ج.19 حب بالاجبار
للكاتبه منة الله فؤاد
روحت الكافيه وقابلت عماد
قولتله هو فين
قالى جوا
قولتله تمام يلا يا رجاله دخلنا غرفة داخليه فى الكافيه
قولتله ايه رايك مفاجأه مش كده
قالى النهارده عندك بكرة عندى يا مصطفى
قولتله ومين قالك ان هيطلعلك نهار يا عمرو ورفعت عليه مسدس
قالى ايه عايز تقتل ابو ابن اختك
مسكته من وشه كنت هكسره فى ايدي قولتله ابن مين يا عمر
قالى ابن اختك ليه مها مقالتلكش أنها حامل
اديته بنيات على وشه لما اتغرق دم
راح ضحك بغيظ قالى عاذرك اصل الشرف ده حاجه صعبه واختك لطخته فى الارض
قولتله هقتلاااااااك والله هقتلك راح ضحك وقالى هتقتل اقتل ع طول متهددش
رفعت عليه المسدس
راح كلم واحمد وعماد مسكونى قالى ميستاهلش تضيع نفسك عشانه
قولتلهم هتجننوووووووونى ليه انتم مش سامعين كلامه
وفضلت اخبط دماغى فى الحيط
يا مصطفى أهدى كل حاجه هتتحل
روحت فكيت عمر ونزلت ضرب فيه لحد ما فقد وعيه
قولتله لا هياكل ولا هيشرب لحد ما يجيب اخره
وخرجت
قعدت برا انا واحمد وكرم وعماد
عماد قالى سارة تعرف اننا صحاب
قولتله لا
كرم قالى مقولتلهاش ايه مكانش له داعى تخبي يا مصطفى
قولتلهم مجاش الوقت المناسب وانتم مش شايفين إللى جاى على دماغى كل شوية ولا عميتوا
أحمد طبطب عليا وقالى احنا قبل ما نكون أصحاب احنا اخوات يا مصطفى وعشرة عمر متقولش كده يا اخويا
كرم بصلى وقالى احنا عايزين مصلحتك سارة لو عرفت ان احنا أصحاب عماد هتزعل وتقول فعلا كنت بتخدعها ومش هتصدق ان كان في واحد على باب بيتهم معاه مسدس وكانوا متهددين بالقتل
خلاص انا لما اروح هحكيلها
مصطفى لو حابب اجى معاك ونقولها مع بعض انا معنديش مشكله
لا يا عماد تشكر انا حابب الكلام بينى انا وهى يلا عن اذنكم يا رجاله
على فين العزم
مروح حابب اريح دماغى شوية
طب والجرح إللى فى رأسك ده
عادى هبقى اطهره وخلاص
تمام استنى يا مصطفى هوصلك انا
لا يا احمد خليك عايز ابقى لوحدى
خرجت وركبت عربيتي وطلعت على الشارع إللى رميت نفسي فيه قدام عربيه سارة
قعدت على الرصيف
افتكرت لما كنت عايزها تحبنى لما كنت كل همى فى الدنيا أنها تبصلى بس
افتكرت لما ابويا كان هيموت بسبب نمر
افتكرت لمتنا انا وابويا وامى واختى
حتى يوم فرحى ابويا محضروش
هى كده الذكريات لما تفتكرها بتقلب عليك الحلو والمر مع بعض لو كنت سبت نفسي لوحدتى شوية كمان كنت هنفجر
ركبت عربيتي و طلعت على البيت
لقيت امى نايمه دخلت على سارة لقيتها صاحيه وماسكه الموبايل
قولتلها بتعملى ايه
ولا حاجه بقلب فى الفيس
طب سيبي الموبايل فى موضوع مهم عايز اكلمك فيه
ايه هو
فاكرة عماد
عماد مين؟
صاحب الكافيه
امممم افتكرت ماله
انا وهو أصحاب
ازاى يعني؟!
بصي يا سارة انا وكرم واحمد وعماد صحاب وعشرة عمر
ازاى يعني كنت بتكدب عليا يا مصطفى
من فضلك اسمعيني للاخر وبعدين قررى ، انا عارف فى حاجات كتير انتى متعرفهاش ومقدر انك مبتساليش ومقدرة إللى انا فيه بس دى حاجه لازم تعرفيها
امممم اتفضل سمعاك
انا لما اجيت اتقدملك كنت كتير استايل لبسي كله وحالق دقنى مخليها خفيفه فى الفترة دى انا كنت بعيد عن عمر ومفيش احتكاك واغلب وقتى كنت فى الغردقة
ها وبعدين
لما نزلت القاهرة مرة شوفتك وانتى خارجه من الشغل غيرت عربيتى
اه لاحظت ده ظهرتلى حياة غير حياتك الحقيقية
كنت خايف عليكي لان عمر مؤذى
اه كمل
المهم اتفقت مع عماد يسيبلى الكافيه بتاعه عشان لو حد سأل من عندكم ووصله ان جالك عريس ميعرفش ان انا
ليه مخوفتش ان يشوفك ومراته ساكنه فى نفس شارع بابا
عمر فين وفين لما بيروح شارعكم يا سارة وانا كنت عامل احتياطاتى كويس بس بطريقة ما عرف أن انا إللى جيت خطبتك
ويوم كتب كتابنا بعت واحد على باب شقتكم لو مسبتكيش وسافرت هيدخله عليكم يقتلكم
طب معملتش حسابك يومها ليه
لانه عرف فى نفس اليوم يا سارة
وكان فاكر خطوبه بس مقدرتش يومها وقررت امشي خوفت عليكي وصورلى الرجل وهو علي باب بيتكم كان لازم يومها امشي وهو كان مراقب خطواتك كلها فكان لازم يبان انك بتدورى عليا انا عمرى ما خدعتك مش عايز اسمعها منك تانى ، إنتى بتعيطي ليه يا سارة
مفيش يا مصطفى احضنى
وانا مش عايز من الدنيا دى كلها غير حضنك وبس
.........
