ج.6 خبر بالاجبار
ايوة يا ام مصطفى
اهلا وسهلا
اومال مصطفى فين ريهام قلقانه عليه
ردت وقالت معرفش راح فين يا حبيبتى والعموم هبقى اطمنكم يلا سلام وقفلت
ماما اتجننت واتصلت تانى تزعق معاها لقت التليفون اتقفل
روحت خدت بعضي وطلعت على الكافيه
لقيت صاحب الكافيه وقاعد فى نفس مكانه
قولتله انت لازم تقف معايا
رجع بضهره على ورا وبصلى مستغرب
فى ايه انتى مين وعايزة ايه بالظبط
قولتله عايزة حقى وعايزة ارد كرامتى
قالى طيب اهدى بس واقعدى فهميني حكايتك ايه
قولتله من اسبوعين بالظبط ظهر فى حياتى واحد اسمه مصطفى يعرف عنى كل حاجه حتى معاد نومى عارف تفاصيلى كلها وعارف ايه بيسعدنى وإيه بيزعلنى
رد قالى طب وانا مالى بكل ده
قولتله معلش بس انت الوحيد إللى تقدر تساعدنى
قالى طب اتفضلى كملى وهو مضايق
قولتله اتقدملى واتخطبنا وكتب كتابي
قالى بنفاذ صبر وبعدين
قولتله اختفى
قالى ومصطفى ده إللى سالتى عنه هنا صح
قولتله بالظبط
قالى ورينى صورته
طلعتله صورة بتاعتى انا ومصطفى يوم الخطوبه
قالى ده مصطفى إللى كان شغال هنا
قولتله بس هو قالنا انه صاحب الكافيه
قالى يا انسه مصطفى ده جه اشتغل هنا ويتر من اسبوعين وكان ملتزم جدا بشغله ومواعيده و كنت بثق فيه جدا لانه امين وسبتله الكافيه من اسبوع واحد وسافرت ياخد باله من الشغل لحد ما ارجع
ولما رجعت من يومين قالى انه لازم يسيب الشغل لانه جاتله سفريه
انت بتقول ايه يعنى مصطفى سافر يوم فرحى
قالى انا معرفش سافر ولا لا بس ده إللى قاله
قولتله انت تعرف عنوانه
قالى أيوة
ممكن تدهونى
قالى تمام هو ساكن فى..
قولتله تمام انا رايحاله عن اذنك
قالى لا انا جاى معاكى ، بس ايه مصطفى قالك انه صاحب الكافيه
معرفش معرفش انا مش عارفه اى حاجه وهتجنن دلوقتى
طب بالراحه بس وصلى على النبي
عليه افضل الصلاة والسلام
ركب عربيته وانا ركبت عربيتي
وروحنا العنوان نزلت انا وهو
قالى تعالى هو البيت ده
قولتله انت هتطلع معايا
قالى أيوة تعالى ورايا
طلعت وراه وخبط على الباب محدش بيفتح
فضلت اخبط كتير وارزع الباب
قالى واضح ان مفيش حد هنا
قولتله انا مش همشي غير لما حد فيهم يظهر
قالى انتى كده بتموتى نفسك بالبطئ
بموت نفسي؟! انا موت خلاص موت يوم ما هو اختفى ورمانى يوم ما كتب كتابه عليا وهو جواه الغدر انا ازاى امنتله ازاى كدب احساسي ازاى يعمل كده فيا وفضلت اعيط
قالى هو عنده طريقه تخلى اى حد يصدقه ويثق فيه وانا مصدقك فى كده
سمعنا صوت حد طالع
بصيت لقيت مامته طالعه
جريت عليها قولتلها ارجوكى قوليلى فين مصطفى
فتحت الباب ودخلنا لقيت بيتهم بسيط جدا وقالتلى اقعدى
قعدت قولتلها فين مصطفى واختفى ليه وكتب كتابه عليا ليه
قالتلى صدقينى انا وابوه منعرفش اى حاجه
قولتلها طب كنتم عارفين انه قالنا انه صاحب كافيه
قالتلى انا وابوه استغربنا لما قالكم بس سكتنا
قولتله سكوتكم ده إللى ربى رجل انانى معندوش ضمير يدخل بيوت الناس وجواه خيانه وغدر
قالت بالراحه بس يا سارة انا وعمك مصطفى هو إللى بيصرف علينا والمعاش إللى ابو مصطفى بياخدوا مبيكفيش حاجه
يعنى عشان بيصرف عليكم تسكتوا على إللى عمله فيا
قالتلى ابوه مسكتش لما قاله انا مسافر النهارده بالليل يوم فرحكم وزعق معاه وقاله لا انت ابنى ولا اعرفك وانا كمان مرضتش على إللى عمله فيكى وطردته
قولتلها طردتيه بعد ايه بعد ما دمرنى وهيخلى سمعتى فى الارض مرة اتساب قرب فرحى ومرة تانى يوم كتب كتابي انتوا بتعملوا فيا ليه كده
قالتلى انا هقولك كل حاجه بس شرط
قولتلها اتفضلى
تسامحى مصطفى
قاطعها صاحب الكافيه اسمه عماد قالها انتوا ازاى تعملوا كده فى بنت الناس وكمان عايزاها تسامحه دى حاجه غريبه جدا
قولتلها لا مش هسامحه
قالتلنا معلش عشان تعرفوا الحقيقه
قولتلها اتفضلى
قالتلى وهو بيلم هدومه وماشي سمعته بيتكلم فى التليفون
وبعدين
كان بيقول....
الجزء السابع هنا.........
بدل ماتدور وتبحث علي الروايات خليها علي تليفونك وحمل تطبيقنا
