Ads by Google X

حب بالاجبار الجزء الحادي عشر


 

ج.11 حب بالاجبار


وقام ضربنى هو كمان لحد ما مسك فازة وجاى يضربنى بيها لقيت كرم وأحمد داخلين عليا ورجالتى وراه وواضح من منظرهم كان فى ضرب برا

عمر كان هيضربنى بالفازة على دماغى أحمد مسكه من ايده ورما الفازة على الارض وضربه


لقيت سارة بتجرى عليا زى المجنونة وخايفه وبتعيط

قولتلها متقلقيش انا كويس ولا انتى متعرفيش مين مصطفى

يا سيدى انت اصلا مصطفى أبو حجر زيك زيهم😁 قلبك ده ايه انا تعبت من الفيلم الاكشن ده

انتى ايه جابك معاهم يا سارة

انا مجتش معاهم انا كنت واقفه بعيد لحد ما كرم وأحمد والعصابه بتاعتك دى ضربوا العصابه دى هيييييييي يا لهوى ده عمر😰 إللى على الأرض ده

اه هو

هو إللى خطفك

أيوة

ليه وازاى

مش قولتلك لسه متعرفيش حاجات كتير

يا مصطفى ارجوك بقا فهمنى

طب يلا بس نمشي 

ودول برضوا ماتوا ولا اتادبوا انت مين يا ابنى هو انا فى ال wwe

هههههههههههه امشي يا سارة وعملالى فيها خريجه السن ومعاكى لغات ده انتى طلعتى عبيطة اوووى

أيوة يا اخويا خريجه ألسن لكن مش كونان انا حضرتك بكتشف الغامض والمثير

هههههههههههه لا كرومبو وانتى الصادقه

بتتريق عليا والله ما تستاهل خوفى اه بصحيح

خير يا كرومبو

انت تيفا يا طف طف مقولتليش مين سوسو دى

هههههههههههه خليكي على نارك

إيه برودك ده انت بتخونى وقولتلها انك رمتنى

بصي يا شاطرة لما تكبرى هبقى اقولك

انا عايزة انزل القاهرة

انزلى يا سارة احنا وصلنا الفندق

بص انا اتضايقت من الفندق ده تمام ومن الغردقه كلها دى شؤم عليا

حرام يا سارة تقولى شؤم وتتشائمى من حاجه وفى حديث عن رسولك الكريم

عليه افضل الصلاة والسلام

بيقول تفائلوا بالخير تجدوه

وكل إللى بيحصلنا ده نصيب 

بسم الله الرحمن الرحيم

( ما أصاب مصيبة الا بإذن الله ومن يؤمن بالله يهدى قلبه )

صدق الله العظيم

ونعم بالله ، ما شاء الله عليك فاهم فى الدين اهو

يعنى الحمد لله

وانا إللى كنت فاكراك رئيس عصابه ودى رجالتك

هههههههههههه رئيس عصابه مرة واحده طب اتنيلى يا اختى ادخلى الاوضه

لما انت غنى حاجز اوضه فى الفندق ليه ، ليه مش مثلا جناح حاجه فخمه كده ☺

انتى طماعه اوى وانا تعبان وعايز انام دلوقتي 

طيب دق هطلب اكل

تمام وانا هدخل اخد دش عشان افوق


سارة

حقيقي كنت خايفه عليه جدا رغم أن من جوايا احساس بيطاردنى انه يكون بيخدعنى تانى او هيرمينى فى اى وقت حاجات كتير انا عاميه عنها وعايزة افهمها وعمر ليه خطفه وإيه سر عداوته مع نمر ومين سوسو بتاعه تيفا دى كمان بت ملزقه اوى 😠


وخرج مصطفى ولافف فوطة على وسطه وبيستعرض عضلاته قدامى


انت ايه يا باشا إللى مخرجك كده

ضحك بسخريه ايه عجبتك

اتلم وخد حاجه البسها

ما انا جوزك برضوا

لا نص جوزى

نعم يا اختى😕

اه نص خطيبي ونص جوزى يعنى فى حدود برضوا اه

هههههههههههه اول مرة اسمع نص جوزى دى ع العموم اشطا غيرك يتمنى

انت قليل الادب وربنا

وربنا عسل وانتى متعصبه ومقلوظة كده


دورت وشي عشان يحترم نفسه😠

خد هدومه ولبس الباب خبط

قولتله انا بقيت اخاف الباب ده يخبط

متخافيش اصبري

فتح الباب كان الاكل جه

حاجه تانى يا مصطفى بيه

لا ابدا اتفضل انت 

تمام عن اذنك


الله الله انت معروف هنا بقا وبرضوا غرفة المراقبه فتحوها بمنتهى السهوله انت ع وضعك وربنا 

ايه هتقرى من اولها

لا يا عم واقر ليه بس ليه اهلك ناس بسيطه وفى مكان سورى يعنى عشوائي وانت مرفه كده ولا انت شغلك شمال؟؟؟

