Ads by Google X
حب بالاجبار الجزء التاسع -->

حب بالاجبار الجزء التاسع

حب بالاجبار الجزء التاسع


     

    ج.9 حب بالاجبار

    هنا هتعرفوا سر من أسرار مصطفى والبارت طول لعيونكم😊😉


    راح مسكنى وشالنى وقعدنى على السرير وقفل الباب بالمفتاح وقالى طب اسمعى

    انا يا ستى صاحب عمر من زمان ولما شوفتك اتجننت عليكي وبصراحه كده كان حرام عليا لو خليتك تتجوزيه

    مش فاهمه ليه؟؟؟

    لان عمر مسابش بنت فى الجامعه الا وكان بيخونك معاها

    انت كداب وبتخدعنى صح؟

    ليه يا سارة مش عمر خانم مع انتيمتك

    احم احم اه خانى معاها واتجوزها لا ومستكفاش بكده كمان

    قاطعنى..واتجوزها فى نفس شارعكم صح

    أيوة طبيعى تبقى عارف مش صاحبه!!

    بصي يا ساره انا عارف عنك كل كبيرة وصغيرة وشايفك طول عمرى قدام عينى وانتى بتكبرى وانتى بتتخرجى من الجامعه ولما اشتغلتى

    مش شايف انك أوفر صح

    إللى بيحب بيعمل اكتر من كده

    وعرفت تفاصيلى ازاى

    من عمر ومن مراته دينا

    انت كمان تعرف دينا؟

    انا إللى زقيتها على عمر وبصراحه كده البت مخدتش فى ايدى غلوة وعمر طول عمره بتاع ستات فالبت بلفته هوا

    انت ليه بتعمل كده يا مصطفى ليه

    لأنك متستاهليش حد يخدعك لأنك انقى واصفى من ان واحد زى ده يضحك بنات الكلية عليكى مش عارف ازاى انتى كنتى عامية كده

    وانت شايف انك مخدعتنيش يا مصطفى كنت متفق مع مين عليا

    سارة انتى فى حاجات كتير متعرفهاش عنى انا متفقتش مع حد

    بس مامتك سمعتك وانت بتكلم عليا مع صاحبك وكنت مستنى منه فلوس

    دى فلوس بتاعتى يا سارة ومبلغ مش هين ودى بضاعه هو مشتريها منى ومستنى فلوسها

    بضاعة ايه ؟؟ مصطفى انا عايزة افهم!! وازاى انت قولتله لا حبيتها ايه انا مبحبش نفسي

    قرب منى وحط عينه فى عيني وقالى انتى فاكرة كل حرف اهو وعايزة تتاكدى من حبي ليكى تحبي اثبتلك

    زقيته وبعدت عنه وجريت طلعت برا كنت خدت المفتاح من جنبه

    فضلت اجرى مش عارفه قد ايه لحد ما اغمى عليا صحيت لقيت نفسي متكتفه فى أوضة ضلمة وفيها نور بسيط

    لقيت واحد بيقولى

    بقا انتى بقا نقطة ضعف مصطفى مش كده يا قطه

    قولتله انت مين وعايز منى ايه

    قالى حقى

    قولتله وانا مالى 

    قالى انتى الوحيده إللى هتجيبيه لحد هنا

    بصيت وراه لقيت مصطفى وبيشاورلى بصباعه انى اسكت

    لقيت مصطفى كتفه وقاله انت مبتتعلمش يا نمر صح

    قاله اهلا كنت متاكد انك جاى أصل إللى تجيبك لحد هنا وتتجوزها تبقى هى نقطة ضعفك

    رد مصطفى قاله انا مبيتلويش دراعى يا نمر

    وضربه لحد ما الرجل فقد وعيه

    لقيت رجالة جاية ورا مصطفى صرخت وقولتله حاسب خلى بالك

    مصطفى بص عليهم لقيته مطلع حديده من جيبه إللى يجي جنبه يضربه بيها وفى وقتها كانوا كلهم على الارض

    قولتله يخربيتك انت موتهم

    قالى متقلقيش دول اتادبوا بس

    وفكنى وخدنى ع الفندق تانى

    قولتله يا ابنى فهمنى انت مين 

    قالى ممكن تنامى دلوقتى يا سارة بس قومى خدى دش الاول وغيري هدومك دى انتى مش شايفه منظرك

    قولتله لا انا هروح عشان ماما

    قالى انا كلمتهم وفهتمتهم كل حاجه

    قولتله وأهلك طيب إللى اتبروا منك

    سارة اهدى وخدى دش وشايفه الشنطة إللى هناك دى

    قولتله أيوة 

    دى فيها شوية هدوم ليكي نقي إللى أنتى عايزاه والبسيه

    فتحت الشنطة لقيت فيها هدوم تحفه وشكلها غالى جدا طب ازاى اهله ناس بسيطه كده وهو واضح انه غنى وكمان له أعداء

