#رواية_الغربة
الحلقة الاخيرة 👍
فاتن قاعده في الصالة بتبرد ضوافرها دخل عليها محمد مصدوم .. انا اترفدت من الشغل ..كملت وقالت ببرود : ايوا وبعدين
محمد.. قعد بلهفه هعمل ايه كدا عقدي اتلغي واحتمال كبير يرحلوني علي مصر
فاتن .. وانت هتستني يرحلوك ماتسافر من نفسك
محمد مستغرب .. ازاي انتي عايزا تخلصي مني ولا ايه ؟!
حطت المبرد جانب القصافه علي الترابيزة واجلت تهذيب ضوافرها شويه ..
فاتن .. اكيد لا بس لما ترجع مصر وتجمع فلوسك تقدر تشوف كفيل تاني وترجع نعمل بيها مشروع
محمد .. فكرة برضو لازم اتحرك بسرعة
فاتن .. اوي اوام
عايزاه يمشي وخلاص واضح أنها زهقت منه وفي نفس الوقت لو جاب فلوس وجه بعقد جديد ي مرحب هي الكسبانه برضو في نوع من الستات بتكون حبيبها طول مانت صريف ومدلعها اول ماتخلص لك مشكلة بتبدا تدور علي اللي مكانتش عاجباك وراكنها استبن في البيت ..!
محمد مالقاش حجز بسرعة نظرا لظروف البلاد حجز بعد اسبوع وماعرفش يكلم أميرة لانها قفلت الاكونت بتاعها خالص وتفرغت لحملها وجوزها معز..
تأليف أماني عنان
فاتن .. خد بالك من نفسك
محمد .. كان نفسي تيجي معايا
فاتن.. أن شاء الله في الوقت المناسب هنزل مصر والكل يعرف بجوازنا
باين أنه كلام بتثبته بيه وهو مغيب مش فاهم حاجة ..
________________
في فيلا ناجي بيه معالي بتأكل خالها طبق خضار وبتحاول تقنعه يخلصه :
معالي .. يالا همم
ناجي .. تؤ لا مش عايز
معالي .. عشان خاطري دي كمان
ناجي بص في وشها وضحك كل عشان خاطرها
بتشيل الطبق علي السفرة بصت شافت شاب طويل ،شعره اصفر وعيونه خضرا داخل عليهم ..
معالي بصوت مسترجل شويه .. انت مين ؟
هاني .. انت اللي مين انا صاحب البيت
معالي .. ها
دخل عوض بسرعة .. اهلا وسهلا ي هاني بيه ليه ماكلمتنيش اجي استقبلك من المطار
هاني .. نزلت مع صاحبي فوصلني وبعدين انا بحب المفاجئات عشان اشوفك بتعمل ايه ي عوض ي شقي ..
عم عوض .. هعمل ايه يعني صحيح دا هاني برضو غمز بعيونه كدا عشان هاني ومعالي يسكتوا
كمل عوض بشويش لهاني الحقيقي وقال إن معالي ولد جابه يمثل أنه ابن ناجي عشان ياكل فسكت وقال لمعالي خليكي ولد احسن هاني بتاع بنات واخاف عليكي منه
معالي .. لا 😳😳
بما أنه جه ماينفعش اقعد في البيت لحظة واحده تانية
طلعت جمعت هدومها ترددت تاخد الهدوم الجديدة وفي النهاية حطيتهم في الشنطة وهي ماشيه بصت براحه علي خالها لقت هاني بيقول له ..
ايه يابابا انت لسه بتخرف
ناجي بيه.. ماتقولش بابا انت مش هاني
هاني .. يوووه والله انا ابنك
ناجي قام معيط .. دخلت معالي جري طبطبت عليه وقالت.. بس بس ليه بتعيط
قام ساكت وضاحك ..
ناجي .. شوفت دا ابني حبيبي مش انت
هاني الحقيقي كسر الكوباية وخرج علي بره من غير ولا كلمة
معالي مستغربه ووراها عم عوض فقال :
سبحانك يارب الراجل مش فاكر حاجة بس قلبه بيحس وبيفرز الناس اختارك انتي برغم انك مش ابنه ومانتيش ولد اصلا دا انا خايف ليكون حاسس انك بنت أخته ..!
