Ads by Google X
حب بالاجبار الجزء الثاني عشر -->

حب بالاجبار الجزء الثاني عشر

حب بالاجبار الجزء الثاني عشر


     

    ج.١٢ حب بالاجبار


    طلعنا انا وهى قلقان ومليون حاجه في دماغى

    قالتلى انا هدخل لريهام الاول وهجيلك 

    قولتلها تمام فتحت باب الاوضه لقيت سهام نايمه على السرير وواضح انها سكرانه 

    زعقتلها انتى بتعملى ايه هنا يا سهام

    ردت ايه هيهيهههههييي مش كنت سوسو 

    بقولك ايه متقرفنيش واطلعى برا قامت وجت عليا وهتقع مسكت فيا وحطت ايديها حوالين رقبتى وقالتلى وحشتني 

    فى اللحظة دى دخلت سارة وهى بتقول عايزة بجامه انت سايب باب الاوضه مفتوح ليه ... يخربيتك ايه ده

    وجبتها امتى 

    ايه يا حلوة انتى لسه ممشتيش 

    وانتى مالك انتى يا رخيصه اطلعى برا وايه دخلك هنا ولابساله كمان لانجرى ، انت ازاى تفتحلها الباب 

    انا دخلت بده وطلعت المفتاح 

    بصتلى وهى بتعيط ومشيت

    ندهت عليها دخلت عند صاحبتها وقفلت الباب خبط عليها رفضت تفتح سيبتها تهدى وطلعت البلوة دى باللى هى لبساه عشان تحرم تجيلى تانى وتفهم ان لحد كدة وخلصت 

    نزلت لاحمد 

    ها يا احمد ايه حصل 

    نمر

    ماله الزفت 

    هيتعاقد هو مع الوفد الالمانى 

    يعنى ايه هو مش كان جايلنا احنا

    فى حاجه كمان يا مصطفى 

    هى الليله دى شكلها مش هتعدى اخلص حصل ايه كمان 

    الرجالة إللى مراقبه بيت اهلك 

    مالهم

    شافوا رجل غريب بيتردد ع المكان وعينه على بلكونة بيتكم

    ازاى يعنى هو فى ايه بالظبط هو محدش فيكم عارف يشوف شغله ليه ولا عشان انا اتشغلت شوية هتاخدوا راحتكم

    اهدى يا مصطفى الناس هتتفرج علينا 

    اعملى اتصال مع مدير أعمال الشركة دى وقوله احنا مستنينهم فى حفلة بكرة بمناسبة جوازى 

    جوازك؟؟؟🤨

    ايوة ، وكلملى الرجاله إللى هناك يطلعوا لبابا عشان هيجهزوا نفسهم ينقلوا فى مكان تانى النهاردة الفجر يكونوا مشيوا ويسيبوا العفش وياخدوا حاجاتهم الشخصيه بس مش عايزين قلق

    تمام يا ريس

    الصفقة دى لو هتم هتكون لمصطفى وبس

    علم يا باشا

    تانى متجليش قلقان كل حاجه ليها حل تمام

    تمام

    طلعت فوق اشوف سارة رافضة تفتحلى 

    بعتلها رسالة 

    جهزى نفسك بكرة هيكون فى حفلة بمناسبة جوازنا 

    دقيقه وجات مستحملتش انا عارفها عيلة 😎

    خبطت ع الباب جامد

    انت ازاى تفكر وتقرر وتنفذ لوحدك كدة مين سمحلك 

    انا

    نعم؟!

    انا سمحت لنفسي اقرر وانفذ ، دق

    ايوة يا كريم شوفلى شركة تنظيم حفلات واختار شاليه على البحر عشان هعمل عليه حفلة بمناسبة جوازى