تانى يوم
سارة
انا مخنوقة اوى عشان مصطفى قلبي واجعنى عشانه خرجت لحماتى وسيبته نايم النهارده مش رايح الشركه
صباح الخير يا ماما
صباح الخير يا سارة تعالى
أيوة يا ماما
ما تكلمى مصطفى عشان يراضي اخته ويجيبها
حاضر اوعدك هكلمه النهارده
بنتى وحشتنى اوى يا سارة قلبي واكلنى عليها
حاضر يا حبيبتى ربنا يطمن قلبك عليها
يا رب ويقومك بالسلامه ان شاء الله
يارب فطرتى ولا لسه
لا والله ما ليا نفس أحط لقمه فى بؤى
اصبري طيب انا هيقوم اعمل الفطار ونفطر كلنا سوا
لا تقومى غلط عليكي الحركه عشان إللى فى بطنك نقوم انا اعملكم الفطار
ربنا يديكي الصحه يا ماما ، تيفاااا انت صحيت
والله مجنونه وبعدين انا مبحبش سوسو ولا تيفا
قولى صاصا اشطا
هههههههههههه بهزر معاك يا عم
ماشي يا سوسو
عايز تضرب صح 😁
لا لا انا مش ناقص
ايه إللى فى وشك ده
ليه انتى عميتى إمبارح 😂
لا بس مكانش واضح يعني والاضاءه خفيفه
ولا حاجه متقلقيش
مصطفى انت مش بتعمل حاجه شمال صح
اعوذ بالله يا بنتى انا وش ذلك
ده انت ابو ذلك مش وشه بس هههههههههههه
طب انجرى من وشي عايز أصلى الضهر
يلا يا ولاد حضرت الفطار
حاضر يا ماما هصلى الضهر واجى
طب يلا انا مستنياك عشان نفطر سوا
للكاتبة منة الله فؤاد
.......
مصطفى
خلصت فطار ونزلت اشوف اعمل ايه مع عمر وعايز اقابل مها
اتصلت بيها فى التليفون
انتى فين
وانت مالك
يعنى ايه وانا مالى بقولك انتى فى اى داهيه
هبعتلك الموقع
بعتته وروحتلها
لقيتها فى مكان بعيد جدا معرفش ايه خلاها توافق بحاجه زى كده بس اكيد عشان محدش يعرف عن علاقتهم حاجه
طلعتلها
انتى ازاى قاعده فى مقطوع زى ده
وانت مالك فين عمر
مها بصي احنا طول عمرنا أصحاب قبل ما نكون اخوات قوليلى ليه عملتى كده
بحبه يا اخى بحبه ما انت ضيعت عمرك عشان سارة حد حاسبك ؟ .... رغم أنهت قذرة وخاينه
مها انا ماسك نفسي عنك متكلميش على سارة كده
ليه مش دى الحقيقه وانت خونت صاحبك
انتى يا بنتى حد شال مخك وحط مكانه مخ حمار ده انا كده ابقى ظلمت الحمار كمان
انا مش غبيه ودى الحقيقه
عرفتيهم مكان ابوكى ليه يا سارة خلتيهم يقتلوه ليه
انا معرفتهمش مكان حد عمر كنت وحشاه وعايز يقابلنى فبعتله الموقع وجالى
مقدرتش امسك نفسي وضربتها على وشها ومسكتها من شعرها وحطيت راسها تحت الميا فوقى بقا يا شيخه فوقى انت عميتى للدرجة دى هو شربك ايه ولا انتى بتتعاطى ايه
سيبنى يا مصطفى سيبنى انا حامل
اللى فى بطنك ده ابن حرام وانتى بنت حرام زيه نسيتى لما كان نمر هيقتل ابوكى وفجر العربية بالسواق نسيتى كل ده ازاى ابوكى عاش سنين ميت وهو عايش افكرك باين تانى من النهاردة انتى ملكيش أخ انتى فاهمه ملكيش اخ
مصطفى انا......
بدل ماتدور وتبحث علي الروايات خليها علي تليفونك وحمل تطبيقنا
