

نادي بنعومه   انا مش بحب اضرب البنات مش بحب أذي حد او اجرح حد لاني جربت طعم الوجع .

ليندا بهيام   نودي انت حد جميل موت 

كنده اتحركت بغضب ناحيه المطبخ .مش مصدقه ان اصحابهم اتسحلوا كده .

خرجت اكل و قعدت ع المنضده الصغيره اللي ف المطبخ تاكل .

جات روما 

روما   بهدوء   علشان خاطري يا كوكو اتعودي ع وجوده هو مش مؤذي خالص هو كل اللي طالبه شويه اهتمام و جو أسري علشان ينسي حبيبته اللي جرحته

كنده   تاني هتقولي حبيبته وبتاع  انا شاكه غ الواد دا 

روما  علشان خاطرنا  هو من يوم ما جه معملش اي مشكله .

كنده  براحتكوا بقا  انا مالي انا هقعد يومين و امشي 

روما  لا يا قلبي خليكي معانا دايما .وقريب هتتعودي عليه 

كنده بملل  ماشي ماشي 

روما بشهقه   انتي بتاكلي ايه ؟

كنده بفزع   ايه  ؟  

روما  بعتاب   الاكل دا بتاع نادي .قوني هعملك غيره 

كنده بتأفف  يوووووووه مش هاكل هه و غادرت المطبخ و تفاجئت ب ليندا وهي بتهيأ مقاعد الصاله كويس لان نودي هينام فيها .

دخلت كنده الاوضه لقيته واقف بيبص من البرنده

كنده بنبره خطيره   انا مش مطمنالك 

بصلها بكل براءه وقال بنعومه   ليه كده 

كنده   متمثلش الدور دا عليا .انا عندي أخ اكبر مني وفاهمه كل الحركات دي .

نادي بابتسامه  ايه دخل اخوكي ف الموضوع 

كنده   كتير من البنات اللي معندهاش اخوات ولاد كبار بيقعوا في فخ امثالك 

نادي   وهو اخوكي بيعمل كده 

كنده  زي اي شاب طايش .كل تصرفاته متهوره ساذجه عصبي غبي كذاب بتاع بنات 

نادي بضحكه عاليه   دي حاجه حلوه 

كنده  بطل تريقه وقولي انت عاوز من اصحابي ايه ليه بتكذب عليهم 

نادي  انا مش بكذب عليهم  انا انسان مجروح وهما علشان اصحاب بجد و حنينين  بيساعدوني اخرج من حاله الاكتئاب بتاعتي 

كنده  بسخريه   لا والله ...انا هكشفك قدامهم   .خلص الزفته الاوضه يلا علشان انام

نادي   بأمر    استني 

كنده بنفاذ صبر   ارغي  عاوز ايه 

نادي   انا معنديش اخوات بنات 

كنده   يا حرام .تصدق  صعبت عليا 

نادي   دا اخوكي هو اللي صعب عليا .مستحملك ازاي دا 

كنده    اضحك الضحك جميل و مفيد .و هنشوف مين هيضحك ف الاخر و سابته و خرجت برا الاوضه .


كنده دخلت تاخد شاور و تفاجئت بالكارثه الأكبر .

تكره التطفل ..مستحضرات رجوليه و انثويه .بحثت عن اشيائها الخاصه ولم تجدها .هل تعرضت للسرقه الان ام انه لم يعد منزلها !