معالي .. تفتكر
عم عوض … لا دا تخمين ناجي بيه مريض زهايمر فعلا هو بس حبك
معالي .. بس انا لازم امشي
مسكها من أيدها وقال لا خليك ماتسافرش ي هاني اتعلم في مصر واتخرج عشان تمسك مصنع ابوك
عم عوض .. الشريط رجع لورا عشر سنين ههههه
معالي .. طبطبت عليه وقعدت غصب عنها وهي محتاره .. انا هخلص ازاي من الورطه دي
عم عوض .. كويس اني ماقولتش لهاني علي انك بنت مادام عارف انك ولد يبقي مش هيقرب منك
عدي اربع ايام والحال تقليدي هاني خروجات بالنهار ونوادي وبالليل سهر لحد ما ف ليله رجع سكران ودخل اوضة معالي شافها بنت برغم انها نايمه ببروكة الولد
قرب منها وحرك أيده علي ضهرها ..
معالي . اه مين مين
هاني .. ششش دا انا
قامت تجري انت ايه اللي جابت هنا ؟
هاني .. حظي الحلو
معالي .. فوق لنفسك انا راجل زيي زيك
هاني ضحك ولف لها من ورا السرير .. وايه يعني
معالي .. وايه يعني ازاي يخربيت ابوك انت مش عاتق
هاني .. تعالي بس اقولك
معالي .. لا الحقووووني ي عم عوض
عم عوض نايم بعمق في اوضته ولا سامع حاجة وفي نفس الوقت ناجي بيه ادويته تقيله بتنيمه لحد الصبح ..
مافيش غير البواب والفيلا واسعة مش سامع صوتها
معالي .. اوعي سيبني
هاني .. وواو دي بروكه
مسكت شعرها وزادت في الصويت
Are you a girl man ?
معالي .. ابوس ايدك ي هاني اصحي لنفسك انا معالي بنت عمتك والله طب تصدق انا كمان متجوزه كتبت كتابي من شهرين ونص
يالهوي يامه فينك ي مخفي الله يسامحك ي حسن ..
______________
أميرة نايمه علي صدر معز وبتتنفس براحه ماقدرتش تقوله أنها متجوزه غيره خافت تخسره قررت تستمتع بكل لحظة معاه لأن مصيبتها مالهاش حل ..
أميرة .. مش هتنزل شغلك بقي انت بقالك اسبوع قاعد جامبي كدا
معز .. تؤ مش عايز انا مرتاح كدا عايز افضل جانبك لحد ماتولدي
أميرة .. ياحبيبي مانت لما تنزل شغلك وترجع مش هيفوتك كتير الحمل لسه في الاول هندخل الشهر التالت كمان يومين
معز .. انا اخدت إجازة شهر لحد ماستوعب اني هبقي اب .
أميرة .. ياه للدرجة دي
معز .. ايوا انا عايز اتجوزك رسمي
أميرة شرقت وكحت فجأة. .. احممم
جاب ميه شربت ولما خلصت ماعرفتش ترد
معز .. ايه مش مبسوطه يعني .
أميره .. اصلا
ترن ترن
معز مين اللي جاي لنا دا ؟
أميرة تلاقيه البواب هشوف مين
معز .. ماشي علي مالبس حاجة
فتحت أميرة الباب بروب احمر مقفول من فوق بصت لقت محمد في وشها
صرخت .. قام حضنها
محمد.. انا عارف انك مش مصدقه نفسك من الفرحه
أميره .. ي نهار اسود ومنيل
طلع معز ببنطلون بس مالحقش يكمل لبس
ايه في ايه ؟مين دا
محمد ركن أميرة علي جانب .. انت اللي مين ؟
معز .. انا
أميرة بتلطم ..