    وفى مصممة ازياء انت مصاحبها 

    مصطفى بالراحه عليا ايه كل ده يا عم انت لحقت تقرر كل ده بالسرعة دى 🤨😁

    كلمها وقولها تشوف فستان لعروستى وشدتها فى حضنى راحت ضربتنى على كتفى 

    حاضر يا عم حاضر انت مش مدينى فرصه وكله ورا بعضه يلا سلام خلينى الحق بقا 


    يعنى تخونى النهاردة وعايز تجوزنى بكرة لا يا عم 

    عم؟! تؤتؤتؤ متوقعتهاش منك

    خليكى حلوة بقا

    بقولك ايه

    ايه

    مفيش حاجه هتم غير لما ماما وبابا يجوا تمام

    بس كدة من عيونى

    واتصلت بيهم واعتذرتلهم كتير وطلبت منهم ابعتلهم عربية تجيبهم النهاردة 

    حاجه تانى يا قلبي؟

    بابا شكله زعلان 😔

    انا هراضيه هو ومامتك 

    اكيد زعلان عشان اترفدت من الشغل وعشان قعدتى هنا معاك 

    مش انتى بتكلميهم على طول وتطمنيهم عليكي

    ايوة بس شكله زعلان منى اوى

    يجوا هما بس بالسلامه يا حبيبتى وابقى راضيهم براحتك وانا هبوس ايديهم كمان

    هاتى بوسه بقا

    امشي يلا روح بوس سوسو بتاعتك 

    هتندمى 

    لا مبندمش وع فكرة مش موافقه اتجوزك بقا😝 اهو

    بتضربيني بالمخدة كمان ماشي روحى بقا نامى عند صاحبتك 

    كانت خارجة وقربت من الباب جريت عليها وخدتها فى حضنى سارة

    انا بحبك بجد

    انا كمان مش بحبك واوعى بقا

    احبك وانت بتدلع يا عسل

    ايه ده سوفاج 

    انا سوفاج ماشي يلا تصبحى على خير

    زعلت 

    اه

    اتفلق😅🏃‍♀️🏃‍♀️🏃‍♀️


    سارة

    سيبته ودخلت لريهام 

    يلا بقا قوليلى حصل ايه 

    بيقولى بكرة حفلة بمناسبه جوازنا مش عارفه ليه

    فرح يعني 

    اه هيعلنه وكدة 

    تمام بس ليه بالسرعه دى

    مش عارفه مصطفى غامض اوى

    طيب يلا ننام بقا بس قوليلى مين المز إللى جابنى هنا ده

    ده احمد صاحب مصطفى 

    بس ذوق اوى اوى بجد يلا بقا عشان ننام 

    جه الصبح لقيت الباب بيخبط فتحت لقيت بابا وماما 

    حضنتهم وكانوا واحشنى جدا 


    بابا كدة يا سارة يا بنتى تغيبي كل ده وتضيعي حياتك عشان مصطفى ده إللى لا عارفين عنه اصل ولا فصل 

    ماما يا سليم مانا قولتلك الواد عنده ظروفه وبيحبها 

    ماامتى بابا صدقونى انا واثقه فى سليم وبحبه 

    من جوايا بقول يارب اكون صح وميخيبش ظنى لتانى مرة عايزة اصدقه 

    دخل مصطفى علينا لابس بنطلون اسود وقميص اسود وشكله شيك اوى واول ما دخل غمزلى وادانى بوسه فى الهوا برقتله عشان ماما وبابا 

    سلم عليهم

    ازيك يا عمى ازيك يا حماتى حمد الله على سلامتكم

    الله يسلمك يا مصطفى بس ميصحش برضوا انك تقرر من نفسك وكأننا مدعوين للفرح وده فرح بنتنا برضوا 

    انا عارف بس صدقنى غصب عنى

    وانا لازم اعرف ظروفك كلها

    حاضر بس النهاردة اليوم كله هبقى مشغول اوعدك بكرة هفهمك 

    الله يصلح حالك يا ابنى معلش عمك عايز يطمن على بنته برضوا 

    بنتكم امانه فى رقبتى وانا بحبها وبخاف عليها زيكم بالظبط 

    عن اذنكم، سارة تعالى 

    ايوة يا تيفا😉

    انتى مش هتبطلى يا مجنونة ، يلا منظمة الحفله عايزاكى 

    ليه 

    ليه ايه هتسالك حابه ايه بس قوليلى حابه الحفله على البحر ولا فى حنينه فى فيلا؟

    لا على البحر والجو كمان تحفه 

    تمام أجهزى و انزليلها يلا

    تمام

    دخلت البس ونزلت كلمتها 

    كانت فى قاعة الفندق تحت لقيته واقف معاها 

    مدام دارين منظمة الحفله وبنتعامل معاها دايما 

    بصتله باستغراب بنتعامل؟

    طنش وكمل بصلها وقالها دى سارة العروسه 

    اهلا بحضرتك 

    اهلا بيكي 

    حضرتك معاكى الميك ارتست 

    لا لسة انا عارفه امبارح بس

    ضحكت وقالتلى ده العادى من مصطفى بيه 

    روحت قرصت مصطفى بيه وضحكت معاها🤭

    اتفضلى انا اخترت شاليه وان شاء الله يعجبكم 

    روحنا الشاليه وفتحت اللاب ورتنى مجموعه من الصور

    تحفه وقولتلها تمام وجت الميك اب ارتست ومصممة ازياء معاها مجموعه من الفساتين واحمد جاب ماما وبابا وريهام صاحبتى 