كنده بتأفف   اوووووف دا اللي ناقص .بدأت تستحم وتزفر   :   روما و ليندا اتجننوا اكيد  . طب ليندا و هبله و حياتها بمبي و علي نيتها و اوزعه و حالتها حاله  و تعتبره بوبي عادي و تلعب بيه .لكن روما ؟

روما العاقله المستقله ؟  اكيد  روما لما قربت من سن التلاتين خرفت و عاوزه تبقي أم ولا حاجه فأخدته تتسلي بيه .او يمكن من كتر ما هي طويله راسها خبطت ف الحيطه ف لسعت 

اووووووف هما ليه بيدللوه و مهتمين بيه كده ؟

بعد فتره صغيره سمعت طرق ع الباب 

كنده بحده   مين 

جاءها صوته  :  خلصتي ؟

كنده بدون وعي   وانت مال امك 

رفع عنيه لفوق بدهشه .   هو انا سمعت صح ولا بيتهيألي ؟

كنده   كمان مش بتسمع  .حاجه حلوه خالص .انجز عاوز ايه 

نادي   عاوز استحمي 

ارتدت ملابسها و خرجت من الحمام ممسكه 


 بشعرها المبلل .

كنده بضيق   اوعي عن طريقي مش طايقه اشوفك

نادي  حاضر هبعد 

كنده  متفكرش ان هدوءك و تمثيلك البرئ الساذج دا هتخدعني 

نادي   وهستفيد ايه اما اخدعك .نودي مش بيخدع حد 

كنده بسخريه   نودي مش بيخدع حد .اوعي من وشي .

خرجت من الحمام و بعد ما بعدت خطوتين .سمعت صوته وهو بينادي 

كنده بنفاذ صبر  عاوز ايه يابني ادم

نادي باسلوب راقي   لو سمحتي شيلي هدومك و شعرك اللي وقع دا و نضفي الحمام مكانك علشان دا مش اسلوب .

كنده بإستفزاز   يا حبيبه بابا انتي .انتي بتقرفي يا بسكوته 

قفل الباب ف وشها بطريقه هادئه 

كنده   دا منظر واحد كيوت ؟ ماشي ايامك سواد معايا .

راحت الصاله لقيتها جميله جدا باللي عملوه فيها 

ليندا   ايه رايك .هتبقي ليله مميزه جدا 

كنده باعتراض   انا مستحيل انام ف مكان واحد مع المتخلف دا 

روما   لو بتثقي فينا تعالي نامي متقلقيش 

كنده   مستحيل و سابتهم و دخلت اوضتها . دخلت سرحت شعرها و اترمت ع السرير نامت  بعد عده دقائق فتحت عيونها بدون وعي لقيته قدامها 

صرخت بدون وعي و تفاجئت ب ليندا ف ركن الغرفه تقول انها وجدته .ثم تسحبوا خارج الغرفه بينما النوم غلف عيون كنده الناعسه .

بعد ساعاتين استيقظت ع صوت ضجه كبيره جدا  

ظلت تتأفف و تركل الوسائد بضيق حتي تصلب جسدها فجأه عندما انقطع النور و حل الظلام .

ف زاد الصياح من الخارج و ازداد ضحكات من ف الخارج من روما نادي ليندا   بينما هي فزعت و عجزت عن الحركه  هي تخاف من الظلام بشده .

فضلت فاتحه عيونها جامد ف الضلمه ع امل تشوف حاجه و بدأت تتهيأ بوجود اشباح .غمضت عنيهل بفزع خايفه تتكلم تنادي ع حد من البنات .

استمرت دوامه خوفها خمس دقايق لحد ما سمعت صوته من الخارج .صوته بدأ يزداد عمق 

حست ف نبره صوته بإحساس جميل  .احساس بالقوه الثقه .لم تجد الخوف ف نبره صوته .

عرفت انه دخل المطبخ اللي قصاظ غرفتها و كأنه بيبحث عن المصباح الكبير .

وبالفعل بعد ان خفت صوته واللي اوى ما سمعت صوته اتمنت يفتح باب الاوضه و يخرجها منها ولكن خاب املها .

شعرت بضوء جاي من برا .

نادي   لقيت المصباح 

سمعت صيحات ليندا و روما ال سعيده باضاءه نور المصباح .

و بدأ صوته يختفي تدريجيا و بدأ النور يقل 

قامت بسرعه من ع السرير و فتحت الاوضه و جريت ناحيته .