انا جوزها
محمد ..هههههههه نكته دي صح
انا اللي جوزها
معز … انت اكيد مجنون حالا هطلب لك البوليس لو مامشيتش من هنا
شدها محمد جامد من دراعها .. ها يطلب البوليس ي عروسه وبعدين ايه الريش دا ي بنت الك** دا انتي مالبستهوليش
معز كأن هو اللي بيتشد .. براحه عليها
محمد .. بقولك دي واحده رخيصه وكلبه ازاي خايف عليها
زق أميرة وقعت علي بطنها وماتحركتش تاني
معز .. عملت ايه ؟ كل مشكلة ولها حل
محمد نزل فيه ضرب .. اسكت ي فاجر انت كمان لازم تموت
قام معز ساحب مسدس من درج دولاب صغير في الصالة عشان يهدد محمد مع الخناق هجم عليه محمد وغلبه خد المسدس وثبته
محمد اتحرك جانبها ي محروس
معز .. أميرة قومي ،فوقي
محمد .. بص شاف الدم نازل من رحمها وياتري الحمل اللي بينزل دا ابن مين فينا
معز … لا لا الجنين لااااااااا
رفعها وعايز يخرج عشان يوديها المستشفي
محمد .. لو اتحركت خطوة هجيب قلبك
معز .. مش قادر البنت بتموت فعلا لازم ننقذها دي جريمة قتل
محمد .. دي مالهاش ديه ومالهاش خروج من الشقة هتموت هنا قولت لك ارجع
خبطه علي رأسه داخ شويه ونزلها
أميرة بتنزف الصالة اتملت دم وهي بتحمد ربنا
اميرة .. الحمد لله ي معز هموت من غير فضائح ولا صور ولا جرائد كنت حامله هم اليوم دا اوي
معز .. انا اسف ظلمتك معايا وكنت عايز استغلك في أول معرفتنا
أميرة سكتته .. مسامحاك انت راجل وكل لحظة عشتها معاك كانت عوض عن قسوة الزمن عليا نصيبي من الحياة كان انت وانتهي لحد هنا ، انا كمان غلطت ابقي ادعيلي ي معز وماتنسانيش 😔😔
محمد.. اسكتي غوري من حياتي كلها موتي بقي انتي عار علي البشرية كلها
أميرة .. هههههه انا قدرك ي محمد وموتي هو نهايتك
اتوجهت بدموع عيونها لربنا وهي بتتألم : يارب سامحني واغفر لي ذنبي انا كنت غلط ومارحمتش ابويا ولا فقره ارحم بعفوك ذلي وماتقبضنيش باثامي اقبل توبتي 💔
بعد مرور تلت ساعات ماتت أميرة غرقانه في دمها ومعز ومحمد اتقبض عليهم بعد التحريات أثبتت أن معز ماكانش يعرف انها متجوزة خد براءة اما محمد اتسجن خمستاشر سنة حكم مخفف لانها خاينه ومجرمة وصلته لحاله غضب شديدة من وجهة نظر القاضي فمش هياخد اعدام
الجرائد كتبت واهلها عرفوا والموضوع اتنسي مع الوقت وظهور جرايم تانية اصعب واشرس غطت علي غلطة أميرة وجشع محمد ،فاتن بعتت لمحمد ورقته وقالت له ماعطلكش مش دي الست اللي هتستني واحد خمستاشر سنة ، معز دخل في حالة نفسية صعبه ويوم متخرج من السجن كانت دقنه كبيره وماشي وشه في الأرض جت له مراته عشان يرجع بيته رفض فضل ماشي علي الرصيف وهي وراه لحد مازهق وركب معاها وهو ساكت اخرس كأنه غلط غلطة وبيكفر عنها ،رجع لحياته بس بشخصية تانية وروح ميته ..
_________
معالي بتصوت وهاني مكمل برضو لحد مافجاة ظهر حسن ومعاه عم عوض جايين جري ..
عم عوض .. بتعمل ايه ي مجنون دي بنت عمتك
حسن .. انت لسه هتوعظ تعالي هنا
وبالبوكس في وشه
فضل يشتم انجليزي وبعد كدا مشي
معالي اترمت في حضن حسن ايه اللي جابك هنا
حسن .. في مصيبة حصلت ومصيبة تانية كانت هتحصل لولا ستر ربنا
معالي .. مصيبة ايه ؟
محمد اخوكي
معالي .. ماله حصل له حاجة
حسن .. قتل مراته
معالي .. لا مستحيل محمد مايعرفش يقتل فرخه
حسن … اهو عملها
خدها ورجعوا البلد وحضرت الحكم علي اخوها وبعد شهرين جه المحامي يرجعها لبيتها لاتمام تسليمهم الميراث بس لما بص في الوصية لقي نص السطر ماتقالش
" تسليم التركة بعد انجاب خيري اولا أو خديجة "
كلهم ضحكوا وفرحوا أن لسه في مبرر بعد كل اللي حصل يفضلوا سوا ويكملوا مع بعض هما كدا كدا عايزين بعض بس ماعندهمش الجرءة لتصريح بمشاعرهم
حسين .. ها نقول مبروك
أم معالي مبسوطه لبنتها وفي نفس الوقت حزينه علي محمد لكنها مش هتسيبه وهتروح له زيارة كل شهر ..
تمت بحمد الله 🌻
ايه رايك في القصة واستفدتي ايه منها
بدل ماتدور وتبحث علي الروايات خليها علي تليفونك وحمل تطبيقنا
