Ads by Google X
حب بالاجبار الجزء الخامس عشر -->

حب بالاجبار الجزء الخامس عشر

حب بالاجبار الجزء الخامس عشر


     

    ج.15 حب بالاجبار


    مالك يا سارة فى ايه

    الحق يا احمد شيلها قدامى

    مصطفى مصطفى الحق سارة

    دخل مصطفى وهو مجنون وطلع بيها على المستشفى وكلم دكتور هو يعرفه


    الدكتور نده على الممرضه اسحبي دم عشان نعملها تحاليل 

    قاس ضغطها الضغط واطى جدا وعلقلها محلول ملح


    مصطفى

    ها يا دكتور نتيجه التحاليل طلعت

    أيوة المدام عندها انيميا وأى حمل طبيعى انه يوطى الضغط كده

    هى حامل؟؟؟

    أيوة يا مصطفى بيه الف مبروك


    كنت هطير من الفرحه بس سجدت لربنا أشكره على كرمه وفضله

    ابتدت سارة تفوق وتفتح عنيها بالراحة

    سارة مبروك يا حبيبتى

    على ايه يا مصطفى

    هنبقى بابا وماما

    فتحت عنيها وابتسمت بعفوية بجد يا مصطفى هيبقالى ابن منك

    أيوة يا حبيبتى شوفتى كرم ربنا علينا

    الحمد لله 

    انا كلمت حماتى وحمايا عشان افرحهم بالخير ده وزمانهم جايين

    شكرا يا صاصا

    بوستها من راسها فوقتى اهو

    ابتسمت وقالتلى أيوة

    طيب ايه

    ايه

    مفيش اى حركة من حركات الحوامل دى وتقوليلى نفسي البرتقال واحنا فى الصيف وادور عليه ملقهوش 

    ضحكت وقالتلى لا مش نفسي فى حاجه

    طب نفسك مش غمة عليكي اى حركة كده حسسينى انك حامل

    يا سيدى لا مش غمة عليا

    اومال بيشتغلونا فى الافلام ولا ايه

    انا عايزة انام لما ماما تيجى صحونى


    بوستها من راسها وخرجت برا لاصحابي

    ايه عامله ايه دلوقتى

    الحمد لله يا كرم

    اومال ايه تعبها

    طلعت حامل يا احمد

    بجد الف مبروك يا صاحبي

    هتكبرنا يا عم ونبقى اعمام بقا وبتاع

    الله يبارك فيكم  ، عقبالك يا كرم ياكش تتهد بقا


    جت ريهام وماما وبابا سارة

    سلام عليكم

    وعليكم السلام يا ريهام

    ازيك يا حماتى ازيك يا عمى

    هى فين سارة يا مصطفى 

    نامت جوا لحد ما المحلول يخلص وترتاح شوية

    انت عامل ايه دلوقتي يا مصطفى

    الحمد لله يا عمى هتبقى جد اهو وسارة كبرتك

    الحمد لله ده كرم من ربنا عقبال ما تشوف احفادك يا ابنى


    كملنا كلام سوا ولقيت ريهام قاعده على الكرسي وسرحانه

    قولت لأحمد روح شوفها مالها


    أحمد : مالك يا ريهام فى حاجه مضايقاكى

    ريهام: لا ابدا مفيش

    متأكده؟

    أصل فى حاجه حصلت ومش عارفه صح ولا غلط

    حصل ايه يا ريهام

    عمر

    ماله

    نزل القاهرة ورانا وانا شوفته فى الشارع عندنا وكان بيتكلم فى التليفون

    وبعدين يا ريهام

    سمعته بيتكلم حد وبيقول مصطفى نهايته هتبقى على ايدى

    كملى

    روحت خبط فيه وانا ماشيه وفضحته فى شارعنا

    فضحتى مين يا اختى

    عمر

    عمر الاسيوطى يا ريهام

    اه قولتلهم اتحرش بيا وفى شباب حبوا يجاملونى راحوا ضربوه

    يا خبر اسود عمر الاسيوطى اتضرب دانتى داهيه ، ورجالته كانت فين

    مش عارفه كان لوحده ورايح يركب العربيه بس عشان طبعا هو معروف فى ناس جت ودافعت عنه راح بصلى واستحلف أنه هيوريني