بصلها بسرعه جنونيه و كانه اتخض و الادرينالين ازداد عنده .بعد صمت طال 

نادي  صحيتي امتي ؟ خضتيني 

محستش بنفسها غير وهي بتجري من قدامه ناحيه روما و حضنتها برفق .

روما  صباح النور يا كوكو 

نادي  هي متعوده اما تصحي تحضن الناس 

ليندا بعتاب  اخص عليك يا نودي .هي بس  بتخاف من الضلمه .

نادي بتفهم   فهمت 

وقف ب قامته العاليه و وضع المصباح ف وضع  جيد جعله ينير الصاله جيدا بنور خافت جميل .

ليندا بحماس   من حسن حظك ان انا عملت حسابك ف الوسادات و الاغطيه .

كنده مالت ع الوساده و اتغطت بهدوء 

نادي بتذمر   دا مكاني انا 

روما   خلاص يا نودي .نام انت ف الاخر 

نادي بتذمر  انا بحب انام ف النص 

روما  خلاص بقا  الاخر مش وحش بردو .هيبقي جمب ليندا 

نادي بضيق  انا كده مش هكمل الحكايه 

ليندا بدلال   لا يا نودي انت بتحبنا و هتكملها مش كده ؟

نادي بضيق   لا و راح نام ف اخر وساده و اخر غطاء 

و كنده تنظر اليه بعبث شديد من جرأته تلك 

ليندا   يلا نودي احكي باقي الحكايه 

نادي بعناد   مستحيل 

روما   يلا يا نادي . احترام ل كنده اللي انضمت لينا 

نادي بعبث   ماشي 

بصوا بقا 

ماما كانت دايما تسرحلي شعري و مكنتش بتقصه ابدا كان طويل لحد رقبتي و كانت بتجيبلي لبس كتير بالالوان اللي بحبها وهي .

روما و ليندا بصوت  واحد   الفوشيا و النبيتي و البنك

نادي بابتسامه  بالظبط كده 

كنده بفظاظه  كنت بتلبس لبس بنات 

نادي  وبعدين معاكي بقا 

كنده  خلاص كمل يا سيكا 

نادي بتأفف   كنت بحب الالوان دي بس مكنتش بلبس لبس بنات .

ليندا بفخر    نودي دا اجمل واحد يصفف الشعر و يقلم الضوافر و يختار اللبس و الالوان انا ساعات بحس انه بنوته 

نادي   ليندا !

ليندا برقه  تزعلش مني .بهزر معاك يا نودي

كنده   هتشل وربنا .ناموا خلي النهار يطلع 

روما   نادي لسه مخلصش الحكايه 

نادي   لا خلاص هنكملها بكره .يلا ننام دلوقتي 

روما و ليندا    اوك يلا 

نادي بأدب  : ممكن اشاركك غطاءك يا ليندا اصلي سقعان 

كنده بترحيب   طبعا يا نودي .و قربت منه و بالفعل تشاركوا الغطاء . قبل ان يغمض عيناه التقوا بعيناه الشرستين 

نادي بنبره خبث  تصبحي ع خير يا كوكو

بعدت عيونها عنه بغضب و نامت  .

ف الصباح 

صحيت من النوم علي صوت بكاء 

كنده بخضه ف ايه بتجري ليه و الصوت دا منين 

ليندا  برعب   نودي حزين و بيعيط 

كنده  بجنون    لا والله 

ليندا طلعت تجري و كان ف ايدها علبه مناديل .كنده تبعتها بسرعه .لقت نادي متكأ ع كتف روما و ينتحب بصمت ووشه مستخبي بين خصلات شعرها القصيره 

  

  

ممكن تحكولي حصل ايه 

ليندا بحزن   نرمين رنت ع نودي النهارده و من وقتها وهو حالته وحشه .

