Ads by Google X
نوفيلا الشايب البارت الثالث -->

نوفيلا الشايب البارت الثالث

نوفيلا الشايب البارت الثالث


    الشايب

    البارت التالت 


    فريدة صحيت بدري تأني يوم ومش عارفة تعمل اية مينفعش تروح الشركة دي تاني!!مامتها دخلت عليها 

    عايدة:لسة ملبستيش يا فريدة 

    فريدة باستغراب:أنتِ لابسة كدا ورايحة فين؟ 

    عايدة ابتسمت: رايحة اوصلك الشغل 

    فريدة بضيق:اولا انا مش صغيرة علشان توصليني ثانيا انا مش هروح الشركة دي 

    عايدة بهدوء:قدامك عشر دقائق وتجهزي يا فريدة وهتروحي يعني هتروحي 

    عايدة طلعت وفريدة اتنهدت بضيق ولبست وخرجت وعايدة اخدتها ونزلوا وطول طريق فريدة ساكتة لحد ما وصله قدام الشركة 

    فريدة:مش وصلتيني خلاص  

    عايدة:لازم ادخل اسلم على سليم 

    فريدة:ماما احنا في شركة 

    سليم من ورا قاطعها:ازيك يا ست الكل 

    سليم راح ناحية عايدة وسلم عليها 

    سليم:معقول كنتِ هتمشي من غير ما تشربي قهوة معايا

    عايدة:كنت هدخل اسلم عليك بس فريدة قالت مينفعش علشان انتوا في الشركة وعندكم شغل

    سليم ببرود:فريدة مبتفهمش في الذوق تعالي نطلع يلا

    سليم طلع ومعا عايدة ووراهم فريدة...قدام مكتب سليم سليم بص لفريدة بصرامة:روحي مكتبك ورجعي الملف اللي كنت قايلك عليه قبل ما تمشي 

    فريدة بهدوء:تمام 

    فريدة راحت عند ريم وحكاتلها اللي حصل 

    ريم:احلى حاجة في الموضوع أن احنا هنبقى سوا 

    فريدة ابتسمت:انا هروح المكتب بتاعي بقا 

    ريم:ماشي 

    فريدة راحت المكتب بتاعها وبدأت تراجع الملف وبعد ما خلصت راحت عند سليم وخبطت وسليم قالها تدخل ودخلت 

    فريدة:رجعت الملف اللي حضرتك طلبته مني 

    سليم: وريني 

    فريدة أعطت لسيلم الملف 

    عايدة:امشي انا بقا علشان معطلكش اكتر من كدا 

    سليم:مش هتمشي قبل ما تخلصي القهوة بتاعتك بدل القهوة اللي بملح اللي شربناها امبارح 

    فريدة بصت الناحية التانية وهو ابتسم 

    سليم:تمام جهزي نفسك علشان عندنا ميتنج برا 

    فريدة:قولتلك قبل كدا شغلي جوا الشركة

    سليم بص لعايدة:حضرتك عندك مانع انها تيجي معايا الميتنج برا الشركة؟

    عايدة:لا يا حبيبي (بصت لفريدة)روحي يا فريدة معا 

    فريدة:بس يا ماما انا شغلي هنا 

    عايدة:وأية اللي فيها لما تطلعي برا الشركة يعني يا فريدة وبعدين أنتِ معاكي سليم بطلي دلع وروحي مع سليم 

    فريدة سكتت 

    سليم:ساعة وهنمشي 

    فريدة بغيظ:تمام 

    فريدة طلعت من مكتب سليم وهي على اخرها منه وراحت عند ريم وقالتلها على اللي حصل 

    فريدة بنرفزة:هو فاكر نفسه اية دا انسان بارد بجد 

    ريم:مش أبرد من صاحبه 

    _:مين دا اللي بارد 

    فريدة وريم بصوا وراهم ودا كان فارس 

    ريم ببرود:انت 

    فارس: انا على اخري منك من المرة اللي فاتت لو مسكتك هعلمك الادب

    ريم:انا مؤدبة غصب عنك يا حبيبي 

    فارس بصلها وبعدين مشي

    فريدة راحت المكتب بتاعها وبعد ساعة سليم راح عندها 

    سليم:جاهزة؟

    فريدة:اه 

    سليم:طيب يلا بينا 

    فريدة قامت ونزلت مع سليم والاتنين كانوا قدام بوابة الشركة وفارس نادى سليم 

    فارس:سليم 

    سليم بصله وهو راح ناحيته 

    فارس:هتيجي الشركة تاني؟

    سليم:مش عارف يا فارس لية 

    فارس:انا هقعد استناك هنا 

    سليم:انت حر...سلام 

    فارس طلع وسليم بص لفريدة

    سليم:يلا اركبي 

    فريدة:لا انا هاخد تاكسي 

    سليم:اللي هو ازاي يعني!!اركبي خلصي 

    فريدة:مش عايزة اركب معاك 

    سليم:يا صبر ايوب....أنتِ متعرفيش العنوان على فكرة!!