    هههههههههههه مش قادر ابطل ضحك دانتى مصيبه والله العظيم

    الله طب اعمل ايه مش طايقاه وبعدين كان بيتوعد لمصطفى مع حد مع التليفون

    هههههههههههه خلاص خلاص كفايه يا مصطفى تعالى شوف المصيبة دى مش قادر هههههههههههه


    حصل ايه يا احمد

    خلت رجالة فى الشارع يضربوا عمر الاسيوطى قال ايه بيتحرش بيها

    هههههههههههه ده بجد يا ريهام

    الله وبعدين معاكم بقا أيوة بجد والله

    ده انتى متخلفه زى صاحبتك بقا

    ماشي يا عم شكرا انت وهو ، مصطفى خلى بالك كان بيتوعد مع حد عليك 

    متقلقيش يا ريهام وسبيها على الله

    ونعم بالله انا هدخل اشوف ريهام زمانها فاقت

    أيوة فاقت وحماتى وحمايا دخلوا


    ريهام دخلت هى كمان

    ها يا مصطفى ايه الدنيا

    تعالى يا كرم شوفت ريهام عملت ايه

    ايه حصل يا رجاله خدوا الشاى ده روحت جبته من الكافتيريا تحت

    تسلم ايدك يا صاحبى

    ريهام خلت رجاله يضربوا عمر الاسيوطى قال ايه اتحرش بيها هههههههههههه


    ضحكوا من بعض خصوصا احمد حاول يطول فى الموضوع عشان مصطفى يضحك واستغل فرحته بحمل مراته وبعدها خد سارة وطلعوا على بيتهم


    مصطفى

    ماما فتحت الباب هى واختى مها

    وانا كنت شايل سارة حطيتها على الكنبه قولتلهم الخبر امى فرحت جدا بس لقيت مها متضايقه ودخلت المطبخ


    مالك يا مها فى ايه

    مفيش حاجه يا مصطفى مبروك ربنا يتم الحمل على خير

    يا رب اللهم امين بس انتى متضايقه ليه كده

    هو انت مش شايف ان سارة دى وشها نحس علينا من ساعة ما دخلت حياتنا

    إللى. ملاحظه يا مها انك بتكرهيها من غير سبب ونفسي اوصل لسبب ده ولاحظت كتير احراجك ليها وهى إحتراما ليا عمرها ما اشتكت

    طب طالما انت بتحامى ليها كده سبنى اخد امى وامشي من هنا

    قولت محدش هيمشي من هنا يا مها 


    وسيبتها وخرجت رجعت تانى اشرب ميا سمعتها بتكلم حد فى التليفون وبتقول الحمل ده لازم ينزل اتصرفلى فى برشام انا مبنزلش


    هنا اتاكدت ان مراتى واللى فى بطنها ده فى خطر واختى فى سر وراها اكبر من غيرة ستات


    قررت اخلى كرم يشوفلى شغاله تراقبلى مها

    وشوفتلهم شقة فى نفس البرج عشان يبقوا تحت حمايتى


    وسبت سارة فى البيت كم يوم ترتاح عشان الحمل وحاولت اعوضها عن قسوتى وحماتى كانت قاعده تخدمها الفترة دى


    وفي يوم الشغالة اتصلت بيا

    الو 

    أيوة يا زينب

    أيوة يا مصطفى بيه انا نزلت اجيب طلبات البيت وابلغك ان مها هانم فى حد هتقابله النهارده فى شقة فى نفس البرج

    وهتخرج ازاى يا زينب

    بالليل لما الحجه تنام هتقابله الساعه 3 الفجر وفى كمان برشام هتاخدوا منه

    اى شقة يا زينب

    فى الدور ال12 نفس الصف بتاعنا

    تمام يا زينب اقفلى

    دماغى اتقفلت واتجننت روحت الشقة عندى

    سارة خدتنى بالحضن هى الايام دى انا وهى كويسين مع بعض جدا

    قالتلى مالك يا صاصا

    مفيش يا سارة

    احكيلى ولا هتحط حواجز تانى

    سارة مش عايز اجرحك بس صدقينى عندى مشاكل ومش طايق نفسي

    حضنتنى وباستنى وقالتلى ماما نايمه هقوم انا احطلك الاكل

    ماشي يا حبيبتي

    حطتلى الاكل وجت قعدت على رجلى وقالتلى اكلنى

    بصتلها وضحكت واكلتها

    خلصنا أكل قولتلها نقوم اصلى العشا لانى اتاخرت فيها

    قالتلى طيب انا هشيل الاكل وادخل انام

    تصبح على خير صاصا

    وانتى من اهله يا قلب صاصا


    صليت ودعيت ربنا يخيب ظنى

    مها دى اختى الوحيده عندها 30 سنة رافضة الجواز وكرم صاحبي كان بيحبها زمان ورفضت تتجوزه لأسباب تافهه ومن بعدها بقا كده


    فضلت سهران لحد الساعه 3 قولت لزينب اول ما تخرج رنى عليا كنت انا واقف فى الدور ال12 ورا حيطا شايف باب الشقة كويس يعنى هشوف إللى هيفتح الباب

    طلعت مها ولقيتها مالية وشها ميك آب ومسيبة شعرها اول مرة اشوف اختى بالمنظر ده اكنها عروسه

    ولقيت إللى فتح باب كان صدمة عمرى كلها...


     

    الجزء السادس عشر

    إرسال تعليق