كنده  قربت منه و بدأت تشد راسه تجاهها و لكن هو اتمسك ب روما بقوه 

روما   سبيه يا كنده هو مرتاح كده 

كنده   خليني اشوف دموعه دي .دا اكيد بيستهبل 

روما و ليندا   كنده ؟

كنده   طب نعمل رهان لو طلع بيعيط يبقي هصدقه ولو طلع كذاب و مش بيعيط هتسمعوا كلامي

ليندا بعتاب  عيب كده  نودي مش كداب 

كنده بتحدي  ادينا هنشووووف .

روما  بس انا مش عايزين ندايقه اكتر من كده 

كنده  ياستي مش هيدايق لو طلع بيعيط بجد هحضنه انا .

روما بحنان   نودي ارفع راسك لينا كده 

كنده   بصي مش راضي يرفعها ازاي .قلتلك مش بيعيط دا بيمثل عليكم .

ليندا   هيستفيد ايه اما يمثل علينا 

كنده  مرض بعيد عنك .صنف بيعشق الأذيه 

روما   بس يا كنده  بقا كفايه افتراء

كنده  احنا اتفقنا خلاص ارفعي راسه يلا 

روما تلمست خده وفااتله بنعومه  ارفع راسك لينا يا نودي 

كنده بسخريه  فين بقا انه بيسمع كلامكم ؟ ها ؟ ها ؟ 

بعد دقائق رفع راسه و تفاجئت كنده بوجهه 

ملامحه اختلفت جدا . وشه احمر و عنيه بتلمع من الدموع و مناخيره و شفايفه حمرا وشكله طفولي كأنه طفل بيبكي .

ليندا  بحزن   يا قلبي يا نودي .للدرجاتي انت موجوع

روما   ها بقا اقتنعتي ؟ خدي يلا احضنيه و راضيه و قربت راسه من كنده ابتعدت عنه وقالت بامتناع

 مستحيل 

روما   احنا اتفقنا 

كنده بدأت تىجع ل وراء تدريجيا بقلق وهي تتمتم   ف حاجه غلط .انا مش مرتحاله 

روما بتأفف   امشي يا كنده لو سمحتي هو مش ناقص . . . . 

بعد عده ساعات كان قاعد ف الصاله و البنات كانوا برا البيت .

جاله فون .رد عليه و بعد دقيقه .قام و خرج برا البيت .بعد مشوار نص ساعه .

فتح باب احدي البيوت و دخل منها بقامته الطويله و شعره المصفف .

جاسم بترحيب :  نودي جه اخيرا يا رجاله 

نادي بخشونه  : نودي دا يبقي ***** بروح ابوك 

جاسم بضحكه عاليه  : طول عمرك هتفضل سافل .كنت بحسب قعدتك مع البنات هتخليك طري زيهم .

نادي بصوت رجولي أجش  عيب عليك  .

جاسم بصوت لا يقل خشونه عن صوت نادي :   عاصم .تعالي هنا . نادي رجع 

ظهر عاصم من عند اوضته 

عاصم بصرامه   رجعت ليه يا قلب ليندا و روح روما و فخده  رشا و ....

نادي قطع كلامه بزمجرته الخشنه  : بلاش تحفيل يا عمهم  .انا جاي افرفش معاكم .زهقت من قاعده البنات .

عاصم بهدوء وهو بيقعد ع المقعد   : هي قعده البنات تزهق بردو 

نادي وهو يطلع سيجاره  : وحشني صوت جاسم المجعجع ووحشتني ريحتك الزفت وحشتني الكركبه و الدوشه .زهقت من الالوان الفاتحه و المورده 

دخلوني جهنم تاني يا جدعاااااان

جاسم بضحكه قويه  : خليك ف الجنه دي جميله 

نادي وهو يخرج الدخان من رئته : ما انا هرجعلهم تاني .هو انا هسيبهم ف حالهم ولا ايه . . .


                            الفصل الثاني من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-