Ads by Google X
رواية الغربه الحلقة الثامنه -->

رواية الغربه الحلقة الثامنه

رواية الغربه الحلقة الثامنه


    #رواية_الغربة
    الحلقة الثامنة 👎

    قلبي بيقولي أن حسن كداب ولما الست تشك لازم تتأكد بنسبة ٩٠ ٠/٠ احساسها بيكون صح انا لازم اسافر له حالا ..
    مسكت الاء  التليفون وكلمت صاحبتها ثريا 
    ثريا .. هاي لولو 
    الاء .. هاي حبيبتي بقولك 
    ثريا .. ها 

    الاء .. انا عندك الليلة ولو بابا أو ماما كلموكي قولي اني نمت 
    ثريا .. ايوا بقي علي فين ؟
    الاء .. بعدين هقولك ماعنديش وقت 
    ثريا .. امممم اوكيشن ،خدي بالك من نفسك اهم حاجة 

    قفلت الاء بعد ماظبطت كل حاجة مع صاحبتها اللي وافقت تعمل اي حاجة لمجرد أنها طلبت منها ،هما دول الأصحاب اللي بجد دائما تسمع منهم معاك لو لآخر الدنيا ومهما كان في ضهرك اي صديق غير كدا يبقي سد خانه وماينفعش باي شكل من الأشكال يبقي سند وصاحب ..

    حطت فونها الروج اللي بتحبه ولبست بسرعة بنطلون جينز اسود عليه كت ابيض وجاكت بني لمت شعرها لورا وشدت شنطتها ونزلت بشويش من غير ماحد يحس كدا كدا هي مظبطه كل حاجة وسايبه ورقة مكتوب عليها 

    " انا عند ثريا ي ماما مخنوقه من جوا البيت " 
    أهلها متحررين شويه وبيوافقوا مدينها ثقه كبيره بيتمنوا تكون قدها ..
    تأليف أماني عنان 
    الاء خدت تاكسي للموقف وركبت اول عربية في طريقها للبحيرة بالتحديد بيت حسن اللي بينه وبين بيت معالي شارع واحد 
    _______ #رواية_الغربة 

    محمد بقي مهمل في شغله ومشغول بالجوازة الجديدة ومش بيكلم أميرة من اسبوع ،فوزي بدأ يشك في تصرفات محمد وكلام أميرة اثار تعاطف تجاهها بعد اخر حوار بينهم اللي قالوا فيه :

    أميرة .. الله يخليك ي فوزي انت زي اخويا انا مش فاهمه محمد متغير ليه ممكن تعرفني ؟
    فوزي .. ماعرفش حاجة بجد 
    أميرة .. الموضوع فيه ست ممكن يكون بيخوني 
    فوزي .. لا ماعتقدش هو آخره يخرج يغير جو ساعة أو ساعتين بالليل كل فترة 
    أميرة .. تمام .. اسفه ع الازعاج 
    فوزي .. ماتقوليش كدا ،انا تحت امرك في اي وقت 
    أميرة .. شكرا 

    خلصت كلامها مع فوزي ونزلت عشان ميعاد الشفت بتاعها اما محمد فأكيد عند مراته الجديدة اخدها وخرج يفسحها ويستمتع بوقته ، في سؤال بيحضرني هنا 
    ليه الراجل مع الست التانية كريم وحنين ومتفاهم علي عكس الأولي تماما بيكون شديد وحازم وحريص في كل شئ ماله ومشاعره ؟؟؟
    لبست بنطلون ازرق وعليه بلوزة وردي لفت طرحه ونص شعرها بره وخرجت علي شغلها ..
    معز .. رايح جاي في الطرقه 
    نهال .. في حاجة ي دكتور 
    معز .. لا ابدا مافيش 
    نهال .. تمام بصت لقت أميرة جت 
    قالت .. اتاخرتي ليه ؟

    أميرة .. معلش دي نص ساعة بس 
    نهال .. ماليش فيه تيجي بدري بكره نص ساعة ههههه 
    أميرة .. حاضر طول مالامور تمام هنظبطها سوا 
    معز بطل لف ووقف مستني نهال تمشي 
    وطت نهال وهي بتلم حاجتها ،، ودا ماله دا ياتري ؟؟؟ خدي بالك منه وماتديش لأي راجل الامان كلهم صنف ساهي وبتاع مصلحته اول ماتخلص هيقولك باي باي 

    أميرة .. ههههه وانا مالي بيه تلاقيه مستني حد ي شيخه 
    نهال ..  مع نفسه اديني حذرتك وعملت اللي عليا 
    أميرة .. شكرا 
    قرب معز وعيونه زايغه واضح أنه بيهرب حاجة أو بيشرب قال 
    قولتي ايه ؟

