ديان داونز (الأم القاتلة)
في عام ١٩٨٣ كانت مدينة كوتج غروف في ولاية اوريجون الامريكية ع موعد مع جريمة بشعة محصلتش قبل كدا في المدينة دي !
بطلة الجريمة دي كانت ديان داونز (٢٨) سنة ، ام ل ٣ أطفال ..
دخلت ديان باطفالها للمستشفى و هي مصابة هي وأولادها في عدة مناطق ف جسمهم بسبب رصاص اطلق عليهم ..
قالت ان فيه شخص وهي راجعه من نزهة مع اولادها واقف في نص الطريق و بيقولها اقفي ! ف وقفت بعربيتها عشان تعرف عايز ايه بس هو قال لها تسيب العربية و تديله المفاتيح والا قتل اولادها ف اضطرت تجازف وترمي المفتاح بين الأشجار ، اغتاظ المجرم و ضرب عليها النار هي واولادها فاصابها بطلقة في ظهرها و ضرب على اولادها عشوائي ،
خدتهم بعدها بالعربيتها عشان تلحق اولادها بالعلاج المطلوب ، أدلت بعدها بمواصفات المجرم دا ان عنده ذقن ، وكثيف الشعر .. اللي لاحظه رجال الشرطة ان مفيش حد بلغ قبل كدا في المدينة ع شخص بالمواصفات دي بعد رسم صورته !
راحوا لمكان الحادثة دي ملاقوش اي اثار الا انه لفت انتباهم ان عربيتها مفيش فيها اي اثار لإطلاق نار ع الكراسي نفسها ولا ع كرسيها ف ازاي ضرب عليها بعد م ركبت عربيتها ! بالاضافة لشهود عيان ادلى بمواصفات عربية ديان وقال انها لفتت نظره لانها كانت بتسوق بطريقة بطيئة جداً و دي مش سرعة واحدة عايزه تنقذ اولادها من الموت ! بالاضافة ان اعصابها كانت هادية جداً لواحدة في الموقف دا خصوصًا لما جالها خبر وفاة ولد من اطفالها واللي استقبلته بابتسامة خفيفة!
شاء القدر ان بنتها الكبيرة تفوق من غيبوبة بعد اسبوع من الحادث وتجاوب ع سؤال المحققين ليتضح ان امها هي اللي اطلقت النار عليهم !
وجهت الشرطة لديان تهمة القتل و بالتحقيق معاها عرفو انها فعلا اللي أطلقت النار ع اولادها !
ديان عاشت طفولة غريبة .. كان ليها ابوين متشددين دينياً ومفروض عليها قيود كتير جداً لدرجة انها بتتعرض للتنمر في المدرسة من شكلها الغريب ،
التحقت بكلية دينية واللي اتفصلت منها لانها اقامت علاقات مع كتير من الشباب و رجعت لبيتها بتمرد اكتر ...
اتجوزت من حبيبها ستيف داونز بعد هروبها من بيت اهلها .
بس سرعان م حصل بينهم خلافات و اللي قالت ديان ان ستيف هو كان السبب في الفشل دا بس اللي اتضح ان ستيف كانت بتخونه ومتعددة العلاقات و كمان طفلها الصغير اتضح انه مش ابن ستيف مع ذلك كتبه باسمه !
عام ١٩٨٢ اشتغلت ديان في هيئة البريد وهناك قابلت روبرت زميلها و اللي بقى بينهم علاقة كانت وقتها ديان اتطلقت و طلبت من روبرت انه يطلق مراته و يتجوزها لكنه رفض وقالها انه مش هيتجوزها عشان عندها اولاد ..
قررت ديان التخلص من اولادها عشان تتجوز روبرت واللي قال للشرطة انه كدا كدا مكنش هيتجوزها حتى وهي من غير اولاد !
اكتشفت الشرطة ان ديان خدت اولادها وقالتلهم انها هتروح طريق فاضي شوية عشان يشوفوا الطبيعه و وقفت اطلقت عليهم النار و فضلت ماشية بسرعة بطيئة عشان تضمن وفاتهم كلهم .
تم الحكم ع ديان بالسجن المؤبد واللي هربت منه بعد ١٠ سنين بس تم القبض عليها بعد ١٠ ايام من هروبها و رجعت تاني لسجنها
النهايه
بدل ماتدور وتبحث علي الروايات خليها علي تليفونك وحمل تطبيقنا