سارة

نعم ☺

كولى وانتى ساكته

طيب😠

يلا انا هقوم انام

انت رايح فين يا مصطفى

هنام فى ايه

انت هتنام على السرير

اه 

وانا

تعالى جنبي

لا هنام انا على الكنبه

ونمت لقيته بيصحينى وهو مقرب منى وبيبصلى وبيقولى بحبك قولتله انا إللى بعشقك

كنت فاكراه حلم 

بفتح عيني وبركز لقيته حقيقي

قولتله انت بتعمل ايه

قالى مش هاين عليا اسيبك تنامى هنا على الكنبه

قومى نامى هناك وانا هنام هنا

تمام وقومت

صحيت لقيت ريهام صاحبتى بتقولى بت انتى 

ايه يا ريهام فى ايه

انا جايالك

بجد 

اه وربنا زنيت على ماما لحد ما وافقت

بس عندى خبر زفت ليكي

ايه

اتفصلتى

نعم

اه والله فصلوكى من الشغل

قفلت معاها وزعلت وكله كان عشان مصطفى

قالى سارة انتى بتعيطى ليه

فصلونى من الشغل

عشان غيابك

اه

ولا يهمك اجبلك احسن منه

ان شاء الله يا مصطفى سيبنى دلوقتي

أنا عارف انك شايفه انه بسببي بس اسمحيلى اعوض ده

تمام يا مصطفى ربنا يسهل ، ريهام صاحبتى جايه

تمام هى ركبت ولا لسه

مش عارفه شوية كده وهكلمها

تمام يلا اجهزى نازلين

على فين

هفسحك ونفطر برا مش بتحبي فطار ماك

ايوة

طب يلا بسرعه وانا هنزل تحت أقف مع كرم واحمد

اوك


مصطفى

حاولت اخفف عنها باى حاجه تسعدها ونزلت قابلت أصحابي

مصطفى باشا 

ايه يا ابو الكرم صباح الفل

صباح الفل عليك يا صاحبي

ايه أحمد مجاش انا قولت انه جه معاك

اهو وصل اهو

احمد 

ايه يا درش في حاجه 

اه شوف لسارة شغل فى الشركة

هتقولها

مش دلوقتى بس زى ما بقولك كده شوفلها شغل

هى معاها كم لغه

انجلش وفرنش والمانى

تمام احنا كنا محتاجين مترجمه فعلا 

تمام هبعتلك السي في بتاعها

تمام يا ريس

بقولك سارة وصلت بطلوا رغى بقا اووووو بص الصاروخ ده ياض يا مصطفى

على مين بدل ما اموتك هنا

الحته الاجنبيه دى

زقيته وقولتله اتلهى على عينك

سارة السلام عليكم صباح الخير

وعليكم السلام إزيك يا سارة

ايه ده هو كرم راح فين ده ملحقش يرد السلام

هههههههههههه عنده شغل

لم نفسك يا احمد يلا يا سارة ، على تليفونات يا ابو حميد

اعتبره حصل يا ريس

هو قصده ايه

لا ولا حاجه

اركبي يلا العربيه

وصلنا هناك

عجبك الفطار

اه جميل بس هنا هلاقي سوسو برضوا

هههههههههههه انتى مش هتنسي

لا ولازم اعرف هى مين

بالراحة الغيرة وحشه 

انا اغير من دى انت بتهزر

ماشي يلا عشان اخرجك ، صحيح كلمتى ريهام هتوصل امتى 

ممكن على 6 كده واعمل حسابك انا هبات معاها

ليه كيس جوافه انا 

انا مقولتش كده بس ده الصح وكمان هى وحشانى

براحتك يلا 

خدنى واتفسحنا شوية هى جميلة جدا حقيقي ودانى ووتر وورلد كنت مبهورة بالجمال والالعاب الوقت سرقنى هناك


مصطفى

كانت عامله زى الاطفال بالظبط وهى بتلعب

اول ما دخلنا بقولها اقلعى

قالتلى نعم قولتلها هدومك هتتغرق الالعاب هنا مائية انتى مش شايفه

طب هلبس ايه انا معملتش حسابي

تعالى هشتريلك مايوه شرعى

وفعلا اشترتهولها

ردت فيا الروح بضحكها وفرحتها وهزارها معايا

وهى بتجرى وعايزة تلعب هنا وهنا حسيت أنها مش حبيبتى وبس هى كمان بنتى


اليوم خلص و يا ريته ما خلص


جريت عليا مصطفى مصطفى مصطفى

انتى بتحفظى اسمى فى ايه

ريهام 😰

مالها

انا نسيتها 😭😭😭

هههههههههههه بس انا منستش

ازاى

كلمت احمد يستقبلها يا هانم

بجد

أيوة يا حبيبتى بجد

ربنا يخليك ليا يارب

يلا عشان نروح

ركبنا العربية وروحنا كانت طول الطريق نايمه شبه الملايكة

وصلنا وصحيتها عشان تنزل قالتلى انا هطلع اشوف ريهام هى فى اى اوضه

إللى جنبنا يا حبيبتي على اليمين

تمام

احمد كان واقف على باب الفندق

مصطفى

ايه يا احمد فى ايه

مصيبه

مصيبة ايه يا ابنى


ندهت عليا سارة قالتلى عايزة مفتاح الاوضه 

اطلع معاها يا مصطفى وبعدين انزلى ضرورى وحاول متحسسهاش بحاجه

تمام دقيقه ونازلك


طلعنا انا وهى قلقان ومليون حاجه فى دماغى

قالتلى انا هدخل لريهام الاول

وهجيلك

قولتلها تمام فتحت باب الاوضه لقيت...


الجزء الثاني عشر

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-