    أميرة ..  في ايه ؟
    معز .. ماتهزريش انا بستناكي علي نار 
    أميرة .. موافقه 
    معز .. مش معقول اخيرا هتبقي ليا 
    أميرة .. بشرط 
    عيوني 
    كلك نظر لازم تكتب لي حاجة تأمن مستقبلي افرض طلقتني في أي وقت عشان مراتك الأولي ..
    معز مسك دقنه وقال . اممم سهله سيبي موضوع  مستقبلك دا مفاجأة 
    أميرة .. اتفقنا الخميس الجاي كويس 
    معز .. لا بكره 
    أميرة .. مش هلحق اجهز نفسي 
    طلع دفتر شيكات وكتب لها شيك ب ٢٠الف جنيه  خدي الفلوس هتخلص كل حاجة في منت ..
    أميرة .. ماقولتليش هنسكن فين ؟
    معز .. مشااا قولتيلي انك عايشه لوحدك وأهلك في الأرياف ..
    أميره . ايوا صحيح 
    معز .. خلاص يبقي زي مانتي في نفس الشقة وانا هدفع الايجار كل شهر 
    أميرة .. حبيبي ممكن انا اللي احاسب صاحب العمارة وكل حاجة عشان بابا بس عارفه ومش عايزا حاجة توصل البلد دلوقتي لحد مانعلن جوازنا مش احنا هنعلنه برضو ؟!
    معز .. اكيد كام شهر بس أرتب اموري وامهد الموضوع لمراتي .
    أميرة .. براحتك اهم حاجة أننا هنكون مع بعض 😉🤭
    _______________ 
    الكوافيرة خلصت ومعالي بقت جاهزة 
    اتكلموا مع بعض شويه 
    الكوافيرة .. بسم الله ماشاء الله من اجمل وارق البنات اللي عملت لها ميك اب 
    معالي .. شكرا 
    الكوافيرة .. مش بجاملك واضح أن بشرتك نقية وماانهكتهاش بالمكياج ايام الجامعة
    معالي .. دا حقيقة انا مابحبش الكريمات أخري الفازلين والمرطبات 

    الكوافيرة .. وشعرك حلو كدا طبيعي ولا بتعملي ايه ؟
    معالي .. بجد شعري صحي دا بيتقصف وع طول ينزل 
    الكوافيرة .. دا طبيعي لكل شعر عدد سقوط معين وبيطلع غيره
    معالي .. طمنتيني انا بعمل حمام كريم كل فترة ومسكات زبادي وعسل ابيض 
    الكوافيرة طبطبت عليها بعد الدردشة البسيطة دي وقالت .. برافو عليكي المهم بعد الصباحية الفستان يكون عندي 

    معالي.. أن شاء الله 
    الكوافيرة … تتهني ي عروسة ربنا يتمملك بخير 
    خرجت وسابت معالي لوحدها فضلت البنت تستني لحد مالساعة بقت عشرة قلقت وبصت من ورا الباب ..
    معالي ايه دا هما اتاخروا كدا ليه ؟
    تؤ يوووه مافيش حد يطمني عايزا اعرف كتبوا الكتاب ولا لا 
    لولووووولي .. 
    معالي ايوا بقي كدا فرحوني 
    سمعت اخير اصوت الزغاريد والمباركات عرفت انها خلاص بقت مرات حبيبها وابن عمها اللي اتمنته من ربنا 
    حسن ساكت مش مبسوط وبيفكر في الاء 
    ياتري صدقتني ؟ قلبي مش مرتاح انا عايز أخرج واكلمها 
    الاء كانت في العربية ونزلت علي أول الشارع ..
    الاء .. ايوا علي جانب ياستي مش دا شارع الحسيني ؟
    السواق .. ايوا ي آنسة 
    الاء .. شكرا اتفضل 

    حاسبت ونزلت ماشية تتلفت ومش عارفه اروح فين ؟.
    الاء .. انا حاسه انك في المكان ي حسن بس مش عارفه فينك بالظبط قلبي شايفك وشامه ريحتك فكرت في اول مره قابلته لما خبطها بالقصد عشان يتعرف عليها قالت له :
    الاء .. انت بتهرج صح 
    حسن .. علي فكرة احنا زملا 
    الاء .. علي فكرة تانية انا عارفه 
    حسن .. طب ايه ..وغمز بعيونه 
    الاء .. ايه ايه ؟
    حسن .. طب مش هنتكلم بقي انتي عارفه وانا عارف والعيون مابتكذبش يبقي هنحور علي بعض
    الاء .. كدا خبط لزق مش تدوخ ورايا شويه .حسن .. هههههههه دا كان زمان احنا في عصر السرعة 
    الاء .. سرعة طيب انا مابتعرفش 
    وسابته ومشيت ..
    حسن تؤ طب خدي بس مالك زعلتي ليه ؟
    الاء .. لأن المشاعر مافيهاش سرعة واللي بيجي سريع بيروح اسرع 
    حسن .. ومين قالك اني اعجبت بيكي بسرعة انا مركز معاكي من السنة اللي فاتت علي فكرة من ساعة ماكنتي بتكراشي علي الولا مرعي 
    الاء …  واضح انك مجنون 
    حسن .. وايه كمان 
    الاء .. ودمك خفيف 
    رجعت من شرودها عشان تسال علي بيت حسن 
    الاء .. مساء الخير 
    ست قاعدة علي سلم بيتها ردت : مساء النور 
    الاء ..  لو سمحتي ماتعرفيش فين بيت الحج خيري ؟
    الست .. هو دا البيت اللي عليه انوار دا ؟
    الاء … شكرا 
    الست .. بس هما مش هنا كلهم عند عمهم في الشارع اللي ورانا 
    الاء .. فين دا وليه الانوار دي ؟
    الست …..

                 الحلقة التاسعه من هنا

    إرسال تعليق