    فريدة:قولي العنوان 

    سليم بنرفزة:فريدة خلصي مفيش وقت فاضل نص ساعة على الاجتماع 

    فريدة:طيب خلاص 

    فريدة راحت ناحية الباب اللي ورا 

    سليم:اكيد مش هتقعدي ورا انا مش السواق بتاعك 

    فريدة فتحت الباب اللي جمب سليم وقعدت وسليم قعد جنبها 

    ريم طلعت برا المكتب وراحت عند أميرة وبعد شوية رجعت وكانت داخلة مكتبها وكان في قشرة موزة ومخدتش بالها منها فوقعت!!

    فارس ظهر وضحك عليها وفي مواظفين شافوها وضحكه عليها وهي قامت بحرج 

    فارس:خلاص كل واحد على شغله 

    المواظفين مشيوا وهو دخل عند مكتب ريم وسند على الباب 

    فارس:كدا انا اللي فوزت 

    ريم بصتله بعد فهم وبعدين فهمت:انت اللي حطيت قشرة الموزة!!

    فارس ضحك:اه 

    ريم بغيظ:انت مستحيل تكون انسان طبيعي انا هوريك 

    فارس:بس يا شاطرة روحي العبي بعيد 

    فارس سابها وبعدين مشي وهي كانت متغاظه منه 


    سليم وصل هو وفريدة مكان الميتنج وهما الاتنين طلعوا فوق 

    سليم بجدية:فريدة ادخلي اوضة الاجتماعات واي حد يسألك أنتِ مين قولي انك مساعدتي الشخصية 

    فريدة بصتله:بس انا مش مساعدتك الشخصية

    سليم بغيظ:اسمعي الكلام يا فريدة وانا شوية وجاي 

    فريدة مشيت ودخلت اوضة الاجتماعات وكانت اوضة كبيرة وفيها ناس كتير جدا وهي اتصدمت من العدد واتوترت ودخلت وقعدت...في واحد دخل والناس كلها سلمت عليه 

    اياد:في حد ناقص 

    فريدة:اه باشمهندس سليم 

    إياد بصلها:مين الحلوة!

    فريدة بضيق:انا المهندسة فريدة المساعدة الشخصية لباشمهندس سليم 

    إياد:مساعدة سليم اممم 

    فريدة بصت الناحية التانية والكل كان بيتكلم مع بعض وقطع كلامهم دخول سليم فريدة بصت لسليم اللي كان داخل بهيبه والكل كان بيسلم عليه وفريدة ابتسمت وهو جاء قعد جنبها 

    سليم:معلش على التاخير يلا بينا نبدا الإجتماع 

    إياد:تمام

    سليم: دلوقتي احنا داخلين على مشروع كبير ومحتاجين كذا شركة تشارك في المشروع دا 

    اياد: دلوقتي شركتك وشركتي وشركة الحسيني والعزيزي

    سليم:كدا تمام 

    إياد:عايزين حد تاني معانا 

    سليم:انت تعرف حد!

    إياد:اه 

    سليم:مين 

    إياد:فهد إدراك 

    سليم:لا طبعا كله الا فهد إدراك 

    إياد:لية 

    سليم: انت عارف كويس فهد وعارف سمعته عاملة ازاي 

    إياد:بس فهد انسان كويس 

    سليم بصرامة:فهد مش هيدخل معانا 

    إياد بنرفزة:انت مش لوحدك في المشروع يا سليم 

    سليم:تمام اللي موافق أن فهد إدراك يبقى شريك معانا يرفع أيده 

    محدش رفع أيده غير إياد 

    سليم بانتصار:كدا الكل مش موافق يا إياد 

    إياد بتحدي:فهد هيدخل يعني هيدخل 

    سليم:فهد مش هيدخل المشروع وانت كمان مش هتدخل المشروع دا 

    إياد وقف بغضب:انت فاكر نفسك مين 

    سليم:انا سليم الغرباوي يا إياد فوق لنفسك واتفضل 

    إياد بص لسليم بتوعد ومشي بغضب 

    سليم بص لكل القاعدين: حد عنده استفسار؟

    الكل بدأ يتكلم ويتناقش في الشغل 

    سليم بتعب:الاجتماع خلص اتفضلوا 

    الكل مشي وسليم وفريدة مشيوا وركبه العربية 

    فريدة:هو انت لية مشيت إياد دا 

    سليم:إياد اساسا مش بتاع شغل انا مكنتش موافق عليه من الاول بس بابا قالي ناخده معانا علشان هو يعرف ابوه فعلشان كدا انا وافقت إنما إياد دا عامل زي فهد إدراك 