    والشركة بدأت فى التنظيم 

    ممر طويل كله ورد نهايته ترابيزة عليها ستان ابيض وورد مجفف احمر وكرسيين مفروشين بالستان الابيض وفوقيهم خشب كله ورد ابيض وستار ابيض فى الجنبين

    غير النور إللى عملوه على الأرض وعلى الستار عشان لما الليل يجي مهما اوصف مش هقولكم كانوا حلوين ازاى


    وفى الجنبين كراسي وترابيزات مفروشه بالستان الابيض وفيونكة تركواز 


    خلاص انا كدة جهزت وكلنا جهزنا اخترت فستان بسيط مش منفوش عشان اعرف اتحرك كان لونه ابيض ولبست حجابي كان تركي وعليه تاج عملت ميك بسيط 

    اول ما شافنى

    ايه الجمال ده كله بس 

    ربنا يخليك

    مبروك عليا والله 

    الله يبارك فيك 😊

    باسنى من راسي وقالى ربنا يديمك فى حياتى ❤

    وخدنى وطلعنا برا وشاورلى على مجموعه واقفه مع بعض وقالى دول موظفين شركتى هتتعرفي عليهم بعدين خرجنا فى الممر الطويل ده والمعازيم رموا علينا ورد

    اتفاجات باصحابي من الجامعه ومن الشغل وكمان جيران لينا من زمان قولتله انت عزمت كل ده ازاى

    وكنت مبسوطة اوى 

    قالى عشان بس اشوف الفرحه اللى فى عيونك دى

    اتبسط وكان يوم حلو جدا قعدنا انا وهو على الترابيزة 

    قولتله مش هتكتب الكتاب😅

    قالى عيله ومجنونه والله العظيم 

    مصطفى اهلك مجوش ليه

    بصلى بحزن وقالى مش هينفع حد منهم ييجي 

    انا اسفه بس ليه

    هبقى اقولك بعدين دق وهجيلك 

    قام لقيت ناس اجانب جت سلم عليهم وندهلى 

    (الكلام بالالمانى بس عشان عيونكم هترجم مصرى😂)

    احب اعرفكم سارة مراتى 

    اهلا مدام سارة تشرفنا بيكي 

    انا اكتر

    انا طبعا انبهرت بطلاقة مصطفى فى اللغه الالمانيه 

    وبيقولهم انا حقيقي حزين لان كان المفروض الصفقه هتتم لشركتنا 

    احنا كمان مستر مصطفى حابين جدا نتعامل مع شركتكم بس مستر نمر كان عرضه مغرى جدا

    طب تسمحولى بعد اذنكم ندخل الشاليه ونتكلم 

    وخدنى مصطفى معاه ونده لاحمد وكرم

    وهنا خلانى اترجم انا لان احمد وكرم ثقافتهم مصرى😄

    قالوا احنا حابين نتعاقد مع شركتكم بس بشرط 50/50

    هنوردلكم قطع العربيات وتجمعوها فى مصانعكم تتقفل فى مصر بالعلامة التجارية بتاعتنا 

    احمد وكرم مع بعض قوليلهم موافقين 

    رد مصطفى قالهم لا طبعا ازاى العربية جديدة فى السوق وهنعمل عليها حملة اعلانيه كمان ازاى 50/50

    مصطفى يا مستر أرثار العربية لسة جديدة فى السوق وهنعمل عليها حملة اعلانيه وهنجربها المكسب هيكون 49% ليكم 51% لشركتنا 

    مستر ارثار وافق وقال نكتب العقود 

    قولت لاحمد إللى كان مجهز العقد وطلعه ومضى عليه مستر ارثار وابراهام والصفقه تمت ليهم

    خلص الاجتماع وطلعنا للناس برا مصطفى الفرحه كانت مش سيعاه انا كنت زعلانه جدا انه خد الفرح حجه عشان صفقته تتم واتفاجئ كمان بانه عنده شركات ومصانع كمان حسيت انه واحد تانى غير إللى عرفنى عليه فضلت سرحانه ومش معاه

    لحد ما الفرح خلص وسمعت ضرب نار كانت ناس كتير مشيت واحنا كمان كنا هنمشي 

    لقيت نمر جه مجنون ومعاه رجالته ووجه مسدسه لمصطفى ويضرب نار رميت نفسي قصاده والطلقه جت .....


    الجزء الثالث عشر