    المهم خدت دش ولبست ترنج وخرجت

    قالى ايه ده

    قولتله نعم حضرتك

    ايه إللى أنتى لبساه ده فى حاجات تانيه تلبسيها

    قولتله بص مش معنى انى كاتبين كتابنا البس قصير تمام وكفاية شعرى 

    قالى حاضر بس قمر بشعرك والله

    قولتله قوم

    اقوم اروح فين

    عشان هنام

    طب وانا مش هنام

    لا نام ع الكنبه

    حاضر اؤمرى......سارة

    نعم

    مسمحانى

    لا

    طب مش ناوية

    لا ونام بقا

    طب تصبحى على عيونى

    نعم يا اخويا

    نامى يا سارة نامى


    استنيت شوية وقومت ابص عليه لقيته مغمض عيونه معرفش ليه ضعفت و كنت عايزة ألعب فى دقنه قربت منه لقيته فتح عينيه

    منمتيش يعنى

    هنام اهو انا كنت بشوف فين الريموت

    هتنامى وعايزة الريموت طب العبي غيرها يا شاطرة وتعالى هنا

    خدنى فى حضنه زقيته وقولتله ابعد بقا

    مش هسيبك غير لما تسامحيني 

    لا واوعى بقا 

    برضوا

    اه

    طب روحى نامى خلاص

    ايه ده زعلت

    اه

    اتفلق😁

    وجريت نمت ضحك وقالى ماشي


    الصبح بقا

    سارة قومى حضرتلك الفطار

    سيبنى انام شوية


    مصطفى

    انا عمرى ما حبيت اجرحها ولا اخدعها انا طول عمري وانا بحبها وكنت عايزها ليا وهى لو كانت اتجوزت عمر كانت هتعيش طول عمرها تعيسه سارة فى حاجات كتير متعرفهاش

    سيبتها تنام ونزلت انا لانها تعبانه جدا ومجهده

    قابلت كرم صاحبي

    ايه يا زميلى

    عامله ايه يا ابو الكرم

    تمام يا صاحبي الا صحيح هو انت امبارح علمت على نمر تانى

    قول عاشر ده مبيتعلمش

    طب مقولتش لسارة انت ايه اختفيت

    لا لسة مش عارف كنت هقولها الموضوع ده ازاى

    سارة من حقها تعرف كل حاجه يا مصطفى

    عارف بس مش حابب اعيشها فى قلق

    طب هتعمل ايه هتاخدها وتنزل القاهرة

    لا مش دلوقتى انا كلمت أهلها وقولتلهم كان عندى شغل ضرورى وحاولت اكدب كام كدبه وفى الاخر قولتلهم هنقضي هنا كم يوم عشان سارة تفك عن نفسها

    بالسهولة دى رضيوا

    بنتهم الوحيده يا عم 

    طب أشطا اسيبك انا

    رايح فين يا فقر

    فى مزز كتير مستنيانى

    انت مش هتبطل العادد المهببه دى

    إللى فيه طبع بقا يا معلم

    الله يسهلوا يابا


    سيبته واتمشيت شويه لقيت فستان فيروزى طويل ومفتوح من الضهر وشيك جدا شكله فى سارة بالظبط وانا عارف مقاسها اشتريته ومعاه بوكيه ورد وطلعت الفندق

    فتحت الاوضة واتفاجات ان سارة مش موجوده

    اتصلت بيها تليفونها فى الاوضة

    نزلت زى المجنون ادور عليها وروحت لنمر

    فين سارة يا نمر

    معرفش

    يعنى ايه متعرفش ساره هنا يا سارة يا سارة

    اتفضل دور

    دورت فى حتة حتة مش موجوده

    صدقت بقا 

    يعنى راحت فين اتشقت الأرض وبلعتها

    يمكن العصفورة راحت تشوفلها عش تانى

    مسكته ضربته ورجالته جت عشان تضربنى

    راح شاورلهم وقالهم معلش اعذروه أصل الموزة هربت


    زقيته ونزلت اتصلت على كرم

    كرم دورلى فى الرحلات على اسم سارة سليم محمود

    حاضر هى هربت

    ممكن وممكن تكون اتخطفت

    عربيتها فين يا مصطفى

    فى الجراج

    طيب نص ساعه وابلغك

    طلعت الفندق ببص لقيت فى وشي..


    تفتكروا شاف مين؟؟


          الجزء العاشر

    إرسال تعليق