ج.8 حب بالاجبار
ببص ع الشباك لقيت النهار طلع بصيت ع الفون لقيت الساعه 7 الصبح
لبست ونزلت ركبت ودورت العربيه وطلعت على الغردقة الطريق طويل حقيقى وتعبت جدا جدا وكل شوية أقف فى البريك ريست لحد ما وصلت
كلمته فى الموبايل قولتله انا وصلت قالى فين قولتله عند فندق... إللى انت قولتلى عليه
قالى خليكي عندك انا نازل
جه عليا وانا شايفاه من بعيد طول بعرض وهو حقيقي مهتم بنفسه جدا وباصصلى نفس بصته وعنيه بتلمع خدت بالى منها لما قرب منى
قالى حمد لله على السلامه
قولتله الله يسلمك
قالى شكلك مرهق اوى
قولتله ميخصكش
قالى ازاى مش يخصنى
قولتله انت جبتنى عشان تقولى الحقيقه صح
قالى لا مش صح
قولتله انت هتفضل تلعب بيا كتير يا مصطفى
قالى لا مش كده يا ساره
قولتله تمام فهمنى
قالى صوتك عالى والناس بتتفرج علينا اتفضلى اطلعى معايا
انت مجنون صح ولا شكلك بتستعبط هى مين دى إللى هتطلع معاك
سارة لو مستعدة تسمعيني اتفضلى اطلعى قدامى
طلعت واول ما لقيت كرسي اترميت عليه كنت مرهقه اوى
لقيته طالب الاكل ووصل
قالى عارف انتى بتحبي أكل ايه وجبتهولك
هههههههههههه اللعبه خلصت يا باشا قصر بقا وفهمنى
لو هتفضلى تتريقي كتير يبقى مش هقولك حاجه
تمام اتفضل قول
لا لما تاكلى الاول
كلت كم لقمه بسيطة لانى كنت جعانه فعلا
ها سمعاك
بصي يا سارة تصدقى لو قولتلك انى بحبك من أيام الجامعه
قولتله نعم جامعة ايه انا عمرى ما شوفتك وبعدين يا مصطفى انت اكبر منى ب6 سنين
قالى فعلا بس انا صاحب عمر من زمان
يعنى انت وعمر اتفقتوا عليا يا مصطفى
سارة انتى هتسمعى ولا هتفضلى تقاطعينى
لا هسمعك
على شرط
شرط ايه يا مصطفى
توعديني انك هتنفذى اى حاجه انا عايزها
لا مش هوعدك
يبقي مفيش حاجه هتعرفيها
انت بتلوى دراعى ليه خلاص مش عايزة اعرف انا ماشيه
وخارجه من الباب خلاص راح شدنى من دراعى وقربنى منه مش عارفة دى المرة الكم إللى اتنفس نفسه بس روحى بتروح منى وانا قريبه منه
قاطعنى انتى ماشيه رايحه فين انتى مجنونة صح
زقيته قولتله اه مجنونة مجنونة انى كل مرة اصدقك وانت بتكدب عليا مجنونة انى جتلك لحد هنا ووثقت فيك يمكن مرة تبقى صادق
سارة انا بحبك
وانا مبحبكش وعمرى ما هصدقك ولا هثق فيك
وقف قصاد الباب وقالى عايزة تطلعى يبقى موتيني قبل ما تطلعى
انت هتجننى يا اخى انت عايز ايه منى بتلعب بيا ليه
والله ما فكرت ألعب بيكي
وانا مش مصدقاك وعديني عشان امشي
راح مسكنى وشالنى وقعدنى على السرير وقفل الباب بالمفتاح وقالى طب اسمعى
انا يا ستى.....
بدل ماتدور وتبحث علي الروايات خليها علي تليفونك وحمل تطبيقنا