    فريدة:انا مرتحتش لاياد من الاول اصلا 

    سليم بصلها:هو عملك حاجة 

    فريدة:لا

    سليم:اومال لية بتقولي أن أنتِ مش مرتحاله؟

    فريدة:عادي 

    سليم:اية اللي حصل من الاول ما روحتي الميتينج

    فريدة قالت لسليم عن اللي حصل 

    سليم بغضب:ازاي يقولك حلوة!!ومقولتليش لية 

    فريدة:عادي يعني 

    سليم:مفيش حاجة اسمها عادي دا انسان مش محترم ماشي يا إياد 

    فريدة بصت الناحية التانية وابتسمت وسليم لاحظ ابتسامتها

    سليم بصلها:مبتسمة لية

    فريدة:عادي يعني 

    سليم:لا في حاجة 

    فريدة:مفيش حاجة يا سليم الله.. وبعدين مش كل حاجه لازم تعرفها يا سليم الغرباوي

    سليم ضحك:أنتِ رخمة على فكرة يا فيري 

    فريدة بصيتله وهو بصلها

    سليم:بتبصيلي كدا لية 

    فريدة:انت قولتلي فيري 

    سليم:وأية اللي فيها 

    فريدة:سليم انت فاكرني صح!!

    سليم بص الناحية التانية:لا مش فاكرك 

    فريدة بغضب:نزلني هنا 

    سليم:انزلك هنا فين بيتك بعيد عن هنا 

    فريدة بنرفزة:ملكش دعوة

    سليم:مليش دعوة!!

    فريدة:أيوة نزلني 

    سليم:لا 

    فريدة:هفتح باب العربية وهرمي نفسي 

    سليم وقف العربية وهي نزلت وهو نزل وراها ومسك دراعها

    سليم زعق:أنتِ اية مشكلتك فهميني

    فريدة: معنديش مشكلة انا مش عايزة اركب معاك مش الاجتماع خلص!!

    سليم زعق:أنتِ مسئولة مني 

    فريده:لا انا مش مسئولة منك يا سليم 

    سليم زعق:لا مسئولة مني من واحنا عيال صغيرة وأنتِ مسئولة مني 

    فريدة بصيتله وهو انتبه قال اية 

    فريدة ابتسمت: ما انت فاكر اهو 

    سليم بعد وحط أيده في جيبه:لا مش فاكر 

    فريدة:لا يا سليم فاكر انا مش فاهمة انت بتعمل كدا لية 

    سليم:اولا اسمي سليم بيه ثانيا انا مش بعمل حاجة 

    فريدة زعقت:احنا مش في الشركة علشان اقولك سليم بيه ثانيا انت بتعمل نفسك مش فاكر مع انك فاكر 

    سليم:فاكر أو مش فاكر دي حاجة متخصكيش 

    فريدة:ازاي يعني متخصنيش 

    سليم بصرامة:أيوة متخصكيش لأن حتى لو فاكر مش هيغير حاجة أنتِ مجرد مواظفة عندي مش اكتر ولا اقل 

    فريدة اتصدمت من كلام سليم هو من امتى بقا كدا!!من امتى بقا يبص للناس من فوق!!

    فريدة بصرامة:وانا استقالت 

    سليم ابتسم:مامتك لما تعرف هتقول اية

    فريدة:ملكش دعوة بماما 

    سليم طلع الموبايل واتصل بعايدة وفتح الاسبيكر

    سليم:الو يا ست الكل عاملة اية

    عايدة: الحمدلله يا حبيبي انت اية اخبارك 

    سليم:كويس..بقولك يا ست الكل فريدة عايزة تستقيل 

    عايدة:بت معندهاش دم متوافقش على الاستقالة بتاعتها دي بت متخلفة 

    سليم ابتسم:ماشي يا ست الكل سلام 

    سليم قفل وبص لفريدة

    سليم:مش فاهم أنتِ جبانة لية

    فريدة:انا مش جبانة يا سليم بيه وبكرا هتلاقيني في معاد الشغل بعد اذنك 

    سليم:استني هوصلك 

    فريدة:انا موظفة عندك ومفيش مدير بيوصل موظفة بعد اذنك

    فريدة مشيت وسليم بص لحد ما اختفيت ومشي هو كمان

                    البارت الرابع من هنا

     

    إرسال تعليق